ისევ წყლის ჭავლი თბილისში: ნოემბრის „ცივი შხაპის“ შემდეგ ოპოზიცია კვლავ მიტინგს მართავს

63
(განახლებულია 19:26 09.11.2020)
თბილისში სიტუაცია დაიძაბა – ოპოზიცია ღამით ცესკოს შენობასთან პოლიციასთან შეტაკების შემდეგ კვლავ დიდი აქციის გამართვას აპირებს. დაწვრილებით – იხილეთ „Sputnik-საქართველოს“ ვიდეოში.

ღამით პოლიციამ დემონსტრანტების წინააღმდეგ წყლის ჭავლი გამოიყენა. შსს-ს ცნობით, შეტაკებისას დაშავდა 14 სამართალდამცველი, სამი ჟურნალისტი და დაახლოებით 10 მომიტინგე.

შსს-ში განაცხადეს, რომ ადგილი ჰქონდა შენობის შტურმით აღების მცდელობას, რაზეც პოლიციამ „პროპორციული ძალა“ გამოიყენა. შეტაკებისას აქციის მონაწილეებმა პოლიციელებს ბოთლები და ქვები დაუშინეს. ცესკოსთან რკინის რამდენიმე ზღუდე დაზიანდა კიდეც.

ცესკოსთან შეტაკება რამდენიმე საათის განმავლობაში გაგრძელდა. საბოლოოდ სპეცრაზმმა მომიტინგეებს ცენტრალური საარჩევნო კომისიის შენობაში შესვლის საშუალება არ მისცა, რის შემდეგაც ოპოზიციამ დაშლა და მიტინგის ორშაბათს პარლამენტთან გაგრძელება გადაწყვიტა.

63

უნივერსიტეტის ქუჩაზე მეყვავილეებმა საპროტესტო აქცია გამართეს - ვიდეო

16
გუშინ უნივერსიტეტის ქუჩა ყვაცილების მაღაზიების მეპატრონეებმა გადაკეტეს. მოვაჭრეები მთავრობის შეზღუდვებს აპროტესტებდენ

მათი თქმით, ისინი დღიურ შემოსავლებზე არიან დამოკიდებულები და მაღაზიების დაკეტვას არ აპირებენ. ადგილზე მივიდნენ საპატრულო პოლიციის თანამშრომლები, რომლებმაც საავტომობილო მოძრაობა აღადგინეს. ამ ეტაპზე სავაჭრო ობიექტები კვლავ ღია რჩება. უნივერისტეტის ქუჩის პროტესტს კოლმეურნეობის მოედანზე მოვაჭრე მეყვავილეებიც შეუერთდნენ.

16

აშშ ავღანეთს ტოვებს: გადიან ჯარები და იხურება სამხედრო ბაზები

5
აშშ-მა ავღანეთში თალიბანთან შეთანხმებაზე ხელის მოწერის შემდეგ 10 სამხედრო ბაზა დახურა, ამის შესახებ იუწყება გამოცემა The Washington Post ანონიმურ ავღანელ და ამერიკელ მაღალჩინოსნებზე დაყრდნობით

გაზეთის თანახმად, დახურული ბაზები მდებარეობს ავღანეთის არასტაბილურ პროვინციებში. ამერიკამ და ტერორისტულმა დაჯგუფება „თალიბანმა“ 2020 წლის თებერვალში ისტორიულ მშვიდობიან შეთანხმებას მოაწერეს ხელი. ერთ-ერთი პირობის თანახმად, ამერიკამ დოკუმენტზე ხელის მოწერიდან 14 თვის განმავლობაში ქვეყნიდან უნდა გაიყვანოს ჯარები. მანამდე პრეზიდენტმა ტრამპმა განაცხადა, რომ აშშ მნიშვნელოვნად შეამცირებდა ავღანეთში ამერიკელი სამხედროების რაოდენობას. ოფიციალურმა პირებმა განაცხადეს,რომ იანვრის შუა პერიოდში მათი რაოდენობა 5000-დან 2500-მდე დაიწევს.

5
ეპიდემია საქართველოში

კოვიდ-სტატისტიკა საქართველოში: ინფიცირებულთა რაოდენობა კვლავ მზარდია

0
საქართველოში ახალი კორონავირუსით დაავადებულთა რაოდენობა ბოლო დღე-ღამეში  3.759-ით გაიზარდა და ინფიცირებულთა საერთო რიცხვმა 139.343-ს მიაღწია.

 

თბილისი,  1 დეკემბერი – Sputnik. საქართველოში ბოლო 24 საათში გამოვლენილი კორონავირუსის  3.759 შემთხვევიდან ყველაზე მეტი – 1.595 შემთხვევა დედაქალაქში დაფიქსირდა, განაცხადა უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ ბრიფინგზე.

ინფიცირებულთა შემთხვევების რაოდენობით მეორე ადგილზე აჭრა, შემდეგ კი იმერეთის რეგიონია.

რეგიონების მიხედვით კორონავირუსით ინფიცირების სტატისტიკა ასეთია: აჭარა - 623, იმერეთი-392, კახეთი-253, სამეგრელო-ზემო სვანეთი-237, გურიაი-152, ქართლი-139, შიდა ქართლი-127, მცხეთა-მთიანეთი-126, სამცხე-ჯავახეთი-72, რაჭა-ლეჩხუმსა და ქვემო სვანეთი-43. 

ბოლო 24 საათში გამოჯანმრთელდა 3.574 პირი, ხოლო ჯამში გამოჯანმრთელებულთა რაოდენობა 117.560-მდე გიზარდა.

ბოლო დღე-ღამის განმავლობში გარდაიცვალა 36  ადამიანი. 2020 წლის 26 თებერვლიდან დღემდე სულ 1.303 გარდაცვალების შემთხვევა დაფიქსირდა.

ამ დროის მონაცემებით, საქართველოში 20.454 აქტიური შემთხვევაა. კოვიდ-კლინიკებში მოთავსებულია 6.366 პაციენტი, მათ შორის, თბილისში - 2.744, იმერეთში -1.256 , აჭარაში - 997.

1.003 პაციენტის მდგომარეობა მძიმეა. ხელოვნური სუნთქვის აპარატზე შეერთებულია 376 პირი,  მათ შორის, თბილისში-185, აჭარაში-56, იმერეთში- 44. კოვიდ-სასტუმროში მოთავსებულია 3 708 ადამიანი, მათ შორის, 1.920 - აჭარაში, თბილისში - 1 243, იმერეთში - 266. 10 380 პირი მკურნალობს ბინაზე.

დღევანდელი მდგომარეობით, საკარანტინე სივრცეში იმყოფება 1 978 ადამიანი, მათ შორის, თბილისში - 456, აჭარაში- 1.089, ხოლო იმერეთში - 35.

თვითიზოლაციაში იმყოფება 51.282 ადამიანი, საიდანაც თბილისში არის 18.787 პირი, აჭარაში - 11.362, იმერეთში-5 080.

საქართველოში ახალი კორონავირუსით დაავადებულთა რაოდენობა ბოლო დღე-ღამეში 3.759-ით გაიზარდა და ინფიცირებულთა საერთო რიცხვმა 139.343-ს მიაღწია.

ასევე კორონავირუსის დიაგნოზით უცხოეთიდან სამშობლოში გადმოყვანილია საქართველოს 41 მოქალაქე, მათ შორის 38 – სამხედრო მოსამსახურე.

საქართველოში კორონავირუსის პირველი შემთხვევა 26 თებერვალს დაფიქსირდა.

 

 

 

 

0
თემები:
COVID-19 საქართველოში