"მსოფლიოში საუკეთესო დირექტორი" შესვენებაზე მოსწავლეებთან ერთად ცეკვავს – სახალისო ვიდეო
(განახლებულია 19:58 11.01.2021)
ვიდეოს მთავარი გმირი სკოლის დირექტორია, რომელიც საკუთარი პროფესიის ერთგულია. მოსწავლეები მას არა მხოლოდ წლის ბოლოს ხვდებიან, არამედ ყოველდღე მასთან ერთად ცეკვავენ შესვენებაზე.რა თქმა უნდა, ახალგაზრდა დირექტორი ამ ყველაფერს უბრალოდ არ აკეთებს, მისი მიზანი ბავშვებისთვის მნიშვნელოვანი გაკვეთილის მიცემაა.
ეს ვიდეო გადაღებულია ჩინეთის ერთ-ერთ დაწყებით სკოლაში. მისი დირექტორი ჩჟან პენფეი აქტიური ცხოვრების მომხრეა და ბაშვებში ჭარბი წონის პრობლემის გადაჭრას ამ მეთოდით ცდილობს. მან შაფლის სტილში ცეკვა ისწავლა, შემდეგ კი ცოდნა სკოლის მოსწავლეებს გაუზიარა.
ახლა დირექტორი სხვა მასწავლებლებთან და მოსწავლეებთან ერთად დასვენებებზე ცეკვავს. ეს ვიდეო მომენტალურად ვირუსული გახდა და მთელ მსოფლიოში გავრცელდა. სოციალური ქსელების მომხმარებლებმა დირექტორი ორიგინალურობისთვის შეაქეს და "მსოფლიოს საუკეთესო დირექტორის" სტატუსიც მიანიჭეს.
პოლიციამ „წითელი ხიდის“ საბაჟო–გამშვებ პუნქტზე აზერბაიჯანის მოქალაქე დააკავა – ვიდეო
(განახლებულია 21:12 22.01.2021)
შინაგან საქმეთა სამინისტროს ცენტრალური კრიმინალური პოლიციის დეპარტამენტის და ფინანსთა სამინისტროს შემოსავლების სამსახურის საბაჟო დეპარტამენტის თანამშრომლებმა აზერბაიჯანის მოქალაქე, 1991 წელს დაბადებული ს.ა. საბაჟო-გამშვებ პუნქტზე დააკავეს.დაკავებულს ბრალი ედება განსაკუთრებით დიდი ოდენობით ნარკოტიკული საშუალების უკანონო შეძენა-შენახვასა და საქართველოში უკანონოდ შემოტანაში.
დანაშაული 15-დან 20 წლამდე ან უვადო თავისუფლების აღკვეთას ითვალისწინებს.
დაკავებულის პირადი ჩხრეკისას ნივთმტკიცების სახით ამოღებულია ორ შეკვრად დაფასოებული 119,21 გრამი ნარკოტიკული საშუალება “მეტადონი”.
გელათის მონასტრის დაზიანებული დროებითი გადახურვა ისევ აღადგინეს – ვიდეო
(განახლებულია 17:15 22.01.2021)
გელათის დროებითი გადახურვის დაზიანებული ნაწილი აღდგენილია. დასავლეთ მკლავის სამხრეთ ფერდზე გადახურვის სამუშაოები 2018-19 წლებში ჩატარდა, თუმცა, როგორც აღმოჩნდა, უხარისხოდ.თუნუქის სახურავზე ხარვეზებით ჩატარებული სამუშაოები სფეროს სპეციალისტთა შორის დისკუსიას გასცდა და პოლიტიკურ ჭრილში განხილვის თემადაც იქცა. იმ კომპანიების გარდა, რომლებიც შესაბამისი სამუშაოების ჩატარებაზე იყვნენ პასუხისმგებლები, კრიტიკის თემაა თავად დროებითი გადახურვის პროექტიც.
მომავალი გართულებების და კომპლექსის დაზიანების თავიდან ასაცილებლად სფეროს სპეციალისტები პროცესში საერთაშორისო ექსპერტების ჩართვის საჭიროებაზე ალაპარაკდნენ. არაჯეროვნად ჩატარებული სამუშაოებისთვის კი კულტურული მემკვიდრეობის სააგენტომ სამუშაოების განმახორციელებელ ორ კომპანიას ფულადი სანქციები დააკისრა.
ბილ გეიტსი კორონავირუსზე აიცრა: ქვეყნდება ფოტო
(განახლებულია 22:35 22.01.2021)
კომპანია Microsoft–ის დამფუძნებელი არ აკონკრეტებს, რომელი პრეპარატით ჩაიტარა ვაქცინაცია თბილისი, 22 იანვარი - Sputnik. კომპანია Microsoft–ის დამფუძნებელი, მილიარდერი ბილ გეიტსი კორონავირუსზე აიცრა.
ამის შესახებ მან საკუთარ Twitter–აკაუნტზე დაწერა და ფოტოც დაურთო.
One of the benefits of being 65 is that I’m eligible for the COVID-19 vaccine. I got my first dose this week, and I feel great. Thank you to all of the scientists, trial participants, regulators, and frontline healthcare workers who got us to this point. pic.twitter.com/67SIfrG1Yd
— Bill Gates (@BillGates) January 22, 2021
„იმის ერთ–ერთი უპირატესობამ რომ 65 წლის ხარ, ისაა, რომ მაქვს COVID-19–ის წინააღმდეგ ვაქცინაციის უფლება. ამ კვირაში პირველი დოზა მივიღე და თავს მშვენივრად ვგრძნობ. მადლობა ყველა მეცნიერს, გამოცდების მონაწილეებს, მარეგულირებელ უწყებებსა და წინა ხაზზე მომუშავე მედიკოსებს, რომლებმაც ამ მომენტამდე მიგვიყვანეს“, — წერს გეიტსი.
ამასთან მილიარდერი არ აკონკრეტებს, რომელი ვაქცინით აიცრა.