კარანტინი მარნეულსა და ბოლნისში: ადამიანები ახალ რეალობას ეგუებიან ვიდეო

69
(განახლებულია 20:08 27.03.2020)
მარნეულსა და ბოლნისში მკაცრი კარანტინის დაწესების შემდეგ სამხედრო მოსამსახურეები წესრიგს უზრუნველყოფენ. რა ხდება იქ დღეს – იხილეთ „Sputnik-საქართველოს“ ვიდეოში.

იმის გამო, რომ მაშინვე ვერ მოხერხდა 62 წლის მარნეულის მკვიდრი ქალის დაინფიცირების წყაროს გარკვევა, საქართველოს მთავრობამ დაჩქარებულ ვადებში გადაწყვიტა მარნეულსა და ბოლნისში მკაცრი საკარანტინო რეჟიმის დაწესება. ბოლო მონაცემებით, მარნეულში 130 ათასი ადამიანი ცხოვრობს, ბოლნისში – 78 ათასი. 

სამხედროები ამ დროისათვის არა მხოლოდ წესრიგს უზრუნველყოფენ, არამედ ადგილობრივებს ტერიტორიაზე განთავსებული ბლოკ-პოსტების გადაკვეთაშიც ეხმარებიან. ტრანსპორტს, რომელიც „რისკის რაიონებში“ მიემართება, დეზინფექცია უტარდება.

როგორც დაავადებათა კონტროლის ეროვნულ ცენტრში აცხადებენ, ხელისუფლების დროული მოქმედების წყალობით მარნეულში კორონავირუსის აფეთქების აღკვეთა მოხერხდა. 

საქართველოს მთავრობის ოფიციალური ვებ-გვერდის stopcov.ge მონაცემებით, COVID-19-ით ინფიცირებულთა რაოდენობამ 81-ს მიაღწია. განიკურნა 13 ადამიანი. კარანტინში ამ დროისათვის იმყოფება 4 505, ხოლო სტაციონარებში ექიმების დაკვირვების ქვეშ 247 ადამიანი რჩება.

პანდემიასთან დაკავშირებით საქართველომ 18 მარტიდან ორი კვირის განმავლობაში საზღვრები დაკეტა უცხოელებისთვის, გარდა განსაკუთრებული შემთხვევებისა.

 

69

მე ჯორჯ ფლოიდი ვარ ამერიკული პროტესტის ტალღა მთელ მსოფლიოს მოედო

45
(განახლებულია 15:47 04.06.2020)
მსოფლიო ჯერ კიდევ არ გამკლავებია კორონავირუსის პანდემიას, მაგრამ მას უკვე მოედო ახალი ― პროტესტის ეპიდემია. დემონსტრაციები რასიზმისა და პოლიციური თავნებობის წინააღმდეგ ბევრ ქვეყანაში მიმდინარეობს.

თავდაპირველად პროტესტი მინეაპოლისში დაიწყო, სადაც პოლიციას აფროამერიკელი ჯორჯ ფლოიდი შემოაკვდა დაკავებისას. აქციები საკმაოდ სწრაფად გავრცელდა აშშ-ში, შემდეგ კი მის საზღვებსაც გასცდა.

ასობით ადამიანი პლაკატებით ხელში „ვერ ვსუნთქავ!“ და „არ არის სამართალი, არ არის მშვიდობა!“ გამოვიდნენ ნიდერლანდების, საფრანგეთის, ესპანეთის, არგენტინის, დიდი ბრიტანეთისა და გერმანიის ქუჩებში.

საბერძნეთში აქციის მონაწილეებმა აშშ-ის საკონსულოს წინ ამერიკული დროშა დაწვეს. 

არეულობით დასრულდა პროტესტები კანადასა და საფრანგეთში, სადაც პოლიციას ცრემლსადენი გაზის გამოყენება მოუხდა დემონსტრანტების დასაშლელად.

კადრები მოვლენების ადგილიდან იხილეთ ვიდეოში.

45

ამერიკელები იარაღით ხელში იცავენ საკუთარ ბიზნესს მაროდიორებისგან

56
(განახლებულია 13:57 04.06.2020)
ჩიკაგოში ღვინის საოჯახო მაღაზიის თანამშრომლები იძულებული გახდნენ, იარაღი აეღოთ ხელში და ისე დაეცვათ საკუთარი ბიზნესი მაროდიორებისგან.

შეერთებულ შტატებში რამდენიმე დღეა საპროტესტო აქციები მძვინვარებს მას შემდეგ, რაც მინეპოლისში პოლიციას 46 წლის აფროამერიკელი ჯორჯ ფლოიდი შემოაკვდა დაკავებისას.

თავდაპირვველად მშვიდობიანი აქციები მალე არეულობაში გადაიზარდა, რასაც თან ახლავს მასობრივი ძარცვა და პოლიციასთან შეტაკებები მთელი ქვეყნის მასშტაბით.

ბევრი შტატის გუბერნატორი და ქალაქების მერები იძულებული გახდნენ, კომენდანტის საათი შემოეღოთ და ეროვნული გვარდიაც ჩაერთოთ არეულობის აღსაკვეთად.

56
პოლიციის ლენტა

თბილისში პარტია „ლელოს“ ოფისი გატეხეს

0
(განახლებულია 16:12 04.06.2020)
ჯერჯერობით უცნობია, ვინ შეიჭრა პარტიის ოფისში და რა არის წაღებული. შსს–მ სისხლის სამართლის საქმე აღძრა და გამოძიება დაიწყო

თბილისი, 4 ივნისი – Sputnik. ოპოზიციური პარტია „ლელოს“ ოფისი ცოტნე დადიანის ქუჩაზე (ნაძალადევში) დღეს დილით გატეხეს, იუწყება „მთავარი არხი“.

ტელეარხის ინფორმაციით, პოლიციამ დანაშაულის ადგილი უკვე დაათვალიერა.

რა მიზნით შეიჭრნენ ოფისში უცნობი პირები, ჯერჯერობით უცნობია, თუმცა, თავად პარტიაში მომხდარში პოლიტიკურ მოტივებს არ გამორიცხავენ.

„არ შევსულვართ [ოფისში] ჯერ და არ ვიცით, არის თუ არა რამე წაღებული, მაგრამ კრიმინალები იქ არ ელოდებოდნენ ოქროს და ვერცხლს და შესაძლოა, ეს ჩვენს პოლიტიკური საქმიანობასაც უკავშირდებოდეს“, – განაცხადა პარტიის ერთ–ერთმა ლიდერმა კახა კოჟორიძემ.

სისხლის სამართლის საქმე აღიძრა ქურდობის მცდელობის მუხლით, რაც სამიდან ხუთ წლამდე პატიმრობით ისჯება.

შსს არ ავრცელებს ინფორმაციას, ჰყავს თუ არა ეჭვმტანილი ან დაკავებული საქმეზე.

პარტია „ლელო“ გასული წლის დეკემბერში ცნობილმა ბანკირმა მამუკა ხაზარაძემ დააარსა. პარტიის წევრები, ძირითადად, ბიზენს–წრეებისა და არასამთავრობო ორგანიზაციის წარმომადგენლები არიან.

პოლიტიკურ გაერთიანებაში „ლელო საქართველოსთვის“ შედიან მოძრაობა „ლელო“, პარტიები „შენების მოძრაობა“ და „ახალი მემარჯვენეები“.

0
თემები:
კრიმინალი საქართველოში