ვაქცინის შიში: მზად არიან თუ არა თბილისელები ვაქცინაციისთვის
(განახლებულია 20:01 27.03.2021)
საქართველოს მოსახლეობას ახლა უკვე შეუძლია აირჩიოს, რით დაიცავს თავს კორონავირუსისგან - Pfizer-ის თუ AstraZeneca-ს ვაქცინით. მაგრამ აცრის მსურველები ჯერჯერობით მაინც ცოტაა. ნახეთ Sputnik-საქართველოს გამოკითხვა ამ აქტუალურ თემაზე საქართველოში უკვე მეორე კვირაა, რაც კორონავირუსზე ვაქცინაციის პროცესი მიმდინარეობს. პირველ ეტაპზე სამედიცინო სფეროს მუშაკები იცრებიან. მალე ვაქცინაცია 65 წელს ზემოთ ასაკის ადამიანებისთვისაც იქნება ხელმისაწვდომი, შემდეგ კი ყველა დანარჩენისთვისაც.
მაგრამ თბილისელების უმეტესობა საერთოდ არ აპირებს აცრას COVID-19-ზე და ამასთან დაკავშირებით ეჭვებს არ მალავს, მიუხედავად იმისა, რომ ჯანდაცვის სამინისტროს გაფრთხილების თანახმად, საყოველთაო ვაქცინაცია აუცილებელია კორონავირუსის დასამარცხებლად.
ჰასკის არ სურს საყვარელი პატრონის სამსახურში გაშვება - სახალისო ვიდეო
(განახლებულია 12:58 18.04.2021)
შინაური ცხოველები ინტერნეტში გავრცელებული სახალისო და საყვარელი ვიდეოების დიდი ნაწილის მთავარი გმირები არიანძაღლს ძალიან ემოციური რეაქცია ჰქონდა პატრონის იმ სულელურ გადაწყვეტილებაზე, რასაც სამსახურში წასვლა ქვია.
კადრებში ჩანს, როგორ წევს ძაღლი საკუთარ ბალიშზე, მამაკაცი კი მას ეუბნება, რომ სამსახურში მიდის. ჰასკი მყისიერად კართან დგება და ცდილობს პატრონი იქ არ მიუშვას, უყეფს მას და ამგვარად ცდილობს სამსახურში წასვლა გადააფიქრებინოს. მიუხედავად პატრონის დაპირებისა, რომ ის მალე დაბრუნდება, ცუგას არაფერი ამშვიდებს, მან უკვე მიიღო გადაწყვეტილება! დღეს მისი პატრონი სახლში დარჩება.
იაგუარი VS ნიანგი: საშიში მტაცებლების დაპირისპირება - ვიდეო
ველურ ბუნებაში მისი ყველა ბინადრისთვის უამრავი საშიშროება არსებობს, ხანდახან ყველაზე ძლიერი მტაცებლებიც კი აღმოჩნდებიან სხვისი სამიზნეები.
ბრძოლა COVID-19-თან: რეგულაციების დარღვევის რამდენი ფაქტი გამოვლინდა ბოლო 24 საათში
(განახლებულია 12:22 18.04.2021)
შექმნილი ეპიდვითარების გამო საქართველოში 28 ნოემბრიდან დაწესებული რეგულაციებიდან დარჩენილია „კომენდანტის საათი“, პირბადე, დისტანცია და რამდენიმე სხვა შეზღუდვა.
თბილისი, 18 აპრილი – Sputnik. პოლიციამ ბოლო 24 საათის განმავლობაში მთელი ქვეყნის მასშტაბით დაწესებული შეზღუდვების ფარგლებში მოქმედი რეგულაციების დარღვევის 1.437 ფაქტი გამოავლინა, იუწყება შინაგან საქმეთა სამინისტრო.
არსებული ეპიდემიოლოგიური ვითარების გამო საქართველოში 28 ნოემბრიდან ახალი შეზღუდვები ამოქმედდა, რომლებიც 2021 წლის 31 იანვრის ჩათვლით იყო ძალაში. შეზღუდვების ეტაპობრივი შემსუბუქების გეგმა საქართველოს პრემიერ-მინისტრმა ირაკლი ღარიბაშვილმა თებერვლის ბოლოს წარმოადგინა და შეზღუდვების ეტაპობრივად მოხსნაც დაიწყო. თუმცა ძალაში რჩება წესები, რომლებიც ეხება პირბადის ტარებას, ღამით გადაადგილების აკრძალვას და სხვ.
პოლიციამ იზოლაციისა და კარანტინის წესის დარღვევისთვის 122 ფიზიკური პირი დააჯარიმა.
დაჯარიმებულთა შორის არიან მოქალაქეები, რომლებმაც საღამოს 9 საათიდან დილის 5 საათამდე დაწესებული გადაადგილების შეზღუდვის წესი დაარღვიეს.
გარდა ამისა, 24 საათის განმავლობაში პირბადის ტარების წესის დარღვევის ფაქტზე 1.179 ფიზიკური პირია დაჯარიმებული, ხოლო პირბადის ტარების წესის განმეორებით დარღვევის 136 ფაქტი გამოვლინდა.
პირბადის ტარების წესის დარღვევა ითვალისწინებს ჯარიმას 20 ლარის ოდენობით, ხოლო პირბადის ტარების წესის განმეორებით დარღვევა ისჯება 40 ლარიანი ჯარიმით.
იზოლაციისა და კარანტინის წესის დარღვევა ფიზიკური პირის დაჯარიმებას 2 ათასი ლარით, ხოლო იურიდიული პირის – 10 ათასი ლარის ოდენობით. განმეორებითი ჯარიმა კი სისხლისსამართლებრივ პასუხისმგებლობას ითვალისწინებს.
შინაგან საქმეთა სამინისტრო მოუწოდებს მოქალაქეებს, გამოიჩინონ მაღალი საზოგადოებრივი პასუხისმგებლობა და დაემორჩილონ არსებულ რეგულაციებს.