ავიაკომპანია Air Baltic–ის თვითმფრინავი

საქართველოში ფრენების 65 პროცენტი აღდგა

32
(განახლებულია 15:05 10.06.2021)
ეკონომიკის სამინისტროში მიიჩნევენ, რომ კორონავირუსის პანდემიამდე არსებული მგზავრთნაკადის მაჩვენებლის მიღწევა 2023 წლისთვის იქნება შესაძლებელი.

თბილისი, 10 ივნისი – Sputnik. საქართველოში 2021 წლის მაისში უკვე აღდგენილია ფრენების 65% პანდემიამდე არსებულ მაჩვენებელთან შედარებით, ამასთან, საქართველოში ახალ ავიაკომპანიებს სურთ ფრენა. ამის შესახებ ქვეყნის ეკონომიკის მინისტრმა ნათია თურნავამ განაცხადა.

ავიაკომპანია Oman Air ქართულ ბაზარზე შემოდის>>

საქართველომ თავისი საჰაერო საზღვრები 2021 წლის 1 თებერვალს, დახურვიდან თითქმის ერთი წლის შემდეგ გახსნა.

„მიმართულებებისა და ქალაქების მიხედვით, 2019 წლის მაისის და 2021 წლის მაისის ფრენების რაოდენობის შედარება თუ მოხდება, უკვე 65 პროცენტით არის აღდგენილი. ველოდებით უფრო მეტ ზრდას“, – განაცხადა თურნავამ.

მან ასევე აღნიშნა, რომ 2023 წელს იქნება შესაძლებელი, გადავასწროთ პანდემიამდელ დონეს მგზავრთნაკადის მომსახურებისა და მგზავრების მასპინძლობის თვალსაზრისით.

მინისტრმა დასძინა, რომ მიუხედავად პანდემიისა და შეზღუდული მგზავრთნაკადისა, ქვეყანა უფრო მეტ ახალ ავიაკომპანიას იზიდავს.

„თბილისის საერთაშორისო აეროპორტში უახლოეს დღეებში ორი ახალი ევროპული დაბალბიუჯეტიანი კომპანია იწყებს ფრენებს – Eurowings და Bees Airline, ასევე ავიაკომპანია OMAN AIR. ბათუმის საერთაშორისო აეროპორტში დაიწყო ფრენები პოლონურმა LOT-მა, ასევე Bees Airline-მა, Air Astana-მ და FlyOne-მა“, – განაცხადა თურნავამ.

საქართველოს აეროპორტებში მგზავრთნაკადი 2019 წელს 5,2 მილიონ ადამიანზე მეტს შეადგენდა.

32
თემები:
ავიამიმოსვლა საქართველოში (227)
Google-ის წარმომადგენლები აჭარის ძირითად ტურისტულ ადგილებს აციფრულებენ

Google-ის მომხმარებლები აჭარაში ვირტუალურ მოგზაურობას შეძლებენ

28
(განახლებულია 09:52 19.06.2021)
Google-ის ფოტოგრაფები 10 დღის განმავლობაში ბათუმში, ქობულეთში, ბოტანიკურ ბაღში, რეგიონის ეროვნულ პარკებსა და სხვა მიმზიდველ ტურისტულ ადგილებში გადაღებებს აწარმოებდნენ.

თბილისი, 19 ივნისი — Sputnik. Google-ის წარმომადგენლები აჭარის ძირითად ტურისტულ ადგილებს აციფრულებენ, იუწყება აჭარის ტურიზმისა და კურორტების დეპარტამენტი.

აჭარის ტურიზმის დეპარტამენტის მოწვევით, რეგიონს Google-ის ოფიციალური წარმომადგენლები ფოტოგრაფებთან ერთად სტუმრობენ.10 დღის განმავლობაში ისინი იღებდნენ ძირითად ტურისტულ მიმართულებებს - ბათუმს, ქობულეთს, ბოტანიკურ ბაღს, რეგიონის ეროვნულ პარკებს.

შედეგად Google-ის მომხმარებლები შეძლებენ აჭარის ტურისტულად მიმზიდველ ადგილებში ვირტუალურად იმოგზაურონ.

