ოპოზიციას საქართველოს პარლამენტის შენობასთან კარავი არ გააშლევინეს ვიდეო

89
(განახლებულია 15:32 02.11.2020)
კვირას, ღამით ოპოზიციის მომხრეებს პარლამენტის შენობის წინ კარვების დადგმის საშუალება არ მისცეს. რა ხდებოდა გამზირზე – იხილეთ „Sputnik-საქართველოს“ ვიდეოში.

არჩევნების შედეგებით უკმაყოფილო ოპოზიციის ლიდერებმა კვირას, ღამით მხარდამჭერები რუსთაველის გამზირზე გამოიყვანეს.

თავიდან რამდენიმე ათასი მომიტინგე მივიდა პარლამენტის შენობასთან. მათ შეუერთდნენ ოპოზიციური პარტიების ლიდერები, რომლებიც არჩევნებში მონაწილეობდნენ. ისინი არსებული შედეგების ბათილად ცნობას და ხელახალ არჩევნებს მოითხოვდნენ.

შემდეგ რამდენიმე ასეულმა აქტივისტმა მსვლელობა გამართა ბიძინა ივანიშვილის რეზიდენციის მიმართულებით.

ამის შემდეგ აქციის მონაწილეთა დიდი ნაწილი დაიშალა, თუმცა აქტივისტების ჯგუფი პარლამენტთან დარჩა და კარვის გაშლა სცადა, თუმცა პოლიციამ ამის საშუალება არ მისცა.

 

89

კარვები პოლიციისა და დევნილების საპროტესტო აქციაზე დაპირისპირების დროს პარიზში ვიდეო

21
(განახლებულია 18:38 24.11.2020)
პოლიცია დაუპირისპირდა მომიტინგეებს, რომლებიც დევნილებს უჭერდნენ მხარს. მათ კარვები გაშალეს რესპუბლიკის მოედანზე, პარიზის ცენტრში მას შემდეგ, რაც გასულ კვირაში სენ-დენის ბანაკიდან მიგრანტების ევაკუაცია დაიწყო.

„ვცდილობთ ჯანდაცვის სამინისტრო გავაფრთხილოთ და, როგორც ჩანს, შინაგან საქმეთა სამინისტროც, მაგრამ მათი მიგრაციული პოლიტიკა ჯანდაცვის სამინისტროს პოლიტიკას სრულად ეწინააღმდეგება“, – განაცხადა MSF-ის (მედიცინა საზღვრების გარეშე) მისიის ხელმძღვანელმა საფრანგეთში კორინ ტორემ.

17 ნოემბერს პოლიციის ოპერაციის დროს ბანაკიდან 2500 დევნილი გაუშვეს. ჯგუფი Utopia 56-ის აქტივისტების ინფორმაციით, რომლებიც მიგრანტებს უჭერენ მხარს, დაახლოებით 800 მათგანი თავშესაფრის გარეშე დარჩა.

21

საპროტესტო აქცია: პენსიონერებმა პენსიის გაზრდა მოითხოვეს ვიდეო

34
(განახლებულია 15:45 24.11.2020)
ბუენოს–აირესის ქუჩებში პენსიონერებმა და მათმა მხარდამჭერებმა პენსიის გაზრდის მოთხოვნით საპროტესტო აქცია გამართეს.

„პენსიონერებს არ სურთ საკუთარი ღირსების შელახვა. პენსიონერებს სიცოცხლის ღირსეულად გატარება სურთ“, – განაცხადა პენსიონერმა რუბენ ჯოანინიმ, რომელმაც შემდეგ დაამატა, რომ დაოჯახებული პენსიონერის შემოსავალი 35-დან 40 ათასამდე პესოა (367–420 ევრო), ხოლო 40-წლიანი მუშაობის შემდეგ მინიმალური პენსია ახლა 18 ათას პესოს შეადგენს (189 ევრო).

18 ნოემბერს მთავრობაში პენსიის 5%-ით მატების შესახებ განაცხადეს, რასაც დემონსტრანტმა მირტა კოსტამ „ნამდვილი სირცხვილი“ უწოდა. „ამ თვეში ჩვენ 903 პესოს (9,5 ევრო) დანამატი მოგვცეს, ანუ უნდა მივიღოთ 19 ათასი პესო (199 ევრო)“, – განაცხადა მან.

არსებული მონაცემებით, არგენტინაში ძირითადი სამომხმარებლო კალათა ერთ სულზე 17 ათას პესოს (178 ევრო) შეადგენს, რაც მიანიშნეს სირთულეებზე, რომლებსაც აწყდებიან მინიმალური პენსიის მქონე მოხუცები.

34
ვალუტის გადამცვლელი პუნქტი

ლარის კურსი 25 ნოემბერს

0
(განახლებულია 08:13 25.11.2020)
წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,012 ლარით გაუფასურდა.

თბილისი, 25 ნოემბერი – Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,3193GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის კურსი აშშ დოლარის მიმართ 0,012 ლარით გაუფასურდა. 

ლარის კურსი 25 ნოემბერს
0
თემები:
ლარის კურსი დღეს