დანიილ მედვედევი და რაფაელ ნადალი

ჩხუბისთავი მილიონერი: „საძაგელი რუსის“ ხუთსაათიანი ბრძოლა

89
(განახლებულია 15:49 09.09.2019)

US Open 2019-ის მთავარი აღმოჩენა 23 წლის რუსი ჩოგბურთელი დანიილ მედვედევია, რომელიც დიდი სლემის სერიის ტურნირის ფინალში რაფაელ ნადალს შეხვდა კვირას, 8 სექტემბერს. თითქმის ხუთსაათიანი ბრძოლა მედვედევმა წააგო...

მანამდე მსგავს ტურნირებში მედვედევის საუკეთესო შედეგი ის იყო, რომ წლევანდელ Australian Open-ის მეოთხე წრეში გავიდა. უიმბლდონში მან ვერ გადალახა მესამე წრე, Roland Garros-ზე კი მუდმივად აგებდა ძირითადი ბადის პირველ მატჩში.  

დანიილ მედვედევი Даниил Медведев
© photo: Sputnik / Alexey Kudenko
დანიილ მედვედევი

რუსეთის უმდიდრესი ჩოგბურთელების ხუთეულში

სეზონის დაწყებამდე დანიილის ანგარიშზე 2,6 მილიონ დოლარზე ცოტათი მეტი საპრიზო თანხა ირიცხებოდა. 2019 წელი მისთვის საკმაოდ წარმატებული აღმოჩნდა — ყველაზე წარმატებული მთელი კარიერის განმავლობაში. აგვისტოს ბოლოს მან იმაზე მეტი ფული გამოიმუშავა, ვიდრე 2014 წლიდან დღემდე, კერძოდ, 3,4 მილიონი დოლარი. ფინალამდე მედვედევის საპრიზო ფონდმა თითქმის 6,1 მილიონ დოლარს მიაღწია.

US Open-ის ფინალში გასვლით დანიილმა კიდევ 1,9 მილიონი დოლარი გამოიმუშავა. ნადალთან გამარჯვება ამ თანხას გააორმაგებდა და რუს ჩოგბურთელს 3,85 მილიონ დოლარს მოუტანდა, მაგრამ...

ნებისმიერ შემთხვევაში, მედვედევი რუსეთის ისტორიაში ყველაზე მდიდარი ჩოგბურთელების რეიტინგში მეხუთე ადგილს დაიკავებს, დაუთმობს რა პოზიციებს მხოლოდ მიხეილ იუჟნის (13,9 მლნ დოლარი), მარატ საფინს (14,4 მლნ დოლარი), ნიკოლაი დავიდენკოს (16,2 მლნ დოლარი) და, რა თქმა უნდა, ევგენი კაფელნიკოვს (23,9 მლნ დოლარი).

დანიილ მედვედევი მწვრთნელთან ერთად, დევისის თასის გათამაშების პირველი დღე
© photo: Sputnik / Alexandr Jorovich
დანიილ მედვედევი მწვრთნელთან ერთად, დევისის თასის გათამაშების პირველი დღე

თუმცა, ყველაფერი ისე ლამაზი არ არის, როგორიც ჩანს. ხელზე ჩოგბურთელები გაცილებით ნაკლებ თანხას იღებენ — ევროპის ქვეყნების უმრავლესობასა და აშშ-ში საპრიზო თანხის თითქმის ნახევარი გადასახადებს ხმარდება. გარდა ამისა, დიდი თანხა იხარჯება ფრენებზე, მწვრთნელების, ექიმებისა და მასაჟისტების, პიარ-მენეჯერებისა და უბრალოდ მენეჯერების ხელფასებზე. ნაწილს სპონსორები ანაზღაურებენ, მაგრამ ეს ინფორმაცია, საპრიზო თანხებს თუ არ ჩავთვლით, საჯარო არ არის.

ოციათასდოლარიანი ჯარიმა შუათითის ჩვენებისთვის

მედვედევის შემთხვევაში ფული იხარჯება არა მხოლოდ გადასახადებზე, მონაკოში ცხოვრებაზე, გუნდის ხელფასებსა და ფრენებზე, არამედ მუდმივ ჯარიმებზეც. დანიილი მსოფლიო ჩოგბურთის ერთ-ერთი ყველაზე „ცუდი ბიჭია“. მას მუდმივად თან სდევს სკანდალები, რაც არა მარტო მის რეპუტაციას, არამედ საფულესაც ვნებს.

