თბილისში მომიტინგეების წინააღმდეგ სპეცრაზმი გამოვიდა ვიდეო

97
(განახლებულია 20:01 18.11.2019)
თბილისში საპროტესტო აქციები გრძელდება. მომიტინგეებმა გადაკეტეს პარლამენტისკენ მიმავალი გზები. ხელისუფლებამ 18 ნოემბერს ქუჩაში სპეცრაზმი გამოიყვანა წესრიგის დასამყარებლად. რა ხდება ქვეყნის დედაქალაქში – იხილეთ „Sputnik-საქართველოს“ ვიდეოში.

საქართველოს შინაგან საქმეთა სამინისტრომ გადაწყვიტა სპეცრაზმის ქვედანაყოფისა და წყლის ჭავლის დახმარებით დაეშალა საპროტესტო აქცია ქვეყნის პარლამენტის შენობასთან. აქციის მონაწილეები და ოპოზიციური პარტიების დეპუტატები უარს ამბობენ ტერიტორიის დატოვებაზე და წინააღმდეგობას უწევენ შსს-ს განსაკუთრებულ დავალებათა დეპარტამენტის წარმომადგენლებს.

 

97

ბეირუთში მომხდარი დიდი აფეთქება თვითმხილველებმა ვიდეოზე აღბეჭდეს ვიდეო

235
(განახლებულია 14:46 05.08.2020)
ლიბანის დედაქალაქსა და ყველაზე დიდი ქალაქში – ბეირუთში დიდი აფეთქება მოხდა. იხილეთ შემაძრწუნებელი კადრები ტრაგედიის ადგილიდან.

წინასწარი ინფორმაციით, ქალაქის პორტში პიროტექნიკის საწყობი აფეთქდა. განიხილება სხვა ვერსიებიც. აფეთქების ტალღამ ლიბანის დედაქალაქის ყველა უბანს გადაუარა. აფეთქებამ გამოიწვია ნგრევა, რამდენიმე კილომეტრის რადიუსში კი სახლებს მინები ჩაუმსხვრია. ინფორმაცია დაღუპულებისა და დაშავებულების შესახებ ჯერ კიდევ დგინდება.

235

ცხოვრება სტიქიის შემდეგ: რაჭაში წყალდიდობის შედეგების აღმოფხვრაზე მუშაობენ ვიდეო

125
(განახლებულია 20:02 03.08.2020)
რაჭაში გადაუღებელი წვიმის გამო მოვარდნილი წყალდიდობის შედეგების ლიკვიდაცია და აღდგენითი სამუშაოები მიმდინარეობს. იხილეთ „Sputnik-საქართველოს“ კადრები შემთხვევის ადგილიდან.

რაჭაში ძლიერი წვიმების შედეგად კალაპოტიდან გადმოვიდა მდინარეები, რომლებმაც ონის რაიონში დააზიანა სახლები, გზები და ინფრასტრუქტურა. ადიდებულმა მდინარეებმა დატბორა მიმდებარე ტერიტორიები. 12 სოფელი, რომლებშიც 2 ათასამდე მოსახლეა, გარე სამყაროს მოსწყდა.

სტიქიური უბედურების ზონაში მცხოვრებთა ევაკუაცია სასაზღვრო პოლიციის ვერტმფრენებით განხორციელდა.

ახლა რაჭაში მიმდინარეობს გზისა და ინფრასტრუქტურის აღდგენითი სამუშაოები. წინასწარი შეფასებით, წყალდიდობის შედეგების აღმოსაფხვრელად 150 მილიონი ლარი იქნება საჭირო.

125
მეამას შენობა

საუკეთესო მსოფლიოში: ქართული „მეამა“ Architizer A+Awards-ის გამარჯვებულია

0
(განახლებულია 16:53 06.08.2020)
არქიტექტორ გიორგი ხმალაძის პროექტმა ონლაინ–კენჭისყრის შედეგებით ველაზე მეტი ხმა მოიპოვა – პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

 

თბილისი, 6 აგვისტო  — Sputnik. ყავის ქართული კომპანია „მეამას“ შენობამ ერთ-ერთი ყველაზე პრესტიჟული საერთაშორისო არქიტექტურული კონკურსი Architizer A+Awards-ის სამ კატეგორიაში გაიმარჯვა და მსოფლიოში საუკეთესო ნაგებობად დასახელდა.

Architizer A+Awards – უდიდესი კონკურსია მსოფლიო არქიტექტურის სფეროში. მისი მიზანია მსოფლიოში წლის საუკეთესო, ყველაზე მნიშვნელოვანი, საინტერესო და გამოჩენილი არქიტექტურული პროექტების პოპულარიზება.

ქართული კომპანიის სათავო ოფისის შენობა ამ საერთაშორისო კონკურსზე იყო წარდგენილი და ფინალში გავიდა. შენობა წარდგენილი იყო სამ ნომინაციაში – საოფისე სივრცე (25 ათას კვადრატულ მეტრზე ნაკლები), ოთხსართულიანი სამუშაო სივრცე და არქიტექტურა და ბეტონი

წარდგენილი ნამუშევრებიდან ჟიურიმ თითოეულ კატეგორიაში ხუთ-ხუთ ფინალისტი შეარჩია. კონკურსანტების მხარდაჭერა მსოფლიოს ნებისმიერი ქვეყნიდან ნებისმიერ მსურველს შეეძლო. გამარჯვებული ონლაინ–კენჭისყრით გამოვლინდა.

"მეამას“ შენობის კონკურენტები ისეთი ცნობილი კომპანიების სამუშაო ადგილები იყო, როგორიცაა Jaguar, TikTok და სხვ.

გამარჯვებული და ასევე ფინალში გასული პროექტები Architizer A+Awards-ის ვებ-გვერდზე განთავსდება. ისინი ასევე წარმოდგენილი იქნებიან ჟურნალში Architizer.com.

თბილისში მდებარე ყავის კომპანიის ოფისის პროექტი ეკუთვნის გიორგი ხმალაძეს კომპანიიდან Khmaladze Architects. პროექტმა მანამდე ახალგაზრდა არქიტექტორების საერთაშორისო კონკურსის ArchDaily&Strelka Award 2019 გრან-პრი მიიღო.

გიორგი ხმალაძის პროექტი მოიცავს ყავის მწარმოებელ ფაბრიკას, ოფისებს, სივრცეებს ყავის დაგემოვნებისთვის და ასევე მცირე გამოფენებისთვის. შენობა წარმოადგენს მონოლითურ ბეტონის ფასადს საოცარი გეომეტრიული ფორმებით. შენობას ორიგინალურ იერს სძენს გაზონები სახურავზე.

0
თემები:
საქართველო და კულტურა