ვიდეო იმდენად შთამბეჭდავი გამოვიდა, რომ 3,8 მლნ ნახვა დააგროვა და ყიდვა-გაყიდვების პორტალ eBay-ზე მისმა საწყისმა ფასმა კატასტროფულად მოიმატა: 499 დოლარიდან 150 ათას დოლარამდე გაიზარდა.
ბოლოს საქმე იქამდე მივიდა, რომ eBay-ს ხელმძღვანელობამ წყვილი თაღლითობაში დაადანაშაულა და აუქციონი გააუქმა.
თუმცა მალევე შეცვალა გადაწყვეტილება და წყვილს შესთავაზა – თავიდან დაეწყოთ აუქციონი. მაქსი და კერი ასეც მოიქცნენ და 22 წლის ავტომობილი Honda Accord თავიდან გამოიტანეს გასაყიდად eBay-ზე.
ვიდეორგოლის, რომელიც ორი წლის წინ გადაიღეს, მთავარი გზავნილი ასე ჟღერს: „შენ არ გაღელვებს ფული, შენ უკვე გაქვს ყველაფერი, რასაც კი ისურვებდი. შენ ირჩევ რაღაცას არა თავმოსაწონებლად, არამედ იმიტომ, რომ ის მუშაობს“.
