ქუვეითური ავიაკომპანია Jazeera Airways-ის თვითმფრინავი

ქუვეითური ლოუკოსტერი ქართულ ავიაბაზარზე ბრუნდება

41
(განახლებულია 23:25 01.06.2021)
Jazeera Airways რეისებს ელ-ქუვეითი–თბილისი–ელ-ქუვეითი თავდაპირველად კვირაში ერთხელ – ხუთშაბათობით შეასრულებს.

თბილისი, 1 ივნისი – Sputnik. ქუვეითური ლოუკოსტერი Jazeera Airways საქართველოსთან რეგულარულ პირდაპირ ავიამიმოსვლას 3 ივნისიდან განაახლებს, იუწყება საქართველოს სამოქალაქო ავიაციის სააგენტო.

ავიაკომპანიის მიერ სააგენტოში შეტანილი განაცხადის თანახმად, 3 ივნისიდან რეისები ელ-ქუვეითი–თბილისი–ელ-ქუვეითი თავდაპირველად კვირაში ერთხელ – ხუთშაბათობით შესრულდება.

12 ივნისიდან კი დაემატება კიდევ ერთი რეგულარული რეისი, რომელიც შაბათობით შესრულდება.

ამასთან, ავიაკომპანიის განცხადებით, საზაფხულო ნავიგაციის ბოლოსთვის (29 ოქტომბერს) ფრენების სიხშირე აღნიშნული მიმართულებით ეტაპობრივად გაიზრდება და ფრენები კვირაში ოთხჯერ შესრულდება.

საქართველოს ეკონომიკის და მდგრადი განვითარების სამინისტროს სამოქალაქო ავიაციის სააგენტომ ავიაკომპანიას რეგულარული საჰაერო გადაზიდვების შესასრულებლად სათანადო ნებართვა ნავიგაციის სეზონის დასაწყისში მისცა.

Jazeera Airways საქართველოს ავიაბაზარზე 2018 წელს შემოვიდა.

საქართველომ რეგულარული საერთაშორისო ავიამიმოსვლა მიმდინარე წლის 1 თებერვალს განაახლა.

41
Google-ის წარმომადგენლები აჭარის ძირითად ტურისტულ ადგილებს აციფრულებენ

Google-ის მომხმარებლები აჭარაში ვირტუალურ მოგზაურობას შეძლებენ

24
(განახლებულია 09:52 19.06.2021)
Google-ის ფოტოგრაფები 10 დღის განმავლობაში ბათუმში, ქობულეთში, ბოტანიკურ ბაღში, რეგიონის ეროვნულ პარკებსა და სხვა მიმზიდველ ტურისტულ ადგილებში გადაღებებს აწარმოებდნენ.

თბილისი, 19 ივნისი — Sputnik. Google-ის წარმომადგენლები აჭარის ძირითად ტურისტულ ადგილებს აციფრულებენ, იუწყება აჭარის ტურიზმისა და კურორტების დეპარტამენტი.

აჭარის ტურიზმის დეპარტამენტის მოწვევით, რეგიონს Google-ის ოფიციალური წარმომადგენლები ფოტოგრაფებთან ერთად სტუმრობენ.10 დღის განმავლობაში ისინი იღებდნენ ძირითად ტურისტულ მიმართულებებს - ბათუმს, ქობულეთს, ბოტანიკურ ბაღს, რეგიონის ეროვნულ პარკებს.

შედეგად Google-ის მომხმარებლები შეძლებენ აჭარის ტურისტულად მიმზიდველ ადგილებში ვირტუალურად იმოგზაურონ.

გადაღებების გარდა, Google-ის ოფიციალურმა წარმომადგენლებმა აჭარაში ფოტოგრაფებისა და ოპერატორებისთვის ტრენინგები ჩაატარეს. ტრენინგი მიეძღვნა Google-ის ონლაინ-ინსტრუმენტების, რუკის გამოყენებას. გარდა ამისა, ფოტოგადაღებებში მასტერ-კლასი ჩატარდა.

კომპანიის წარმომადგენლები მუშაობა 18 ივნისს დაასრულეს, ხოლო Google-ის რუკაზე განახლებული მასალები აჭარის შესახებ ორი კვირის შემდეგ გამოჩნდება.

აჭარის ტურიზმის დეპარტამენტის თავმჯდომარის მოადგილის, თამარ კაიკაციშვილის თქმით, Google-ის წარმომადგენლებმა აქტიური და მასშტაბური გადაღებები აწარმოეს.

მისი თქმით, ეს გაზრდის აჭარის შესახებ ციფრული მასალების ხელმისაწვდომობას Google-ის პლატფორმაზე და, შესაბამისად, აჭარის ცნობადობას და პოპულარობას გაზრდის.

