ბათუმი

ივნისში უცხოელი ვიზიტორების რაოდენობა ოთხჯერ გაიზარდა

57
(განახლებულია 15:31 13.07.2021)
მიუხედავად კორონავირუსის პანდემიისა, უცხოელი ტურისტებისთვის საქართველო ერთ-ერთ მიმზიდველ ქვეყნად რჩება.

თბილისი, 13 ივლისი — Sputnik. საქართველოში ივნისში საერთაშორისო ვიზიტორების რიცხვი, გასული წლის ანალოგიურ პერიოდთან შედარებით, 294,2%-ით გაიზარდა, იუწყება ტურიზმის ეროვნული ადმინისტრაცია.

ივნისში საქართველოში 116,6 ათასი საერთაშორისო ვიზიტი განხორციელდა, აქედან 104,6 ათასი ტურისტული იყო. ამასთან, ტურისტული ვიზიტების რაოდენობა გასული წლის ანალოგიურ პერიოდთან შედარებით 286,8%-ით გაიზარდა.

2021 წლის იანვრიდან ივნისის ჩათვლით პერიოდში ვიზიტების რაოდენობამ 446,1 ათასი შეადგინა, რაც 2020 წლის ანალოგიური პერიოდის მაჩვენებელზე 66,4%-ით ნაკლებია.

როგორ შემოდიან ტურისტები საქართველოში

წლის დასაწყისიდან ყველაზე მეტი საერთაშორისო ვიზიტი თურქეთიდან, უკრაინიდან, ისრაელიდან, რუსეთიდან და სომხეთიდან განხორციელდა. საქართველოში ყველაზე მეტი უცხოელი სახმელეთო და საჰაერო გზით შემოდის.

ივნისში ქვეყანაში ტურისტების ძირითადი ნაწილი საჰაერო გზით, ძირითადად თბილისისა და ბათუმის საერთაშორისო აეროპორტების გავლით შემოვიდა, აღნიშნულ აეროპორტებზე მოდის ტურისტების თითქმის ნახევარი.

მეორე ადგილზეა სახმელეთო გზა. ამ კუთხით ლიდერობს „სარფის" სასაზღვრო-გამშვები პუნქტი, მეორე ადგილზე კი „ყაზბეგის" საკონტროლო-გამშვები პუნქტია.

რას აკეთებს საქართველო ტურიზმისთვის

კორონავირუსის პანდემიამდე საქართველოს ეკონომიკაში ტურიზმის წილი 10%-ს შეადგენდა, ამიტომაც ამ დარგის აღდგენა ქვეყნის ხელისუფლებისთვის უმნიშვნელოვანესია.

იმისთვის, რომ ეკონომიკა აღდგეს და ტურისტები ქვეყანაში დაბრუნდნენ, საქართველომ დაიწყო კოვიდ-შეზღუდვების ეტაპობრივად გაუქმება და საზღვრების გახსნა.

1 თებერვლიდან საერთაშორისო საჰაერო მიმოსვლა აღდგა. ეკონომიკის სამინისტროს მონაცემებით, მაისში, პანდემიამდე პერიოდთან შედარებით, ფრენების რაოდენობა 65%-ით აღდგა. 1 ივნისიდან კი საქართველომ სახმელეთო საზღვრებიც გახსნა.

57
თემები:
ტურიზმი საქართველოში (335)
ტურისტები

„მოგზაურობა ძალიან რთულია, თითქმის შეუძლებელიცაა“ - მოკლედ ტურიზმის შესახებ 2021 წელს

62
(განახლებულია 01:07 30.07.2021)
ვინ არიან მთავარი ვიზიტორები საქართველოში, როგორი იქნება საზაფხულო სეზონის დარჩენილი პერიოდი - ამის შესახებ თბილისი-ერევანი ვიდეოხიდის დროს „ტურიზმი სომხეთსა და საქართველოში პანდემიის ფონზე" საუბრობდნენ სომხეთის და საქართველოს ტურისტული ინდუსტრიების წარმომადგენლები.

