წაიკითხეთ ლექსი ომზე: რუსეთის ფედერაციის საბჭოს სპიკერი გამარჯვების 75-ე იუბილეზე

104
(განახლებულია 13:57 05.05.2020)
გამარჯვების 75-ე წლისთავის წინ Sputnik-მა კომენტარი სთხოვა რუსეთის ფედერალური კრების ფედერაციის საბჭოს თავმჯდომარეს ვალენტინა მატვიენკოს, თუ რა განწყობით ხვდება პანდემიის პირობებში ამ იუბილეს.

მატვიენკოს თქმით, ემოციური მუხტის მიღება სამხედრო პოეზიით შეიძლება, და თავად წაიკითხა მისი ერთ-ერთი საყვარელი ლექსი. Sputnik-თან ექსკლუზიურ ინტერვიუში მან აღნიშნა, რატომ შეაჩერა არჩევანი რობერტ როჟდესტვენსკის პოეზიაზე.

— როგორ წარმოგიდგენიათ გამარჯვების დღის იუბილეს აღნიშვნა არსებულ პირობებში? თქვენ საუბრობდით საოჯახო არქივებზე, ფოტოებზე, კიდევ რა შეგიძლიათ გვირჩიოთ მოვლენის მნიშვნელობის გასააზრებლად?

— ლექსები... ლექსები ომზე. წაიკითხეთ თვითონ, წაუკითხეთ ბავშვებს. დსთ-ის პარლამენტთშორისი ასამბლეის ფარგლებში ჩვენ შევქმენით პროექტი: რამდენიმე ადამიანი — მსახიობი, ვეტერანი, პოლიტიკოსი და ახალგაზრდობის წარმომადგენელი კითხულობს ერთ ნაწარმოებს — ლექსს დიდ სამამულო ომზე. მე და ჩემმა კოლეგებმაც მივიღეთ მონაწილეობა ამ პროექტში. არჩევანი თავად გავაკეთე, თუ რა უნდა წამეკითხა. მინდა გითხრათ, რომ ავიღე სერიოზული პაუზა —  მთელი თვე, იმდენად რთული აღმოჩნდა ეს. ლამის ჩავშალე პროექტი.

არ მინდოდა ფორმალურად მივდგომოდი. საერთოდ არ შემიძლია ფორმალურობა... მომიწია გადამეკითხა სამხედრო პოეზია. განმეცადა კიდეც... საერთოდ არ ვნანობ. მივიღე ძალიან ძლიერი და ძალიან საჭირო შთაბეჭდილებები გამარჯვების დღის წინ. ეს ერთგვარი განწმენდა, კათარზისი იყო. განსაკუთრებით, როცა ფრონტელი პოეტების შემოქმედებას ვკითხულობდი.

— კონკრეტულად ვისმა ნაწარმოებებმა შეგძრათ?

— სიმონოვის, ტვარდოვსკის, ოკუჯავას, დრუნინის, ბერგჰოლცის... Я убит подо Ржевом, Если дорог тебе твой дом, Я ухожу от пули, Ты вернешься, Накануне… იმდენად იგრძნობა კონკრეტული ადამიანი ჯაროსკაცში, რომელიც უკიდეგანო ომის წინაშე დგას, რომელშიც უნდა გაიმარჯვოს... როგორი რწმენა და სისასტიკეა მათში, მომავლისადმი მოვალეობის გაცნობიერება. და იმავდროულად, სიცოცხლისადმი სიყვარული. ის ზუსტ, ძუნწ, უბრალო დეტალებშია. თითოეულ სიტყვაში. სწორედ ფრონტელებთან. პირდაპირ ფრონტის შეგრძენებებს განგაცდევინებს...

