დიდ ბრიტანეთში, ქალაქ ბირმინგემში გმართული ძაღლების გამოფენა Crufts ქაოსით დასრულდა. დაჯილდოების ცერემონიისას, რომელიც პირდაპირი ეთერით გადაიცემოდა, არენაზე მოულოდნელად გაიჭრა უცნობი, რასაც არეულობა მოჰყვა.
ინციდენტის ამსახველი, ახლოდან გადაღებული ვიდეო ერთ-ერთმა თვითმხილველებმაც ატვირთა საკუთარ „ტვიტერზე“ და ასევე გამოქვეყნდა YouTube-ზე.
კადრებში ჩანს, როგორ ამზადებს პატრონი გამოფენის ერთ-ერთ მონაწილეს დაჯილდოებისთვის, უეცრად შეშინებული როგორ სტაცებს ხელს საკუთარ ძაღლს და უსაფრთხო ადგილზე გაჰყავს.
The Independent-ის ინფორმაციით, ეს იყო საპროტესტო აქცია, რომელზეც პასუხისმგებლობა ორგანიზაცია PETA-მ აიღო. აღსანიშნავია, რომ ეს ორგანიზაცია ადამიანების ცხოველებისადმი ეთიკურ დამოკიდებულებას უჭერს მხარს.
დარბაზიდან გადაღებულ ერთ-ერთ ვიდეოში ჩანს, რომ საპროტესტო აქციაში ორი ადამიანი მონაწილეობდა: ქალი და მამაკაცი, რომლებმაც, შოუს ორგანიზატორების თქმით, შეაშინეს როგორც ძაღლები, ისე ხალხი.