შემთხვევა ზოოპარკში: დამლაგებელმა ქალმა თეთრი დათვი ცოცხით მოიგერია

167
(განახლებულია 19:37 02.07.2019)

ბრიტანულმა ტაბლოიდმა Daily Mail-მა პუბლიკაცია მიუძღვნა ინტერნეტით გავრცელებულ ვიდეოს, რომელშიც ჩანს, როგორ მოიგერია მოსკოვის ზოოპარკის დამლაგებელმა ვოლიერში შესული თეთრი დათვი.

კადრებში ჩანს, როგორ შედის უზარმაზარი ცხოველი ვოლიერში მაშინ, როდესაც დამლაგებელი იქაურობას ასუფთავებს. ქალმა თავდაცვის მიზნით ცოცხი და აქანდაზი მოიმარჯვა და დათვს მიახლოების საშუალება არ მისცა. მერე კი ნელ-ნელა, პანიკის გარეშე, უკუსვლით დატოვა ვოლიერი. 

167
თემები:
ეს უცნაური რუსეთი (93)

დაუსრულებელი მშენებლობა: თბილისში ხანგრძლივი მშენებლობის პრობლემის გადაჭრა დაიწყეს ვიდეო

406
(განახლებულია 19:23 03.07.2020)
თბილისის მერია ხანგრძლივი მშენებლობების პრობლემებს სხვა სამშენებლო კომპანიებთან მოლაპარაკებით ეტაპობრივად აგვარებს. იხილეთ „Sputnik-საქართველოს“ ვიდეო, რა ელის დაუსრულებელ შენობებს ქვეყნის დედაქალაქში.

თბილისში დღეისათვის 200-მდე შეჩერებული მშენებლობაა, მოტყუებულთა შორის კი – ათობით ათასი ოჯახი.

ცოტა ხნის წინ ქალაქის ხელისუფლებამ განაცხადა, რომ წლების წინ შარტავას ქუჩაზე კომპანია „ოლიმპიური ვარსკვლავის“ მიერ დაწყებული საცხოვრებელი კომპლექსის დასრულებას საკუთარ თავზე კომპანია m2 აიღებს.

როგორც დედაქალაქის მერმა კახა კალაძემ თქვა, სამშენებლო კომპანიასა და მერიას შორის მშენებლობის დასრულების შესახებ მემორანდუმი გაფორმდა.

კომპანია „ოლიმპიური ვარსკვლავი“ 2006 წელს ოლიმპიურმა ჩემპიონებმა დააარსეს. 2012 წელს კომპანია 27 მილიონი ლარით დაჯარიმდა ხანგრძლივი მშენებლობის გამო, თუმცა შემოსავლების სამსახურთან მოლაპარაკების შედეგად ჯარიმის ოდენობდა 450 ათას ლარამდე შეამცირეს.

ბინებს ამ კორპუსებში, უკვე 13 წელია, 350-ზე მეტი ოჯახი ელოდება. წლების განმავლობაში დაუსრულებელი მშენებლობა პრობლემას უქმნიდა მეზობლებსაც. მათი თქმით, ტერიტორიაზე ნაგავსაყრელი გაჩნდა, ასევე ამ ადგილზე ხშირად ხდებოდა დანაშაული.

406

გერმანია აშშ-ს სანქციებით ემუქრება „ჩრდილოეთის ნაკადი-2“-ის შეჩერების მცდელობისთვის

95
(განახლებულია 15:50 03.07.2020)
გერმანიის კანცლერმა ანგელა მერკელმა განაცხადა, რომ აშშ-ის სანქციები „ჩრდილოეთის ნაკადი-2“-ის წინააღმდეგ არ შეესაბამება ბერლინის იურიდიულ წარმოდგენებს.

მთავრობის მეთაურმა პირობა დადო, რომ პროექტის სრულ რეალიზაციას მიღწევს. გერმანიაში მიაჩნიათ, რომ ამერიკული სანქციები გაზსადენ „ჩრდილოეთის ნაკადი-2“-ის წინააღმდეგ საფრთხეს უქმნის ევროპულ ინვესტიციებს 12 მლრდ ევროს ოდენობით, ასევე ევროპის ინფრასტრუქტურასა და ენერგეტიკულ უსაფრთხოებას.

გარდა ამისა, სანქციებს შეუძლია წაართვას მომხმარებლებს წელიწადში 4 მლრდ-მდე ევროს დაზოგვის შესაძლებლობა.

ბუნდესტაგში აცხადებენ, რომ ვაშინგტონის მცდელობა, აიძულოს გერმანია და მისი პარტნიორები უარი თქვან პროექტზე — ეს ქვეყნის სუვერენიტეტის დარღვევაა და პირობას დებენ, რომ აშშ-ის წინააღმდეგ საპასუხო მკაცრ სანქციებს დააწესებენ იმ შემთხვევაში, თუ ის „ჩრდილოეთის ნაკადი-2“-ზე ზეწოლას განაგრძობს.

95
სავსე მთვარე

მთვარის კალენდარი: 4 ივლისი რისი გაკეთება შეიძლება და რისი არა

0
(განახლებულია 19:15 03.07.2020)
გაეცანით ჩვენს ყოველდღიურ კალენდარს და შეიტყვეთ, რა საქმიანობა იქნება წარმატების მომტანი ამა თუ იმ დღეს ღამის მანათობლის განწყობის მიხედვით.

მთვარეს უზარმაზარი ძალა გააჩნია და დიდი ზეგავლენის მოხდენა შეუძლია ადამიანებზე, რადგან ყველა კოსმოსურ ობიექტს შორის დედამიწასთან ყველაზე ახლოს იმყოფება.

4 ივლისი, შაბათი. ამ დღეს სატურნი მართავს. მზარდი მთვარე თხის რქის ნიშანშია.

კარგი დღეა ჯგუფური მუშაობისთვის, ახალი ინფორმაციის მიღებისთვის. ამ დღეს რეკომენდებულია კორექტივების შეტანა ბიზნესში, გავლენის სფეროს გაფართოება, შეთანხმებებზე ხელმოწერა, საზოგადოებრივი ღონისძიებების ჩატარება, ახალი ცოდნის მიღებს, მუშაობა, მატერიალურ საკითხებზე მუშაობა.

არარეკომენდებულია სერიოზული საქმეების წამოწყება, განსაკუთრებით – მარტო, ასევე დიდი ხნით უსაქმოდ ყოფნა, დასვენება. დღე კატეგორიულად არ მიესადაგება დიდ ხარჯებს, ანუ არ შეიძინოთ ძვირადღირებული არაფერი.

თმის შეჭრა, შეღებვა: მთვარე თმის ზოგად მდგომარეობაზე ძალიან დადებითად მოქმედებს, შეჭრა თმას ძალასა და სიჯანსაღეს მისცემს, თმა უფრო ძლიერი გახდება და შეცერდება მისი ცვენა.

კარგი დღეა თმის შეღებვისთვის, განსაკუთრებით ჭაღარის. ასევე ქიმიური დახვევისთვის.

მებაღეობა: რეკომენდებული არ არის დარგვა, დათესვა, გასხვლა, გადარგვა. მოსავალი კარგი არ იქნება და ბევრ პრობლემას მოგიტანთ.

შეიძლება სარეველასთან, მავნებლებთან ბრძოლა, მორწყვა და სასუქის მიცემა იმ მცენარეებისთვის, რომლებსაც სუსტი ფესვები აქვთ.

0