(2:43 / 17.42Mb / просмотров видео: 2244)

საახალწლო ვიდეორეცეპტი: როგორ მოვამზადოთ უგემრიელესი საცივი

3735
(განახლებულია 17:02 30.12.2020)
საცივი ქართული სამზარეულოს მთავარ კერძად და საახალწლო სუფრის განუყოფელ ნაწილად მიიჩნევა. იხილეთ „Sputnik–საქართველოს“ ვიდეო, თუ როგორ მზადდება ეს კერძი.

„Sputnik–საქართველომ“ თქვენთვის მოამზადა თანმიმდევრობით ჩაწერილი თვალსაჩინო რეცეპტი, რომლისთვისაც დაგჭირდებათ: ინდაური, ნიგოზი, ხახვი, ნიორი, ქინძი, წიწაკა, უცხო სუნელი, ზაფრანა, დარიჩინი, მიხაკი, ძმარი და მარილი.

მომზადების წესი

  • დავასხათ ინდაურს წყალი და დავდგათ ცეცხლზე, მოვხარშოთ. ხარშვის დროს პერიოდულად მოვხადოთ ქაფი.
  • სანამ ინდაური იხარშება, მოვამზადოთ ნიგვზის სოუსი: გავატაროთ ნიგოზი, ნიორი სუნელებთან ერთად. მოხარშული ინდაური ამოვიღოთ ბულიონიდან, მოვაყაროთ მარილი და დავჭრათ. წვრილად დავჭრათ ხახვი, დავყაროთ ტაფაზე, დავასხათ ცოტაოდენი ბულიონი, მოვშუშოთ, ოქროსფერი რომ გახდება, შევურიოთ ნიგოზს, დავასხათ ბულიონი, უნდა მივიღოთ შესქელებული მასა. დავამატოთ სუნელები, მარილი, ძმარი და ავურიოთ. მიღებული მასა გავატაროთ საცერში (შესაძლებელია ბლენდერში ათქვეფაც).
  • დარჩენილი ბულიონი დავდგათ ცეცხლზე და დავამატოთ ნიგვზიანი მასა, თან ვურიოთ. მიღებული მასა თხევადი ფაფის სისქის უნდა იყოს. მივიყვანოთ ადუღებამდე. გაითვალისწინეთ, რომ გაცივების შემდეგ საცივი უფრო გასქელდება.
  • დაჭრილ ინდაურს დავასხათ მომზადებული ნიგვზიანი სოუსი. გავაციოთ ოთახის ტემპერატურამდე და რამდენიმე საათით მაცივარში შევდოთ.

გემრიელად მიირთვით!



3735
თემები:
გემრიელი სამზარეულო (101)

მოაჯირში გაჭედილი ბავშვი ძაღლებმა გამოიყვანეს ვიდეო

100
(განახლებულია 20:57 15.04.2021)
ხანდახან პრობლემის მოგვარების ყველაზე თვალსაჩინო და უმტკივნეულო საშუალება საკმაოდ მარტივი საპოვნელია, მაგრამ...

პატარა ჯოი თამაშის დროს თავით კიბის მოაჯირში გაიჭედა, საშველად კი მშობლებს უხმო.

ბავშვის მამამ არაერთხელ სცადა შვილის მოაჯირიდან გამოხსნა, მაგრამ ვერაფერს გახდა.

მთელი ამ დროის განმავლობაში ძაღლები ჯოის არ მოშორებიან, კარგა ხანს კი მხსნელ მამას თათებით ანიშნებდნენ, რომ „რაღაცის თქმა სურდათ“. ბოლოს მათ გამოსავალი მოიფიქრეს და „დაზარალებულს“ უკნიდან მიაწვნენ, რამაც ის სწორ გადაწყვეტილებამდე მიიყვანა.

100

ლაიფჰაკები დამწყები და პროფესიონალი მებაღეებისათვის - ვიდეო

74
(განახლებულია 12:50 15.04.2021)
ვიდეოების დიდი ნაწილი მებაღეობის შესახებ გასართობ ხასიათს ატარებს. მათ მილიონობით ნახვა აქვთ, რაც საკმაოდ შთამბეჭდავია

მებაღეობა უძველესი და საკმაოდ პოპულარული პროფესიაა, თუმცა ხანდახან ადამიანები მცენარეებს მხოლოდ ჰობიდან და მათდამი სიყვარულიდან გამომდინარე უვლიან. ცხადია, ყოველთვის ყველაფერი კარგად არ გამოდის, ხანდახან მცენარეების დაავადებისგან განკურნება სერიოზულ ცოდნას, გარკვეულ საშუალებებსა და ხრიკებს მოითხოვს.

ვიდეო დაგეხმარებათ როგორც მოყვარულ, ისე პროფესიონალ მებაღეებს. თქვენ შეძლებთ სახლის პირობებში გაზარდოთ სასურველი მცენარე ისე, რომ მის ჯანმრთელობას საფრთხე არ შეექმნას, ხოლო შედეგით აღფრთოვანებული დარჩეს ყველა, ვინც მათ იხილავს.

74
ლაბორატორია

COVID-19 საქართველოში 16 აპრილის მონაცემები

27
(განახლებულია 10:53 16.04.2021)
ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

თბილისი, 16 აპრილი – Sputnik. საქართველოში ახალი კორონავირუსით დაავადებულთა რაოდენობა ბოლო დღე-ღამეში 1.077-ით გაიზარდა და ინფიცირებულთა საერთო რიცხვმა 293.321-ს მიაღწია. ინფორმაცია საქართველოს მთავრობის სპეციალურ ვებ-გვერდზე stopcov.ge განახლდა.

ამ დროისათვის სულ გამოჯანმრთელდა 279.831 ადამიანი (ბოლო 24 საათში – 442), გარდაიცვალა – 3.916 (ბოლო 24 საათში – 9), კარანტინის რეჟიმშია 331, სტაციონარებში ექიმების დაკვირვების ქვეშ 2.720 პაციენტი, ხოლო კოვიდ–სასტუმროებში 400 ადამიანი იმყოფება.

ბოლო 24 საათში ჩატარებულია 31.645 ტესტი, მათ შორის ანტიგენის სწრაფი ტესტით – 20.727, PCR–ტესტით – 10.918.

დადებითობის მაჩვენებელი: დღიური - 3,4%, ბოლო 14 დღის - 2,77%, ბოლო 7 დღის - 2,04%.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა.

27
თემები:
კორონავირუსი საქართველოში: ბოლო ცნობები