გერმანიაში „ჩრდილოეთის ნაკადი 2-ის“ მშენებლობის შეჩერების მოთხოვნა გააკრიტიკეს - ვიდეო

105
ალექსეი ნავალნის მოწამვლასთან დაკავშირებით გერმანიაში „ჩრდილოეთის ნაკადი – 2-ის“ მშენებლობის შეჩერების მოთხოვნა გააკრიტიკეს

ბუნდესტაგის ეკონომიკისა და ენერგეტიკის კომიტეტის ხელმძღვანელის, კლაუს ერნსტის აზრით, პროექტის გაყინვა, რომელიც ევროპის გაზმომარაგებას უზრუნველყოფს, შეცდომა იქნება. „ეს საერთოდ არ შედის გერმანიისა და ევროპის ინტერესებში“, - განაცხადა გერმანელმა პოლიტიკოსმა RT Deutsch-თან ინტერვიუში. ნავალნი 20 აგვისტოს ომსკის საავადმყოფოში მას შემდეგ გადაიყვანეს, რაც ის შეუძლოდ გახდა თვითმფრინავში. მოგვიანებით ის გერმანიაში გადაიყვანეს. გერმანელმა ექიმებმა განაცხადეს, რომ ოპოზიციონერი მოწამლეს მომწამლავი ნივთიერებების ჯგუფი „ნოვიჩოკის“ სუბსტანციით, თუმცა მტკიცებულება არ წარმოუდგენიათ.

„ჩრდილოეთის ნაკადი – 2“ - ახალი გაზსადენის პროექტი რუსეთიდან ევროპაში ბალტიის ზღვის გავლით. მისი სავარაუდო სიმძლავრე იქნება 55 მლრდ კუბური მეტრი წელიწადში. აშშ, პოლონეთი და ბალტიის ქვეყნები დიდი ხანია „ჩრდილოეთის ნაკადი – 2-ის“ წინააღდეგ გამოდიან და ამტკიცებენ, რომ ეს ეროვნულ უსაფრთხოებასა და ინტერესებს უქმნის საფრთხეს. მოსკოვში დაუსაბუთებელ ბრალდებებს უარყოფენ.

105

„ღირსეული პარტნიორი 2020“ დასრულდა. რას აკეთებდნენ ნატოელი სამხედროები საქართველოში?

21
(განახლებულია 16:44 22.09.2020)
საქართველოში დასრულდა საერთაშორისო სწავლება „ღირსეული პარტნიორი 2020“. მანევრებში მონაწილეობის მისაღებად თითქმის 3 ათასი სამხედრო შეიკრიბა აშშ-დან, პოლონეთიდან, საფრანგეთიდან, დიდი ბრიტანეთიდან და საქართველოდან.

აშშ-ის ელჩის განცხადებით, ქვეყნებს სურთ გააუმჯობესონ ბრძოლისუნარიანობა საერთო ძალებით და უზრუნველყონ უსაფრთხოება შავი ზღვის რეგიონში.

რატომ აირჩიეს ნატოელმა სამხედროებმა მანევრებისთვის საქართველო და რას ფიქრობენ სწავლებების შესახებ რუსეთში?

21

მაღალმთიან აჭარაში რამდენიმე მეწყერი ჩამოწვა: ვიდეო შემთხვევის ადგილიდან

113
ძლიერმა წვიმამ მაღალმთიან აჭარაში, ქედის რაიონის რამდენიმე სოფელში, მეწყერები და ღვარცოფები გამოიწვია.

ადგილობრივი ხელისუფლების მონაცემებით, დაზარალდა სოფლები დოლოგანი, ზუნდაგი, ბზუბზუ, ცხემნა, დაბა ქედა და ოქტომბერი.

ძლიერმა მეწყერმა ჩაკეტა ბათუმი-ახალციხის ცენტრალური ავტომაგისტრალის ქედის მონაკვეთი.

სტიქიური უბედურების შედეგების აღმოსაფხვრელად შექმინია სპეციალური შტაბი. ზოგ ადგილზე უკვე დაწყებულია გაწმენდითი სამუშაოები. მოძრაობა ბათუმი–ახალციხის გზაზე ცალმხრივადაა აღდგენილი.

113
მოხალისეების ვაქცინაცია კორონავირუსზე

რუსეთში არ გამორიცხავენ COVID-19-ის ვაქცინის მიწოდებას პოსტსაბჭოთა ქვეყნებში

0
ამჟამად გამალეის ცენტრში შექმნილი COVID-19-ის საწინააღმდეგო ვაქცინის Спутник V-ის საცდელი პარტიები რუსეთის ყველა რეგიონმა მიიღო

თბილისი, 21 სექტემბერი – Sputnik. COVID-19-ის საწინააღმდეგო რუსული წარმოების ვაქცინას Спутник V-ს სხვა ქვეყნებს მასობრივად არ გადასცემენ, რადგან საჭიროა რუსეთის მოქალაქეების ვაქცინაციის უზრუნველყოფა, განაცხადა გამალეის სახელობის ეპიდემიოლოგიისა და მიკრობიოლოგიის ეროვნულ კვლევით ცენტრის დირექტორმა ალექსანდრ გინცბურგმა.

