გერმანიის პოლიციამ ფრანკფურტში საპროტესტო აქცია წყლის ჭავლით დაშალა

20
(განახლებულია 16:26 16.11.2020)
შაბათს ფრანკფურტში პოლიციამ იზოლაციის წინააღმდეგ გამართული საპროტესტო აქციის მონაწილეები წყლის ჭავლის საშუალებით დაშალა.

აქტივისტების ჯგუფი დაუპირისპირდა კორონა-სკეპტიკოსების მიტინგს, რომელთა დასაშლელადაც პოლიციამ წყლის ჭავლი გამოიყენა.

გერმანიამ კორონავირუსით ინფიცირების ეროვნული რეკორდი ოქტომბერში მოხსნა, ხოლო 2 ნოემბერს ქვეყანაში ერთთვიანი კარანტინი დაწესდა.

დაიხურა უამრავი დაწესებულება, მოქალაქეებს კი სახლში დარჩენისკენ მოუწოდეს, რათა ვირუსის გავრცელების ტემპი შემცირდეს.

20

კარვები პოლიციისა და დევნილების საპროტესტო აქციაზე დაპირისპირების დროს პარიზში ვიდეო

11
(განახლებულია 18:38 24.11.2020)
პოლიცია დაუპირისპირდა მომიტინგეებს, რომლებიც დევნილებს უჭერდნენ მხარს. მათ კარვები გაშალეს რესპუბლიკის მოედანზე, პარიზის ცენტრში მას შემდეგ, რაც გასულ კვირაში სენ-დენის ბანაკიდან მიგრანტების ევაკუაცია დაიწყო.

„ვცდილობთ ჯანდაცვის სამინისტრო გავაფრთხილოთ და, როგორც ჩანს, შინაგან საქმეთა სამინისტროც, მაგრამ მათი მიგრაციული პოლიტიკა ჯანდაცვის სამინისტროს პოლიტიკას სრულად ეწინააღმდეგება“, – განაცხადა MSF-ის (მედიცინა საზღვრების გარეშე) მისიის ხელმძღვანელმა საფრანგეთში კორინ ტორემ.

17 ნოემბერს პოლიციის ოპერაციის დროს ბანაკიდან 2500 დევნილი გაუშვეს. ჯგუფი Utopia 56-ის აქტივისტების ინფორმაციით, რომლებიც მიგრანტებს უჭერენ მხარს, დაახლოებით 800 მათგანი თავშესაფრის გარეშე დარჩა.

11

საპროტესტო აქცია: პენსიონერებმა პენსიის გაზრდა მოითხოვეს ვიდეო

29
(განახლებულია 15:45 24.11.2020)
ბუენოს–აირესის ქუჩებში პენსიონერებმა და მათმა მხარდამჭერებმა პენსიის გაზრდის მოთხოვნით საპროტესტო აქცია გამართეს.

„პენსიონერებს არ სურთ საკუთარი ღირსების შელახვა. პენსიონერებს სიცოცხლის ღირსეულად გატარება სურთ“, – განაცხადა პენსიონერმა რუბენ ჯოანინიმ, რომელმაც შემდეგ დაამატა, რომ დაოჯახებული პენსიონერის შემოსავალი 35-დან 40 ათასამდე პესოა (367–420 ევრო), ხოლო 40-წლიანი მუშაობის შემდეგ მინიმალური პენსია ახლა 18 ათას პესოს შეადგენს (189 ევრო).

18 ნოემბერს მთავრობაში პენსიის 5%-ით მატების შესახებ განაცხადეს, რასაც დემონსტრანტმა მირტა კოსტამ „ნამდვილი სირცხვილი“ უწოდა. „ამ თვეში ჩვენ 903 პესოს (9,5 ევრო) დანამატი მოგვცეს, ანუ უნდა მივიღოთ 19 ათასი პესო (199 ევრო)“, – განაცხადა მან.

არსებული მონაცემებით, არგენტინაში ძირითადი სამომხმარებლო კალათა ერთ სულზე 17 ათას პესოს (178 ევრო) შეადგენს, რაც მიანიშნეს სირთულეებზე, რომლებსაც აწყდებიან მინიმალური პენსიის მქონე მოხუცები.

29
მანდარინი

საქართველომ მანდარინის ექსპორტისგან თითქმის ერთი მილიონი დოლარის შემოსავალი მიიღო 

0
საქართველოში მოყვანილი მანდარინი ექსპორტზე ძირითადად სომხეთსა და რუსეთში გავიდა. როგორც სამინისტროში აღნიშნავენ, წელს მოსავალი უხვი არ არის, მაგრამ ხარისხიანია

თბილისი, 24 ნოემბერი – Sputnik. საქართველოდან 1 აგვისტოდან 23 ნოემბრამდე პერიოდში 1 928 ტონა მანდარინის ექსპორტი განხორციელდა, რომლის ღირებულებამ 941 ათასი აშშ დოლარი შეადგინა, იუწყება გარემოს დაცვისა და სოფლის მეურნეობის სამინისტრო.

საქართველოში მოყვანილი მანდარინი ძირითადად სომხეთსა და რუსეთში გავიდა. გარდა ამისა, ექსპორტი ასევე განხორციელდა უკრაინაში, მოლდოვასა და ყაზახეთში.

მოსავლის საპროგნოზო მაჩვენებელი 40 ათასამდე ტონას შეადგენს. 

უწყების ცნობით, მანდარინის მოსავლის აღება-დაბინავების ორგანიზებულად განხორციელების მიზნით მუშაობს შესაბამისი შტაბი.

არასტანდარტული მანდარინის ჩაბარება, გადამუშავება, ნაკადების კონტროლი და აღრიცხვა ელექტრონული პროგრამის მეშვეობით ხდება.

სტანდარტულ მანდარინს 30-მდე საწარმო იბარებს. არასტანდარტულ ნაყოფს ქობულეთის საკონსერვო ქარხანა მიიღებს.

სამინისტროში აღნიშნავენ, რომ წელს მოსავალი, მართალია, უხვი არ არის, თუმცა ხარისხი გაუმჯობესებულია.

0
თემები:
საქართველოს სოფლის მეურნეობა