ოპოზიციამ პარლამენტის შენობასთან კარვები გაშალა - ვიდეო

1836
ხუთშაბათს, როდესაც საქართველოს პარლამენტი ქვეყნის მთავრობას ნდობას უცხადებდა, ოპოზიციამ საპროტესტო აქცია გამართა. აქტივისტებმა შენობასთან კარვები გაშალეს, რომლებშიც ისინი გამუდმებით მორიგეობენ

ნოემბრიდან ოპოზიცია განაგრძობს თბილისსა და ქვეყნის სხვა ქალაქებში საპროტესტო აქციებს ახალი საპარლამენტო არჩევნების მოთხოვნით. ამასთან, ოპოზიციურმა პარტიებმა, რომლებიც პარლამენტში მოხვდნენ, უარი თქვეს მანდატებზე.

მიუხედავად პროტესტისა და ოპოზიციონერი დეპუტატების უარისა, პარლამენტმა ცოტა ხნის წინ მაინც გამართა პირველი სხდომა, შემდეგ კი ახალი მთავრობა აირჩია.

1836

ავტოსაგზაო შემთხვევები გზებზე: აჭარაში დიდთოვლობის შედეგებს ებრძვიან - ვიდეო

24
აჭარის მთებში, დასახლებულ პუნქტებსა და სანაპიროზე დიდთოვლობაა. იხილეთ Sputnik-საქართველოს ვიდეოში ძლიერი თოვის შედეგები

ქობულეთის მახლობლად ტრასაზე თოვლის გამო რამდენიმე ავარია მოხდა.

მძღოლებს ასეთ ამინდში მაქსიმალური ყურადღება მართებთ - გზებზე შესაძლოა მოყინული მონაკვეთები იყოს. მათ, ვისაც საკმაირის გამოცდილება არ აქვს, შესაძლოა საჭის დამორჩილება ვერ შეძლონ.

მუნიციპალური და რაიონული სამსახურების თანამშრომლები გზებზე ტექნიკურ მარილს ყრიან. ასევე მიმდინარეობს კომუნალური მომსახურების სისტემაში ავარიების თავიდან არიდების სამუშაოები და სასიცოცხლო მნიშვნელობის ობიექტების უხარვეზო ფუნქციონირების უზრუნველყოფა.

24

როგორ კვებავენ თბილისის უფასო სასადილოებში ვიდეო

29
(განახლებულია 16:03 20.01.2021)
თბილისის სოციალური სასადილოები მუშაობას ახალი წესებით განაგრძობენ – მხოლოდ გატანით ან ადგილზე მიტანით. დაწვრილებით – იხილეთ „Sputnik-საქართველოს“ ვიდეოში.

თბილისში სოციალური სასადილოები უკვე ათ წელზე მეტია ფუნქციონირებს. სამთავრობო პროგრამაში ჩართული ადამიანებისთვის ყოველდღე ამზადებენ უფასო სადილს.

სამწუხაროდ, ბევრისთვის, ვინც სიღარიბის ზღვარს ქვემოთაა, ეს საკვების მიღების ერთადერთი გზაა. ამიტომ სადილს რამდენიმე პორციად ყოფენ.

ყოველ ასეთ სასადილოში დაახლოებით 2 ათასი ადამიანი იკვებება, ხოლო დედაქალაქში დაახლოებით 20 მსგავსი სასადილო პუნქტი ფუნქციონირებს.

პანდემიის დროს საკვების მიღება მხოლოდ გატანით ხდება. რისკ-ჯგუფების წარმომადგენლებისთვის სადილი სახლში მიაქვთ.

29
ე.წ. სამხედრო გზა

გუდაური-კობის მონაკვეთზე გზის გაწმენდითი სამუშაოები მიმდინარეობს: ბოლო მონაცემები

0
(განახლებულია 15:36 20.01.2021)
საერთაშორისო მნიშვნელობის საავტომობილო გზის კობი–გუდაურის მონაკვეთზე ზვავსაშიშროების გამო ტრანსპორტის მოძრაობა 11 იანვრიდან აიკრძალა

თბილისი, 20 იანვარი – Sputnik. მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე როგორც გუდაურიდან, ასევე კობიდან გზის გაწმენდითი სამუშაოები მეორე დღეა ინტენსიურ რეჟიმში გრძელდება, ნათქვამია საავტომობილო გზების დეპარტამენტის მიერ გავრცელებულ განცხადებაში.

გზის აღნიშნულ მონაკვეთზე კვირაზე მეტია რთული მეტეოროლოგიური პირობების გამო ყველა სახის ტრანსპორტის გადაადგილება აკრძალულია. ინტენსიური თოვისა და დაბალი ტემპერატურის გამო გზის აღნიშნულ მონაკვეთზე ზვავსაშიშროების საფრთხის მაღალი დონეა.

გავრცელებული ინფორმაციით, გზის ძირითადი ნაწილი უკვე გაწმენდილია.

„რჩება მხოლოდ 3 კილომეტრი (99-101–ე კმ), საიდაც 101-ე კილომეტრზე ზვავსაშიშროება ნარჩუნდება და გაწმენდითი სამუშაოების დაწყება აღნიშნულ 1 კილომეტრზე ჯერ ვერ ხერხდება“, - ნათქვამია განცხადებაში.

უწყების ინფორმაციით, აღნიშნულ მონაკვეთზე გაწმენდითი სამუშაოები ზვავსაშიშროების რეჟიმის მოხსნისთანავე დაიწყება, რათა უმოკლეს ვადებში აღდგეს ავტოტრანსპორტის მოძრაობა.

მცხეთა–სტეფანწმინდა–ლარსის ტრასა დღეისათვის ერთადერთი სახმელეთო გზაა, რომელიც საქართველოსა და სომხეთს რუსეთთან აკავშირებს.

0
თემები:
ტრანსპორტი საქართველოში