მაგალითად, US Open-ის მესამე წრეში თამაშით უკმაყოფილო მედვედევმა ჯავრი იყარა ბიჭზე, რომელმაც პირსახოცის მოტანა ცოტათი დაუგვიანა. ჩოგბურთელმა ბიჭს პირსახოცი უხეშად გამოგლიჯა ხელიდან და კორტზე მოისროლა. მსაჯმა მისი ეს გამოხდომა არასპორტულ საქციელად შეაფასა და ჩოგბურთელი გაფრთხილებით დასაჯა.

ინციდენტი ამით არ ამოწურულა. ახლა უკვე მსაჯზე გაბრაზებულმა მედვედევმა ჩოგანი არბიტრის კოშკურის მიმართულებით ისროლა, მსაჯს ახირებული უწოდა და დააზუსტა, რომ ასეთი დახასიათება ყველა მსაჯის მიმართ შეიძლება გამოიყენო. რაღაც მომენტში რუსმა ჩოგბურთელმა თავი ვერ შეიკავა და არბიტრისგან მალულად ტრიბუნებს შუათითი უჩვენა. ეს ჟესტი სტადიონზე დამონტაჟებულ ფართო ეკრანებზე აჩვენეს. მაყურებელს მედვედევის საქციელი, რა თქმა უნდა, არ მოეწონა და მისი მორალურად განადგურება გადაწყვიტა.

ზეწოლის მიუხედავად მედვედევმა მატჩი მოიგო, რის შემდეგაც მოკლე ინტერვიუში დიდი მადლობა გადაუხადა გულშემატკივარს ემოციისთვის, რომელიც მას აჩუქეს. ჩოგბურთელმა აღიარა, რომ ასეთი რეაქციის გარეშე შეხვედრას ალბათ ვერ მოიგებდა.

ეს გამოხდომები რუს ჩოგბურთელს ცხრა ათასი დოლარი დაუჯდა. ჯარიმა მისი საპრიზო თანხიდან დაიქვითება. მედვედევმა უკვე მოასწრო ჯარიმების სახით 10 ათასი დოლარის დაკარგვა. ასე რომ, მისი საბოლოო ჰონორარი, სულ მცირე, 19 ათასით ნაკლები იქნება.

მედვედევის ეს სკანდალი არც პირველია და არც ერთადერთი. 2018 წელს იგი კინაღამ ხელით შეეხო მეტოქეს, სტეფანოს ციციპასს. მატჩის მსვლელობით უკმაყოფილო ბერძენმა ჩოგბურთელმა მწვრთნელთან საუბრისას რამდენჯერმე ზედმეტად ხმამაღლა მოიხსენია მედვედევი „საძაგელ რუსად“. დანიილმა თავი ვერ შეიკავა და პრეტენზიებით ციციპასისკენ გაიწია. შეხლა-შემოხლის თავიდან არიდება მხოლოდ მსაჯის წყალობით მოხერხდა, რომელიც კოშკურიდან ჩამოვიდა და მედვედევს მეტოქესთან მიახლოების საშუალება არ მისცა. შედეგად, მედვედევი 14,5 ათასი დოლარით დააჯარიმეს.

2017 წელს უიმბლდონზე მედვედევს მოეჩვენა, რომ მსაჯი მიკერძოებული იყო: ყველა სადავო მომენტი, მისი აზრით, მოწინააღმდეგის სასარგებლოდ წყდებოდა. მედვედევმა რამდენჯერმე მიმართა არბიტრს და შეხვედრის გაგრძელებაზე უარიც კი თქვა, ვიდრე სუპერვაიზერს არ გამოიძახებდნენ და მსაჯს არ შეცვლიდნენ. ეს არ მოხდა. რუსი დამარცხდა. მატჩის შემდეგ მან მსაჯის კოშკურისკენ მონეტების სროლა დაიწყო, რითიც, როგორც ჩანს, სურდა მსაჯის არაკეთილსინდისიერებაზე მიენიშნებინა. ეს გამოხდომა მოთამაშეს 14,5 ათასი დოლარი დაუჯდა.

2016 წელს აშშ-ში ერთ-ერთ ტურნირზე მედვედევი შავკანიან ჩოგბურთელს დონალდ იანგს შეხვდა. მატჩის მსაჯიც შავკანიანი იყო. მედვედევს ამჯერადაც მოეჩვენა, რომ მსაჯი მიკერძოებული იყო და მისი მისამართით ფრაზა წამოისროლა:

„ვიცი, რომ მეგობრები ხართ, დარწმუნებულიც კი ვარ“.

ჩოგბურთელის ეს გამონათქვამი სუპერვაიზერმა რასისტულად შეაფასა, მატჩი შეწყვიტა და მედვედევს ტურნირზე დისკვალიფიკაცია დაუწესა. დამატებითი ჯარიმა მისთვის არ დაუკისრებიათ, თუმცა არც პრემია აუღია.

მაგრამ, ასეა თუ ისე, მედვედევი პირველი ჩოგბურთელია მარატ საფინის შემდეგ, ვინც რუს მაყურებელს მამაკაცთა ჩოგბურთისკენ გული მიუბრუნა...

 

89
თემები:
ეს უცნაური რუსეთი (93)
რუჯის მიღება

მზით დამწვრობა: დაზიანებული კანის მოვლის უპირველესი წესი პროფესორისგან

81
(განახლებულია 14:08 08.07.2020)
პროფესორი განმარტავს, რა უნდა გაკეთდეს პირველ რიგში იმ შემთხვევაში, თუ მზით დამწვრობა მიიღეთ, და რამდენიმე აუცილებელ რეკომენდაციას გასცემს.

თბილისი, 8 ივლისის – Sputnik. ხანგრძლივი შესვენების შემდეგ მზეზე გასული ადამიანები დამწვრობის მიღებით რისკავენ, განაცხადა რადიო Sputnik-თან საუბრისას დერმატოლოგ-კოსმეტოლოგმა, მედიცინის მეცნიერებათა დოქტორმა, პროფესორმა სვეტლანა ჟაბოევამ.

მან მსმენელებს მისცა რეკომენდაციები, თუ როგორ უნდა მოიქცნენ მზით დამწვრობის შემთხვევაში.

„პირველ რიგში აუცილებელია გრილი წყლით დაბანა ჭარბი ოფლისა და გარეგანი დაბინძურების მოსაშორებლად, შემდეგ კი პრაქტიკულად სველ კანზე დამამშვიდებელი კრემის წასმა. კრემი უნდა იყოს სააფთიაქო პროდუქტი, რომელიც ბეპანთენს ან სხვა დამაშვიდებელ და დამატენიანებელ ინგრედიენტებს შეიცავს. არ არის საჭირო არანაირი სპირტიანი, ზეთოვანი საშუალებები. ეს უნდა იყოს არა ცხიმოვანი კრემი, არამედ მსუბუქი ემულსია. კრემის კანზე დატანა აუცილებელია ყოველ 3-5 საათში“, — განმარტა პროფესორმა.   

მისი თქმით, თუ კანმა აქერცვლა დაიწყო, არავითარ შემთხვევაში არ უნდა მოიცილოთ ის თვითნებურად. ამ დროს მხოლოდ დამამშვიდებელი და დამატენიანებელი საშუალებების დატანაა სასურველი. ეს შეიძლება იყოს დამატენიანებელი ემულსია, რძე, შეიძლება იყოს ჰიდროგელური ან ქსოვილის ნიღბები, რომლებიც ჰიალურონის მჟავას შეიცავს.

  • ჟაბოევა აფრთხილებს საზოგადოებას, რომ არავითარ შემთხვევაში არ შეიძლება მექანიკური, ქიმიური სკრაბების გამოყენება აქერცლილი კანის მოსაშორებლად, „მხოლოდ მისი დარბილებაა საჭირო, რათა ისინი ბუნებრივი გზით მოწყდეს და მოშორდეს კანს“.

ექიმი განმარტავს, რომ თუ დამწვრობის შემთხვევაში ხელთ არანაირი სამკურნალო საშუალება არ აღმოგაჩნდებათ, შეგიძლიათ კანზე ნებისმიერი რძემჟავა პროდუქტი წაისვათ — მაგალითად, ნაღები, რომელიც ასეთ დროს საუკეთესო იქნება.

81
თემები:
რჩევები ჯანმრთელობასა და სილამაზეზე
სალა და ხახვი

სპეციფიკური შემთხვევა: სალა გახდომაში დაგეხმარებათ, თუ...