კანიონინგი, ექსტრემალური ველობილიკები, ახალი ტურისტული მარშრუტები - აჭარაში ახალი საზაფხულო ტურისტული სეზონი გაიხსნა. წელს რეგიონი სტუმრებს ახალ გართობას სთავაზობს. სტუმრებისთვის ოფიციალურად გახსნილია რეგიონში მოქმედი ოთხივე ეროვნული პარკი და დაცული ტერიტორია. კვების ობიექტები სტუმრებს დახურულ სივრცეებში უქმეებზეც მასპინძლობენ.

წელს რეგიონი ზღვაზე დასვენებასთან ერთად სტუმრებს ახალ ტურისტულ ადგილებსა და პროდუქტებს სთავაზობს. მათ შორისაა კანიონინგი უჩხოში, ექსტრემალური ველობილიკი ქედა–შუახევში, ახალი საპიკნიკე ადგილები ჩირუხში, კაპნისთავსა და სოფელ შუამთაში. გარდა ამისა, მოგზაურებს საშუალება აქვთ ახალ ტურისტულ ბილიკებზე იმოგზაურონ ღორჯომის ხეობაში, ჭვანა-კინტრიშის ხეობასა და კაპნისთავში.

მაღალმთიან აჭარაში მოგზაურობის მსურველებს შეუძლიათ ტურისტული მარშრუტების შესახებ დეტალურ ინფორმაციას გაეცნონ საინფორმაციო ცენტრის „ცხელ ხაზზე“ 577 909093 და აჭარის ტურიზმის დეპარტამენტის ტურისტული პროდუქტების განვითარების სააგენტოს ვებგვერდზე https://visitajara.com/ka/about-agency.

აჭარაში ტურისტული სეზონი ოფიციალურად 15 ივნისს გაიხსნა. რეგიონი ტურისტებისა და დამსვენებლების დიდი ნაკადის მისაღებად ემზადება.

ეპიდემიოლოგები როგორც საქართველოს მოქალაქეებს, ისე ტურისტებს კოვიდ-რეგულაციების მაქსიმალური დაცვისკენ მოუწოდებენ.

24
ქართული ღვინო

ბათუმში შავი ზღვის ღვინის ფესტივალი გაიმართება

26
ღვინო, ქართული ტრადიციული სამზარეულოს კერძები, მუსიკა და გართობა ბავშვებისთვის - ბათუმი გემრიელ ფესტივალს მასპინძლობს.

თბილისი, 17 ივნისი — Sputnik. ბათუმში 6-8 აგვისტოს რიგით მეორე შავი ზღვის ღვინის ფესტივალი გაიმართება, ნათქვამია ორგანიზატორების გვერდზე Facebook-ის სოციალურ ქსელში.

აღნიშნულია, რომ ფესტივალზე წარმოდგენილი იქნება 50-მდე ტრადიციული რეწვის მწარმოებელი კომპანია. ასევე სტუმრები შეძლებენ ქართული ღვინის უნიკალური სახეობების შეძენას.

გარდა ამისა, ორგანიზატორები შესთავაზებენ სტუმრებს ქართული ტრადიციული სამზარეულოს და უცხოური კერძების დეგუსტაციას. ბავშვებისთვისაც გათვალისწინებულია გასართობი - ფესტივალზე მოეწყობა გასართობი სივრცე, სხვადასხვა კონკურსები და გათამაშება.

გარდა ამისა, ფესტივალი უმასპინძლებს ცნობილ ქართველ მუსიკოსებს.

როგორც მოსალოდნელია, ფესტივალს დაესწრებიან აჭარის ავტონომიური რესპუბლიკის მთავრობის, საქართველოს გარემოს დაცვისა და სოფლის მეურნეობის სამინისტროს, საქართველოს სასტუმროებისა და რესტორნების ფედერაციის, ბიზნეს სექტორის წარმომადგენლები და სხვა სტუმრები. შავი ზღვის ღვინის ფესტივალის პარტნიორებია ბათუმის მერია და ბათუმის ბულვარი.

26
შოთა არველაძე

შოთა არველაძე: ბავშვობაში „მზიურიდან“ კარი მოვიპარეთ

0
(განახლებულია 16:34 19.06.2021)
შოთა არველაძე იხსენებს ბავშვობას და იმდროინდელ ამბებს, როდესაც სკოლის მოედანზე ფეხბურთის სათამაშოდ არ უშვებდნენ.

 

არველაძე
„ჩვენთან დიდი საფეხბურთო მოედანი იყო, რომელსაც  კარი არ ჰქონდა. ქვემოთ კი, „მზიურთან“ რომ მოედანი იყო, კარი იყო. იმ მოედანზე არავინ თამაშობდა, ამიტომ ვიფიქრეთ  რაში სჭირდებათ–თქო და ის კარი წამოვიღეთ“,- იხსენებს შოთა არველაძე.

არველაძის თქმით, მათთან სახლში უცნობი მამაკაცი მივიდა და მომხდარი ფაქტის შესახებ დედას უამბო.

0