თბილისს დეზინფექცია ჩაუტარდა: როგორ ებრძვიან კორონავირუსს საქართველოს დედაქალაქში

71
(განახლებულია 23:09 25.03.2020)
თბილისის ცენტრალურ ქუჩებს ადამიანების ჯანმრთელობისათვის უსაფრთხო სპეციალური ხსნარით დეზინფექცია ჩაუტარდა. იხილეთ ვიდეოში, რა ზომები მიიღო ქალაქის ხელისუფლებამ კორონავირუსი COVID-19-ის გავრცელების შესაჩერებლად

საქართველოში ახალი კორონავირუსი COVID-19-ით დაინფიცირების 75 შემთხვევაა დაფიქსირებული. 

ინფექციის გავრცელების შესაჩერებლად ქვეყნის დედაქალაქში გარემოს დაცვისა და სოფლის მეურნეობის სამინისტროებმა სპეცტექნიკის დახმარებით მასშტაბური დეზინფექცია ჩაატარეს.

სადეზინფექციო სამუშაოებში სოფლის მეურნეობის სამინისტროს 60 ერთეული სპეცტექნიკა გამოიყენებოდა. აუცილებლობის შემთხვევაში ეს ტექნიკა შესაძლოა ქვეყნის რეგიონებშიც გამოიყენონ.

71

Rail Baltica: როგორ კვდება ნატოს და ევროკავშირის საყვარელი პროექტი

94
(განახლებულია 13:56 09.07.2020)
Rail Baltica – ევროპაში ჩქაროსნული სარკინიგზო მაგისტრალის ახალი პროექტია. რკინიგზა მოეწყობა ბერლინიდან ვარშავის, კაუნასის, ვილნიუსისა და რიგის გავლით ტალინამდე და გერმანიასა და პოლონეთს ბალტიის ქვეყნებს დაუკავშირებს.

თავდაპირველად ახალი მიმართულების ამოქმედება 2025 წლისთვის იგეგმებოდა, თუმცა მოგვიანებით ვადებმა ერთი წლით გადაიწია. ახლა არსებობს რისკი, რომ მრავალმილიარდიანი პროექტი შესაძლოა არ დასრულდეს. ნატოს და ევროპის კავშირის საყვარელი პროექტის სიკვდილის მიზეზების შესახებ ვიდეოში გიამბობთ.

94

როდესაც ჯარიმები უძლურია: უშიშარი ქვეითები თბილისში წესების დარღვევას განაგრძობენ ვიდეო

248
(განახლებულია 22:00 08.07.2020)
საქართველოში ავტოავარიების არცთუ მცირე ნაწილი უყურადღებო ქვეითების გამო ხდება, რომლებიც გზას შეუსაბამო ადგილზე კვეთენ.

იხილეთ „Sputnik-საქართველოს“ ვიდეო, თუ რატომ უწოდებენ ჩვენთან გზებზე მოძრაობას გიჟურს და რას ფიქრობენ ამის შესახებ ავტომობილისტები.

სიჩქარე, უყურადღებობა და სიზარმაცე ის სამი ძირითადი მიზეზია, რის გამოც ქვეითების მიერ ხშირად ხდება საგზაო მოძრაობის წესების დარღვევა და რაც ხშირად საავარიო სიტუაციებს იწვევს. ასეთი ქცევა აღიზიანებთ ავტომობილისტებს, რომლებიც ჯარიმების გაზრდას მოითხოვენ.

დღეისათვის ასეთ უშიშარ ქვეითებს მხოლოდ 20 ლარით აჯარიმებენ, ეს მაშინ, როდესაც ავტომობილისტებს იგივე საავარიო სიტუაციის შექმნისას ათჯერ მეტი თანხის გადახდა უწევთ.

ოფიციალური სტატისტიკის თანახმად, მხოლოდ 2019 წელს საგზაო შემთხვევების შედეგად საქართველოში 100-ზე მეტი ქვეითი დაიღუპა, ხოლო დაშავდა - 1700.

248
მყიდველები ბაზარში

კორონავირუსი საქართველოში: საგანგებო მდგომარეობის შემდეგ შეზღუდვების სრული სია/10 ივლისი

86414
საქართველოში საგანგებო მდგომარეობა ერთი თვის წინ მოიხსნა, მაგრამ მთავრობამ შეზღუდვების ნაწილი ძალაში დატოვა.

თბილისი, 10 ივლისი – Sputnik. საქართველოს მთავრობა აგრძელებს კორონავირუსის პანდემიის გამო დაწესებული შეზღუდვების მოხსნას, მაგრამ ამავე დროს მთავრობა და ეპიდემიოლოგები მოუწოდებენ მოქალაქეებს გამოიჩინონ სიფრთხილე და დაიცვან ჯანდაცვის სამინისტროს რეკომენდაციები.

