ადამიანი - დედამიწაზე ჩამოფრენილი უცხოპლანეტელი - შემეცნებითი ვიდეო

161

შეკითხვა, რომელზეც სხვადასხვა რელიგიები და მეცნიერები ერთმანეთისგან განსხვავებულ ვარაუდს გამოთქვამენ, ჯერ კიდევ პასუხგაუცემელია. შესაძლოა, ადამიანი სიცოცხლის უფრო ძველი ფორმაა, ვიდრე ჩვენ აქამდე გვეგონა

ერთ-ერთი ლეგენდის თანახმად, ადამიანი დედამიწაზე პლანეტა „ფაეტონიდან“ გადმოფრინდა, რომელიც მალე აფეთქდა. მეცნიერთა ვარაუდით, სწორედ ამიტომ არის მარსსა და იუპიტერს შორის ასტეროიდების ურიცხვი რაოდენობა, რომლებიც ერთი ორბიტის გავლით გადაადგილდებიან მზის გარშემო.

საინტერესოა, ადამიანი მართლა ასე შორიდან აღმოჩნდა დედამიწაზე თუ ეს ყველაფერი უბრალოდ ვარაუდია? როგორ ფიქრობთ, შეძლებს ოდესმე მეცნიერება ამ შეკითხვაზე ზუსტი პასუხის გაცემას?

161

ჯანმო დაინტერესებულია СOVID-19-ის რუსული ვაქცინით - ვიდეო

32
ჯანდაცვის მსოფლიო ორგანიზაცია კორონავირუსის რუსული ვაქცინით დაინტერესდა. ისინი ახლა გამოცდების დასრულებას ელოდებიან

ამასთან აღნიშნეს, რომ ასევე მონაწილეობენ პრეპარატების ტესტირებაში. რუსეთში მოხალისეებზე ტესტები რამდენიმე ადგილზე ერთდროულად მიმდინარეობს. როგორ მიდის ტესტები, როგორ გრძნობენ თავს მოხალისე მონაწილეები და რომელი ქვეყნები ელოდებიან ვაქცინას ყველაზე მეტად - იხილეთ ჩვენს ვიდეოში.

32

ბედი ჰქონია: ქართველმა მძღოლმა საშინელ ავარიას თავი სასწაულებრივად დააღწია ვიდეო

1559
(განახლებულია 16:18 06.07.2020)
იხილეთ ვიდეო, თუ როგორ შემთხვევით შეძლო მსუბუქი ავტომობილის მძღოლმა, თავი აერიდებინა საშინელი ავარიისთვის გზაზე.

მსუბუქ ავტომობილში დაყენებულმა რეგისტრატორმა დააფიქსირა, როგორ შექმნა ტრაილერის მძღოლმა ავარიული სიტუაცია მოძრაობის წესების აბსოლუტური უგულებელყოფით.

კადრებზე ჩანს, როგორ გადადის წითელი ფერის სატვირთო შემხვედრ ზოლზე და როგორ მოძრაობს ის დიდი სიჩქარით ისე, რომ ადგილს საერთოდ არ უტოვებს საპირისპირო მიმართულებით მოძრავ მანქანას. რომ არა სრულიად შემთხვევითი გამართლება და მსუბუქი ავტომობილის მძღოლის სიმარჯვე, რომელმაც გვერდზე გადასვლა მოასწრო, საშინელი შეჯახება გარდაუვალი იქნებოდა.

ვიდეოში ჩანს, რომ მთის ძირში გამავალი გზის მარჯვენა მხარეს ბეტონის ჯებირებია ჩამწკრივებული. მძღოლის ბედად, სწორედ იმ ადგილზე, სადაც ავარია გარდაუვალი იყო, ჯებირები არ იდგა და მსუბუქმა ავტომობილმა გვერდზე გადახვევა შეძლო.

