დაპირისპირება და დაკავება: ლივერპულში თვითიზოლაციის ზომები გააპროტესტეს

31
(განახლებულია 18:15 06.11.2020)
ხუთშაბათს ლივერპულში რამდენიმე ადამიანი დააკავეს მას შემდეგ, რაც მათ ბრიტანეთის მთავრობის მიერ კორონავირუსის გავრცელების შესაჩერებლად დაწესებული იზოლაციის ზომები გააპროტესტეს.

დაპირისპირებისას მომიტინგეები პოლიციას წინააღმდეგობას უწევდნენ, ოფიცრები კი მათ მიწაზე აწვენდნენ და ბოჭავდნენ.

საპროტესტო აქციის ერთ-ერთმა მონაწილემ განაცხადა, რომ ის ბიზნესმენია, რომელიც იძულებული გახადეს საკუთარი ბიზნესი შეეჩერებინა.

„მე ვღელავ საკუთარ შვილებზე. ეს საშინელებაა. გაიხსენეთ 2000 წელი, როდესაც ისინი ექვსი თვის განმავლობაში გვაშინებდნენ. შიში კონტროლის შესანიშნავი მექანიზმია. სწორედ მისი საშუალებით გვაკონტროლებენ ჩვენ. ყველამ უნდა ვიაქტიუროთ, ეს ძალიან გვჭირდება“, – განაცხადა მან.

ახალი ზომები, რომლებიც რესტორნების, პაბების, სატრენაჟორო დარბაზებისა და არასასურსათო მაღაზიების დაკეტვას მოიაზრებს, პრემიერ-მინისტრმა ბორის ჯონსონმა შაბათს მინისტრთა კაბინეტის სხდომის შემდეგ დააწესა. გადაწყვეტილება მიიღეს მას შემდეგ, რაც დიდ ბრიტანეთში კორონავირუსით ინფიცირების ერთი მილიონი შემთხვევა დაფიქსირდა.

31

საბავშვო ევროვიზია 2020: ფინალამდე რჩება ორი დღე - ვიდეო

17
წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone

საერთაშორისო სიმღერის კონკურს „საბავშვო ევროვიზია 2020“-ის ოფიციალურ ვებ-გვერდზე მაყურებლის ონლაინ–კენჭისყრამ სტარტი პარასკევს, 27 ნოემბერს, 23:00 საათიდან აიღო.

ხმის მიცემა შესაძლებელია ვებ-გვერდზე junioreurovision.tv. მაყურებელს ყველა კონკურსანტის გამოსვლის ნახვის შემდეგ შესაძლებლობა ექნება ხმა მისცეს სამ კონკურსანტს, მათ შორის – საკუთარი ქვეყნის წარმომადგენელს.

წელს კონკურსზე საქართველოს 10 წლის სანდრა გადელია წარადგენს, რომელიც შეასრულებს სიმღერას You Are Not Alone. გადელიას საკონკურსო სიმღერაზე იმუშავა კომპოზიტორმა გიორგი კუხიანიძემ, ტექსტი კი თემო საჯაიას ეკუთვნის. საქართველოს წარმომადგენელი კონკურსზე მეშვიდე ნომრად გამოვა.

კონკურსის ფინალს ქართველი მაყურებელი საზოგადოებრივი მაუწყებლის „პირველ არხზე“ კვირას, 29 ნოემბერს, 20:00 საათიდან იხილავს.

 

17

მოვასწროთ ყველაფერი: შეზღუდვების დაწესებამდე თბილისი „დიდ საცობად“ გადაიქცა ვიდეო

85
(განახლებულია 19:54 27.11.2020)
დღეს შეზღუდვების დაწესებამდე ბოლო თავისუფალი დღეა. ხვალიდან იკეტება რესტორნები და სავაჭრო ცენტრები, რასაც დღეს „შავი პარასკევიც“ დაერთო.

ამის გამო ქალაქში წარმოუდგენელი ხალხმრავლობაა, გზები კი გადატვირთულია. მტკვრის ორივე სანაპიროზე უზარმაზარი „საცობები“ წარმოიქმნა, რადგან ქალაქის გასასვლელებში დიდი სავაჭრო ცენტრებია განთავსებული.

85
გაზქურა

აჭარისა და გურიის რეგიონებს ბუნებრივი გაზის მიწოდება შეუწყდათ

0
(განახლებულია 11:37 28.11.2020)
დაზიანების აღსადგენად ადგილზე ყველა შესაბამისი სამსახურის ტექნიკური ჯგუფები მაქსიმალურად არიან მობილიზებული, აცხადებენ სამინისტროში

თბილისი, 28 ნოემბერი - Sputnik. ბუნებრივი გაზის მიწოდება შეუწყდათ აჭარისა და გურიის რეგიონებს, ინფორმაციას საქართველოს გაზის ტრანსპორტირების კომპანია ავრცელებს.

უწყების ინფორმაციით, დაზიანება „ქუთაისი-სოხუმის“ მაგისტრალური გაზსადენის ქობულეთის 500 მმ განშტოებაზე მოხდა.

ინფორმაციაში ნათქვამია, რომ დაზიანების აღსადგენად ადგილზე მობილიზებულია ტექნიკური ჯგუფები და მიმდინარეობს გადაუდებელი სამუშაოები.

სამუშაოებს საქართველოს გაზის ტრანსპორტირების კომპანია ახორციელებს.

 

0
თემები:
შემთხვევები საქართველოში