სპიკერები იყვნენ საქართველოს ტურიზმის ასოციაციის (GTA) საზოგადოებასთან ურთიერთობის განყოფილების უფროსი, ტურისტული კომპანიის Check-in Travel მფლობელი ია გედევანიშვილი და სომხეთის ტურიზმის ფედერაციის საბჭოს წევრი, ტურისტული კომპანია Armenia Travel-ის დამფუძნებელი მარინა კრპეიანი.

Ия Гедеванишвили - начальник департамента по связям с общественностью Ассоциации туризма Грузии GTA
© Sputnik / Vladimir Umikashvili
საქართველოს ტურიზმის ასოციაციის (GTA) საზოგადოებასთან ურთიერთობის განყოფილების უფროსი, ტურისტული კომპანიის Check-in Travel მფლობელი ია გედევანიშვილი

„შემოდგომის სეზონის იმედი გვაქვს“

მარინა კრპეიანმა საუბარი დაიწყო იმით, რომ წელს მოგზაურობა, ისევე როგორც გეგმების დასახვა, ძალიან რთულია, თითქმის შეუძლებელია. დღეისათვის კრპეიანს არ შეუძლია იმის თქმა, რომ სომხეთში ტურისტების რაოდენობა ძველ ნიშნულს უბრუნდება. მისივე თქმით, რჩება შემოდგომის იმედი, რადგან ქვეყანაში ყველაზე მეტი ვიზიტი აგვისტოს ბოლოს და შემოდგომის პირველი ორი თვის განმავლობაში ხორციელდებოდა.

„რა თქმა უნდა, პროგრესი უკვე არსებობს, ჩამოდიან ტურისტები გერმანიიდან და სხვა ქვეყნებიდან, მაგრამ ესენი არიან „პირველი მერცხლები", ინდივიდუალისტები, ძალიან მცირე ჯგუფები. ამიტომ, ჩვენი იმედები შემოდგომის სეზონთან დაკავშირებით ჯერ გაურკვეველია, ჯერ არ ვართ დარწმუნებული რომ იქნება ნაკადები, თუნდაც 2019 წლის მოცულობის 30%, როგორც ვარაუდობდნენ”, - განაცხადა კრპეიანმა.

„ორიგინალური სეზონი"

იმაში, რომ ტურისტული სეზონი ძალიან არაპროგნოზირებადია და უკიდურესად განსხვავდება 2019 წლის ტურიზმისგან, დარწმუნებულია ასევე ია გედევანიშვილი. მისივე თქმით, ტურისტები არიან, მაგრამ არა იმ მასშტაბის.

„გაგიკვირდებათ, ჩვენ ბევრი ტურისტი გვყავს - ბელორუსების ბორტი დღეში სამჯერ დაფრინავს, უზბეკების - ორჯერ. ეს არ არის ის სეგმენტი, რაც გვინდა რომ გვქონდეს პანდემიიდან გამომდინარე. მაგრამ რაც არის, ის არის, ესეც უკვე კარგია. მაგრამ ყველაფერი იქითკენ მიდის, რომ შემდგომში სეზონი ვეღარ გაგვახარებს - სერიოზული გაუქმებებია, სიტუაცია კვლავ არასტაბილური გახდა ”, - განმარტა გედევანიშვილმა.

Ия Гедеванишвили - начальник департамента по связям с общественностью Ассоциации туризма Грузии GTA
© Sputnik / Vladimir Umikashvili
საქართველოს ტურიზმის ასოციაციის (GTA) საზოგადოებასთან ურთიერთობის განყოფილების უფროსი, ტურისტული კომპანიის Check-in Travel მფლობელი ია გედევანიშვილი

მისი აზრით, ჯერჯერობით გამოსავალი არ არსებობს, ვინაიდან საქართველო „არ არის საკმარისად ვაქცინირებული ქვეყანა, ისევე როგორც სომხეთი". ქვეყანა წითელ ზონაში გადავიდა, შესაბამისად ევროპელ ტურისტებს შიში გაუჩნდათ, ამიტომ დაიწყო ჯავშნების გაუქმება.

„მათ არ ურჩევენ საქართველოში ჩამოსვლას, თუმცა ეს არ არის მაჩვენებელი უკრაინელების, ბელორუსებისა ან უზბეკებისთვის, ისინი არ აუქმებენ რეისებს, ამ კუთხით არაფერი შეცვლილა“, - განაცხადა გედევანიშვილმა.

ანაკლია ჯერ კიდევ არ არის მზად ტურისტების მისაღებად?

სომეხ ტურისტებს უკვე სმენიათ საქართველოში კიდევ ერთი საკურორტო ზონის - ანაკლიის შესახებ. მაგრამ გედევანიშვილს მიაჩნია, რომ ეს კურორტი ჯერ არ არის მზად ტურისტების მისაღებად.

„იქ მხოლოდ სამი მეტნაკლებად ნორმალური სასტუმროა, დანარჩენი ან ჰოსტელებია, ან უბრალოდ ქირავდება ოთახები. ვინაიდან ინფრასტრუქტურა განუვითარებელია, იქ კვების საკითხიც არ არის სათანადოდ მოგვარებული, მთელ ამ სივრცეში არსებობს პატარა მაღაზიები, ორი-სამი რესტორანი. ამიტომ მე არ მიმაჩნია, რომ კურორტი არის მზად ამ კუთხით სამუშაოდ. ბუნების თვალსაზრისით კი ეს ძალიან კარგი ადგილია“, - აღნიშნა გედევანიშვილმა.

დასასრულს, საქართველოს ტურიზმის ასოციაციის საზოგადოებასთან ურთიერთობის დეპარტამენტის ხელმძღვანელმა თავის სომეხ კოლეგას ურჩია, განსაკუთრებული ყურადღება მიაქციონ შიდა ტურიზმს, რაც ახლა ძალიან აქტუალურია. მიზეზი ის არის, რომ ადამიანები, რომლებმაც არ იციან სად გაემგზავრონ, რომლებსაც არ გააჩნიათ ფინანსური შესაძლებლობა, დაუბრუნდნენ შიდა ტურიზმს, რამაც კარგი გავლენა იქონია გედევანიშვილის კომპანიის მუშაობაზე.

62
ტურისტული საინფოემაციო ცენტრი აჭარაში

აჭარაში ცხრა საინფორმაციო ცენტრი მუშაობს: რა სერვისებს სთავაზობენ ტურისტებს

60
რეგიონში მყოფ ვიზიტორებს მოგზაურობასთან დაკავშირებით ინფორმაციის მიღება ცხელი ხაზის მეშვეობით შეუძლიათ.

თბილისი, 29 ივლისი - Sputnik. აჭარაში ჩამოსულ საერთაშორისო ვიზიტორებს ცხრა ტურისტული საინფორმაციო ცენტრი ემსახურება, ინფორმაციას აჭარის ტურიზმისა და კურორტების დეპარტამენტი ავრცელებს.

აჭარაში ტურისტული სეზონი 15 ივნისს გაიხსნა. მუშაობა განაახლეს აგრეთვე პანდემიის გამო შეჩერებულმა ტურიზმის საინფორმაციო ცენტრებმა.

დეპარტამენტის ცნობით, საინფორმაციო ცენტრები აჭარის სხვადასხვა მუნიციპალიტეტში მდებარეობს, მათ შორის ბათუმსა და ქობულეთში.

საინფორმაციო ცენტრები მოგზაურებს სხვადასხვა სერვისს სთავაზობს - უფასო რუკები, ტურისტული გზამკვლევები, მარშრუტები, ტურები მაღალმთიანი აჭარის მიმართულებით, სუვენირები, ადგილობრივი წარმოების პროდუქცია, ფასდაკლების ბარათი Batumi Discount Card.

ვიზიტორებს რეგიონში მოგზაურობასთან დაკავშირებით ნებისმიერი ინფორმაციის მიღება შეუძლიათ ცხელ ხაზზე.

კორონავირუსის პანდემიამდე აჭარის რეგიონი ერთ-ერთი ყველაზე პოპულარული ტურისტული მიმართულება იყო. პანდემიის გამო აჭარაში, როგორც მთლიანად საქართველოში, 2020 წლის ზაფხულის ტურისტული სეზონი ფაქტობრივად ჩავარდა.

ტურიზმის სფერო ყველაზე მეტად დაზარალდა კორონავირუსის პანდემიის შედეგად. საქართველოს რეკორდულმა წარმატებამ 2019 წელს, როდესაც საერთაშორისო მოგზაურთა რიცხვმა 9,3 მილიონს გადააჭარბა, ხოლო მიღებულმა შემოსავლებმა 3,3 მილიარდი დოლარი შეადგინა, აიძულა ამ დარგში დასაქმებული ადამიანები უფრო საფუძვლიანად მომზადებულიყვნენ 2020 წლისთვის. მაგრამ პანდემიამ ტურიზმის ინდუსტრიის ყველა გეგმა და იმედი ჩაშალა. ტურიზმისგან მიღებული შემოსავლები 2020 წელს 427,7 ათას დოლარამდე შემცირდა, ხოლო საერთაშორისო მოგზაურთა რაოდენობა - 1,7 მილიონამდე.

მიმდინარე წლის ივნისში საერთაშორისო ვიზიტორების რიცხვი, გასული წლის ანალოგიურ პერიოდთან შედარებით, 294,2%-ით გაიზარდა. ამასთან, ტურისტული ვიზიტების რაოდენობა გასული წლის ანალოგიურ პერიოდთან შედარებით 286,8%-ით გაიზარდა.

2021 წლის იანვრიდან ივნისის ჩათვლით პერიოდში ვიზიტების რაოდენობამ 446,1 ათასი შეადგინა, რაც 2020 წლის ანალოგიური პერიოდის მაჩვენებელზე 66,4%-ით ნაკლებია.

რეგულარული ავიამიმოსვლა, რომელიც კორონავირუსის პანდემიის გამო იყო შეჩერებული 2020 წლის მარტიდან, საქართველომ 1 თებერვლიდან აღადგინა, ეკონომიკის სამინისტროს მონაცემებით, მაისში, პანდემიამდე პერიოდთან შედარებით, ფრენების რაოდენობა 65%-ით აღდგა. 1 ივნისიდან კი საქართველომ სახმელეთო საზღვრებიც გახსნა.

 

60
ნაკადული

დღის ასტროპროგნოზი ზოდიაქოს ნიშნებისთვის: 2 აგვისტო

0
(განახლებულია 11:44 01.08.2021)
გთავაზობთ ყოველდღიურ ასტროლოგიურ პროგნოზს ზოდიაქოს თითოეული ნიშნისთვის. გაიგეთ ჩვენი ჰოროსკოპიდან, რას გვიმზადებენ ვარსკვლავები და რას გვირჩევენ ასტროლოგები

დღეს 2021 წლის 2 აგვისტოა, ორშაბათი. კლებადი მთვარე ტყუპის ნიშანშია. ამ დღეს პლანეტა მთვარე მფარველობს.

მტკიცე მოქმედებებისთვის არცთუ ხელსაყრელი დღეა. დღის პირველ ნახევარში უარი უნდა თქვათ ავანტიურებზე, გაუთვალისწინებელ ხარჯებზე და წამიერ სურვილებზე აყოლაზე. ნაშუადღევს მთვარე ტყუპის ნიშანში გადავა, რაც გაააქტიურებს საინფორმაციო ფონს, მოვლენებს დინამიკას შემატებს, მოაგვარებს კონსტრუქციულ და საინტერესო ურთიერთობებს, მაგრამ, ამავე დროს, შექმნის წინაპირობებს ქაოსის, არათანამიმდევრულობისა და კონფლიქტურობისა.

დღის ასტროპროგნოზი ზოდიაქოს ნიშნებისთვის: 1 აგვისტო>>

ვერძი: დღის დასაწყისში მოსალოდნელია დამატებითი ხარჯები. ნაშუადღევს სიახლეებისა და ერთგვარი ქაოსის დრო დადგება, როდესაც შესაძლოა სასწრაფო მივლინება გახდეს საჭირო. პრობლემები შეიძლება შეიქმნას თეორიიდან პრაქტიკაზე ან სიტყვიდან საქმეზე გადასვლის დროს. ყურადღებით უნდა მოემზადოთ მგზავრობისთვის: დააზუსტოთ მარშრუტი, შეამოწმოთ ტექნიკური ნაწილი, არ დაგავიწყდეთ საჭირო დოკუმენტები და სხვ.

კურო: დღე თქვენთვის, შესაძლოა, ემოციური ეიფორიით ან თავისუფლების ილუზიით დაიწყოს. მნიშვნელოვანია თავი აარიდოთ თვითნებობას, რომლებსაც თქვენი კარიერის გაფუჭება ან დაზარალება შეუძლია. არ ღირს დიეტის დარღვევა. მიმდინარე საქმეებს ნაშუადღევს შეუდექით და ამასთან, გააორმაგეთ ყურადღება, დააზუსტეთ მცირე დეტალებიც კი. თუ ამ ყველაფერს არასერიოზულა შეხედავთ, მოსალოდნელია დასანანი პრობლემები.

ტყუპი: გააქტიურება ნაშუადღევს სჯობს. გახსოვდეთ, რომ ეს პროდუქტიული, მაგრამ არეული დროა და ყველა გზა უპრობლემო არ იქნება. განსაკუთრებით რთული იქნება ხელით შესასრულებელი სამუშაო, ყოფითი საკითხების მოგვარება, სარემონტო, სამკურნალო პროცედურები. უნდა მოერიდოთ გაღიზიანებას. ურთიერთობებში, სწავლასა და ინტელექტუალურ სამუშაოზე სასურველია უჩინარი ზონების შემჩნევა და ასევე მნიშვნელოვანია, არ აჰყვეთ ილუზიებს.

კირჩხიბი: მოგაკლდებათ თავდაჯერებულობა და სათანადოდ ვეღარ გააკონტროლებთ გარემოებებს, ამიტომ ვარსკვლავები გირჩევენ, დროებით გადადოთ მნიშვნელოვანი წამოწყებები და არ მიიღოთ დამოუკიდებლად გადაწყვეტილებები. დილით მოსალოდნელია ფინანსური სიურპრიზები ან იმის გაცნობიერება, რომ მატერიალური მომავალი გაურკვეველია. დღის მეორე ნახევარში, შესაძლოა, გარემოცვის, ვითარების ან საინფორმაციო ფონის ტყვე შეიქმნათ.

ლომი: დილის საათებში, სჯობს, არაფერი გააკეთოთ. ვარსკვლავების ამბობენ, რომ ეს არახელსაყრელი დროა პირად ინტერესებში შემავალი წამოწყებებისთვის, განსაკუთრებით ურთიერთობებისა და მნიშვნელოვანი თემების განხილვისთვის. დღის მეორე ნახევარი კარგი დროა თატბირებისა და არაფორმალური საუბრებისთვის, მაგრა, გართულკდება პრაქტიკული ამოცანების, პირველ რიგში, საქმიანი და ფინანსური საკითხების გადაწყვეტა. აახელსაყრელია საყიდლებზე წასვლა.

ქალწული: იმისთვის, რომ რაც გაქვთ, ის შეინარჩუნოთ, ზედმეტობასა და ჭარბ მოთხოვნებს უნდა მოერიდოთ. საპასუხისმგებლო მომენტი შუადღის შემდეგ დადგება. გაიზრდება შეცდომების, კონფლიქტებისა და გაუგებრობების რისკი, მათ შორის პროფესიული და ბიუროკრატიული კუთხით. ზოგჯერ სიტუაციას თავად დაძაბავთ და გაამწვავებთ (განსაკუთრებით აგვისტოში დაბადებული ქალწულები). დაგაზიანებთ არათანამიმდევრულობა, არაორგანიზებულობა.

სასწორი: თქვენთვის განსაკუთრებით სარისკო იქნება დღის დასაწყისი – ესაა საბედისწერო შეცდომების დრო, რომლებსაც არაერთი ზედმეტი პრობლემის მოტანა შეუძლია. მნიშვნელოვანი კონტაქტები, სწავლა და მუშაობა, სჯობს, დღის მეორე ნახევრისთვის გადადოთ – ამ დროს სერიოზული დაბრკოლებები მოსალოდნელი არ არის. მაგრამ მაინც აჯობებს, მოერიდოთ კონკრეტულ, თუნდაც მცირე ქმედებებს. ეს განსაკუთრებით მგზავრობას ეხება.

მორიელი: დღეს ვარსკვლავები არ წყალობენ თქვენს მთავარ სურვილებს. მოგიწევთ მცირე წარმატებებით დაკმაყოფილება. ფრთხილად უნდა იყოთ, რომ ადრე დაშვებული შეცდომები არ გაიმეოროთ (სიყვარულში, საქმეებსა და ფინანსებში). ამაში დღის მეორე ნახევარი დაგეხმარებათ, რომელიც საკმაოდ ინფორმატიული იქნება, ოღონდ მნიშვნელოვანია, რომ დეტალებს დროულად მიაქციოთ ყურადღება.

მშვილდოსანი: დილით უნდა მოერიდოთ სამეურნეო, ფინანსურ და სამედიცინო ექსპრომტებს. პატარა ხარვეზსაც კი მთელი დღით თქვენი კალაპოტიდან ამოგდება შეუძლია. ნაშუადღევს გამორიცხეთ წამოწყებები საკუთარი ინიციატივით და ყურადღებით იყავით – არ აჰყვეთ სხვა ადამიანების წაქეზებას აქტიურობაზე. ეს კარგი დროა დიალოგებისა და ვიზიტებისთვის, მაგრამა არა მოქმედებების (თანამშრომლობა, მკურნალობა და ა.შ.) დაწყებისთვის.

თხის რქა: დილით გონივრულად ზომიერი უნდა იყოთ. თუ იმპულსს აჰყვებით, დაიმატებთ ზედმეტ საზრუნავს, შეიძლება დღესვე იგრძნოთ ხელოვნურად შექმნილი კრიზისის პირველი ნიშნები, მაგალითად, შეუძლოდ გახდეთ ან ტექნიკური პრობლემები წარმოიშვას. დღის მეორე ნახევარში ყურადღება მიაქციეთ ჯანმრთელობას, რასაც ყველაზე იღბლიან მიმართულებებშიც კი დაბრკოლებების შექმნა შეუძლია.

მერწყული: ზედმეტობას ყველაფერში მოერიდეთ – მისი შედეგი ახლავე ან ახლო მომავლში აისახება. ყოველგვარი წამოწყება დილით ავანტიურის ელფერს შეიძენს და პრობლემებს უფრო მოგიტანთ, ვიდრე კომფორტს. უფრო ჰარმონიული იქნება დღის მეორე ნახევარი. ამ დროს დაგიბრუნდებათ თვითკონტროლი და გამძაფრდება ანალიტიკური უნარები. ესაა ლოგიკური სისტემური აზროვნებისა და კონსტრუქციული საუბრების დრო.

თევზები: გადადეთ მნიშვნელოვანი წამოწყებები. დაუმთავრებელი საქმეები დილით დაასრულეთ და არ აჰყვეთ ცდუნებას იმისა, რომ ჩანაფიქრზე მეტი გააკეთოთ. დღის მეორე ნახევარში შემოიფარგლეთ მხოლოდ ლაპარაკით და მოქმედებებისგან თავი შეიკავეთ. არ იჩქაროთ რემონტის დაწყება, სახლში სამუშაოების შესრულება, პრაქტიკული დახმარების, სამედიცინო ან სხვა სასარგებლო მომსახურების მიღება.

0