(2:29 / 15.79Mb / просмотров видео: 2627)

როგორ მოვამზადოთ ბადრიჯანი ნიგვზით - ვიდეოგაკვეთილი

25283
(განახლებულია 10:19 31.12.2017)

ბადრიჯანი ნიგვზით — ქართული სამზარეულოს ერთ-ერთი ყველაზე გემრიელი კერძი, რომელიც ხშირად მზადდება დღესასწაულებზე. იხილეთ ვიდეო, თუ როგორ მზადდება ეს სადღესასწაულო კერძი.

„Sputnik–საქართველომ“ თქვენთვის მოამზადა ვიდეო-რეცეპტი, რომელშიც თანმიმდევრულად გიჩვენებთ, როგორ მოამზადოთ საახალწლოდ ბადრიჯანი ნიგვზით.

მის მოსამზადებლად თქვენ დაგჭირდებათ: ბადრიჯანი, ნიგოზი, ხახვი, ბროწეული, ნიორი, ქინძი, დაფქული ქინძი, დაფქული წითელი წიწაკა, მარილი, უცხო სუნელი და მზესუმზირის ზეთი. დავჭრათ ბადრიჯანი გრძლად და ერთი საათით ჩავდოთ მარილიან წყალში. წვრილად დაჭრილი ხახვი მოვშუშოთ მზესუმზირის ზეთში.

ავურიოთ მოშუშული ხახვი, გატარებული ნიგოზი ნიორთან ერთად, სუნელები და მარილი, დავამატოთ ცოტა გაგრილებული ანადუღარი წყალი და ავურიოთ, სანამ ერთგავროვან მასას არ მივიღებთ.

შევწვათ ბადრიჯანი მზესუმზირის ზეთში ორივე მხრიდან. დავაწყოთ შემწვარი ბადრიჯანი სამზარეულოს ხელსახოცზე, რომ მან ზედმეტი ცხიმი შეიწოვოს. დავჭრათ ქინძი და ავურიოთ ნიგვზიან მასას, დავამატოთ ძმარი. წავუსვათ ნიგვზიანი მასა ბადრიჯნის შემწვარ ნაწილებს, მოვაყაროთ ბროწეული და რულეტივით გადავახვიოთ.
გემრიელად მიირთვით!

25283
თემები:
გემრიელი სამზარეულო (96)
თემაზე
საახალწლო რეცეპტები: როგორ მოვამზადოთ საცივი
შავ ზღვაში მაშველები გემებისა და ვერტმფრენების საშუალებით ტუ-154-ის ნამსხვრევებს ეძებდნენ
პუტინი: კატასტროფის მიზეზების საფუძვლიანი გამოძიება ჩატარდება
რუსეთის თავდაცვის წარმომადგენელმა სოჭში ჩამოვარდნილი „ტუ-154“-ის შესახებ ისაუბრა

სამმაგი დარტყმა პანდემიაზე: რუსეთში კორონავირუსის მესამე ვაქცინის ტესტირება დაიწყო

11
(განახლებულია 16:34 21.10.2020)
რუსეთში კორონავირუსის მესამე ვაქცინის ტესტირება დაიწყო, რომელიც მ. პ. ჩუმაკოვის სახელობის ცენტრმა შექმნა.

მწარმოებლები იმედოვნებენ, რომ დეკემბერში ჯანდაცვის სამინისტრო დაარეგისტრირებს ახალ პრეპარატს და წლის ბოლომდე მისი მასობრივი წარმოება დაიწყება. მანამდე სახელმწიფომ დაარეგისტრირა ვაქცინა, რომელიც ნოვოსიბირსკის სამეცნიერო ცენტრმა „ვექტორმა“ შექმნა. ასევე დასასრულს უახლოვდება მსოფლიოში პირველი ვაქცინის Спутник V-ს გამოკვლევები. ახლა რუსული პრეპარატის მესამე საგამოცდო ეტაპი საზღვარგარეთ მიმდინარეობს, სწორედ მათ დასკვნებზე იქნება დამოკიდებული ვაქცინის წარმატება საერთაშორისო ბაზარზე.

