ბუშტები ღამით და ახალგაზრდები შეზღუდვების წინააღმდეგ: დაუმორჩილებლობის აქცია თბილისში
მსვლელობა საკმაოდ სანახაობრივი იყო, მონაწილეებს ფერადი ნიღბები ეკეთათ, ზოგს კი ბუშტები ეჭირა. მათი მთავარი მოთხოვნა შეზღუდვების მოხსნაა, მათ შორის ღამით გადაადგილების აკრძალვის.
აქციას აცილებდა პოლიცია. ისინი დემონსტრანტებს სავალ ნაწილზე არ უშვებდნენ, თუმცა მათ კორდონი გაარღვიეს.
მსვლელობაში მონაწილეობდნენ ახალგაზრდული ორგანიზაციები, ოპოზიციური პარტიების წარმომადგენლები, კერძოდ „გირჩი - მეტი თავისუფლება“ და მისი ლიდერი ზურაბ ჯაფარიძე. წინასწარი ინფორმაციით, აქციის მონაწილეები მთელი ღამის ქუჩაში გატარებას აპირებენ.
ოპოზიციამ თბილისის ცენტრში საპროტესტო აქციაზე ათასობით ადამიანი გამოიყვანა – ვიდეო
(განახლებულია 20:06 26.02.2021)
თბილისის ცენტრში ოპოზიციამ, არასამთავრობო ორგანიზაციებმა და სამოქალაქო აქტივისტებმა მასობრივი საპროტესტო აქცია-მსვლელობა გამართეს. ისინი აპროტესტებენ „ერთიანი ნაციონალური მოძრაობის“ ლიდერის ნიკა მელიას დაპატიმრებას და ვადამდელ არჩევნებს მოითხოვენ.აქციის მონაწილეებმა პარლამენტის მიმართულებით მსვლელობა კოსტავას ქუჩიდან დაიწყეს. მათ ხელში ეჭირათ ბანერი აქციის მთავარი გზავნილით – „თავისუფლებისთვის“.
თავის მხრივ, სახელმწიფომ მიიღო უსაფრთხოების ზომები. კანცელარიისა და პარლამენტის ეზოებში მობილიზებული არიან პოლიციის თანამშრომლები. პოლიციელები ასევე პატრულირებენ აქციაზე წესრიგის უზრუნველსაყოფად.
„ნაციონალური მოძრაობის“ თავმჯდომარემ ნიკა მელიამ უარი თქვა გირაოს გადახდაზე და მას უკანონოდ მიიჩნევს. ამის გამო მას თბილისის საქალაქო სასამართლომ პატიმრობა შეუფარდა. ოპოზიციის ლიდერი სასამართლოს განაჩენიდან მეექვსე დღეს დააკავეს, რასაც დიდი საერთაშორისო რეზონანსი მოჰყვა. გუშინ პროკურატურაში განაცხადეს, რომ მზად არიან სასამართლოში მელიას გათავისუფლების შუამდგომლობა შეიტანონ, თუ ის 40 ათასი ლარის გირაოს გადაიხდის. მაგრამ ნიკა მელია გირაოს გადახდას არ აპირებს.
6 წლის სიმსივნიანი გოგონას ასრულებული ოცნება: მსოფლიოში ყველაზე მცირეწლოვანი პოლიციელი
ვილმსის სიმსივნე (ნეფრობლასტომა) თირკმელების იშვიათი სიმსივნეა ბავშვებში, რომელიც პატარა გოგონას ჯანმრთელობას გაორმაგებული ძალებით უტევს, მედიცინა კი მის წინაშე უძლურია.
"მე კიბო მაქვს, ცუდი ბიჭები ახლა ჩემ ფილტვებში არიან და გვიტევენ", – ამბობს ებიგეილი.
მრავალკვირიანი განცდებისა და ნერვიულობის შემდეგ ექიმებმა ბავშვის მშობლებს მასთან გატარებული დროით დატკბობა ურჩიეს.