გადაღებების გარდა, Google-ის ოფიციალურმა წარმომადგენლებმა აჭარაში ფოტოგრაფებისა და ოპერატორებისთვის ტრენინგები ჩაატარეს. ტრენინგი მიეძღვნა Google-ის ონლაინ-ინსტრუმენტების, რუკის გამოყენებას. გარდა ამისა, ფოტოგადაღებებში მასტერ-კლასი ჩატარდა.

კომპანიის წარმომადგენლები მუშაობა 18 ივნისს დაასრულეს, ხოლო Google-ის რუკაზე განახლებული მასალები აჭარის შესახებ ორი კვირის შემდეგ გამოჩნდება.

აჭარის ტურიზმის დეპარტამენტის თავმჯდომარის მოადგილის, თამარ კაიკაციშვილის თქმით, Google-ის წარმომადგენლებმა აქტიური და მასშტაბური გადაღებები აწარმოეს.

მისი თქმით, ეს გაზრდის აჭარის შესახებ ციფრული მასალების ხელმისაწვდომობას Google-ის პლატფორმაზე და, შესაბამისად, აჭარის ცნობადობას და პოპულარობას გაზრდის.

კანიონინგი, ექსტრემალური ველობილიკები, ახალი ტურისტული მარშრუტები - აჭარაში ახალი საზაფხულო ტურისტული სეზონი გაიხსნა. წელს რეგიონი სტუმრებს ახალ გართობას სთავაზობს. სტუმრებისთვის ოფიციალურად გახსნილია რეგიონში მოქმედი ოთხივე ეროვნული პარკი და დაცული ტერიტორია. კვების ობიექტები სტუმრებს დახურულ სივრცეებში უქმეებზეც მასპინძლობენ.

წელს რეგიონი ზღვაზე დასვენებასთან ერთად სტუმრებს ახალ ტურისტულ ადგილებსა და პროდუქტებს სთავაზობს. მათ შორისაა კანიონინგი უჩხოში, ექსტრემალური ველობილიკი ქედა–შუახევში, ახალი საპიკნიკე ადგილები ჩირუხში, კაპნისთავსა და სოფელ შუამთაში. გარდა ამისა, მოგზაურებს საშუალება აქვთ ახალ ტურისტულ ბილიკებზე იმოგზაურონ ღორჯომის ხეობაში, ჭვანა-კინტრიშის ხეობასა და კაპნისთავში.

მაღალმთიან აჭარაში მოგზაურობის მსურველებს შეუძლიათ ტურისტული მარშრუტების შესახებ დეტალურ ინფორმაციას გაეცნონ საინფორმაციო ცენტრის „ცხელ ხაზზე“ 577 909093 და აჭარის ტურიზმის დეპარტამენტის ტურისტული პროდუქტების განვითარების სააგენტოს ვებგვერდზე https://visitajara.com/ka/about-agency.

აჭარაში ტურისტული სეზონი ოფიციალურად 15 ივნისს გაიხსნა. რეგიონი ტურისტებისა და დამსვენებლების დიდი ნაკადის მისაღებად ემზადება.

ეპიდემიოლოგები როგორც საქართველოს მოქალაქეებს, ისე ტურისტებს კოვიდ-რეგულაციების მაქსიმალური დაცვისკენ მოუწოდებენ.

28
ქართული ღვინო

ბათუმში შავი ზღვის ღვინის ფესტივალი გაიმართება

29
ღვინო, ქართული ტრადიციული სამზარეულოს კერძები, მუსიკა და გართობა ბავშვებისთვის - ბათუმი გემრიელ ფესტივალს მასპინძლობს.

თბილისი, 17 ივნისი — Sputnik. ბათუმში 6-8 აგვისტოს რიგით მეორე შავი ზღვის ღვინის ფესტივალი გაიმართება, ნათქვამია ორგანიზატორების გვერდზე Facebook-ის სოციალურ ქსელში.

აღნიშნულია, რომ ფესტივალზე წარმოდგენილი იქნება 50-მდე ტრადიციული რეწვის მწარმოებელი კომპანია. ასევე სტუმრები შეძლებენ ქართული ღვინის უნიკალური სახეობების შეძენას.

