პოლიციასთან შეტაკება და დაკავებები: ოპოზიციას პარლამენტთან კარვის გაშლა უნდოდა ვიდეო

92
(განახლებულია 22:18 19.02.2021)
სამოქალაქო ატივისტების ჯგუფმა პარლამენტთან კარვის გაშლა სცადა. დაწვრილებით – იხილეთ „Sputnik-საქართველოს“ ვიდეო.

ოპოზიციის მომხრეებმა პარასკევს, დღისით რუსთაველის გამზირზე, პარლამენტის შენობასთან კარვის გაშლა სცადეს. მომიტინგეები პარალელურად ვადამდელ არჩევნებს მოითხოვდნენ.

ადგილზე გადაიტყორცნა პოლიციის ძალები. დემონსტრანტებსა და პოლიციას შორის დაიწყო შეტაკებები, რაც, შსს-ს მონაცემებით, 10 ადამიანის დაკავებით დასრულდა. ამ დროისათვის ქალაქის ცენტრში სიწყნარეა, სატრანსპორტო გადაადგილება ჩვეულ რეჟიმში გაგრძელდა.

92

დაპირისპირება სასულიერო პირებს შორის: შემთხვევა ჭყონდიდის ეპარქიაში ვიდეო

60
(განახლებულია 22:53 08.03.2021)
მარტვილში, ჭყონდიდის ეპარქიაში დაპირისპირების შედეგად ათამდე ადამიანი დაშავდა. იხილეთ „Sputnik-საქართველოს“ ვიდეოკადრები შემთხვევის ადგილიდან.

ეპარქიის მსახურებისა და სასულიერო პირების დაპირისპირება მრევლთან მას შემდეგ დაიწყო, რაც ჭყონდიდისა და მარტვილის მიტროპოლიტმა სტეფანემ ორ დიაკვანს მღვდელმსახურებაში მონაწილეობა აუკრძალა.

მოკვეთილ დიაკვნებს მრევლის ნაწილი გამოესარჩლა. სასულიერო პირებსა და საეროებს შორის ურთიერთობის გარკვევისას შენობის მეორე სართულის აივანზე ხის მოაჯირი მოირღვა და ხალხი ქვემოთ გადაცვივდა. დაშავდა ათამდე ადამიანი, მათ შორის ტელეკომპანიების „ფორმულის“, POSTV-ს, „TV პირველისა“ და „რუსთავი 2“-ის ჟურნალისტები.

დაშავებულები სასწრაფო დახმარების ბრიგადებმა საავადმყოფოში გადაიყვანეს. საქართველოს საპატრიარქო ჯერჯერობით მომხდართან დაკავშირებით კომენტარს არ აკეთებს.

60

თბილისსა და საქართველოს სხვა ქალაქებში "ათასი მშობლის მარში" ჩატარდა ვიდეო

31
(განახლებულია 22:19 08.03.2021)
თბილისსა და საქართველოს კიდევ ცხრა ქალაქში ორშაბათს „ათასი მშობლის მარში“ გაიმართა ბავშვებზე სექსუალური ძალადობის წინააღმდეგ. დაწვრილებით – იხილეთ „Sputnik-საქართველოს“ ვიდეო.

თბილისში მარშის მონაწილეებმა – სამოქალაქო სექტორის წარმომადგენლებმა, უფლებადამცველებმა და რიგითმა მოქალაქეებმა პირველი რესპუბლიკის მოედანზე მოიყარეს თავი. შემდეგ მათ რუსთაველის გამზირზე მსვლელობა გამართეს და მთავრობის ადმინისტრაციის შენობასთან მივიდნენ.

დღევანდელი მარში ჩატარდა ლოზუნგით „შენი შვილისთვის, ჩვენი შვილებისთვის, გოგონებისათვის!“ მსგავსი აქციები და მარშები საქართველოს ათ ქალაქში რეგულარულად გაიმართება 100 დღის განმავლობაში.

არასამთავრობო ორგანიზაცია „ქალთა მოძრაობამ“ ძალადობის წინააღმდეგ კამპანია ზოგადად ბავშვებზე და კერძოდ 14 წლის ქობულეთელ ნინიზე ძალადობის წინააღდეგ წამოიწყო, რომელმაც სიცოცხლე თვითმვლელობით დაასრულა მას შემდეგ, რაც ოჯახს 23 წლის მამაკაცთან სექსუალური კონტაქტის შესახებ გამოუტყდა. თუმცა მოზარდი ძალადობის მსხვერპლი ოჯახის წევრების მხრიდანაც გახდა. მისი გარდაცვალებიდან მალევე დააკავეს არა მხოლოდ ახალგაზრდა მამაკაცი, რომელმაც მასზე იძალადა, არამედ გარდაცვლილის ბაბუც.