11

თბილისში დაიწყო ოპოზიციის აქცია "დაუპიპინე ბიძინას!"

47
(განახლებულია 15:56 21.10.2020)
ოპოზიციურმა პარტია „ევროპულმა საქართველომ“ უჩვეულო საპროტესტო აქცია გამართა თბილისის ცენტრში – დილიდან ცენტრალურ ქუჩებზე გადაადგილდებიან ავტომობილები, რომლებიც უწყვეტად ასიგნალებენ.

„ევროპულმა საქართველომ“ რეგიონებში საკუთარ მომხრეებსაც მოუწოდა აქციას შეერთებოდნენ. თბილისის მიმართულებით უკვე დაიძრა ავტოკოლონები სხვადასხვა ქალაქებიდან.

აქცია „დაუპიპინე ბიძინას!“ სიმბოლური პროტესტია მმართველი პარტია „ქართული ოცნების“ დამფუძნებლის წინააღმდეგ.

პროტესტი „ევროპული საქართველოს“ მიერ ორგანიზებულია წინასაარჩევნო კამპანიის ფარგლებში და დასრულდება 20:00 საათზე, როდესაც ყველა მონაწილე ბიძინა ივანიშვილის რეზიდენციასთან მივა და იქ დაასიგნალებს.

47
სპეცოპერაცია ზუგდიდში

პოლიცია კითხავს ადამიანს, რომელმაც ტერორისტი ბანკამდე მანქანით მიიყვანა

0
ადგილზე მობილიზებულია ზუგდიდის პოლიცია და სპეცრაზმი. ზუგდიდში ჩავიდა შინაგან საქმეთა მინისტრი ვახტანგ გომელაური. მიმდინარეობს მძევალთა გათავისუფლების სპეცოპერაცია.

თბილისი, 21 ოქტომბერი - Sputnik პოლიციამ იპოვა მძღოლი, რომელმაც შეიარაღებული მძღოლი ზუგდიდში „საქართველოს ბანკის“ ფილიალამდე მიიყვანა, ამის შესახებ ჟურნალისტებს სამეგრელო-ზემო სვანეთის გუბერნატორის მოვალეობის შემსრულებელმა, მალხაზ თორიამ განუცხადა.

გათიშეთ ლაივსიგნალები: შსს მედიას და მობილურ ოპერატორებს მიმართავს >>

ავტომატით და ხელყუმბარით შეიარაღებულმა მამაკაცმა ოთხშაბათს ზუგდიდის ცენტრში „საქართველოს ბანკის“ ერთ-ერთ ფილიალში მძევლები აიყვანა. მძევლად აყვანილია 18 ადამიანი - ბანკის თანამშრომლები და კლიენტები.

„ვიცით, რომ ეს პიროვნება არის ჩაცმული სამხედრო ფორმაში. აღნიშნულიდან გამომდინარე, არსებობს მონაცემები, რომ უცნობმა პირმა იგი მიიყვანა დასახელებულ ბანკამდე, ხოლო ამ მოქალაქესთან სამართალდამცავი ორგანოები აწარმოებენ შესაბამის საგამოძიებო მოქმედებებს. ეს პიროვნება არის რიგითი მოქალაქე, რომელსაც სავარაუდოდ შემხებლობა არ ჰქონდა ამ თავდასხმასთან. შემდგომ გამოძიება დაადგენს ყველაფერს“, – განაცხადა მალხაზ თორიამ.

ადგილზე მობილიზებულია ზუგდიდის პოლიცია და სპეცრაზმი. ზუგდიდში ჩავიდა შინაგან საქმეთა მინისტრი ვახტანგ გომელაური. მიმდინარეობს მძევალთა გათავისუფლების სპეცოპერაცია. სამხედრო კამუფლაჟში გამოწყობილი ტერორისტი 500 ათას დოლარს და ვერტმფრენს მოითხოვს.

0
თემები:
კრიმინალი საქართველოში