აღმოჩნდება თუ არა საქართველო ახალი პოლიტიკური კრიზისის წინაშე? - ვიდეო

72
საქართველოს პრემიერ–მინისტრი გიორგი გახარია დღეს თანამდებობიდან გადადგა ქვეყანაში არსებული პოლიტიკური კრიზისის ფონზე. რა ხდებოდა „ერთიანი ნაციონალური მოძრაობის“ ოფისში გასული ღამით და ამ დილით, იხილეთ Sputnik საქართველოს ვიდეოში

დღე ყველა ელოდებოდა, რომ პოლიცია შტურმ მიიტანდა „ნაცმოძრაობის“ ოფისზე ნიკა მელიას დაკავების მიზნით. პოლიცია ოფისთან მივიდა კიდეც და ოფიციალურად წაიკითხა სასამართლოს დადგენილება, მაგრამ მოულოდნელად ქვეყნის პრემიერ–მინისტრმა გიორგი გახარიამ გამოაცხადა, რომ თანამდებობას ტოვებდა. გადადგომის მიზეზად გახარიამ მელიას საკითხის გამო მმართველ პარტიასთან უთანხმოება დაასახელა.  

შინაგან საქმეთა სამინისტრომ კი რამდენიმე წუთის შემდეგ განაცხადა, რომ „ენმ–ს“ ლიდერის დაკავების აღსრულება გადადო.

72

ოპოზიციამ თბილისის ცენტრში საპროტესტო აქციაზე ათასობით ადამიანი გამოიყვანა - ვიდეო

41
თბილისის ცენტრში ოპოზიციამ, არასამთავრობო ორგანიზაციებმა და სამოქალაქო აქტივისტებმა მასობრივი საპროტესტო აქცია-მსვლელობა გამართეს. ისინი აპროტესტებენ „ერთიანი ნაციონალური მოძრაობის“ ლიდერ ნიკა მელიას დაპატიმრებას და მოითხოვენ ვადამდელ არჩევნებს

აქციის მონაწილეებმა მსვლელობა კოსტავას ქუჩიდან დაიწყეს პარლამენტის მიმართულებით. მათ ხელში ეჭირათ ბანერი აქციის მთავარი გზავნილით „თავისუფლებისთვის“.

სახელმწიფომ უკვე მიიღო უსაფრთხოების ზომები. კანცელარიისა და პარლამენტის ეზოებში მობილიზებულები არიან პოლიციის თანამშრომლები. პოლიციელები ასევე პატრულიერებენ აქციაზე წესრიგის უზრუნველსაყოფად.

მელიამ უარი თქვა გირაოს გადახდაზე და მას უკანონოდ მიიჩნევს. ამის გამო მას თბილისის საქალაქო სასამართლომ პატიმრობა შეუფარდა. ოპოზიციის ლიდერი სასამართლოს განაჩენიდან ექვსი დღის შემდეგ დააკავეს, რასაც დიდი საერთაშორისო რეზონანსი მოყვა. აქციამდე გენერალურ პროკურატურაში განაცხადეს, რომ მზად არიან მელიას ახალი გირაო შეუფარდონ, თუ ის ძველს აგდაიხდის. ნიკა მელია არცერთი გირაოს გადახდას არ აპირებს.

 

41

6 წლის სიმსივნიანი გოგონას ასრულებული ოცნება: მსოფლიოში ყველაზე მცირეწლოვანი პოლიციელი

24
ტეხასელი ექვსი წლის ებიგეილ არიასი თირკმელების კიბოს ებრძვის. ქალაქის პოლიციის სამმართველომ გადაწყვიტა, ებიგეილის ოცნება აესრულებინა და ის პოლიციის რიგებში ყველა წესის დაცვით მიიღეს

ვილმსის სიმსივნე (ნეფრობლასტომა) თირკმელების იშვიათი სიმსივნეა ბავშვებში, რომელიც პატარა გოგონას ჯანმრთელობას გაორმაგებული ძალებით უტევს, მედიცინა კი მის წინაშე უძლურია.

"მე კიბო მაქვს, ცუდი ბიჭები ახლა ჩემ ფილტვებში არიან და გვიტევენ", – ამბობს ებიგეილი.

მრავალკვირიანი განცდებისა და ნერვიულობის შემდეგ ექიმებმა ბავშვის მშობლებს მასთან გატარებული დროით დატკბობა ურჩიეს. 