129
(განახლებულია 15:28 06.07.2020)
დიეტოლოგის თქმით, მაღალკალორიული და მავნე პროდუქტად მიჩნეული სალა ჭარბწონიანებს ზედმეტი კილოგრამების მოშორებაში დაეხმარება, თუ მას სწორად მიიღებენ.

თბილისი, 6 ივლისი — Sputnik. არსებობს სპეციფიკური შემთხვევა, როდესაც ისეთი მაღალკალორიული პროდუქტი როგორიც სალაა, წონაში დაკლებაშიც კი ეხმარება ადამიანს, განაცხადა რადიო Sputnik-თან ინტერვიუში დიეტოლოგმა ელენა სოლომატინამ.

ექიმის თქმით, მოსაზრება, რომ სალა (сало), როგორც ასპროცენტიანი ცხიმი, ერთ-ერთი ყველაზე მავნე პროდუქტია, მცდარია, ვინაიდან მთელი საქმე მის რაოდენობასა და მიღების მეთოდშია.

„მთელმარცვლოვანი პურით, სალითა და ბოსტნეულით მომზადებული ბუტერბროდი მშვენივრად აკმაყოფილებს შიმშილს. ასეთი ბუტერბროდით გახდომაც კი შეიძლება, ვინაიდან მისი მირთმევის შემდეგ რაიმე მაღალკალორიულის, მაგალითად, ნახშირწყლებისა და ტკბილეულის მიღება აღარ მოგინდებათ“, — განმარტავს დიეტოლოგი.

თუმცა, მისი თქმით, უნდა გვახსოვდეს, რომ სალის დიდი რაოდენობით მიღება არ შეიძლება. გამომდინარე იქიდან, რომ სალა თავისთავად ძალიან, ძალიან მაღალკალორიული პროდუქტია, ჭარბი წონისადმი მიდრეკილმა ადამიანებმა და ასევე მათ, ვისაც დიდი რაოდენობით ქოლესტერინი აქვთ სისხლში, დღეში 10 გრამზე მეტი არ უნდა მიირთვან. დანარჩენებისთვის დასაშვები დღიური ნორმა 30 გრამია, თუმცა სასურველია, რომ ეს რაოდენობაც რამდენიმე მიღებაზე განაწილდეს.

129
თემები:
ჯანმრთელობა და სილამაზე
სავსე მთვარე

როგორ მოქმედებს ყველაზე მისტიკური ფაზა - სავსემთვარეობა ზოდიაქოს ნიშნებზე

0
(განახლებულია 15:31 07.07.2020)
მთვარის ფაზები ადამიანებზე მათი დაბადების თარიღის მიხედვით ახდენს გავლენას. რაში გამოიხატება ეს გავლენა და როგორ უნდა მოიქცეს ზოდიაქოს თითოეული ნიშანი თვის ყველაზე მისტიკურ პერიოდში, რათა ცხოვრებაში წარმატება მოიზიდოს

მთვარე სხვა პლანეტებთან შედარებით ყველაზე ძლიერ გავლენას ახდენს ადამიანებზე.

არსებობს მთვარის ოთხი ძირითადი ფაზა - ახალმთვარეობა, სავსემთვარეობა, ზრდის ფაზა და კლების ფაზა. თითოეულ ფაზას თავისი ენერგეტიკა აქვს. ოთხივე ფაზა ძალზე მნიშვნელოვანია, თითოეული თავისებურად კარგია და თავისებურად - საშიში, ამიტომ ამ ფაზების შესახებ ყველაფერი უნდა ვიცოდეთ.

ერთგვარ კულმინაციებს წარმოადგენს ახალმთვარეობა და სავსემთვარეობა. ამჯერად წარმოგიდგენთ სავსემთვარეობის გავლენას ზოდიაქოს ნიშნებზე.

ვერძი

ვერძებისთვის ძალზე მნიშვნელოვანია, რომ მისი დამსახურებები აღიარონ. სავსემთვარეობა იდეალური დროა დიდი პროექტების დასასრულებლად, გარშემომყოფები ამას დააფასებენ.

კურო

სავსემთვარეობა კუროებისთვის კარგი დროა იმისთვის, რომ თვე შეაჯამოთ. დაფიქრდით, რომელ საქმეებში გაამართლა თქვენმა ძალისხმევამ და შემდეგ გაინებივრეთ და დააჯილდოეთ თავი რამე სასიამოვნოთი.

