(0:48 / 6.41Mb / просмотров видео: 1039)

ბუქარესტში მთავრობის წინააღმდეგ მრავალათასიანი საპროტესტო აქცია მიმდინარეობს

28
(განახლებულია 18:53 06.02.2017)

300 ათასზე მეტი ადამიანი შეუერთდა ბუქარესტში მინისტრთა კაბინეტის შენობასთან გამართულ მიტინგს მთავრობის გადადგომის მოთხოვნით. რუმინეთში საპროტესტო აქციების სერია უკვე რამდენიმე დღეა გრძელდება.

რუმინეთში საპროტესტო აქციები მას შემდეგ დაიწყო, რაც მთავრობამ სისხლის სამართლის კოდექსში ცვლილებების შეტანის შესახებ ინფორმაცია გაავრცელა, რის შედეგადაც, შესაძლოა, ციხეებიდან მმართველი პარტიის კორუფციული საქმიანობის გამო გასამართლებული პირები გაათავისუფლონ. მომიტინგეები მოითხოვენ მთავრობის გადადგომას. პრემიერ-მინისტრმა სორინ გრინდიანუმ უკვე განაცხადა, რომ არ აპირებს თანამდებობის დატოვებას.

ბუქარესტში მომიტინგეები მინისტრთა კაბინეტის შენობასთან შეიკრიბნენ. მანიფესტანტები სკანდირებენ "გადადექით!", "რუმინეთო, გამოფხიზლდი!", "ერთად დავიცვათ რუმინეთი". მომიტინგეებს ხელში უჭირავთ პლაკატები ლოზუნგებით, რომლებიც მთავრობისა და მმართველი სოციალ-დემოკრატიული პარტიის წინააღმდეგაა მიმართული, რომელსაც სათავეში ლივიუ დრაგნია უდგას.

ადგილობრივი მასმედიის მონაცემებით, ეს ყველაზე დიდი მიტინგია 1989 წლის დეკემბრის რევოლუციის შემდეგ, როდესაც დაემხო ნიკოლაე ჩაუშესკუს რეჟიმი.

28
თემაზე
საქართველოში ო'ჰენრის მოთხრობის მიხედვით ფილმი გადაიღეს
რა იციან აზერბაიჯანელებმა საქართველოს შესახებ ღვინის გარდა
აშშ-ში აპროტესტებენ ტრამპის ბრძანებულებას ტერორიზმისგან თავდაცვის შესახებ
რა იციან ერევნის მცხოვრებლებმა საქართველოს შესახებ

რუსეთმა მსოფლიოში პირველმა დაარეგისტრირა კორონავირუსის ვაქცინა

40
(განახლებულია 13:37 13.08.2020)
ვლადიმირ პუტინმა კორონავირუსის მსოფლიოში პირველი ვაქცინის რეგისტრაციის შესახებ ისაუბრა. პრეპარატი რუსეთის თავდაცვის სამინისტროს და გამალეის სახელობის ეპიდემიოლოგიისა და მიკრობიოლოგიის კვლევის ეროვნული ცენტრის სპეციალისტებმა შეიმუშავეს და მას „სპუტნიკ V“ უწოდეს.

ვაქცინამ წარმატებით გაიარა ტესტირება მოხალისეებზე, რომლის მონაწილეებმაც აღნიშნეს, რომ თავს კარგად გრძნობენ და გვერდითი ეფექტები არ შეუმჩნევიათ. მედიკოსების თქმით, ყველა მოხალისეს გამოუმუშავდა COVID-19-ის მიმართ იმუნიტეტი, პრეპარატმა კი საკუთარი უსაფრთხოება დაადასტურა.

ახალი რუსული წამლით დაინტერესდნენ ბევრ ქვეყანაში, ახლა მიმდინარეობს მოლაპარაკებები სხვა სახელმწიფოებში პრეპარატების ტესტირებასთან და გაყიდვის დაწყებასთან დაკავშირებით. თავდაცვის სამინისტროს და გამალეის სახელობის ცენტრის გარდა, ვაქცინის შექმნაზე მუშაობდა კიდევ ორი რუსული კომპანია − ნოვოსიბირსკის ვირუსოლოგიისა და ბიოტექნოლოგიის ფედერალური სამსახური „ვექტორი“, რომელმაც დაიწყო ადამიანებზე სამი სხვადასხვა პრეპარატის ტესტირება, და ვაქცინებისა და შრატების სამეცნიერო-კვლევითი ცენტრი სანქტ-პეტერბურგიდან.