ქვეყნის ტერიტორიაზე მოქმედებს შემდეგი შეზღუდვები:

  • დახურულ სივრცეებში, საჯარო დაწესებულებებში, საზოგადოებრივ ტრანსპორტში, ოფისებსა და მაღაზიებში სავალდებულოა პირბადის ტარება და სოციალური დისტანციის დაცვა;
  • საზოგადოებრივ ტრანსპორტში დაუშვებელია პირბადის გარეშე ყოფნა და კონდიციონერების ჩართვა;

  • ტაქსის მძღოლისთვის სავალდებულოა პირბადის ტარება, ტაქსით ორზე მეტი მგზავრის გადაყვანა არ შეიძლება, ისიც უკანა სავარძელზე;
  • დახურულ სივრცეებში აკრძალულია კულტურული და სპორტული ღონისძიებების გამართვა;
  • კაზინოების და ტოტალიზატორების მუშაობა დაშვებულია მხოლოდ ონლაინ;
  • აკრძალულია 10-ზე მეტი ადამიანის თავშეყრა ტრადიციულ სოციალურ ღონისძიებებზე (ქორწილი, ნებისმიერი იუბილე, ქელეხი და ა.შ.);
  • უნივერსიტეტებში სასწავლო პროცესი კვლავ დისტანციურად განხორციელდება;
  • ადამიანების თავშეყრის ადგილებში აკრძალულია სპლიტ-სისტემის კონდიციონერების გამოყენება, რომლებიც ჰაერს იღებენ შენობიდან, აგრილებენ და ისევ აბრუნებენ. დაშვებულია სამრეწველო კონდიციონერების გამოყენება, რომლებიც კონდიცირება-ვენტილაციის სისტემებს მოიცავს (ჰაერი შენობაში გარედან შეაქვს).

ამ მომენტისათვის ინფიცირებულთა რაოდენობა 968 ადამიანს შეადგენს, აქედან 844 გამოჯანმრთელდა, 15 კი გარდაიცვალა. კიდევ სამი ინფიცირებული მოქალაქე სამკურნალოდ სხვა ქვეყნებიდან ჩამოიყვანეს.

საქართველო სხვა ქვეყნებისთვის კორონავირუსთან ბრძოლაში სამაგალითოა >>

15 ივნისიდან აღდგა შიდა ტურიზმი, ხოლო 1 ივლისიდან საქართველო საზღვრებს უცხოელი ტურისტებისთვის გახსნის.

უწყებათშორისი საკოორდინაციო საბჭო ოპერატიულად აფასებს სიტუაციას და შეიმუშავებს ახალ რეკომენდაციებს და შეზღუდვებს.

მთავრობის სპეციალურ ვებ-გვერდზე stopcov.ge გამოქვეყნებული ბოლო მონაცემების თანახმად, საკარანტინო სივრცეში იმყოფება 4851, სტაციონარებში მეთვალყურეობის ქვეშ კი 231 ადამიანია.

მთავრობა მოსახლეობას მოუწოდებს, ქვეყანაში კორონავირუსთან დაკავშირებით მხოლოდ და მხოლოდ გადამოწმებულ და ოფიციალურად დადასტურებულ ინფორმაციას ენდონ. ყველა ინფორმაციის მოძიება შესაძლებელია მთავრობის მიერ სპეციალურად შექმნილ ვებ-გვერდზე stopcov.ge.

„ცხელი ხაზის“ ნომრები: ცხელი ხაზი კარანტინის რეჟიმის საკითხებზე – 144. საქართველოს ჯანდაცვა – 15 05 (დღე-ღამის განმავლობაში); დაავადებათა კონტროლის ცენტრი – 116 001 (21:00-მდე სამუშაო დღეებში და 18:00-მდე დასვენების დღეებში).

ყველა მოხალისეს, რომელსაც აქვს დრო და სურვილი დაეხმაროს ხანდაზმულ ადამიანებს, ასევე მათ, ვისაც სპეციალური დახმარება ესაჭიროება, შეუძლია დარეკოს მერიის ცხელ ხაზზე (032)2722222 და წითელი ჯვრის ცხელ ხაზზე - 0800 000 018.

კორონავირუსი საქართველოში: შეზღუდვების მოხსნის ეტაპები
© Sputnik / Konstantin Ivanov.
კორონავირუსი საქართველოში: შეზღუდვების მოხსნის ეტაპები
86414
თემები:
COVID-19 საქართველოში