სინოდის წევრი მეუფე ლაზარე კორონავირუსისგან გარდაიცვალა - ვიდეო

141
(განახლებულია 11:04 23.11.2020)
წმინდა სინოდის წევრი, ბორჯომისა და ბაკურიანის მეუფე ლაზარე (დიმიტრი სამადბეგიშვილი) კორონავირუსისგან გარდაიცვალა. კვირას სასულიერო პირთან გამოსამშვიდობებელი ცერემონია აღევლინა

მეუფე ლაზარეს COVID-19-ის ფონზე თანმდევი დაავადებები ჰქონდა, რასაც ორგანიზმმა ვერ გაუძლო. ქართულ მედიაში გავრცელებული ინფორმაციის თანახმად, სასულიერო პირს ჰქონდა სიმსივნე, ცოტა ხნის წინ მან ოპერაცია გაიკეთა, ამიტომ კორონავირუსით გამოწვეული სირთულეები განსაკუთრებით საფრთხის შემცველი აღმოჩნდა. ეპისკოპოსი 65 წლის იყო.

პანაშვიდები და დაკრძალვა კვირას მახათას ივერიის ღვთისმშობლის ხატის სახელობის ტაძარში გაიმართა.

2014 წლის ივნისში სინოდის სხდომაზე მეუფე ლაზარე გერმანიისა და ავსტრიის ეპარქიების მთავარ,ღვდლად აირჩიეს. 2017 წლის იანვარში ის ბორჯომისა და ბაკურიანის მღვდელმთავრად გადაიყვანეს.~

 

141

საბავშვო ევროვიზია 2020: ფინალამდე რჩება ორი დღე - ვიდეო

16
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

16

მოვასწროთ ყველაფერი: შეზღუდვების დაწესებამდე თბილისი „დიდ საცობად“ გადაიქცა ვიდეო

85
(განახლებულია 19:54 27.11.2020)
დღეს შეზღუდვების დაწესებამდე ბოლო თავისუფალი დღეა. ხვალიდან იკეტება რესტორნები და სავაჭრო ცენტრები, რასაც დღეს „შავი პარასკევიც“ დაერთო.

ამის გამო ქალაქში წარმოუდგენელი ხალხმრავლობაა, გზები კი გადატვირთულია. მტკვრის ორივე სანაპიროზე უზარმაზარი „საცობები“ წარმოიქმნა, რადგან ქალაქის გასასვლელებში დიდი სავაჭრო ცენტრებია განთავსებული.

85
გაზქურა

აჭარისა და გურიის რეგიონებს ბუნებრივი გაზის მიწოდება შეუწყდათ

0
(განახლებულია 11:37 28.11.2020)
დაზიანების აღსადგენად ადგილზე ყველა შესაბამისი სამსახურის ტექნიკური ჯგუფები მაქსიმალურად არიან მობილიზებული, აცხადებენ სამინისტროში

თბილისი, 28 ნოემბერი - Sputnik. ბუნებრივი გაზის მიწოდება შეუწყდათ აჭარისა და გურიის რეგიონებს, ინფორმაციას საქართველოს გაზის ტრანსპორტირების კომპანია ავრცელებს.

უწყების ინფორმაციით, დაზიანება „ქუთაისი-სოხუმის“ მაგისტრალური გაზსადენის ქობულეთის 500 მმ განშტოებაზე მოხდა.

ინფორმაციაში ნათქვამია, რომ დაზიანების აღსადგენად ადგილზე მობილიზებულია ტექნიკური ჯგუფები და მიმდინარეობს გადაუდებელი სამუშაოები.

სამუშაოებს საქართველოს გაზის ტრანსპორტირების კომპანია ახორციელებს.

 

0
თემები:
შემთხვევები საქართველოში