(1:01 / 7.20Mb / просмотров видео: 196)

„თბილისობა“ დრონიდან: როგორ აღნიშნავს დედაქალაქი თავის დღეს - ვიდეო

119

საქართველოს დედაქალაქში შაბათს დაიწყო შემოდგომის ერთ-ერთი ყველაზე საყვარელი დღესასწაული - „თბილისობა-2019“. უყურეთ Sputnik-საქართველოს დრონით გადაღებულ ვიდეოკადრებს

სადღესასწაულო ღონისძიებები წელს ოთხ ლოკაციაზე – რიყეზე, ლეღვთახევში, მეტეხის ხიდსა და ორბელიანის მოედანზე ჩატარდება.

„თბილისობას“ 1979 წლიდან აღნიშნავენ. ეს დღესასწაული არ გამართულა თბილისისთვის და ზოგადად ქვეყნისთვის ყველაზე რთულ დროს - 1989-1994 წლებში, თუმცა შემდგომში ტრადიცია აღდგა და ახლა თბილისელებმა უკვე იციან, თუ „თბილისობა“ არის, ესე იგი ყველაფერი კარგად არის.

2018 წლიდან თბილისობა ყოველწლიურად აღინიშნება ოქტომბრის პირველ უქმეებზე, და არა თვის ბოლოს, როგორც ეს ადრე ხდებოდა.

119
თეგი:
თბილისი, საქართველო

შეტაკებები და მძვინვარე ხანძარი: პარიზელები უსაფრთხოების კანონს აპროტესტებენ

51
შაბათს მომიტინგეები, რომლებიც ეგრეთ წოდებულ „გლობალური უსაფრთხოების“ შესახებ კანონს აპროტესტებდნენ, ქუჩებში ცეცხლი დაანთეს, შემდეგ კი პოლიციას დაუპირისპირდნენ

საპროტესტო აქციის მონაწილეებმა, რომელიც ჟურნალისტების რამდენიმე კავშირმა გამართა, მსვლელობა გამართეს რესპუბლიკის მოედნიდან ბასტილიის მოედნამდე, მიუხედავად პანდემიის გამო დაწესებული შეზღუდვებისა.

მოგვიანებით მომიტინგეებმა ქუჩაში ცეცხლი დაანთეს, შემდეგ კი პოლიციას დაუპირისპირდნენ.

„გლობალური უსაფრთხოების“ კანონი, რომელიც პარასკევს საფრანგეთის ეროვნულმა კრებამ მიიღო, კრძალავს სურათების გავრცელებას, რომლებზეც შესაძლებელია პოლიციისა და ჟანდარმერიის თანამშრომლების იდენტიფიცირება. ჟურნალისტებმა და აქტივისტებმა კანონი გააპროტესტეს და განაცხადეს, რომ ის პრესის თავისუფლებისათვის საფრთხეს წარმოადგენს. მოსალოდნელია, რომ კანონს ქვეყნის სენატი იანვარში გადახედავს.

51

ლონდონში ლოკდაუნის საწინააღდმეგო აქციის მონაწილეები დააკავეს - ვიდეო

16
შაბთს პოლიციამ ლონდონში იზოლაციის საწინააღმდგეგო საპროტესტო აქციაზე რამდენიმე დემონსტრანტი დააკავა

რამდენიმე ოფიცერმა მომიტინგეები დაკავების მომენტში წაქცეული შენიშნა, დანარჩენებს კი ადგილზე დარჩენისკენ მოუწოდებდნენ, რადგან ისინი დაკავებულები იყვნენ.

დიდი ბრიტანეთის პრემიერ-მინისტრმა ბორის ჯონსონმა „COVID-19-ის ზამთრის გეგმა“ გააჟღერა, რომელშიც ნათქვამია, რომ ლოკდაუნი 2 დეკემბრიდან მოიხსნება.

