(1:30 / 11.82Mb / просмотров видео: 220)

აფეთქება თბილისში: დანგრეული ბინები, გაგლეჯილი ბეტონის კონსტრუქციები

205

თბილისში, მეტროსადგურ „ღრმაღელესთან“ მდებარე საცხოვრებელ კორპუსში გაზის გაჟონვის გამო აფეთქება მოხდა. იხილეთ Sputnik-საქართველოს ვიდეო შემთხვევის ადგილიდან

ინციდენტი დილით, დაახლოებით 8 საათზე მოხდა, როდესაც კორპუსის მცხოვრებთა უმეტესობას ჯერ კიდევ ეძინა. აფეთქების შედეგად სერიოზულად დაშავდა ოთხი ადამიანი, ერთ-ერთი მათგანი უკიდურესად მძიმე მდგომარეობაშია.

აფეთქება იმდენად მძლავრი იყო, რომ მეზობელ შენობებში ფანჯრები ჩაიმსხვრა, ხოლო სამშენებლო კონსტრუქციის ნამტვრევები ათობით მეტრზე გაიფანტა.

როგორც დადგინდა, კორპუსის მეოთხე სართულზე მდებარე ბინის მფლობელს კუსტარულად ჰქონდა დამონტაჟებული წყლის გამაცხელებელი. საშიშროების თაობაზე სპეციალისტებს ის არაერთხელ ჰყავდათ გაფრთხილებული, მაგრამ ბინის პატრონმა გაფრთხილება არ გაითვალისწინა.

სისხლის სამართლის საქმე აღძრულია სსკ-ის 240-ე პრიმა მუხლის პირველი ნაწილით დაიწყო, რაც გულისხმობს ელექტრო- ან თბოენერგიის, გაზის, ნავთობის ან ნავთობპროდუქტების ობიექტის განლაგების, დაპროექტების, მშენებლობის ან ექსპლუატაციის დროს უსაფრთხოების წესების დარღვევას, რასაც მოჰყვა ჯანმრთელობის ნაკლებად მძიმე ან მძიმე დაზიანება ან რამაც მნიშვნელოვანი ზიანი გამოიწვია. აღნიშნული დანაშაული ისჯება ჯარიმით ან შინაპატიმრობით ვადით ექვსი თვიდან ორ წლამდე, ანდა თავისუფლების აღკვეთით ვადით ორ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე ან უამისოდ.

205

დონალდ ტრამპმა აშშ-ის ღია ცის ხელშეკრულებიდან გასვლის შესახებ გამოაცხადა

274
აშშ ღია ცის შეთანხმებიდან გადის. ამის შესახებ პრეზიდენტმა გამოაცხადა და ეს გადაწყვეტილება იმით ახსნა, რომ რუსეთი არ იცავს შეთანხმების პირობებს

მოსკოვში ვაშინგტონის ბრალდებები უარყვეს და განაცხადეს, რომ რუსული მხარე თავის მხრივ არ აპირებს ხელშეკრულებიდან გასვლას. იმის შესახებ, როგორ „მოკლა“ დონალდ ტრამპმა კიდევ ერთი საკვანძო შეთანხმება საერთაშორისო უსაფრთხოების სფეროში, ვიდეოში მოგითხრობთ.

274

საქართველო vs კორონავირუსი: საგანგებო მდგომარეობის ორი თვე ორ წუთში

204
(განახლებულია 15:01 22.05.2020)
საქართველოში საგანგებო მდგომარეობა დასრულდა, რომელიც კორონავირუსი COVID-19-ის გავრცელების საფრთხის გამო დაწესდა

იხილეთ Sputnik-საქართველოს ვიდეოში, რა აკრძალვები მოქმედებდა საქართველოში ორი თვის განმავლობაში და რა ზიანი მიადგა სახელმწიფოს.

საგანგებო მდგომარეობა საქართველოში 21 მარტს გამოცხადდა. თავდაპირველად საგანგებო მდგომარეობა ერთი თვით დაწესდა, თუმცა მოგვიანებით 22 მაისამდე გაგრძელდა.

ქვეყანაში დაიკეტა სავაჭრო ობიექტები, ფუნქციონირებდა მხოლოდ სასურსათო მაღაზიები და აფთიაქები. ხელისუფლებამ დააწესა საკომენდანტო საათი, რომელიც ღამის 21:00-დან დილის 06:00 საათამდე მოქმედებდა. ასევე აკრძალული იყო სამ ადამიანზე მეტის შეკრება საზოგადოებრივი თავშეყრის ადგილებში, სავალდებულო იყო სოციალური დისტანციის დაცვა ორი მეტრის დაშორებით.

ნებისმიერი დარღვევა ისჯებოდა დიდი ჯარიმით: 3 000 ლარი ფიზიკური პირებისთვის და 15 000 ლარი იურიდიული პირებისათვის.

27 აპრილიდან შეზღუდვების ეტაპობრივი გაუქმება დაიწყო. ხელისუფლება იმედს იტოვებს, რომ შეზღუდვების შემსუბუქება არ გაართულებს ეპიდემიოლოგიურ სიტუაციას ქვეყანაში.

204
თბილისი

როგორი ამინდი იქნება თბილისში შაბათს, 30 მაისს

0
(განახლებულია 10:38 28.05.2020)
შაბათს საქართველოს დედაქალაქში 26 გრადუსი სითბო დაფიქსირდება, არ იქნება არც ქარი და არც წვიმა

თბილისი, 28 მაისი — Sputnik. სინოპტიკოსების პროგნოზით, შაბათს, 30 მაისს თბილისში თბილი და მზიანი ამინდი იქნება.

ტემპერატურა ღამით იქნება +16, ხოლო დღისით +26 გრადუსი.

ქარი 10–15 მეტრი წამში სიჩქარით დაუბერავს.

მზე 05:29 საათზე ამოვა და 20:27 საათზე ჩავა.

0
თემები:
ამინდის ზუსტი პროგნოზი თბილისში