ზღაპრული საქართველო Timelapse Media-ს ობიექტივში

470
საქართველო Timelapse Media-ს ობიექტივში მოხვდა. ფოტოგრაფის ხედვისა და გადაღების ტექნიკის წყალობით, მარტივად გახდა შესაძლებელი საქართველოს ლანდშაფტის „გაცოცხლება“

ვიდეორგოლის საშუალებით თქვენ გაეცნობით საქართველოს ახლანდელი და ძველი დედაქალაქების —თბილისისა და მცხეთის ღირსშესანიშნაობებს, მოიხიბლებით სიყვარულის ქალაქად წოდებული სიღნაღით, ქუთაისითა და ზღვისპირა ბათუმით.

 

470

მოძრაობამ „საქართველოსთვის“ ივანიშვილის რეზიდენციასთან საპროტესტო აქცია გამართა - ვიდეო

29
მოძრაობა „საქართველოსთვის“ აქტივისტებმა და ოპოზიციის წარმომადგენლებმა საპროტესტო მსვლელობა გამართეს პარლამენტთან მოწყობილი კარვების ქალაქიდან მილიარდერი ბიძინა ივანიშვილის რეზიდენციამდე

მომიტინგეების მთავარი მოთხოვნა რიგგარეშე საპარლამენტო არჩევნების ჩატარება, პოლიტპატიმრების გათავისუფლება და საარჩევნო სისტემის რეფორმაა.

დემონსტრანტების თქმით, ივანიშვილის პოლიტიკიდან წასვლა მხოლოდ ფორმალური ხასიათისაა, ის განაგრძობს ქვეყანაში პროცესების მართვას და მსვლელობით სწორედ ამასთან დაკავშირებით გამოხატეს პროტესტი.

 

29

NASA-ს ვიდეო 100 მილიონი მზის ენერგიით აფეთქებული ვარსკვლავის შესახებ

35
(განახლებულია 17:00 01.03.2021)
1987 წლის 24 თებერვალს მოხდა რაღაც უჩვეულო, როდესაც ასტრონომებმა ოსკარ დალდემ და იან შელტონმა საოცარი სურათი აღმოაჩინეს ჩილეს მთის მწვერვალიდან: ახალი ვარსკვლავი Supernova 1987A ღამის ცაზე. NASA-ს მიერ შექმნილი ახალი ვიდეო აღბეჭდავს რევოლუციურ ასტრონომიულ მომენტს.

მეცნიერებმა პირველად შეძლეს გადაეღოთ „სუპერნოვა“, რომელიც 100 წლის განმავლობაში სიკაშკაშეს არ კარგავდა.

NASA-ს ექსპერტების ჯგუფის აზრით, Supernova 1987A ასტრონომებისთვის ერთ-ერთი საუკეთესო შესაძლებლობაა ვარსკვლავის სიცოცხლიდან სიკვდილამდე ფაზების შესასწავლად.

 

35
ლევან გორგაძე

ტოჩინოშინი დაქვეითდა - ქართველი სუმოისტი მარტის ბაშოზე მე-7 მაეგაშირა იქნება

0
ტოჩინოშინისთვის მარტის სუპერტურნირი მის კარიერაში რიგით 90-ე ბაშო იქნება. ბაშო ტოკიოში გაიმართება და მას მაყურებელიც დაესწრება.

თბილისი, 1 მარტი - Sputnik. ქართველი სუმოისტი ლევან გორგაძე, იგივე ტოჩინოშინი, დაქვეითდა, ამას იაპონიის სუმოს ასოციაციის მარტის რეიტინგი ცხადყოფს.

ქართველმა სუმოისტმა წლის პირველი ბაშო უარყოფითი ბალანსით (4-11) დაასრულა, რაც განახლებულ რეიტინგზეც აისახა. ტოჩინოშინი აღმოსავლეთის მე-4 მაეგაშირას სტატუსს ატარებდა, ახლა კი ის აღმოსავლეთის მე-7 მაეგაშირაა.

მარტის ბაშოზე იოკუძუნას სტატუსით ორი სუმოისტი, ჰაკუჰო და კაკურიო იასპარეზებენ. ოძეკის რანგში შოდაი, ასანოიამა და ტაკაკეიშო გამოვლენ, ხოლო ტერუნოფუჯი და ტაკანოშო სეკივაკეს რანგში იქნებიან.

ტოჩინოშინი პროფესიულ სუმოში 2006 წლიდან გამოდის. უმაღლეს, მაკუუჩი დივიზიონში მისი დებიუტი 2008 წელს შედგა. რაც შეეხება მიღწევებს, ქართველ სუმოისტს იმპერატორის თასი ერთხელ აქვს მოგებული. ლევან გორგაძე კარიერის განმავლობაში შვიდჯერ იყო ოძეკის რანგში წარდგენილი. ქართველისთვის მარტის სუპერტურნირი 90-ე ბაშო იქნება.

მარტის (ჰარუ) ბაშო მსოფლიოში გავრცელებული პანდემიის გამო ტოკიოში 14-28 მარტს გაიმართება. ჩვეულებრივ ჰარუ ბაშოს იაპონიის ქალაქი ოსაკა მასპინძლობს ხოლმე.

0