„1000 მშობლის მარშს“ ხუთი ძირითადი მოთხოვნა აქვს.

აქციის მონაწილეები მოითხოვენ: შევიდეს ცვლილებები სისხლის სამართლის კოდექსში გაუპატიურების მუხლში, რათა კანონმა გაითვალისწინოს ისეთი ასპექტი, როგორიცაა მსხვერპლის თანხმობა; პროკურატურაში შეიქმნას სექსუალური ძალადობის შემთხვევების საძიებო სპეცდანაყოფი; სქესობრივი განათლება იქცეს საგანმანათლებლო სისტემის ნაწილად, რათა ბავშვებმა სექსუალური ძალადობისგან თავის დაცვა შეძლონ; გაიზარდოს ბავშვთა ფსიქოლოგებისა და სოცმუშაკების რაოდენობა; პასუხისგებაში გადაეცეს პროკურორი, რომელიც ორ თვეზე მეტხანს იძიებდა აჭარელი მოზარდი გოგონას საქმეს, რომელმაც გაუპატიურების შესახებ იჩივლა.

31
ადამიანის ფსიქოლოგია

ზოდიაქოს ნიშნები და მათი „შინაგანი დემონები“

0
(განახლებულია 13:07 08.03.2021)
თითოეულ ადამიანს აქვს ხასიათის ბნელი მხარეები, რომლებსაც „შინაგანი დემონები“ ეწოდება. ასტროლოგებმა ზოდიაქოს თითოეული ნიშნისთვის დამახასიათებელი ბნელი მხარეები გამოყვეს

ძლიერ ადამიანებს შესწევთ უნარი, რომ ამ „შინაგან დემონებს“ ებრძოლონ და ბრძნული რჩევები გაითვალისწინონ. რას ამბობენ ექსპერტები ზოდიაქოს ნიშნების შინაგან ბნელ მხარეებზე და რას ურჩევენ მათ ამის დასაძლევად – შეიტყვეთ ჩვენი ჰოროსკოპიდან.

ზოდიაქოს ნიშნები და მათი მავნე ჩვევები>>

ვერძი

ვერძების მთავარი დემონი – ეს ზედმეტობა და გადაჭარბების სიყვარულია. თქვენ არ იცით საზღვარი არც მუშაობაში, არც დასვენებაში, ცხოვრებით ტკბობასა და გართობაში, ოღონდ არა ერთდროულად, არამედ ცხოვრების სხვადასხვა ეტაპზე. უბრალოდ, არ შეგიძლიათ შეჩერება, როცა ეს აუცილებელია. მეორე მხრივ, სწრაფვა, რომ ყველაფერი ერთად და ერთდროულად ჩაიგდოთ ხელში, თქვენთვის საოცარი მოტივაციის როლს ასრულებს.

კურო

კუროებს ძალიან გეშინიათ მარტო დარჩენის. გეშინიათ, რომ ერთ დღეს ყველა ზურგს გაქცევთ. ამის გამო ხშირად მეგობრობთ პირველ შემხვედრთან იმის ნაცვლად, რომ საუკეთესო ადამიანები იპოვოთ. ადამიანების ასეთი განურჩევლობა ხანდახან განგაშის გრძნობასთან ბრძოლაში გეხმარებათ, მაგრამ ეს არცთუ ხშირად ხდება.

ტყუპი

ტყუპის მთავარი დემონი – ეს თავისუფლებისმოყვარეობაა. ვერ იტანთ, როდესაც რაღაცაზე მიგითითებენ, გმართავენ ან გზღუდავენ. ეს დემონი თქვენგან მტკიცე მოქმედებებს მოითხოვს. ხშირად უარყოფთ იმ ადამიანებს, ვინც თქვენზე ზრუნავენ.

