(0:55 / 7.05Mb / просмотров видео: 149)

გაზის ახალი აფეთქება თბილისში: დანგრეულია რამდენიმე ბინა

204
(განახლებულია 23:08 28.10.2019)
აფეთქება ორშაბათ საღამოს თბილისში, თევდორე მღვდლის ქუჩაზე, ხუთსართულიანი კორპუსის ბოლო სართულზე მოხდა. იხილეთ Sputnik საქართველოს ვიდეო შემთხვევის ადგილიდან

აფეთქების მიზეზი, სავარაუდოდ, ბუნებრივი აირის გაჟონვა გახდა. სახლის მეორე მხარეს აფეთქების შემდეგ გაჩნდა უზარმაზარი ბზარი, მეზობელ კორპუსებში ჩამსხვრეულია ფანჯრები, იუწყება შემთხვევის ადგილიდან „Sputnik-საქართველოს“ კორესპონდენტი.

ამავე სადარბაზოში მეოთხე და მესამე სართულებზე კიდევ რამდენიმე ბინაა დანგრეული. ბინა, რომელშიც აფეთქება მოხდა, კუთხისაა.

პოლიციამ მიმდებარე ქუჩებზე ტრანსპორტის მოძრაობა გადაკეტა. აფეთქების შედეგად დაშავებული 77 წლის მამაკაცი მძიმე მდგომარეობით დამწვრობის ცენტრშია გადაყვანილი.

 

204

დონალდ ტრამპმა აშშ-ის ღია ცის ხელშეკრულებიდან გასვლის შესახებ გამოაცხადა

273
აშშ ღია ცის შეთანხმებიდან გადის. ამის შესახებ პრეზიდენტმა გამოაცხადა და ეს გადაწყვეტილება იმით ახსნა, რომ რუსეთი არ იცავს შეთანხმების პირობებს

მოსკოვში ვაშინგტონის ბრალდებები უარყვეს და განაცხადეს, რომ რუსული მხარე თავის მხრივ არ აპირებს ხელშეკრულებიდან გასვლას. იმის შესახებ, როგორ „მოკლა“ დონალდ ტრამპმა კიდევ ერთი საკვანძო შეთანხმება საერთაშორისო უსაფრთხოების სფეროში, ვიდეოში მოგითხრობთ.

273

საქართველო vs კორონავირუსი: საგანგებო მდგომარეობის ორი თვე ორ წუთში

203
(განახლებულია 15:01 22.05.2020)
საქართველოში საგანგებო მდგომარეობა დასრულდა, რომელიც კორონავირუსი COVID-19-ის გავრცელების საფრთხის გამო დაწესდა

იხილეთ Sputnik-საქართველოს ვიდეოში, რა აკრძალვები მოქმედებდა საქართველოში ორი თვის განმავლობაში და რა ზიანი მიადგა სახელმწიფოს.

საგანგებო მდგომარეობა საქართველოში 21 მარტს გამოცხადდა. თავდაპირველად საგანგებო მდგომარეობა ერთი თვით დაწესდა, თუმცა მოგვიანებით 22 მაისამდე გაგრძელდა.

ქვეყანაში დაიკეტა სავაჭრო ობიექტები, ფუნქციონირებდა მხოლოდ სასურსათო მაღაზიები და აფთიაქები. ხელისუფლებამ დააწესა საკომენდანტო საათი, რომელიც ღამის 21:00-დან დილის 06:00 საათამდე მოქმედებდა. ასევე აკრძალული იყო სამ ადამიანზე მეტის შეკრება საზოგადოებრივი თავშეყრის ადგილებში, სავალდებულო იყო სოციალური დისტანციის დაცვა ორი მეტრის დაშორებით.

ნებისმიერი დარღვევა ისჯებოდა დიდი ჯარიმით: 3 000 ლარი ფიზიკური პირებისთვის და 15 000 ლარი იურიდიული პირებისათვის.

27 აპრილიდან შეზღუდვების ეტაპობრივი გაუქმება დაიწყო. ხელისუფლება იმედს იტოვებს, რომ შეზღუდვების შემსუბუქება არ გაართულებს ეპიდემიოლოგიურ სიტუაციას ქვეყანაში.

203
ლაბორატორია

COVID-19 საქართველოში: პაციენტების 78% მეტი გამოჯანმრთელდა

0
(განახლებულია 10:37 28.05.2020)
ამ დროისათვის კორონავირუსის დიაგნოზით კლინიკებში 166 პაციენტი მკურნალობს, ხოლო გამოჯანმრთელებულთა რიცხვმა უკვე სამჯერ და მეტად გადააჭარბა ინფიცირებულთა რაოდენობას.

თბილისი, 28 მაისი – Sputnik. საქართველოში კორონავირუსისგან გამოჯანმრთელებული ადამიანების რაოდენობა ბოლო დღე-ღამეში 16-ით გაიზარდა. გამოჯანმრთელებულთა რიცხვი ყოველდღიურად იზრდება და ამჟამად 573-ს შეადგენს, აღნიშნულია მთავრობის სპეციალურ ვებ-გვერდზე stopcov.ge.  

ამ დროისათვის კორონავირუსის დიაგნოზით კლინიკებში 153 პაციენტი მკურნალობს, ხოლო გამოჯანმრთელებულთა რიცხვმა უკვე სამჯერ და მეტად გადააჭარბა ინფიცირებულთა რაოდენობას. 

ამჟამად კორონავირუსი დადასტურებული აქვს 738 ადამიანს. გამოჯანმრთელებულთა რაოდენობამ 573-ს (78%) მიაღწია. კარანტინის რეჟიმში იმყოფება 3076, ხოლო სტაციონარებში დაკვირვების ქვეშ 250 პაციენტია. გარდაიცვალა 12 ადამიანი.

ასევე კორონავირუსის დიაგნოზით უცხოეთიდან სამშობლოში სამკურნალოდ გადმოყვანილია საქართველოს სამი მოქალაქე.

საქართველოში კორონავირუსის გამოვლენის პირველი შემთხვევა 26 თებერვალს დაფიქსირდა. 21 მარტს ქვეყნის მთელ ტერიტორიაზე საგანგებო მდგომარეობა გამოცხადდა, რომელიც 23 მაისამდე გაგრძელდა.



0
თემები:
COVID-19 საქართველოში