მისი თქმით, შემდეგი ოთხშაბათიდან „ადამიანები შეძლებენ სახლიდან გასვლას ნებისმიერი მიზნით, შეხვდებიან ერთმანეთს საზოგადოებრივი თავშეყრის ადგილებში ღია ცის ქვეშ, რომელთა მაქსიმალური დასაშვები რაოდენობა იქნება ექვსი ადამიანი“. ასევე შესაძლოა დაიშვას ღია ცის ქვეშ ვარჯიში, რელიგიური ცერემონიები ან ქორწილი. ასევე ფუნქციონირებას განაახლეს სხვადასხვა დაწესებულებები, მათ შორის სპორტდარბაზები და მაღაზიები.

16
პოლიცია ბათუმში

ბათუმში ხმაურია: საპროტესტო აქციის ფონზე ფიტნეს-ცენტრის შენობაში პოლიცია შევიდა

0
„რეფორმერის“ ხელმძღვანელობა შრომის ინსპექციამ კარანტინისა და იზოლაციის წესების დარღვევისთვის დააჯარიმა, მაგრამ ფიტნეს-დარბაზმა ფუნქციონირება განაგრძო

თბილისი, 29 ნოემბერი – Sputnik. ბათუმში ფიტნეს-ცენტრ „რეფორმერის“ შენობაში საათზე მეტია პოლიციის თანამშრომლები საგამოძიებო მოქმედებებს ატარებენ, ეს ყველაფერი ახალი შეზღუდვების წინააღმდეგ საპროტესტო აქციის ფონზე მიმდინარეობს.

უწყებათაშორისო საკოორდინაციო საბჭოს გადაწყვეტილებით, 28 ნოემბრიდან საქართველოს ტერიტორიაზე აიკრძალა ფიტნეს-ცენტრების, სპორტული დარბაზების და აუზების ფუნქციონირება. „რეფორმერი“ არ დაემორჩილა ამ შეზღუდვას და ფუნქციონირება განაგრძო, ამის გამო ფიტნეს-ცენტრის ხელმძღვანელობა შრომის ინსპექციამ 10 ათასი ლარით დააჯარიმა. კლუბის მფლობელი გააფრთხილეს, რომ განმეორების შემთხვევაში სისხლის სამართლის საქმე აღიძვრებოდა, თუმცა ფიტნესკლუბი დღეს ისევ გაიხსნა, რის შემდეგაც სამართალდამცველებმა გამოძიება დაიწყეს.

კლუბის დასაცავად მივიდა პარტია „გირჩის“ ლიდერი ზურაბ ჯაფარიძე. მან რეფორმერის“ მფლობელთან ზეპირი შეთანხმება დადო და ფიტნეს-ცენტრი აღჭურვილობასთან ერთდ საცხოვრებელ ფართად იქირავა. შემდეგ ჯაფარიძემ მასთან „სახლში“ სტუმრად ყველა მსურველი სავარჯიშოდ დაპატიჟა.

პოლიციამ დარბაზიდან სტუმრები გაიყვანა, შემდეგ კი აღჭურვილობის აღწერა დაიწყო.

ფიტნესკლუბთან იმყოფებიან „ნაციონალური მოძრაობის“, „გირჩისა“ და სხვა პარტიების წარმომადგენლები, რომლებიც  ფიტნესკლუბის მფლობელს გიორგი ფუტკარაძეს სოლიდარობას უცხადებენ.

ადგილზე იმყოფება აჭარის პოლიციის დეპარტამენტის ხელმძღვანელი კონსტანტინე ანანიაშვილი. მისი განცხადებით, გამოძიება სისხლის სამართლის კოდექსის 248-ე მუხლით მიმდინარეობს. პოლიციაზე დაუმორჩილებლობის ბრალდებით ერთი პირი დააკავეს, თუმცა მოგვიანებით ის ხელწერილის საფუძველზე გაათავისუფლეს.

0
თემები:
COVID-19 საქართველოში