ტყუპი

სცადეთ და რამე ახალი აითვისეთ, იქნება ეს სამუშაო უნარები თუ ჰობი. სავსე მთვარე დაგეხმარებათ იმ საქმის მოძებნაში, რომელიც გულწრფელად მოგიტანთ სიამოვნებას, კმაყოფილებას და, შესაძლოა, მოგებასაც.

კირჩხიბი

სავსემთვარეობის ენერგია კირჩხიბებს გაძლევთ საშუალებას, რომ თავი უფრო მეტად ალტრუისტად და გულუხვად იგრძნოთ. ეს იდეალური დროა მეგობრების, ახლობლებისა და უცნობების დასახმარებლადაც კი. უკან გაასმაგებული სიკეთე დაგიბრუნდებათ.

ლომი

სავსემთვარეობისას ლომების ენერგია პიკს აღწევს. მაგრამ სიფრთხილეა საჭირო: ხდებით ძალზე ემოციური და შეიძლება სპონტანური (ხანდახან გიჟურიც კი) გადაწყვეტილებები მიიღოთ. ეცადეთ, ყველაფერს ფხიზლად შეხედოთ, სხვაგვარად შემდეგი რამდენიმე დღე, შესაძლოა, იმედგაცრუებული იყოთ.

ქალწული

სავსემთვარეობის პერიოდში ქალწულების სურვილი, რომ ცხოვრება მოაწესრიგოთ, პიკს აღწევს. ეს მშვენიერი დროა, რომ განალაგოთ პრიორიტეტები, განსაზღვროთ უახლოესი პერიოდის ცხოვრებისეული ამოცანები.

სასწორი

ზოდიაქოს ბევრი ნიშნისთვის სავსე მთვარე - ეს ფანტაზიისა და შემოქმედებითი უნარების გახსნის დროა. ამ მხრივ გამონაკლისს არც სასწორები წარმოადგენენ. და თქვენთვის შემოქმედებითი ენერგიის გამოყენების საუკეთესო ხერხი არა ლექსების წერა და ხატვაა (თუმცა, არც ესაა გამორიცხული), არამედ არსებული პრობლემების გადაჭრის ახალი და არასტანდარტული გადაწყვეტილებების მოძებნაა.

მორიელი

მორიელები არ ხართ სენტიმენტალური ადამიანები, რომანტიკისადმი მიდრეკილი და ყველას მოსიყვარულე, მაგრამ სავსემთვარეობის დროს ეს გრძნობები წინა პლანზე გამოდის. თუ ელოდებით იდეალურ დროს, რომ საყვარელ ადამიანს რამე მნიშვნელოვანი უთხრათ, სწორედ რომ შესაფერისი დრო სავსე მთვარის პერიოდია.

მშვილდოსანი

მშვილდოსნების ცხოვრებით ტკბობის უნარი სავსე მთვარის პირობებში სრულიად ახალ დონეზე ადის. იწყებთ მძლავრი პოზიტიური ენერგიის გამოსხივებას, რომელიც მრავალ ადამიანს იზიდავს თქვენ გარშემო. ისღა დაგრჩენიათ, რომ ეს ყოველივე გამოიყენოთ.

თხის რქა

როგორც ცნობილია, თხის რქები იმდენად ხართ საკუთარ მიზანზე „ჩაციკლული", რომ მთლიანად ჩაეფლათ რუტინაში. სავსემთვარეობის დროს გაქვთ მოვლენების მსვლელობის შეცვლის შანსი. კარგი იქნება, თუ დროებით გვერდზე გადგებით და მიღწეულ შედეგებს გადახედავთ, შემდეგ მიულოცავთ საკუთარ თავს გამარჯვებებს და დამსახურებული უქმეებით ისიამოვნებთ.

მერწყული

სავსემთვარეობის დღეებში მერწყულებს საკუთარი მიღწევების აღიარების დიდი სურვილი გეძალებათ. ეს მშვენიერი დროა იმისთვის, რომ გარშემომყოფებს აჩვენოთ ყველაფერი, რასაც მიაღწიეთ და იამაყოთ საკუთარი თავით.

თევზები

სავსემთვარეობის პერიოდში თევზებში სხვა ადამიანებთან ემოციური კავშირის გრძნობა მატულობს. ხდებით უფრო კეთილი გარშემომყოფების მიმართ. მთავარია, გრძნობებთან დაკავშირებით არ "გადაამლაშოთ", რადგან, როგორც წესი, ნებისმიერი წვრილმანი ადვილად გწყინთ.

0