ავტობუსები გზის შუაგულში: თბილისის მერმა ექსპერიმენტის ჩატარება გადაწყვიტა - ვიდეო

280
(განახლებულია 19:36 14.05.2020)
თბილისში უპრეცედენტო სატრანსპორტო პროექტი ხორციელდება — ჭავჭავაძის გამზირის რემონტის დროს ავტობუსის ზოლები გზის შუაგულში გადაიტანეს.

ახლა ილია ჭავჭავაძის გამზირზე ავტობუსები ფაქტობრივად ავტომობილების შემხვედრ ზოლზე იმოძრავებს, თუმცა კი მათთვის გამოყოფილ ზოლში.  

ექსპერიმენტის ინიციატორი ქალაქის მერი კახა კალაძეა, რომელსაც მიაჩნია, რომ ეს ავტობუსების მოძრაობას უფრო სწრაფს გახდის და დამატებით ე.წ. საცობებს არ შექმნის.

ბევრ თბილისელს არ ესმის, როგორ შეიძლება, რომ საზოგადოებრივმა ტრანსპორტმა გზის შუა ნაწილში მოძრაობით პრობლემები არ შექმნას, ან რამდენად მოსახერხებელი იქნება ქვეითებისთვის შუა გზაზე გაჩერებამდე მისვლა?

თუ რამდენად წარმატებული გამოდგება პროექტი, ეს მხოლოდ მაშინ გაირკვევა, როცა თბილისში საზოგადოებრივი ტრანსპორტის მოძრაობა სრულად აღდგება.

280

მთიანი ყარაბაღი: როგორ რეაგირებს სამყარო კონფლიქტის გამწვავებაზე და ვინ აღვივებს მას?

25
(განახლებულია 16:46 30.09.2020)
სანამ მსოფლიო საზოგადოება აზერბაიჯანსა და სომხეთს მშვიდობიანი მოლაპარაკებებისკენ მოუწოდებს, მთიან ყარაბაღში სროლები გრძელდება.

არაღიარებულ რესპუბლიკაში სიტუაციის გამწვავებას აკვირდებიან გაერო, ევროკავშირი, თურქეთი, რუსეთი. რუსეთის პრეზიდენტის პრეს-მდივანმა განაცხადა, რომ მოსკოვი მიმდინარე მოვლენებს აფასებს „შემდგომი ნაბიჯების განსაზღვრის მიზნით“. ამავდროულად თურქეთი ღიად უცხადებს აზერბაიჯანს მხარდაჭერას, რაც, დმიტრი პესკოვის აზრით, მხოლოდ „ცეცხლზე ნავთის დამატებაა“. იხილეთ ვიდეოში საერთაშორისო რეაქცია სადავო ტერიტორიის ირგვლივ მიმდინარე მოვლენებზე.

25

შეძლებენ თუ არა აზერბაიჯანი და სომხეთი ყარაბაღში ცეცხლის შეწყვეტას და მოლაპარაკებას?

54
(განახლებულია 17:00 29.09.2020)
მთიან ყარაბაღში სიტუაცია კვლავ გამწვავდა. 27 სექტემბერს არაღიარებულ რესპუბლიკაში შეიარაღებული შეტაკებები დაიწყო. მოწინააღმდეგე მხარეები – აზერბაიჯანი და სომხეთი ერთმანეთს ადანაშაულებენ პროვოკაციებში.

ორივე ქვეყანა მოწინააღმდეგე მხარეს ადანაშაულებს თავდასხმაში და იძულებით კონტროპერაციაზე საუბრობს. შეტაკებებს უკვე შეეწირა მრავალი სამხედრო პირი და მშვიდობიანი მოქალაქე. ასეთი დაძაბულობა ყარაბაღში 1994 წლის შემდეგ არ ყოფილა. მაშინ ღია შეტაკებები ჩაწყნარდა, თუმცა კონფრონტაცია გაგრძელდა. იურიდიულად მთიანი ყარაბაღი აზერბაიჯანის ტერიტორიაა, თუმცა 1991 წელს რეფერენდუმის საფუძველზე რესპუბლიკამ დამოუკიდებლობა გამოაცხადა. მსოფლიოში ყარაბაღის დამოუკიდებლობა არ უღიარებიათ. სადავო ტერიტორიაზე სიტუაციის გამწვავების შესახებ – იხილეთ ვიდეო.

