ღარიბაშვილმა დაკავებები დაიწყო, ოპოზიცია კი პროტესტს გამოთქვამს ვიდეო

81
(განახლებულია 20:35 23.02.2021)
სამშაბათს ყველაზე დიდი ოპოზიციური პარტია „ერთიანი ნაციონალური მოძრაობის“ თავმჯდომარე ნიკა მელია დააკავეს.

საქართველოს პრემიერ-მინისტრად კიდევ ერთხელ დაინიშნა ირაკლი ღარიბაშვილი, რომელმაც მაშინვე განაცხადა, რომ შეჩერებას არ აპირებს და ნიკა მელია უნდა დააკავონ.

რამდენიმე დღით ადრე ენმ-ის ლიდერის დაკავების გამო პრემიერ-მინისტრის პოსტი დატოვა გიორგი გახარიამ და ღიად განაცხადა მმართველი პარტიის პოლიტსაბჭოსთან უთანხმოების შესახებ. ის მიიჩნევდა, რომ ოპოზიციური პარტიის ოფისის შტურმი სიტუაციის ესკალაციას გამოიწვევდა.

ნიკა მელიას 2019 წლის 20–21 ივნისის არეულობების ორგანიზება ედება ბრალად. მან უარი თქვა გირაოს გადახდაზე. 17 თებერვალს სასამართლომ პროკურატურის მოთხოვნა დააკმაყოფილა და მელიას დაკავების გადაწყვეტილება მიიღო. ნიკა მელია მიიჩნევს, რომ ხელისუფლებას მისი პოლიტიკური პროცესებისგან იზოლირება სურს და სასამართლოს გადაწყვეტილებას დაუმორჩილებლობა გამოუცხადა.

ბოლო დღეების განმავლობაში „ნაცმოძრაობის“ ლიდერი პარტიის ოფისში იმყოფებოდა თანამოაზრეებთან ერთად.

მისი დაკავების შემდეგ ოპოზიციამ ახალი მიტინგი გამართა კანცელარიასთან და მასშტაბური აქციებიც დააანონსა. პოლიტიკური კრიზისის გადაჭრაზე მოლაპარაკებების შესახებ ჯერ არავინ საუბრობს.

81

6 წლის სიმსივნიანი გოგონას ასრულებული ოცნება: მსოფლიოში ყველაზე მცირეწლოვანი პოლიციელი

19
ტეხასელი ექვსი წლის ებიგეილ არიასი თირკმელების კიბოს ებრძვის. ქალაქის პოლიციის სამმართველომ გადაწყვიტა, ებიგეილის ოცნება აესრულებინა და ის პოლიციის რიგებში ყველა წესის დაცვით მიიღეს

ვილმსის სიმსივნე (ნეფრობლასტომა) თირკმელების იშვიათი სიმსივნეა ბავშვებში, რომელიც პატარა გოგონას ჯანმრთელობას გაორმაგებული ძალებით უტევს, მედიცინა კი მის წინაშე უძლურია.

"მე კიბო მაქვს, ცუდი ბიჭები ახლა ჩემ ფილტვებში არიან და გვიტევენ", – ამბობს ებიგეილი.

მრავალკვირიანი განცდებისა და ნერვიულობის შემდეგ ექიმებმა ბავშვის მშობლებს მასთან გატარებული დროით დატკბობა ურჩიეს. 

"რომ გამოიარო ეს ყველაფერი და გააცნობიერო, რომ არაფერი შეგიძლია საკუთარი შვილის გადასარჩენად, როგორც მშობლისთვის, ეს ძალიან რთულია. ჩვენ ძალიან გაგვიჭირდა ამის გადატანა", – თქვა ებიგეილის მამამ რუბენ არიასმა.

ოჯახმა გასული წლის დეკემბერში ფრიპორტის პოლიციის უფროსი რეი გარივეი გაიცნო და დაუახლოვდა. პატარა გოგონამ მას ოცნება გაუმხილა, უთხრა, რომ პოლიციელობა სურდა... 

და რეი გარივეიმ გოგონასთვის უნიფორმა შეაკერინა. 7 თებერვალს კი ებიგეილმა ფიცი დადო ახლობლების, პოლიციელებისა და რამდენიმე ადგილობრივი საინფორმაციო საშუალების თანხლებით.

 

19

ცხოვრება 100 წლის შემდეგ როგორი იქნება სამყარო? ვიდეო

91
(განახლებულია 21:20 25.02.2021)
გსურთ გაიგოთ, თუ რა შეიცვლება100 წლის შემდეგ? მაშინ შემოთავაზებული ვიდეო თქვენთვისაა

ადამიანს აინტერესებს მომავალი – აინტერესებს, როგორი იქნება ცხოვრება 10, 20 და მეტი წლის შემდეგ; რა ტექნოლოგიები იარსებებს, რა მასალისგან დამზადდება ავტომობილები თუ სამოსი, როგორი იქნება არქიტექტურა...

 

91
სარემონტო სამუშაოები გაზსადენზე

თბილისის ცენტრალურ გაზსადენზე ავარიაა

4
(განახლებულია 13:23 26.02.2021)
გაზმომარაგების უმოკლეს დროში აღდგენისთვის ამ დროისთვის ინტენსიური სამუშაოები მიმდინარეობს. გაზმომარაგება 27 თებერვალს 21:00 საათამდე სრულად აღდგება.

თბილისი, 26 დეკემბერი – Sputnik. თბილისის გაზმომარაგების ცენტრალურ მაგისტრალზე ავარიის გამო თემქის დასახლებასა და ავჭალის ნაწილს გაზმომარაგება ავარიულად შეუწყდა. იუწყება კომპანია  „თბილისი ენერჯი“. 

კომპანიიც ცნობით, „თბილისი ენერჯის“ სპეციალური ჯგუფები ადგილზე სრულადაა მობილიზებული.

„გაზმომარაგების უმოკლეს დროში აღდგენისთვის ამ დროისთვის ინტენსიური სამუშაოები მიმდინარეობს. აღნიშნული სამუშაოები დღეს დღის ბოლომდე დასრულდება“, – აღნიშნულია კომპანიის განცხადებაში.

გაზმომარაგება, უსაფრთხოების ნორმებიდან გამომდინარე, ხვალ, 27 თებერვალს 21:00 საათამდე სრულად აღდგება.

„თბილისი ენერჯი" დედაქალაქს ბუნებრივი გაზით 8500 კილომეტრის საშუალო და დაბალი წნევის მიწისქვეშა და მიწისზედა გაზსადენების საშუალებით ამარაგებს.

4
თემები:
შემთხვევები საქართველოში