"რომ გამოიარო ეს ყველაფერი და გააცნობიერო, რომ არაფერი შეგიძლია საკუთარი შვილის გადასარჩენად, როგორც მშობლისთვის, ეს ძალიან რთულია. ჩვენ ძალიან გაგვიჭირდა ამის გადატანა", – თქვა ებიგეილის მამამ რუბენ არიასმა.
ოჯახმა გასული წლის დეკემბერში ფრიპორტის პოლიციის უფროსი რეი გარივეი გაიცნო და დაუახლოვდა. პატარა გოგონამ მას ოცნება გაუმხილა, უთხრა, რომ პოლიციელობა სურდა...
და რეი გარივეიმ გოგონასთვის უნიფორმა შეაკერინა. 7 თებერვალს კი ებიგეილმა ფიცი დადო ახლობლების, პოლიციელებისა და რამდენიმე ადგილობრივი საინფორმაციო საშუალების თანხლებით.
სახელმწიფო ინსპექტორის სამსახურმა ზუგდიდში მომხდარ ფაქტთან დაკავშირებით გამოძიება დაიწყო
(განახლებულია 20:18 26.02.2021)
სავარაუდო დამნაშავემ, სამართალდამცველების მისამართით ცეცხლი გახსნა, რასაც პოლიციის მხრიდან საპასუხო სროლა მოყვა
თბილისი, 26 თებერვალი – Sputnik. ზუგდიდში დევნის ოპერაციის მიმდინარეობისას, შინაგან საქმეთა სამინისტროს თანამშრომლების მიერ იარაღის გამოყენებით განხორციელებული სამსახურებრივი უფლებამოსილების სავარაუდო გადამეტების ფაქტზე გამოძიება დაიწყო, ნათქვამია სახელმწიფო ინსპექტორის სამსახურის მიერ გავრცელებულ განცხადებაში.
ყაჩაღობის ფაქტი ზუგდიდში, რუსთაველის ქუჩაზე 26 თებერვალს, დღის პირველ ნახევარში მოხდა.
გავრცელებული ინფორმაციით, ცეცხლსასროლი იარაღით შეიარაღებული პირი ოქროს ბირჟაზე შეიჭრა და ერთ-ერთ გამყიდველს ოქროს ნივთები იარაღის მუქარით გასტაცა, რის შემდეგაც შემთხვევის ადგილიდან მიიმალა. სამართალდამცველებმა მომხდარი ფაქტიდან უმოკლეს დროში დაიწყეს ოპერატიული და საგამოძიებო ღონისძიებები.
რუსთაველის ქუჩიდან მოშორებით, დანაშაულის სავარაუდო ჩამდენმა პირმა, მას შემდეგ, რაც სამართალდამცველები შენიშნა, მათი მიმართულებით ცეცხლი გახსნა, რასაც პოლიციის მხრიდან, „პოლიციის შესახებ“ საქართველოს კანონის თანახმად, უკიდურესი ღონისძიების სახით, საპასუხო სროლა მოჰყვა.
შემთხვევის ადგილზე თავდამსხმელი - 1996 წელს დაბადებული პირი პოლიციამ უგონო მდგომარეობაში ნახა, რის შემდეგაც სამართალდამცველებმა სასწრაფო სამედიცინო დახმარების ბრიგადა გამოიძახეს, თუმცა მამაკაცის გადარჩენა ვერ მოხერხდა.
უწყების ინფორმაციით, გამომძიებლების მიერ ამ ეტაპზე ტარდება პირველადი საგამოძიებო მოქმედებები. ამასთან, გარდაცვალების მიზეზის დადგენის მიზნით ჩატარდება შესაბამისი ექსპერტიზები.
უწყების ინფორმაციით, საქმეზე გამოძიება სამსახურებრივი უფლებამოსილების სავარაუდო გადამეტების ფაქტზე, საქართველოს სისხლის სამართლის კოდექსის 333-ე მუხლის მე-3 ნაწილის „ბ" ქვეპუნქტი მიმდინარეობს.
თემები: