ესპანური კლუბის მოთამაშეები, თანამედროვე ფეხბურთის საუკეთესო მოთამაშე ლიონელ მესისთან ერთად, საქართველოს დედაქალაქში დღის მეორე ნახევარში ჩამოვიდნენ და პოლიციის თანხლებით საქართველოს ფეხბურთის ფედერაციის ავტობუსით აეროპორტიდან სასტუმროში გაემგზავრნენ.
თბილისის ცენტრში, რუსთაველის გამზირზე მდებარე სასტუმროსთან "ბარსელონას" ფანები შეიკრიბნენ, მათ შორის ბევრი სხვა ქვეყნებიდან ჩამოვიდა უეფას სუპერთასის მატჩზე დასასწრებად, რომელიც 11 აგვისტოს საქართველოს დედაქალაქში გაიმართება. "ბარსელონას" მოთამაშეების დანახვისას ფანები სკანდირებდნენ: "მესი! ბარსა!". ამავდროულად ათობით საპატრულო ეკიპაჟი აკონტროლებდა სიტუაციას სასტუმროს გარშემო, ტერიტორია მეტალის ბარიერებით იყო შემოფარგლული. მათ გაყოელბაზე იდგნენ გულშემატკივრები, მაგრამ კორდონის დარღვევის არცერთი ფაქტი არ მომხდარა.
"ბარსელონა" უეფას სუპერთასის მატჩზე ესპანურ "სევილიას" დაუპირისპირდება.