ნიუ-იორკში ჯო ბაიდენის არჩევნებში გამარჯვების აღსანიშნავად ქუჩაში გამოვიდნენ - ვიდეო

35
(განახლებულია 11:41 08.11.2020)
ნიუ-იორკის მკვიდრები ტაიმს-სკვერზე შეიკრიბნენ, რათა აღენიშნათ ჯო ბაიდენის გამარჯვება საპრეზიდენტო არჩევნებში, ვინაიდან მან შაბათს ამომრჩეველთა კოლეგიის 270-ზე მეტი ხმა მოაგროვა

ათასობით ადამიანი შეუერთდა ქუჩაში ზეიმს, სადაც დროშებს აფრიალებდნენ, ზოგიერთი ტიროდა კიდეც.

მე-7 ავენიუზე საცობში მოყოლილი მძღოლები ასიგნალებდნენ და ამერიკის დროშებს იქნევდნენ.

ბაიდენი საპრეზიდენტო არჩევნებში გამარჯვებულად სხვადასხვა ამერიკულმა მედიამ დაასახელა მანამდე, სანამ ის თავად დაადასტურებდა საკუთარ მიმართვაში გამარჯვებას.

35

რომის პაპი „ადამიანი-ობობას“ შეხვდა ვიდეო

24
(განახლებულია 17:06 24.06.2021)
კომიქსების გმირის ფორმაში გამოწყობილი მამაკაცი საავადმყოფოში მყოფი ბავშვების ხშირი სტუმარია. ის ამავე კოსტიუმით მივიდა პონტიფიკოსთან და პატარა პაციენტების დალოცვა სთხოვა.

რომის პაპ ფრანცისკეს ვატიკანში შეხვდა მამაკაცი ადამიანი-ობობას ფორმით.

კომიქსების გმირის ფორმაში გამოწყობილი იყო 27 წლის მატია ვილარდიტა, რომელიც გასულ წელს იტალიის პრეზიდენტმა სერჯო მატარელამ საბავშვო საავადმყოფოებში მუშაობისთვის დააჯილდოვა.

„მე ვიცვამ ადამიანი–ობობას კოსტიუმს, რათა ყველაზე პატარა პაციენტებს ღიმილი მოვგვარო“, – განმარტა იტალიელმა „სუპერგმირმა“.

ის პონტიფიკოსთან იმისთვის მივიდა, რომ რომის პაპისთვის ეჩუქებინა ნიღაბი, რომლის საშუალებითაც ის ავადმყოფი ბავშვების ტანჯვას უყურებს. მან სასულიერო პირებს პატარების დალოცვაც სთხოვა.

  • „ნამდვილი სუპერგმირები არიან ავადმყოფი ბავშვები და მათი ახლობლები, რომლებიც ბრძოლას იმედიანად და შემართებით განაგრძობენ“, – დაამატა ვილარდიტამ.

პირველად პორტის თანამშრომელმა სუპერგმირის ნიღაბი ოთხი წლის წინ გაიკეთა. მას თავად აქვს მძიმე დაავადება და 19 წლის განმავლობაში არაერთხელ წოლილა გენუის საბავშვო საავადმყოფოში.

„როდესაც მარტო ვიწექი ლოგინში, ძალიან მინდოდა, რომ ადამიანი-ობობა შემოსულიყო ფანჯრიდან ჩემს ოთახში“, – გაიხსენა მან.

ვილარდიტამ ასევე დაამატა, რომ კორონავირუსის პერიოდში მკაცრი საკარანტინო ზომების დროსაც ცდილობდა პატარების გახარებას, მან 1400-ზე მეტი ვიდეოზარი განახორციელა, შესაძლებლობის შემთხვევაში კი სტუმრადაც მიდიოდა ბავშვებთან და მათ მხიარულ დღესასწაულს ჩუქნიდა.

24

ძლიერი მიწისძვრა და პანიკა პერუში ვიდეო

75
(განახლებულია 16:40 24.06.2021)
პერუს დედაქალაქ ლიმაში, წყნარი ოკეანის სანაპიროზე ქვათაცვენა დაიწყო, სერიოზულად არავინ დაშავებულა.

სამშაბათს, 22 ივნისს პერუში 5,8 ბალიანი მიწისძვრა მოხდა. ამის შესახებ იუწყება ABC News.

ბიძგები იგრძნობოდა ქვეყნის დედაქალაქ ლიმაშიც. წყნარი ოკეანის სანაპიროს სავალ ნაწილზე ქვათა ცვენაც მოხდა.

ლიმას მკვიდრები მიწისძვრის დროს სახლიდან გარეთ გამოვიდა.

პერუში მსგავსი მოვლენა ხშირია, ქვეყანა წყნარი ოკეანის ე.წ. ცეცხლოვან ზოლზე მდებარეობს.

75
პოლიციის ლენტი

გარდაბანში არსებულ წყალსაცავში ორი მოზარდის ცხედარი იპოვეს

0
ხელოვნური წყალსაცავი გარდაბანში არსებულ „თბილსრესთან“ მდებარეობს. მაშველები მოზარდებს ორი საათის განმავლობაში ეძებდნენ.

თბილისი, 24 ივნისი − Sputnik. გარდაბანში, წყალსაცავში მაშველებმა ორი მოზარდის ცხედარი იპოვეს, იუწყება „პირველი არხი“.

ტელეკომპანიის ინფორმაციით, გარდაბნის რაიონის სოფელ ნაზარლოს მკვიდრი  მოზარდები წყალსაცავში საბანაოდ ჩავიდნენ. 15 წლის მოზარდი წყლიდან ამოსვლას ვეღარ ახერხებდა და მის დახმარებას 17 წლის მოზარდი შეეცადა, მაგრამ, სამწუხაროდ, ორივე დაიხრჩო.

სამძებრო სამუშაოებში ჩართული იყვნენ საგანგებო სიტუაციების მართვის სამსახურის თანამშრომლები და მყვინთავები. ამასთან, ადგილზე მობილიზებული იყო სასწრაფო სამედიცინო დახმარების ბრიგადებიც.

0