(1:33 / 10.00Mb / просмотров видео: 86)

„ღამის სერენადები“ - დიდებული ატმოსფერო და დიდი მუსიკოსები

39
(განახლებულია 10:49 04.09.2019)

თბილისსა და ბათუმში ლეგენდარული ქართველი მევიოლინის - ლიანა ისაკაძის მიერ დაარსებული საერთაშორისო მუსიკალური ფესტივალი „ღამის სერენადები“ იმართება

წელს ფესტივალის სცენაზე კლასიკური მუსიკის ვარსკვლავები წარსდგებიან. მათ შორის ნანა იაშვილი (ვიოლინო, საქართველო/გერმანია), ნინო ცაგარელი (მეცო-სოპრანო, საქართველო/იტალია), ანა-ლიზა ბეზროდნაია (ვიოლინომ ინგლისი/ფინეთი), „ფორტე-ტრიო“ (ყაზახეთი), დავით შამანაური (საყვირი, საქართველო), კონსტანტინე ვარდე,ი სახელობის სიმებიანი კვარტეტი (საქართველო), ახალგაზრდა პიანისტი და კომპოზიტორი სანდრო ნებიერიძე (საქართველო) და სხვები.

ფესტივალის საღამოებზე გაიჟღერა ბეთჰოვენის, ბარბერის, ბატენი, ჩაიკოვსკის, ვივალდის, შოსტაკოვიჩისა და აზარაშვილის შედევრებმა.

საერთაშორისო ფესტივალი „ღამის სერენადები“ 1982 წელს დაარსდა. აქამდე ღონისძიება ბიჭვინთაში იმართებოდა ყოველ ზაფხულს და საკმაო პოპულარობითაც სარგებლობდა. თუმცა 1991 წელს არსებობა შეწყვიტა და 18 წლის შემდეგ კვლავ გაიმართა აჭარაში.

დღეს ფესტივალი ბათუმსა და თბილისში იმართება. მისი უცვლელი ხელმძღვანელები არიან ლიანა და გიორგი ისაკაძეები, მთავარი დირიჟორი - ვახტანგ მაჭავარიანი.

 

39

ტურბიზნესის წარმომადგენლებმა თბილისში შეზღუდვები გააპროტესტეს - ვიდეო

39
თბილისში, მთავრობის ადმინისტრაციის შენობასთან, კვირას საპროტესტო აქცია გაიმართა ხელისუფლების მიერ COVID-19-ის გამო დაწესებული შეზღუდვების წინააღმდეგ. იხილეთ Sputnik საქართველოს ვიდეო აქციიდან

აქციაში სხვადასხვა პოლიტიკური და საზოგადოებრივი ორგანიზაციების, ასევე ბიზნესის, ვაჭრობის, ტურისტული სფეროს წარმომადგენლები მონაწილეობდნენ. სამთავრობო ადმინისტრაციის წინ რამდენიმე ასეული ადამიანი შეიკრიბა. 

ამ დროისათვის ქვეყანაში მოქმედებს მთელი რიგი მკაცრი შეზღუდვები. გარდა პირბადეების სავალდებულო ტარებისა და დისტანციის დაცვისა, დიდ ქალაქებში აკრძალულია საზოგადოებრივი ტრანსპორტის მოძრაობა, დაკეტილია სავაჭრო ობიექტების ნაწილი, არ მუშაობს კაფეები და რესტორნები, შეჩერებულია სასწავლო პროცესი სკოლებსა და უმაღლეს სასწავლებლებში, არ ფუნქციონირებს საბავშვო ბაღები. 

 

39

ძაღლი-თერაპევტი: საუკეთესო მკურნალი და მეგობარი

29
იცით თუ არა, რომ მედიცინაში ოფიციალურად არსებობს ძაღლებით მკურნალობის მიმართულება?

დიახ, არაფერი შეგვშლია: ძაღლებით მკურნალობას, ანუ კანისთერაპიას (canis — ლათინურად "ძაღლი") ამერიკის შეერთებულ შტატებში ჩაეყარა საფუძველი ჯერ კიდევ მეორე მსოფლიო ომის დროს და დღემდე წარმატებით გამოიყენება მთელ მსოფლიოში…

ნახეთ ვიდეო და ხილულად დარწმუნდით, რა ძალა აქვს ფუმფულა მეგობრის თანადგომას უმძიმესი სენით შეპყრობილებისთვისაც კი.

 

29
ტურისტული სფეროს თანამშრომლების საპროტესტო აქცია

მთავრობას კოვიდშეზღუდვების მოსახსნელად 48 საათი მისცეს: თბილისში პროტესტი გრძელდება

35
(განახლებულია 19:02 24.01.2021)
როგორც ტურიზმის საინიციატივო ჯგუფის წარმომადგენელმა, ალექსანდრე გიორგიძემ განაცხადა, პანდემიის გამო ტურიზმის სფერო მძიმე სიტუაციაში აღმოჩნდა, ამიტომ ისინი ხელისუფლებისგან კონკრეტულ ნაბიჯებს ელოდებიან.