ამასთან რუსეთი მზადაა მიაწოდოს მსურველებს პრეპარატის საწარმოო ტექნოლოგიები, მაგრამ ამისათვის მიმღებ ქვეყანაში შესაბამისი საწარმოო სიმძლავრეები უნდა არსებობდეს.

გინცბურგის გათვლებით, იმისათვის, რომ მხოლოდ რუსეთის ფედერაციის მოსახლეობა აიცრას, 9-დან 12 თვემდეა საჭირო.

„საწარმო, რომელიც გამალეის ცენტრის ტერიტორიაზე მდებარეობს, სამ ცვლაში მუშაობს, მაგრამ ახლოსაც ვერ უზრუნველყოფს იმ მოცულობებს, რომლებიც ჩვენი ქვეყნის (რუსეთის - რედ.) მოსახლეობის ვაქცინირებისთვისაა საჭირო, - აღნიშნა გინცბურგმა. - ამჟამად ტექნოლოგიების ტრანსფერი მინიმუმ 3-4 საწარმოო მოედანზე ხორციელდება. იმედი მაქვს, რომ ნოემბრისთვის ამ მოედნებზე ერთ თვეში 5-6 მილიონ დოზას გამოუშვებენ. ეს საშუალებას მოგვცემს 9-12 თვეში ავიდეთ 70-80%-იან ვაქცინაციის დონეზე, რითაც შესაძლებელი გახდება პოპულაციურ დონეზე აღნიშნული ვირუსის ცირკულაციის შეწყვეტა“.

მეცნიერის თქმით, ვაქცინის წარმოებისთვის საჭიროა განსაკუთრებული ტექნოლოგიები, რომლებითაც იქმნება მონოკლონური ნივთიერებები, რომლებსაც ონკოლოგიური დაავადებების სამკურნალოდ იყენებენ. ასეთი მოედნები არსებობს სხვადსხვა ქვეყნებში, მაგრამ არა ყოფილ საბჭოთა რესპუბლიკებში.

„არ ვარ დარწმუნებული, რომ იქ (ყოფილი სსრკ-ის ქვეყნებში - რედ.) ტექნოლოგიური მოედნები მზადაა. თუ ისინი ამისათვის დამოუკიდებლად მოემზადებიან, ესე იგი ტრანსფერის განხორციელება ღვთის ნება ყოფილა. მაგრამ, სავარაუდოდ, იქ იქნება ბელარუსის ანალოგიურად, რომლისთვისაც ჩვენ მოვიძიებთ გარკვეულ საშუალებებს იმისათვის, რომ სხვადასხვა პირობებით დავეხმაროთ. მაგრამ დავეხმარებით. საკუთარ მოსახლეობასთან ერთად დავიცავთ ჩვენს უახლოეს მეზობლებს, - განმარტა სპეციალისტმა. - ვერაფერს ვიტყვი სახელმწიფო დონეზე, მაგრამ ჩემს დონეზე ბევრ ჩვენს რესპუბლიკასთან (ყოფილი სსრკ-ის - რედ.) მუდმივად მიმდინარეობს საუბრები, მომართვები და შესაძლო ურთიერთქმედებების განხილვები“.

მასობრივად ვაქცინის მიწოდება არ მოხდება, დააზუსტა გინცბურგმა. მაგრამ წარმოება შეიძლება აეწყოს ისეთ ქვეყნებში, სადაც შესაბამისი პროფილის მსხვილი საწარმოები არსებობს. მაგალითად, ინდოეთში.

ალექსანდრ გინცბურგის თქმით, რუსეთის ტერიტორიაზე მყოფ უცხო ქვეყნების მოქალაქეებს შეუძლიათ მონაწილეობა მიიღონ რუსული ვაქცინის გამოცდებში.

„რამდენადაც ვიცი, ჩვენს ლაბორატორიაში არანაირი შეზღუდვა არ არსებობს, - განუცხადა Sputnik-ს ალექსანდრ გინცბურგმა. - არანაირ დისკრიმინაციულ მომენტს ჩვენი კანონმდებლობა არ შეიცავს“.

ამჟამად გამალეის ცენტრში შექმნილი COVID-19-ის საწინააღმდეგო ვაქცინის Спутник V-ის საცდელი პარტიები რუსეთის ყველა რეგიონმა მიიღო.

გარდა ამისა, 22 სექტემბერს რუსეთის ჯანდაცვის სამინისტრომ კიდევ ერთ ანტიკორონავირუსულ ვაქცინაზე გასცა კლინიკური კვლევების ჩატარების უფლება. პრეპარატი ჩუმაკოვის სახელობის ცენტრშია დამზადებული.

0
თემები:
COVID-19-ის პანდემია მსოფლიოში