გარდა ამისა, ორგანიზატორები შესთავაზებენ სტუმრებს ქართული ტრადიციული სამზარეულოს და უცხოური კერძების დეგუსტაციას. ბავშვებისთვისაც გათვალისწინებულია გასართობი - ფესტივალზე მოეწყობა გასართობი სივრცე, სხვადასხვა კონკურსები და გათამაშება.

გარდა ამისა, ფესტივალი უმასპინძლებს ცნობილ ქართველ მუსიკოსებს.

როგორც მოსალოდნელია, ფესტივალს დაესწრებიან აჭარის ავტონომიური რესპუბლიკის მთავრობის, საქართველოს გარემოს დაცვისა და სოფლის მეურნეობის სამინისტროს, საქართველოს სასტუმროებისა და რესტორნების ფედერაციის, ბიზნეს სექტორის წარმომადგენლები და სხვა სტუმრები. შავი ზღვის ღვინის ფესტივალის პარტნიორებია ბათუმის მერია და ბათუმის ბულვარი.

29
ქეით მიდლტონი და პრინცი უილიამი

პრინცი უილიამი მეგან მარკლს „ძმის გატაცებაში“ ადანაშაულებს

0
(განახლებულია 14:19 21.06.2021)
მას შემდეგ, რაც პრინცი ჰარი და მეგან მარკლი დიდი ბრიტანეთიდან ამერიკაში გადავიდნენ საცხოვრებლად, ორ ძმას შორის ურთიერთობა დაიძაბა

ბრიტანეთის დედოფლის ელისაბედ II- ის შვილიშვილმა, კემბრიჯის ჰერცოგმა უილიამმა სასექსის ჰერცოგინია მეგანი დაადანაშაულა „მისი ძმის გატაცებაში“. ამის შესახებ ბრიტანელი ისტორიკოსი და ბიოგრაფი რობერტ ლეისი ახალ წიგნში „ძმების ბრძოლა: უილიამი და ჰარი - მეგობრობა და მტრობა“ წერს, რომლის ამონარიდიც მოჰყავს The Sun- ს.

ლეისის თქმით, პრინცი უილიამი დარწმუნებულია, რომ მეგან მარკლი ფარულ გეგმას მისდევს, რომლის თანახმად, მას სურს მისი ძმის პრინცი ჰარის ოჯახიდან „გატაცება“ და ნათესავების წინააღმდეგ მიმართვა. გარდა ამისა, კემბრიჯის ჰერცოგმა იგი დაადანაშაულა „მონარქიის ზოგიერთი ძვირფასი პრინციპის დარღვევაში“.

ლეისმა ასევე აღნიშნა, რომ უილიამი ნაწყენად და დაღალატებულად გრძნობს, ხოლო მის მეუღლეს ქეით მიდლტონს „თავიდანვე ეშინოდა მარკლის“. ამის შესახებ მან მაშინ შეიტყო, როდესაც პრინცმა ჰარიმ შეურაცხყოფა მიაყენა თავის ძმას და შეწყვიტა მის ზარებზე პასუხის გაცემა.

კენსინგტონის სასახლემ კომენტარის გაკეთება არ ისურვა მწერლის ბრალდებებზე.

ივნისის დასაწყისში სასექსის ჰერცოგმა და ჰერცოგინიამ მეორე და მესამე ადგილი დაიკავეს დაწესებულების ყველაზე პატივცემული წევრების გამოკითხვაში. გამოკითხვის შედეგების თანახმად, აღმოჩნდა, რომ დედოფალი ელისაბედ II უდიდესი პატივისცემით სარგებლობს ახალგაზრდებს შორის, რომლებმაც ხმების 25 პროცენტი მიიღეს. მეორე ადგილზე იყო პრინცი ჰარი 22 პროცენტით, ხოლო მესამე ადგილი დაიკავა მისმა მეუღლემ მეგან მარკლმა, რომელსაც რესპონდენტთა 21 პროცენტი ანიჭებს უპირატესობას.

0
თემები:
სამეფო ოჯახის ამბები