ოპოზიციამ მელიას მხარდასაჭერად თბილისიდან რუსთავში ავტომსვლელობა მოაწყო ვიდეო

248
(განახლებულია 22:24 24.02.2021)
„ნაციონალური მოძრაობის“ ლიდერის ნიკა მელიას მხარდასაჭერად ოპოზიციის მიერ ორგანიზებულ თბილისიდან რუსთავის მიმართულებით ავტომსვლელობაში მონაწილეობა ასზე მეტმა მანქანამ მიიღო. დაწვრილებით – იხილეთ „Sputnik-საქართველოს“ ვიდეო.

ავტომსვლელობის მონაწილეები თბილისის ცენტრში შეიკრიბნენ და რუსთავისკენ გაემართნენ. სწორედ რუსთავის ციხეში იმყოფება ოპოზიციური პარტიის ლიდერი ნიკა მელია. გაერთიანებული ოპოზიციის ლიდერები და ოპოზიციის მხარდამჭერები მელიას პოლიტპატიმრად მოიხსენიებენ და მის დაუყოვნებლივ გათავისუფლებას მოითხოვენ. 

ნიკა მელიას 2019 წლის 20–21 ივნისის არეულობების ორგანიზება ედება ბრალად. მან უარი თქვა გირაოს გადახდაზე. 17 თებერვალს სასამართლომ პროკურატურის მოთხოვნა დააკმაყოფილა და მელიას დაპატიმრების გადაწყვეტილება მიიღო.

ნიკა მელია მიიჩნევს, რომ ხელისუფლებას მისი პოლიტიკური პროცესებისგან იზოლირება სურს და სასამართლოს გადაწყვეტილებას დაუმორჩილებლობა გამოუცხადა. ბოლო დღეების განმავლობაში „ნაცმოძრაობის“ ლიდერი პარტიის ოფისში იმყოფებოდა თანამოაზრეებთან ერთად. ის 23 თებერვალს სპეცოპერაციის შედეგად დააკავეს, რომლის ჩატარების განკარგულებაც ახალმა პრემიერ-მინისტრმა ირაკლი ღარიბაშვილმა გასცა.

248
თემები:
 „ცხელი გაზაფხული“:  პოლიტიკური ვნებათაღელვა საქართველოში (27)

ბრაკონიერებისგან გადარჩენილი ლომისა და ზედამხედველის შეხვედრა - ვიდეო ნამდვილ სიყვარულზე

15
(განახლებულია 14:58 14.04.2021)
ერთ-ერთ ყველაზე საშიშ მტაცებელს ისევე შეუძლია მთელი გულით ადამიანის შეყვარება, როგორც შინაურ ცხოველებს, ან თუნდაც თავად ადამიანებს

ვიდეო გამოქვეყნდა პორტალზე Reddit, სადაც პოსტის ავტორი წერდა, რომ პატარა ბოკვერი ბრაკონიერებისგან იხსნეს და ნაკრძალში გადაიყვანეს. სწორედ აქ გაიცნო მან საკუთარი ზედამხედველი, რომელიც მას უვლიდა და პატრონობდა. მას შემდეგ ისინი საუკეთესო მეგობრებად იქცნენ.

15

საინტერესო ექსპერიმენტი: როგორ რეაგირებს ქამელეონი ფერად სათვალეებზე

38
(განახლებულია 16:52 14.04.2021)
ქამელეონების საოცარი თვისების შესახებ, რომ ისინი გარემოს შესაბამისად იცვლიან ფერს, ყველას სმენია. მაგრამ საკუთარი თვალით ცოტას თუ უნახავს, როგორ ხდება ეს.

ამ ვიდეოში ჩანს, როგორ ულაგებს ადამიანი ქამელეონს თათებთან სხვადასხვა ფერის სათვალეებს და ისიც მომენტალურად იწყებს ფერის ცვლას.

ყველაზე საინტერესო მაინც ბოლოში ხდება: ქამელეონს რამდენიმე სხვადასხვა ფერის სათვალეს ერთდროულად უდებენ წინ და „მგრძნობიარე ხვლიკიც“ მყისიერად იწყებს აჭრელებას.

38
სახლი ხობის მუნიციპალიტეტის სოფელ პირველ მაისში, სადაც ბაბუამ 24 წლის შვილიშვილი დაჭრა

ხობში 80 წლის ბაბუამ შვილიშვილი დაჭრა

0
(განახლებულია 16:09 14.04.2021)
ამ დროისთვის დაჭრილი 24 წლის ახალგაზრდა ხობის საავადმყოფოშია გადაყვანილი, სადაც ქირურგიული ოპერაცია უტარდება.

თბილისი, 14 აპრილი - Sputnik. ხობის მუნიციპალიტეტის სოფელ პირველ მაისში ბაბუამ  შვილიშვილი დაჭრა, იუწყება „Sputnik-საქართველოს“ კორესპონდენტი.

შემთხვევა ჯახუთის დასახლებაში დღეს, დაახლოებით 1,5 საათის წინ მოხდა.

გავრცელებული ინფორმაციით, დანაშაულის მოტივად ოჯახური კონფლიქტი სახელდება – 80 წლის მამაკაცსა და  24 წლის შვილიშვილს შორის სიტყვიერი დაპირისპირება მოხდა, რა დროსაც მამაკაცმა შვილიშვილი დანით დაჭრა.

პოლიციამ  დანაშაულში ეჭვმიტანილი უკვე დააკავა, გარდა ამისა, ნივთმტკიცებად ამოღებულია დანაშაულის ჩადენის იარაღი – დანა.

მომხდარ ფაქტზე გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის მცდელობის ფაქტზე სსკ-ის 11 პრიმა-109-ე მუხლის მეორე ნაწილის „ვ“ ქვეპუნქტით მიმდინარეობს.

ნიკა ლატარია

0
თემები:
შემთხვევები საქართველოში