ზოდიაქოს ნიშნების კომპლექსები>>

კირჩხიბი

გიყვართ ჭორაობა და ხმების გავრცელება და ამაში საკუთარ თავსაც კი არასდროს გამოუტყდებით. თქვენთან ძალიან ფრთხილად უნდა იყვნენ ადამიანები. მეორე მხრივ, თუ ვინმე ძვირფასია თქვენთვის, მათ შესახებ არასდროს არავის არაფერს არ მოუყვებით.

ლომი

ლომები „ჩაციკლული“ ხართ იმაზე, რომ ყოველთვის ყველაზე უკეთესი იყოთ. ეს სასარგებლო სწრაფვაა, მაგრამ ხშირად ძალიან შორს „შეტოპავთ“ ხოკმე. ასეთ შემთხვევაბში ყველაფერი გავიწყდებათ და მხოლოდ სამუშაოზე, ბიზნესზე, წარმატებასა და ფულზე ხართ გადართული.

ქალწული

თქვენი მთავარი დემონი პერფექციონიზმია, რომელიც გაკეთებულ სამუშაოში, ადამიანებში, ნივთებბში მუდამ რაღაც ნაკლს ეძებს. გიყვართ, როდესაც ყველაფერი წინასწარ შედგენილი გრაფიკის მიხედვით ხდება. ამ შინაგანი „მეს“ გამო ხშირად გიცრუვდებათ იმედები.

ასტრორეიტინგი: ზოდიაქოს ყველაზე ზარმაცი ნიშნები – ტოპ-ხუთეული>>

სასწორი

ერთი განსაკუთრებულად აქტიური დემონი გყავთ, რომელსაც ჰქვია „არაუშავს, კარგი“. ამას ხშირად ეუბნებით საკუთარ თავს, როცა რაღაც ცუდი ხდება, ირგვლივ ბევრი სირთულე და პრობლემაა. აზროვნებთ ოპტიმისტურად, რაც კარგია, მაგრამ ხშირად აგებთ იმის გამო, რომ არ აღიარებთ პრობლემის არსებობას, რომელიც დაუყოვნებლივ გადაწყვეტას საჭიროებს.

მორიელი

თქვენი მთავარი დემონი შურისმაძიებლობაა. ბევრი ამბობს, რომ ეჭვიანები ხართ, მაგრამ ეჭვიანობა ხშირად ნორმის ფარგლებს არ სცდება, რასაც ვერ ვიტყვით თქვენს გულღძოობასა და ბოღმის გულში ჩადებაზე. ხანდახან საკუთარ თავსაც აშინებთ, იმდენად კარგად გახსოვთ ადრინდელი წყენა.

მშვილდოსანი

თქვენი შინაგანი დემონი მანიპულაციებისადმი მიდრეკილებაა. შეგიძლიათ და გიყვართ ურთიერთობების სხვადასხვა დონეზე ადამიანებით მანიპულირება და ამას ისეთი უდიდესი ოსტატობით აკეთებთ, რომ ვერავინ ხვდება.

ზოდიაქოს ნიშნები სიმთვრალეში>>

თხის რქა

თქენი დემონი უნდობლობაა. ამის გამო სწრაფად ვერ პოულობთ სიყვარულს, მეგობრებს. გეშინიათ, რომ მოგატყუებენ ან გიღალატებენ. აფასებთ საკუთარ დროსა და ძალებს, მაგრამ ხშირად ამის გამო მარტოობით ზღვევთ.

მერწყული

თქვენში ეჭვიანი დემონი ზის, რომელიც თავისუფლებას არ აძლევს იმ ადამიანებს, რომლებსაც უყვარხართ. „შეშლილი“ ხართ კონტროლზე. გჭირდებათ, რომ ყოველდღე და ყოველ წუთს დარწმუნებული იყოთ, რომ ვინც თქვენ გარშემოა, სხვა არავინ ჰყავთ ისეთი, რომლებსაც თქვენნაირად ეპყრობიან. თქვენ გამონაკლისი შემთხვევა უნდა იყოთ.

თევზები

თქვენი მთავარი მტერი და შინაგანი დემონი – ეს სიზარმაცეა. შეგიძლიათ მასთან გამკლავება, მაგრამ ამას ყოველთვის არ აკეთებთ. სიზარმაცე ხშირად გძლევთ და ამის გამო არღვევთ დანაპირებს. შედეგად, ირგვლივ მყოფების თვალში არასაიმედონი მოსჩანხართ.

ზოდიაქოს ნიშნების კრიმინალური „ქრონიკა">>

0