54
მიხეილ სააკაშვილი

სააკაშვილს ერევნის უნივერსიტეტის საპატიო დოქტორის წოდებას ჩამოართმევენ

0
(განახლებულია 22:49 30.09.2020)
გარდა საპატიო დოქტორი წოდებისა, 2009 წელს სომხეთის ექს–პრეზიდენტმა სერჟ სარგსიანმა მიხეილ სააკაშვილს სომხეთის მაღალი სახელმწიფო ჯილდო — საპატიო ორდენი გადასცა

თბილისი, 30 სექტემბერი — Sputnik. სომხეთის განათლების, მეცნიერების, კულტურისა და სპორტის მინისტრმა არაიკ არუთუნიანმა საქართველოს ექს–პრეზიდენტ მიხეილ სააკაშვილისთვის ერევნის სახელმწიფო უნივერსიტეტის საპატიო დოქტორის წოდების ჩამორთმევის ინიციატივა წამოაყენა, იუწყება Sputnik სომხეთი.

მანამდე სააკაშვილი საკუთარ Facebook–ზე ყარაბაღის კონფლიქტს გამოეხმაურა, რა დროსაც მთიანი ყარაბაღი „აზეrბაიჯანის სუვერენულ ტერიტორიად“ მოიხსენია.

„დღეს მივიღე გადაწყვეტილება, მივმართო ერევნის სახელმწიფო უნივერსიტეტის სამეცნიერო საბჭოს თხოვნით, ჩამოერთვას საქართველოს ყოფილ პრეზიდენტ მიხეილ სააკაშვილს საპატიო დოქტორის წოდება. გადაწყვეტილება განპირობებულია სააკაშვილის მხრიდან აზერბაიჯანის აგრესიის წაქეზებითა და ირიბი მხარდაჭერით სომხური იდენტობის, თვითგამორკვევისა და სიცოცხლის უფლების წინააღმდეგ“ , — დაწერა არუთუნიანმა საკუთარ ოფიციალურ ფეისბუქ–გვერდზე.

გარდა საპატიო დოქტორი წოდებისა, 2009 წელს სომხეთის ექს–პრეზიდენტმა სერჟ სარგსიანმა მიხეილ სააკაშვილს სომხეთის მაღალი სახელმწიფო ჯილდო — საპატიო ორდენი გადასცა.

სომხეთსა და აზერბაიჯანს შორის მთიანი ყარაბაღის გამო კონფლიქტი 27 სექტემბერს გამწვავდა. ერევანი და ბაქო ესკალაციაში ერთმანეთს ადანაშაულებენ. სომხეთის თავდაცვის სამინისტრომ განაცხადა, რომ ყარაბაღზე აზერბაიჯანმა „საჰაერო და სარაკეტო იერიში“ მიიტანა, ბაქოში კი ირწმუნებიან, რომ ცეცხლი სომეხმა სამხედროებმა გახსნეს.

რიგმა ქვეყნებმა და საერთაშორისო ორგანიზაციებმა, მათ შორის, საქართველომ, მხარეებს თავშეკავებისკენ მოუწოდეს.

მთიანი ყარაბაღის გამო სომხეთსა და აზერბაიჯანს შორის კონფლიქტი 1988 წლის თებერვალში დაიწყო, როდესაც მთიანი ყარაბაღის ავტონომიამ აზერბაიჯანის სსრ-დან გასვლის თაობაზე განაცხადა. 1992-1994 წლებში აზერბაიჯანმა დაკარგა კონტროლი მთიან ყარაბაღზე და მის მიმდებარე შვიდ რაიონზე.

კონფლიქტის მშვიდობიანად მოგვარებისთვის მოლაპარაკებები 1992 წლიდან მიმდინარეობს ეუთოს მინსკის ჯგუფის ფარგლებში, რომელსაც სამი თანათავმჯდომარე ჰყავს – რუსეთი, აშშ და საფრანგეთი. აზერბაიჯანი მოითხოვს ტერიტორიული მთლიანობის აღდგენას, სომხეთი კი არაღიარებული რესპუბლიკის ინტერესებს იცავს, რადგან თავად ყარაბაღი მოლაპარაკებების მხარე არ არის.

 

 

0
თემები:
მთიან ყარაბაღში ვითარება გამწვავდა – შეიარაღებული შეტაკება 2020