თუშეთში ტურისტული სეზონი გაიხსნა

© FB / Saba Sakhvadze Photographyთუშეთი
თუშეთი - Sputnik საქართველო, 1920, 27.05.2021
გამოწერა
თუშეთის ეროვნულ პარკში მოგზაურობა საქართველოს მთავრობისა და ჯანმრთელობის მსოფლიო ორგანიზაციის მიერ შემუშავებული რეგულაციების გათვალისწინებითაა შესაძლებელი.

თბილისი, 27 მაისი – Sputnik.  მაღალმთიან თუშეთში ტურისტული სეზონი გაიხსნა, თუშეთის ეროვნული პარკი პირველ ვიზიტორებს ელოდება, ნათქვამია დაცული ტერიტორიების სააგენტოს მიერ გავრცელებულ განცხადებაში. 

საქართველოში პირველი ბიოსფერული რეზერვატი შეიქმნა - Sputnik საქართველო, 1920, 25.05.2021
საქართველოში შეიქმნა პირველი ნაკრძალი ფართო ფუნქციებით

უწყების ცნობით, ეროვნული პარკის ვიზიტორთა ცენტრი სოფელ ომალოში მდებარეობს, სადაც როგორც ყველა არსებული მომსახურების შესახებ ინფორმაციის მიღება და სასურველი ტურის დაგეგმვაა შესაძლებელი, ასევე განთავსება.

„თუშეთის ეროვნული პარკის 11 ტურისტული საფეხმავლო და საცხენოსნო მარშრუტები საშუალებას აძლევს ვიზიტორს თითქმის სრულად დაათვალიეროს და დატკბეს უნიკალური ბუნებრივი და ისტორიულ-კულტურული ლანდშაფტებით“, – აღნიშნულია სააგენტოს განცხადებაში.

თუშეთში დიდთოვლობის გამო ტურისტული სეზონი მხოლოდ რამდენიმე თვეს გრძელდება – მაისის ბოლოდან ოქტომბრის ჩათვლით.

რით არის ცნობილი თუშეთის ეროვნული პარკი?

2003 წელს დაფუძნებული თუშეთის ეროვნული პარკი საქართველოს ტერიტორიაზე ყველაზე დიდი დაცული ტერიტორიაა, რომელშიც შედის ლანდშაფტური და ბუნებრივი ნაკრძალები. ტერიტორიის საერთო ფართობი 122 ათასი ჰექტარია. 

ვარძია - Sputnik საქართველო, 1920, 21.12.2020
მუზეუმ-ნაკრძალებში ვიზიტორებს ახალი მომსახურება ელოდებათ

თუშეთის ბუნება ძალიან მრავალფეროვანია, აქ დაახლოებით 1062 სახეობის მცენარეს შეხვდებით. ფიჭვი ზღვის დონიდან 700-2000 მეტრის სიმაღლეზე იზრდება და ფიჭვნარის საერთო ფართობი დაახლოებით 15 ათას ჰექტარს მოიცავს. ხოლო ზღვის დონიდან 1700-2400 მეტრის სიმაღლეზე არყნარი ტყეებია.

პარკის ტერიტორიაზე, დაუზუსტებელი მონაცემებით, გავრცელებულია: ძუძუმწოვართა 60 სახეობა, 120-მდე სახეობის ფრინველი, რეპტილიების 3 სახეობა, ამფიბიების 6 და თევზის ერთი სახეობა. მსხვილჩლიქოსანი ცხოველებიდან თუშეთის ტყეებში ბინადრობს შველი და ირემი. მეზობელი დაღესტნის ტერიტორიიდან თუშეთში ხშირად გადმოდის გარეული ტახი.

 

ყველა ახალი ამბავი
0