პარლამენტის დეპუტატ ემზარ კვიციანსა და მომიტინგეებს შორის შეტაკება მოხდა - ვიდეო

197

პოლიციამ „საქართველოს პატრიოტთა ალიანსის“ დეპუტატი ემზარ კვიციანი მანქანაში ჩასვა მას შემდეგ, რაც მას და საპროტესტო აქციის მონაწილეებს შორის შეტაკება მოხდა, და შემთხვევის ადგილიდან წაიყვანა. იხილეთ Sputnik-საქართველოს ვიდეო კადრები მოვლენათა ეპიცენტრიდან

კვირას, 8 სექტემბერს საქართველოს პარლამენტში მიმდინარეობს საქართველოს ახალი მთავრობის დამტკიცება, რომლის ხელმძღვანელიც პრემიერ-მინისტრი გიორგი გახარია იქნება.

 

197

დაუსრულებელი მშენებლობა: თბილისში ხანგრძლივი მშენებლობის პრობლემის გადაჭრა დაიწყეს ვიდეო

494
(განახლებულია 19:23 03.07.2020)
თბილისის მერია ხანგრძლივი მშენებლობების პრობლემებს სხვა სამშენებლო კომპანიებთან მოლაპარაკებით ეტაპობრივად აგვარებს. იხილეთ „Sputnik-საქართველოს“ ვიდეო, რა ელის დაუსრულებელ შენობებს ქვეყნის დედაქალაქში.

თბილისში დღეისათვის 200-მდე შეჩერებული მშენებლობაა, მოტყუებულთა შორის კი – ათობით ათასი ოჯახი.

ცოტა ხნის წინ ქალაქის ხელისუფლებამ განაცხადა, რომ წლების წინ შარტავას ქუჩაზე კომპანია „ოლიმპიური ვარსკვლავის“ მიერ დაწყებული საცხოვრებელი კომპლექსის დასრულებას საკუთარ თავზე კომპანია m2 აიღებს.

როგორც დედაქალაქის მერმა კახა კალაძემ თქვა, სამშენებლო კომპანიასა და მერიას შორის მშენებლობის დასრულების შესახებ მემორანდუმი გაფორმდა.

კომპანია „ოლიმპიური ვარსკვლავი“ 2006 წელს ოლიმპიურმა ჩემპიონებმა დააარსეს. 2012 წელს კომპანია 27 მილიონი ლარით დაჯარიმდა ხანგრძლივი მშენებლობის გამო, თუმცა შემოსავლების სამსახურთან მოლაპარაკების შედეგად ჯარიმის ოდენობდა 450 ათას ლარამდე შეამცირეს.

ბინებს ამ კორპუსებში, უკვე 13 წელია, 350-ზე მეტი ოჯახი ელოდება. წლების განმავლობაში დაუსრულებელი მშენებლობა პრობლემას უქმნიდა მეზობლებსაც. მათი თქმით, ტერიტორიაზე ნაგავსაყრელი გაჩნდა, ასევე ამ ადგილზე ხშირად ხდებოდა დანაშაული.

494

გერმანია აშშ-ს სანქციებით ემუქრება „ჩრდილოეთის ნაკადი-2“-ის შეჩერების მცდელობისთვის

300
(განახლებულია 15:50 03.07.2020)
გერმანიის კანცლერმა ანგელა მერკელმა განაცხადა, რომ აშშ-ის სანქციები „ჩრდილოეთის ნაკადი-2“-ის წინააღმდეგ არ შეესაბამება ბერლინის იურიდიულ წარმოდგენებს.

მთავრობის მეთაურმა პირობა დადო, რომ პროექტის სრულ რეალიზაციას მიღწევს. გერმანიაში მიაჩნიათ, რომ ამერიკული სანქციები გაზსადენ „ჩრდილოეთის ნაკადი-2“-ის წინააღმდეგ საფრთხეს უქმნის ევროპულ ინვესტიციებს 12 მლრდ ევროს ოდენობით, ასევე ევროპის ინფრასტრუქტურასა და ენერგეტიკულ უსაფრთხოებას.

გარდა ამისა, სანქციებს შეუძლია წაართვას მომხმარებლებს წელიწადში 4 მლრდ-მდე ევროს დაზოგვის შესაძლებლობა.

ბუნდესტაგში აცხადებენ, რომ ვაშინგტონის მცდელობა, აიძულოს გერმანია და მისი პარტნიორები უარი თქვან პროექტზე — ეს ქვეყნის სუვერენიტეტის დარღვევაა და პირობას დებენ, რომ აშშ-ის წინააღმდეგ საპასუხო მკაცრ სანქციებს დააწესებენ იმ შემთხვევაში, თუ ის „ჩრდილოეთის ნაკადი-2“-ზე ზეწოლას განაგრძობს.

300
ქარელის ადმინისტრაცია

ქარელში მოსახლეობამ სარწყავი წყლის მოთხოვნით ცენტრალური გზა გადაკეტა

0
(განახლებულია 13:22 04.07.2020)
სოფელ რუისის მაცხოვრებლები ირწმუნებიან, რომ მათ სარწყავი წყალი ორი კვირაა არ მიეწოდებათ, მელიორაციის სამსახურის თანამშრომლების განცხადებით კი მოსახლეობას წყალი გრაფიკით ღამის საათებში მიეწოდება.

თბილისი, 4 ივლისი – Sputnik. ქარელის მუნიციპალიტეტის სოფელ რუისის მოსახლეობამ სარწყავი წყლის მოთხოვნით საპროტესტო აქცია გამართა, იუწყება საზოგადოებრივი მაუწყებლის პირველი არხი.

ადგილობრივებმა პროტესტი თავდაპირველად სოფლის ცენტრში გამოხატეს, ხოლო შემდგ ცენტრალურ მაგისტრალზე გადაინაცვლეს.

აქციის მონაწილეებმა ცენტრალური მაგისტრალი გადაკეტეს, თუმცა სამართალდამცავების მოთხოვნის შემდეგ  გზა გახსნეს.

ადგილობრივების თქმით, უკვე ორი კვირაა  სარწყავი წყალი არ მიეწოდებათ და ისინი მოსავლის გარეშე დარჩენის საფრთხის წინაშე დგანან.

მოსახლეობასთან შესახვედრად მივიდნენ შიდა ქართლის მელიორაციის სამსახურის და ქარელის საკრებულოს წარმომადგენლებიც.

აქციის მონაწილეებმა ისინი უყურადღებობაში დაადანაშაულეს.

შიდა ქართლის მელიორაციის სამსახურის წარმომადგენლებმა კი თავის მხრივ  განუმარტეს მოსახლეობას, რომ ტაშისკარის მაგისტრალური არხიდან წყალი სოფელს გრაფიკით მიეწოდება მხოლოდ ღამის საათებში. საღამოს რვა საათზე წყლის მაგისტრალზე ფარები იკეტება და სოფელ რუისს სარწყავი წყალი 22:00 საათიდან დილამდე შეუძლია ისარგებლოს.

მოსახლეობა კი ირწმუნება, რომ ამ  გრაფიკით წყალი ყველას არ ყოფნის და უფრო მეტიც, წყალი ბოლო ორი კვირაა, არც ღამის საათებში მოდის.

0
თემები:
საქართველოს რეგიონები