"რომ გამოიარო ეს ყველაფერი და გააცნობიერო, რომ არაფერი შეგიძლია საკუთარი შვილის გადასარჩენად, როგორც მშობლისთვის, ეს ძალიან რთულია. ჩვენ ძალიან გაგვიჭირდა ამის გადატანა", – თქვა ებიგეილის მამამ რუბენ არიასმა.

ოჯახმა გასული წლის დეკემბერში ფრიპორტის პოლიციის უფროსი რეი გარივეი გაიცნო და დაუახლოვდა. პატარა გოგონამ მას ოცნება გაუმხილა, უთხრა, რომ პოლიციელობა სურდა... 

და რეი გარივეიმ გოგონასთვის უნიფორმა შეაკერინა. 7 თებერვალს კი ებიგეილმა ფიცი დადო ახლობლების, პოლიციელებისა და რამდენიმე ადგილობრივი საინფორმაციო საშუალების თანხლებით.

 

24
კომპანია GWP

მოსახლეობის საყურადღებოდ! თბილისის ხუთ რაიონს წყალმომარაგება შეუწყდება

0
(განახლებულია 19:27 26.02.2021)
წყალგამანაწილებელი კომპანია Georgian Water and Power შექმნილი დისკომფორტის გამო მოსახლეობას ბოდიშს უხდის.

თბილისი, 26 თებერვალი – Sputnik. მარშალ გელოვანის გამზირზე მიმდინარე საგზაო-სამშენებლო სამუშაოების წარმოებისას წყალმომარაგების მაგისტრალური მილი ავარიულად დაზიანდა, რის გამოც თბილისის ზოგიერთ უბანს წყალმომარაგება შეუწყდება, ნათქვამია წყალგამანაწილებელი კომპანია Georgian Water and Power–ის მიერ გავრცელებულ განცხადებაში.

გავრცელებული ინფორმაციით, ამ დროისთვის კომპანიის ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს. მოსახლეობისთვის ნაკლები დისკომფორტის შექმნის მიზნით, ტექნიკურ-აღდგენითი სამუშაოების ძირითადი ნაწილი ღამის საათებში შესრულდება.

„სამუშაოების მიმდინარეობის პერიოდში წყალსადენის ქსელის წყლისგან დაცლაა აუცილებელი, რის გამოც დღეს, 26 თებერვალს ღამის 22:00 საათიდან, 27 თებერვლის დღის 12:00 საათამდე წყალმომარაგება შეეზღუდება“, – აღნიშნულია განცხადებაში.

წყალმომარაგება შეეზღუდება შემდეგ რაიონებს:

ვაკის რაიონი – ჭავჭავაძის გამზირს, კეკელიძის, ბარნოვის, ფალიაშვილის, ტაბიძის, მცხეთის, შატბერაშვილის, აბაშიძის, არაყიშვილის, კავსაძის, რადიანის, ატენის, ყიფშიძის და მიმდებარე ქუჩებს.

საბურთალოს რაიონი – ვაჟა-ფშაველას გამზირის ნაწილს, პეკინის, კოსტავას, თამარაშვილის, ბახტრიონის, გელოვანის, დოლიძის, ტაშკენტის, იყალთოს, ალექსიძის, გაგარინის, შარტავას, კალანდაძის, ფანჯიკიძის (ყოფ. ბუდაპეშტის), მიცკევიჩის, საირმის, ლორთქიფანიძის, ზემო ვეძისის და მიმდებარე ქუჩებს.

მთწმინდის რაიონი – ზანდუკელის, ქიაჩელის, ჭოველიძის, იაკობ ნიკოლაძის, ვარაზის ხევს, მელიქიშვილის, ხორავას, ლარსის, ბელინსკის, რუსთაველის, ფურცელაძის, ჭონქაძის, თარხნიშვილის და მიმდებარე ქუჩებს. ოქროყანას დასახლებას.

კრწანისის რაიონი – პუშკინის, გრ. ხანძთელის, ლადო ასათიანის, გორგასლის, ღვინის აღმართის და და მიმდებარე ქუჩებს.

ჩუღურეთის რაიონი – მარჯანიშვილის და უშანგი ჩხეიძის ქუჩებს.

დიდუბის რაიონი – ბელიაშვილის ქ. N40-ს, ლუბლიანას და ბალანჩინის ქუჩებს. ქართულ ამერიკული მეგობრობის გამზირს.

 

 

0