 

1559
პიტერ სიიარტო

„ექსიმბანკი“ უნგრულ კომპანიებს საქართველოში ინვესტიციების განხორციელებაში დაეხმარება

37
(განახლებულია 07:54 07.07.2020)
უნგრეთის ბანკმა შექმნა 155 მილიონი ევროს მოცულობის ფონდი, რომელიც შეიძლება დაიხარჯოს საქართველოს ტერიტორიაზე.

თბილისი, 7 ივლისი  — Sputnik.  უნგრეთის ექსპორტ–იმპორტის ბანკმა „ექსიმბანკმა“  საკრედიტო ხაზი გამოყო იმ უნგრული კომპანიებისთვის, რომლებიც საქართველოში ინვესტიციების განხორციელებას გადაწყვეტენ, იუწყება საქართველოს ეკონომიკისა და მდგრადი განვითარების სამინისტრო.

ეკონომიკის მინისტრმა ნათია თურნავამ უნგრეთის საგარეო საქმეთა მინისტრ პიტერ სიიარტოსთან შეხვედრა გამართა, რომელიც საგანგებო მდგომარეობის დასრულების შემდეგ პირველი მაღალი რანგის სტუმარია საქართველოში. თურნავას თქმით, უნგრეთი საქართველოს სტრატეგიული პარტნიორია, ქვეყნებს ბევრი საერთო პროგრამა და პროექტი, ასევე მზარდი ეკონომიკური თანამშრომლობა აქვთ.  


„უნგრეთის საგარეო საქმეთა და ვაჭრობის მინისტრმა აღნიშნა, რომ უნგრეთის სახელმწიფო განვითარების ბანკ „ექსიმბანკში“ სპეციალური საკრედიტო ხაზია გამოყოფილი იმ უნგრული კომპანიებისთვის, რომლებიც საქართველოში თავისი თანხების დაბანდებას გადაწყვეტენ. უნგრეთის მინისტრმა ბრძანა, რომ ჩვენს მსგავსად, უნგრელი ინვესტორებიც ხედავენ საგარეო ბაზარზე ახალ შესაძლებლობებს, რომლებიც გაჩნდა პოსტპანდემიურ პერიოდში. კომპანიებს სურთ დივერსიფიკაცია“, - განაცხადა ნათია თურნავამ.

როგორც სიიარტომ განაცხადა, უნგრეთის ბანკმა შექმნა 155 მილიონი ევროს მოცულობის ფონდი, რომელიც შეიძლება დაიხარჯოს საქართველოს ტერიტორიაზე.

„საქსტატის“ მონაცემებით, 2019 წელს უნგრეთიდან საქართველოში ინვესტიციების მოცულობამ 2,7 მლნ დოლარი შეადგინა, რაც თითქმის ორჯერ აღემატება 2018 წლის ანალოგიური პერიოდის მაჩვენებელს.

ორმხრივი ურთიერთობები

საქართველომ და უნგრეთმა დიპლომატიური ურთიერთობები 1992 წლის 14 მარტს დაამყარეს. ქვეყნები თანამშრომლობენ ეკონომიკის, ვაჭრობის, ტრანსპორტის, ტურიზმის, განათლებისა და მეცნიერების სფეროებში. 

ტურიზმის ეროვნული ადმინისტრაციის მონაცემებით, 2019 წელს საქართველოს დაახლოებით 7,8 ათასი უნგრელი ეწვია, რაც 18,9%-ით მეტია 2018 წლის ანალოგიურ მაჩვენებელთან შედარებით. 

სტატისტიკის ეროვნული სამსახურის მონაცემებით, 2018 წელს ქვეყნებს შორის სავაჭრო მოცულობამ დაახლოებით 45,9 მლნ დოლარი შეადგინა, რაც 5,6%–ით ნაკლებია 2018 წლის მონაცემთან შედარებით.

საქართველოსა და უნგრეთს შორის ურთიერთობების გაღრმავების მიზნით 2013 წლიდან ფუნქციონირებს სახელმწიფოთაშორისი კომისია ეკონომიკური თანამშრომლობის საკითხებში.

37
თემები:
საქართველოს საგარეო პოლიტიკა