თბილისი, 24 იანვარი – Sputnik. თუ საქართველოს მთავრობა 48 საათის განმავლობაში არ წარმოადგენს კონკრეტულ გეგმას შეზღუდვების დაუყოვნებლივ მოხსნასთან დაკავშირებით, მომიტინგეები კანონის ფარგლებში რადიკალურ ქმედებებზე გადავლენ, ამის შესახებ ტურიზმის საინიციატივო ჯგუფის წარმომადგენელმა, ალექსანდრე გიორგიძემ განაცხადა.

22 იანვარს უწყებათშორისმა საკოორდინაციო საბჭომ 1 თებერვლიდან ქვეყანაში მოქმედი შეზღუდვების ეტაპობრივი მოხსნის გადაწყვეტილება მიიღო. თუმცა ამ ეტაპზე ტურიზმის, მათ შორის, სამთო-სათხილამურო კურორტების გახსნა არ იგეგმება და არსებული შეზღუდვები კვლავ ძალაში რჩება. მთავრობის გეგმის მიხედვით, ზამთრის კურორტები მუშაობას 1 მარტიდან განაახლებენ.

აღნიშნულმა გადაწყვეტილებამ ტურიზმის სფეროს წარმომადგენელთა უკმაყოფილება გამოიწვია.

„სფერო, რომელიც არის ერთი წელი გაჩერებული და მთავარი შემომტანი იყო ქვეყნის ბიუჯეტის, დაახლოებით 25-27 პროცენტამდე ავსებდა ჩვენი ქვეყნის დოვლათს, ეს სფერო არის სრულიად გაჩერებული. ზარალი ძალიან მარტივად დათვლადია და ყველაზე ცუდი ის არის, რომ პერსპექტივაც არ ჩანს, როგორ გავიხსნებით“, - განაცხადა ალექსანდრე გიორგიძემ.

გიორგიძის განცხადებით, ტურისტული სექტორი ითხოვს, რეგულაციების სრული დაცვით გაიხსნას საზღვრები და მთის კურორტები.

ამასთან, როგორც გიორგიძემ აღნიშნა, ნოემბერ-დეკემბერის თვეში დაახლოებით 1200 კომპანია გაკოტრდა, ხოლო 350 000-მდე ადამიანი, რომლებიც ტურიზმში იყვნენ დასაქმებული, უმუშევრად არიან დარჩენილი.

„მილიონზე მეტი ადამიანია ქვეყანაში შიმშილობის ზღვარზე და ამის ფონზე სახელმწიფო არ გვაძლევს გამომუშავების საშუალებას. უნდა გაიხსნას, სხვა გამოსავალი არ არის, თორემ ჩვენ გაზაფხული გვექნება ძალიან მძიმე და კიდევ რამდენიმე თვე რომ არ იმუშაოს სფერომ, ეს ნიშნავს დიდ სოციალურ აფეთქებას“, - განაცხადა გიორგიძემ.

კორონავირუსის პანდემიის გამო დაწესებული შეზღუდვები სულ უფრო მეტ უკმაყოფილებას იწვევს. დღეს ოპოზიციური პარტია „ნაციონალური მოძრაობის“ აქტივისტებმა უკვე განაცხადეს, რომ არ დაემორჩილებიან არსებულ შეზღუდვებს და კომენდანტის საათის დაწყების შემდეგ, 21:00 საათზე რუსთაველის გაზმირზე სეირნობას მოაწყობენ.

საქართველოში ზამთრის კურორტებზე ტურისტული სეზონი, ჩვეულებრივ, დეკემბრის დასაწყისში იხსნება და მარტის ბოლომდე გრძელდება. შესაბამისად, წლევანდელი სეზონი ოთხჯერ უფრო ხანმოკლე იქნება და მხოლოდ ერთი თვით შემოიფარგლება.

ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა.

„ნაციონალური მოძრაობის“ აქტივისტები დღეს კომენდანტის საათის დროს რუსთაველზე ისეირნებენ >>

საკოორდინაციო საბჭოს გადაწყვეტილებით, 28 ნოემბრიდან ბაკურიანის, გუდაურის, გოდერძისა და მესტიის სათხილამურო კურორტებზე სპეციალური შეზღუდვები დაწესდა. კერძოდ, სასტუმროების გამოყენება დასაშვებია მხოლოდ საკარანტინო სივრცეების მოსაწყობად. გაჩერებულია სათხილამურო ტრასებისა და სათხილამურო საბაგიროების ფუნქციონირება.

35