მოსალოდნელია, რომ პრეპარატების პირველი სამი პარტია რუსეთის მოსახლეობის მასობრივი ვაქცინაციისთვის უკვე აგვისტოს შუა პერიოდში გამოჩნდება.

40

პუტინმა COVID-19-ის პირველი რუსული ვაქცინის რეგისტრაცია დააანონსა

63
(განახლებულია 16:15 12.08.2020)
ვლადიმირ პუტინმა მსოფლიოში პირველი კორონავირუსის საწინააღმდეგო რუსული ვაქცინის რეგისტრაციის შესახებ განაცხადა.

პრეპარატს „სპუტნიკ V“ უწოდეს. როგორც რუსეთის პრეზიდენტმა აღნიშნა, ის ეფექტურია და იმუნიტეტს ამყარებს. პუტინმა ასევე თქვა, რომ მისი ერთ-ერთი ქალიშვილი ექსპერიმენტში მონაწილეობდა: მან COVID-19-ის საწინააღმდეგო აცრები ჩაიტარა. როგორ გრძნობდა ის თავს ვაქცინაციის შემდეგ, ვის და რა პირობებში გაუკეთებენ კორონავირუსის საწინააღმდეგო აცრებს? – ამის შესახებ რუსეთის ლიდერმა მთავრობის წევრებთან გამართულ სხდომაზე ისაუბრა.

63
„ქართული ოცნების დროშები

„ქართული ოცნება“ წინასაარჩევნო რეიტინგების ლიდერია კიდევ ერთი გამოკითხვა

0
(განახლებულია 17:46 13.08.2020)
პარტიების რეიტინგში მეორე ადგილზე „ოცნების" შემდეგ ყოფილი მმართველი ძალა „ერთიანი ნაციონალური მოძრაობა“ აღმოჩნდა.

თბილისი, 13 აგვისტო – Sputnik. საქართველოს მოსახლეობის უმეტესობა მზადაა, საპარლამენტო არჩევნებზე მხარი მმართველ პარტიას „ქართული ოცნება – დემოკრატიული საქართველო“ დაუჭიროს. ამაზე მეტყველებს ტელეკომპანია Rustavi 2–ის დაკვეთით კვლევითი კომპანია Survation–ის მიერ ჩატარებული გამოკითხვის შედეგები.

გამოკითხვის მონაცემებით, საპარლამენტო არჩევნები რომ ხვალ ტარდებოდეს, მმართველ პარტიას ხმას გამოკითხულთა 52% მისცემდა.

საქართველოს ყოველი მესამე მცხოვრები ხმას „ქართულ ოცნებას“ მისცემს – IRI-ს გამოკითხვა>>

მეორე ადგილზეა „ნაციონალური მოძრაობა, რომელსაც ხმას გამოკითხულთა 19% მისცემდა. მესამე ადგილი, ტრადიციულად, „ევროპულმა მოძრაობამ თავისუფლებისთვის“ დაიკავა 8%–ით.

შემდეგ მოდიან პარტიები: „საქართველოს პატრიოტთა ალიანსი“ – 5%, „გიორგი ვაშაძე – სტრატეგია აღმაშენებელი“ – 4% და სხვ.

არჩევნებზე წასვლისთვის მზადაა გამოკითხულთა 65%, კიდევ 13%–მა უპასუხა, რომ დიდი ალბათობით წავა. კიდევ 13 პროცენტი ეჭვობს, წავა თუ არა, ხოლო არჩევნებში მონაწილეობაზე უარი 8%–მა განაცხადა.

კომპანიამ 2–22 ივლისის პერიოდში სულ გამოკითხა 1,2 ათასი ადამიანი. გამოკითხვის ცდომილება ცნობილი არ არის.

სხვა გამოკითხვები

კომპანია Survation–ის გამოკითხვა ივლისში ამ ზაფხულს ჩატარებული უკვე მესამე გამოკითხვა იყო. ყველა დანარჩენი გამოკითხვის თანახმად, მმართველი პარტია პირველ ადგილს იკავებს, ხოლო მას „ნაცმოძრაობა“ მოსდევს.

პარტია Edisson Research–ის გამოკითხვა IRI–ს გამოკითხვა Survation–ის გამოკითხვა
„ქართული ოცნება" 39% 33% 52%
„ნაცმოძრობა" 16% 16% 19%
„ევროპული საქართველო" 5% 5% 8*
„პატრიოტთა ალიანსი" 3% 3% 5%
„გიორგი ვაშაძე – სტრატეგია აღმაშენებელი“ 3% 3% 4%
„ლელო საქართველოსთვის 3% 2% 5%
0
თემები:
საქართველოს საპარლამენტო არჩევნები 2020