რა სიახლეები დახვდებათ სტუმრებს ბორჯომ-ხარაგაულის ეროვნულ პარკში

© photo: Ministry of Environment Protection and Agriculture / FBახალი ტურისტული ბილიკის გახსნა ბორჯომ-ხარაგაულის ეროვნულ პარკში
ახალი ტურისტული ბილიკის გახსნა ბორჯომ-ხარაგაულის ეროვნულ პარკში - Sputnik საქართველო, 1920, 09.06.2021
გამოწერა
ახალი ტურისტული ბილიკი აღჭურვილია ეკოტურიზმისთვის აუცილებელი ინფრასტრუქტურით, მათ შორის, საერთაშორისო მარკერებით, თანამედროვე კემპინგითა და ტურისტებისთვის განკუთვნილი კოტეჯით.

თბილისი, 9 ივნისი – Sputnik. ბორჯომ-ხარაგაულის დაცული ტერიტორიის ნეძვის აღკვეთილში ახალი საფეხმავლო ბილიკი მოეწყო. ინფორმაციას გარემოს დაცვისა და სოფლის მეურნეობის სამინისტრო ავრცელებს.

ბორჯომ-ხარაგაულის ტყე-პარკი - Sputnik საქართველო, 1920, 13.03.2021
საქართველოს დაცულ ტერიტორიებზე საერთაშორისო სტანდარტის მონიტორინგის სისტემა ინერგება

უწყების ცნობით, ბილიკი ზღვის დონიდან 2 ათას მეტრზეა, რომლის სიგრძეც 32 კილომეტრია. პანორამული ბილიკიდან, რომელიც სოფელ ახალდაბას, მთა დიდ ქართას, მთა შუანოსა და სოფელ ნეძვს აკავშირებს, ნეძვის აღკვეთილისა და მდინარე მტკვრის პანორამული ხედები იშლება.

ნეძვის ტურისტული ბილიკი საქართველოს გარემოს დაცვისა და სოფლის მეურნეობის მინისტრმა ლევან დავითაშვილმა, UNDP-ს მოქმედმა ხელმძღვანელმა ანა ჩერნიშოვამ და CNF-ის ხელმძღვანელმა თობიას მიუნხმაიერმა დაათვალიერეს.

„პანდემიის მიუხედავად, დაცულ ტერიტორიებზე რეაბილიტაცია 200 კილომეტრის სიგრძის ეკოტურისტულ ბილიკებს ჩაუტარდა. სამინისტრო მიმდინარე წელსაც მუშაობს ბილიკების რეაბილიტაციასა და ეკოტურისტული ინფრასტრუქტურის მოწყობის მიმართულებით, რაც ჩვენი ქვეყნის ეკონომიკისთვის ძალიან მნიშვნელოვანია“, – განაცხადა გარემოს დაცვისა და სოფლის მეურნეობის მინისტრმა ლევან დავითაშვილმა.

ირემი ტყეში - Sputnik საქართველო, 1920, 06.12.2020
ბორჯომ-ხარაგაულის ეროვნულ პარკში ირმების რაოდენობა მნიშვნელოვნად გაიზარდა

მისი თქმით, მომავალი სამი წლის განმავლობაში დაცულ ტერიტორიებზე 1.200 კილომეტრი საერთო სიგრძის ეკოტურისტული ბილიკების რეაბილიტაცია იგეგმება.

უწყების ცნობით, პროექტის ბიუჯეტმა 230.000 ლარი შეადგინა. ნეძვის ტურისტული ბილიკის მოიწყობა წარმოადგენს უფრო ფართო პროგრამის ნაწილს, რომელიც საქართველოს თორმეტი მსხვილი დაცული ტერიტორიის სტაბილური მართვის გაუმჯობესებას ემსახურება. ბილიკის მოწყობა დაცული ტერიტორიების სააგენტოს მიერ გაეროს განვითარების პროგრამის (UNDP), გლობალური გარემოსდაცვითი ფონდისა (GEF) და კავკასიის ბუნების ფონდის (CNF) ხელშეწყობით განხორციელდა.

ყველა ახალი ამბავი
0