მცირეწლოვნებთან დაკავშირებული კიდევ ერთი საკანონმდებლო ცვლილება. ავტომობილით 12 წლამდე ბავშვის სავარძლის გარეშე მგზავრობა, შესაძლოა, აიკრძალოს.
კანონში შესატან ცვლილებებზე დამოუკიდებელი დეპუტატები მუშაობენ.
დღეს მოქმედი კანონით, აკრძალვა სამ წლამდე ბავშვს ეხება, თუმცა უსაფრთხოებიდან და მძიმე სტატისტიკიდან გამომდინარე კანონმდებლების ნაწილი ასაკობრივი ზღვარის გაზრდას ითხოვს.
არასამთავრობო სექტორისგან განსხვავებით, პარლამენტში ცვლილებების პროექტს ცალსახა მხარდაჭერა არ აქვს.
