ესკალაცია ყარაბაღში 2020

მთიან ყარაბაღში სიტუაცია 27 სექტემბრის დილას მკვეთრად გამწვავდა -  ბაქო და ერევანი ერთმანეთს სიტუაციის გამწვავებაში ადანაშაულებენ. აზერბაიჯანის თავდაცვის სამინისტრო ამტკიცებს, რომ ცეცხლი სომხურმა მხარემ გახსნა, ხოლო აზერბაიჯანის ძალებმა კონტრშეტევითი ოპერაცია დაიწყეს. სომხეთის თავდაცვის სამინისტროში აცხადებენ, რომ აზერბაიჯანმა ყარაბაღზე „საჰაერო და სარაკეტო იერიში მიიტანა“. ორივე მხარე მსხვერპლისა და დანაკარგის თაობაზე ინფორმაციას ავრცელებს.