მაგრამ მაინც როჟდესტვენსკის „რექვიემზე“ შევჩერდი. ჩემთვისვე მოულოდნელად. ეს ნაწარმოები თითქოს ყველასთვის ცნობილია, მისი ყველა სიტყვა წაკითხულია, წარმოთქმულია, გაგონილია. მაგრამ მასში კოსმიური ძალაა, მასშტაბი! იცით, ეს თითქოს გარედან დანახული წარსულია, ტკივილი, ტრაგედია. ამ დროის გადასახედიდან მონუმენტალურად ჩანს, მარადიულად. კითხულობ და რაღაც მაგიაა - უბრალო სიტყვებია, მაგრამ თითქოს უფრო დიდი, ძლიერი ხდები. წაიკითხეთ.

 

104

დონალდ ტრამპმა აშშ-ის ღია ცის ხელშეკრულებიდან გასვლის შესახებ გამოაცხადა

237
აშშ ღია ცის შეთანხმებიდან გადის. ამის შესახებ პრეზიდენტმა გამოაცხადა და ეს გადაწყვეტილება იმით ახსნა, რომ რუსეთი არ იცავს შეთანხმების პირობებს

მოსკოვში ვაშინგტონის ბრალდებები უარყვეს და განაცხადეს, რომ რუსული მხარე თავის მხრივ არ აპირებს ხელშეკრულებიდან გასვლას. იმის შესახებ, როგორ „მოკლა“ დონალდ ტრამპმა კიდევ ერთი საკვანძო შეთანხმება საერთაშორისო უსაფრთხოების სფეროში, ვიდეოში მოგითხრობთ.

237

საქართველო vs კორონავირუსი: საგანგებო მდგომარეობის ორი თვე ორ წუთში

180
(განახლებულია 15:01 22.05.2020)
საქართველოში საგანგებო მდგომარეობა დასრულდა, რომელიც კორონავირუსი COVID-19-ის გავრცელების საფრთხის გამო დაწესდა

იხილეთ Sputnik-საქართველოს ვიდეოში, რა აკრძალვები მოქმედებდა საქართველოში ორი თვის განმავლობაში და რა ზიანი მიადგა სახელმწიფოს.

საგანგებო მდგომარეობა საქართველოში 21 მარტს გამოცხადდა. თავდაპირველად საგანგებო მდგომარეობა ერთი თვით დაწესდა, თუმცა მოგვიანებით 22 მაისამდე გაგრძელდა.

ქვეყანაში დაიკეტა სავაჭრო ობიექტები, ფუნქციონირებდა მხოლოდ სასურსათო მაღაზიები და აფთიაქები. ხელისუფლებამ დააწესა საკომენდანტო საათი, რომელიც ღამის 21:00-დან დილის 06:00 საათამდე მოქმედებდა. ასევე აკრძალული იყო სამ ადამიანზე მეტის შეკრება საზოგადოებრივი თავშეყრის ადგილებში, სავალდებულო იყო სოციალური დისტანციის დაცვა ორი მეტრის დაშორებით.

ნებისმიერი დარღვევა ისჯებოდა დიდი ჯარიმით: 3 000 ლარი ფიზიკური პირებისთვის და 15 000 ლარი იურიდიული პირებისათვის.

27 აპრილიდან შეზღუდვების ეტაპობრივი გაუქმება დაიწყო. ხელისუფლება იმედს იტოვებს, რომ შეზღუდვების შემსუბუქება არ გაართულებს ეპიდემიოლოგიურ სიტუაციას ქვეყანაში.

180
ვალუტის გაცვლის პუნქტი

ლარის კურსი 26 მაისს

0
(განახლებულია 08:42 26.05.2020)
წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ არ შეცვლილა.

თბილისი, 26 მაისი — Sputnik. საქართველოს ეროვნულმა ბანკმა ლარის კურსი აშშ დოლარის მიმართ 3,1916 GEL/$1 ნიშნულზე დაადგინა.

წინა ნიშნულთან შედარებით ქართული ეროვნული ვალუტის, ლარის კურსი აშშ დოლარის მიმართ არ შეცვლილა.

ლარის კურსი 26 მაისს
ლარის კურსი 26 მაისს
0
თემები:
ლარის კურსი დღეს