აუხსნელი მოვლენა: მუზეუმში მეტეორიტს დამცავი გუმბათი თავისით აეხადა

27
(განახლებულია 13:38 18.12.2019)
სამხრეთ ურალის ისტორიული მუზეუმის თანამშრომლის განცხადებით, სპეციალისტები მომხდარს ჯერჯერობით ახსნას ვერ უძებნიან.

დამცავი გუმბათი, რომლის ქვეშაც ჩელიაბინსკში ჩამოვარდნილი მეტეორიტის ნაწილი ინახება, თავისით აიწია და გარკვეული ხნის განმავლობაში ჰაერში რჩებოდა.

გავრცელებული ინფორმაციით, მუზეუმის სპეციალისტები მომხდარს ახსნას ვერ უძებნიან.

„ინციდენტი 14 დეკემბერს მოხდა. მოულოდნელად, დღისით, როდესაც მუზეუმში ვიზიტორები იმყოფებოდნენ, გუმბათი, რომლის ქვეშაც ჩელიაბინსკის მეტეორიტის ფრაგმენტი ინახება, თავისით აიწია. ადგილზე დაცვა გამოცხადდა, რომელმაც გუმბათი ადგილზე დააბრუნა. მომხდარს ახსნას ვერ ვუძებნით, მიზეზი გაუგებარია, ვინაიდან ზუსტად ვიცით, რომ ტექნიკურ გაუმართაობას ადგილი არ ჰქონია“, – განუცხადა სააგენტოს მუზეუმის თანამშრომელმა.

მისი თქმით, გუმბათი არ დაზიანებულა, მეტეორიტი და სხვა ექსპონატებიც ადგილზეა.

ჩელიაბინსკში მსხვილი მეტეორიტი 2013 წლის 15 თებერვალს ჩამოვარდა. მისი ფრაგმენტები იპოვეს ჩებარკულის შემოგარენში, თუმცა ყველაზე დიდი ნატეხი – 600 კგ-ზე მეტი, ტბიდან ამოიღეს. სწორედ ეს ფრაგმენტი ინახება სამხრეთ ურალის ისტორიულ მუზეუმში სპეციალური გუმბათის ქვეშ. მეტეორიტი საგამოფენო დარბაზშია განთავსებული და მისი ნახვა ნებისმიერ მსურველს შეუძლია.

27

ლავროვმა დასავლეთი კორონავირუსის პანდემიის საკუთარი მიზნებით გამოყენების გამო გააკრიტიკა

104
რუსეთის საგარეო საქმეთა მინისტრმა სერგეი ლავროვმა დასავლეთის ქვეყნების კორონავირუსის პანდემიისადმი მიდგომა დაგმო

ჩინური გაზეთი Global Times-ისთვის მიცემულ ინტერვიუში მინისტრი ამბობს, რომ ისინი სიტუაციის გამოყენებას ცდილობენ, რათა დასაჯონ მათი მეტოქე მთავრობები, და ეპიდემიისგან დაზარალებულ ქვეყნებს უკრძალავენ რუსეთისგან ჰუმანიტარული დახმარების მიღებას. ამასთან, დასავლეთი არ მიყვება ჰუმანიზმის პრინციპებს COVID-19-თან ბრძოლის საკითხში. დაწვრილებით - იხილეთ ჩვენი ვიდეო.

104

დონალდ ტრამპმა აშშ-ის ღია ცის ხელშეკრულებიდან გასვლის შესახებ გამოაცხადა

304
აშშ ღია ცის შეთანხმებიდან გადის. ამის შესახებ პრეზიდენტმა გამოაცხადა და ეს გადაწყვეტილება იმით ახსნა, რომ რუსეთი არ იცავს შეთანხმების პირობებს

მოსკოვში ვაშინგტონის ბრალდებები უარყვეს და განაცხადეს, რომ რუსული მხარე თავის მხრივ არ აპირებს ხელშეკრულებიდან გასვლას. იმის შესახებ, როგორ „მოკლა“ დონალდ ტრამპმა კიდევ ერთი საკვანძო შეთანხმება საერთაშორისო უსაფრთხოების სფეროში, ვიდეოში მოგითხრობთ.

304
განათლების სამინისტრო

საქართველოში  პირველკლასელთა რეგისტრაციის მესამე ეტაპი დაიწყო

0
(განახლებულია 08:06 01.06.2020)
საქართველოს კანონმდებლობით, პირველ კლასში რეგისტრაციისთვის აუცილებელია, რომ ბავშვს 15 სექტემბრისთვის ექვსი წელი შეუსრულდეს

თბილისი, 1 ივნისი – Sputnik. საქართველოში 1 ივნისიდან პირველკლასელთა რეგისტრაციის მესამე ეტაპი დაიწყო, რომელიც 25 ივნისამდე გაგრძელდება, ნათქვამია განათლების, მეცნიერების, კულტურისა და სპორტის სამინისტროს განცხადებაში.

მესამე ეტაპზე დოკუმენტაციის წარდგენა 2 ივნისიდან 5 ივლისის ჩათვლით გაგრძელდება.

რეგისტრაცია განხორციელდება განათლების მართვის საინფორმაციო სისტემის ოფიციალურ ვებგვერდზე და მას ბავშვის მშობელი ან კანონიერი წარმომადგენელი უზრუნველყოფს. რეგისტრაციისთვის აუცილებელ ინსტრუქციას გაეცანით აქ.

რეგისტრაცია განხორციელდება საჯარო სკოლებში მშობლის/კანონიერი წარმომადგენლის განცხადების საფუძველზე. თუ დადგენილ ვადებში დოკუმენტაცია არ იქნება წარმოდგენილი, რეგისტრაცია ავტომატურად გაუქმდება.

პირველკლასელთა რეგისტრაციის პირველი ეტაპი შეეხო სპეციალური საგანმანათლებლო საჭიროების მქონე პირებს. აღნიშნული ეტაპი 2 მარტიდან 16 მარტის ჩათვლით უკვე განხორციელდა, პირველკლასელთა რეგისტრაციის მეორე ეტაპი 11 მაისიდან დაიწყო და 1 ივნისამდე გაგრძელდა.

კორონავირუსის პანდემიის გამო ჯანდაცვის სამინისტრომ სკოლაში აუცილებელი დოკუმენტაციის წარდგენისა და რეგისტრაციის ვადები გაახანგრძლივა.

0
თემები:
განათლება საქართველოში