აშშ-ის სენატში თურქეთისგან С-400-ების გამოსყიდვას მოითხოვენ ვიდეო

76
(განახლებულია 15:03 01.07.2020)
აშშ-ის სენატში თურქეთისგან ახალი რუსული საზენიტო-სარაკეტო კომპლექსი С-400-ების გამოსყიდვას მოითხოვენ.

2021 წელს აშშ-ის ეროვნული თავდაცვის საბიუჯეტო ასიგნებების შესახებ კანონპროექტის შესაბამისი ცვლილების შეთავაზება რესპუბლიკელ სენატორს ჯონ ტუნის ეკუთვნის. მისი თქმით, ამერიკელები რუსულ კომპლექსებს პენტაგონის ბიუჯეტის ხარჯზე შეიძენენ.

თურქეთის მიერ C-400-ის შეძენამ აშშ-სა და თურქეთს შორის კონფლიქტი გამოიწვია. ვაშინგტონმა მოითხოვა, რომ ანკარას უარი ეთქვა ხელშეკრულებაზე და სანაცვლოდ ამერიკული სისტემა Patriot-ები ეყიდა. წინააღმდეგ შემთხვევაში ამერიკელები იმუქრებოდნენ თურქეთის წინააღმდეგ სანქციების დაწესებითა და ანკარისთვის F-35 გამანადგურებლების მიყიდვის გადადებით ან სულაც გაუქმებით.

თურქეთის მთავრობა დათმობაზე არ წავიდა. რამდენად რეალურია სენატორი ტუნის წინადადება – იხილეთ ვიდეოში.

76

უბედური შემთხვევა სვანეთში: მაშველები მდინარეში მანქანით გადავარდნილ კაცს ეძებენ

100
(განახლებულია 19:02 13.07.2020)
მესტიის მუნიციპალიტეტის სოფელ მულახში ადგილობრივ მოსახლეს ეძებენ, რომელიც ავტომობილით გადავარდა მდინარე მულხურაში. იხილეთ ვიდეო, როგორ მიმდინარეობს საძიებო სამუშაოები.

საქართველოს საზოგადოებრივი მაუწყებლის „პირველი არხის“ ინფორმაციით, შემთხვევის ადგილზე იმყოფებიან მაშველები, რომლებიც დაკარგული მამაკაცის მოძებნასა და ავტომობილის მდინარიდან ამოღებას ცდილობენ.
გავრცელებული ინფორმაციით, Mitsubishi Delica-ს მძღოლი 45 წლის მამაკაცი იყო. მისი პოვნა ჯერჯერობით ვერ ხერხდება.

100
თეგი:
საქართველო
(146:32 / 2353.98Mb / просмотров видео: 870)

პირდაპირი ტრანსლაცია აია-სოფიას ტაძარი სტამბულში

114
(განახლებულია 20:54 10.07.2020)
თურქეთის სახელმწიფო საბჭომ ერთხმად დაუჭირა მხარი წმინდა სოფიას (აია-სოფია) საკათედრო ტაძარ-მუზეუმის სტატუსის შეცვლას და მის მეჩეთად გადაკეთებას. ნახეთ პიდაპირი ტრანსლაცია სტამბულიდან.

ახლა აია-სოფიას ტაძარი შეიძლება მეჩეთად გამოიყენონ. თურქეთის პრეზიდენტმა რეჯებ თაიიფ ერდოღანმა უფრო ადრე განაცხადა, რომ ამ საკითხთან დაკავშირებით უმაღლესი ადმინისტრაციული სასამართლოს გადაწყვეტილებას ელოდება და ამის მიხედვით იმოქმედებს.

114
კიკვიძის პარკი

თბილისში კიკვიძის განახლებული პარკი გაიხსნა

0
პარში მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები

თბილისი, 14 ივლისი — Sputnik. თბილისში ვეტერანთა კულტურისა და დასვენების განახლებული პარკი (კიკვიძის) გაიხსნა, იუწყება მერიის ვებგვერდი.

გახსნის ღონისძიებას დედაქალაქის მერი კახა კალაძე და საქართველოს პრემიერ-მინისტრი გიორგი გახარია დაესწრნენ.

თბილისის მერმა მოსახლეობას განახლებული პარკის გახსნა მიულოცა. მისი განცხადებით, პარკში შესაბამისი სივრცე ყველა თაობის ადამიანისთვის მოეწყო.

„თბილისს კიდევ ერთი მნიშვნელოვანი რეკრეაციული სივრცე შეემატა. რაც შეეხება პარკს, იგი მთლიანად იქნა რეაბილიტირებული. გაჩნდა ახალი ზონები, ბავშვებისთვის შესაბამისი ადგილები, სადაც განთავსებულია ატრაქციონები. ყველა თაობის ადამიანისთვის არის შესაბამისი ზონა, სადაც გაქვთ შესაძლებლობა, თქვენი შვილებითა და შვილიშვილებით დაისვენოთ. ნამდვილად მიხარია, რომ ჩვენთან უკვე ჩნდება ის საპარკო კულტურა, რაც ყველა განვითარებულ ქვეყანაშია. ჩვენ გვაქვს პარკების ნაკლებობა, მაგრამ პირობა მაქვს მიცემული თბილისელებისთვის, რომ ჩვენი ქალაქი ევროპაში ყველაზე მწვანე, ყველაზე მოწესრიგებული, განახლებული, უსაფრთხო და კეთილმოწყობილი იქნება“, - განაცხადა კახა კალაძემ.

რეაბილიტაციის ფარგლებში, პარკს შეუერთდა მიმდებარედ არსებული ტერიტორია, მოეწყო სპორტული და სამაგიდო თამაშების მოედნები, დასასვენებელი პავილიონები, სარწყავი, განათებისა და ვიდეომეთვალყურეობის სისტემები.

პარკის ტერიტორიაზე განთავსდა შინაური ცხოველების სასეირნო სივრცე, ველო და სარბენი ბილიკები. ერისთავის ქუჩის მხრიდან კი, მოეწყო პარკში შესასვლელი პანდუსი. რეაბილიტაცია ჩაუტარდა პარკში არსებული შენობებსა და შადრევანს.

ტერიტორიაზე, რომლის ფართობიც 72 ათას 100 კვადრატული მეტრია, ჯამში, 12 ათას 124 ძირი ხე-მცენარე დაირგო. სამუშაოების განსახორციელებლად დედაქალაქის ბიუჯეტიდან 4 მლნ 500 ათასი ლარი გამოიყო.

0
თემები:
თბილისის მერია