პეტრას ციხე

რეაბილიტირებული პეტრას ციხე პირველ სტუმრებს მომავალი წლის გაზაფხულზე მიიღებს

80
(განახლებულია 19:23 02.12.2020)
ტერიტორიაზე მოეწყობა კაფე-რესტორნები, სუვენირების მაღაზია, მუზეუმი. ტერიტორიაზე შესვლა ფასიანი გახდება. ობიექტი ადაპტირებული იქნება შშმ პირთათვის.

თბილისი, 2 დეკემბერი – Sputnik. პეტრას ციხის რეაბილიტაცია მალე დასრულდება და პირველ ვიზიტორს, სავარაუდოდ, გაზაფხულზე მიიღებს, იუწყება აჭარის ტელევიზია.

ამჟამად სარეაბილიტაციო სამუშაოების დასკვნითი ეტაპი მიმდინარეობს.

არქეოლოგიური აღმოჩენები პეტრას ციხეზე გრძელდება>>

პანდემიის მიუხედავად ისტორიული ციხე-ქალაქის რეაბილიტაციის პროცესი არ შეჩერებულა.

აჭარის კულტურული მემკვიდრეობის დაცვის სააგენტოს ხელმძღვანელის ზაურ ახვლედიანის ინფორმაციით, ტერიტორიაზე მოეწყობა კაფე-რესტორნები და მუზეუმი, შესვლა კი ფასიანი გახდება. ობიექტი ადაპტირებული იქნება შეზღუდული შესაძლებლობის მქონე პირთათვის.

ადგილზე კომერციული საქმიანობისთვის რამდენიმე თვეში აუქციონი გამოცხადდება. ახვლედიანის განცხადებით, გონიოსა და პეტრას ციხის კაფეებს, სუვენირების მაღაზიასა და საორგანიზაციო თემატიკას აუქციონზე ერთ ლოტად გაუშვებენ. 

ტერიტორიაზე კაფე–რესტორნები, რომლებიც გვიან ღამემდე იმუშავებენ, და სხვა ობიექტები მომგებიანი იქნება როგორც ინვესტორების, ისე სახელმწიფოსთვის, აღნიშნა ახვლედიანმა.

მისი თქმით, რეაბილიტაციის შემდეგ უფრო მეტი რაოდენობის ვიზიტორებს ელოდებიან.

პეტრა — ეგრისის სამეფოს ისტორიული ციხე-სიმაგრეა. აღნიშნული ტერიტორია, რომელსაც გააჩნდა უნიკალური სამხედრო-სტრატეგიული და სავაჭრო-ეკონომიკური მდებარეობა, ისტორიულად ლაზების დასახლებას წარმოადგენდა.

ციხე ბიზანტიის იმპერატორმა იუსტინიანემ ააგო. კარგად გამაგრებული ქალაქი ხანგრძლივი ალყის შემდეგ სპარსელებმა ჩაიგდეს ხელში. საბოლოოდ სპარსელებმა ომი წააგეს, მაგრამ, მიუხედავად ამისა, ბიზანტიელებმა ციხე მაინც დაანგრიეს.

80
თემები:
ტურიზმი საქართველოში (295)
კრიზისი ტურიზმის სფეროში – დაკეტილი კაფე–რესტორნები

გახარია: ყველაფერი უნდა გავაკეთოთ ზაფხულის ტურისტული სეზონის ასამუშავებლად

993
(განახლებულია 20:04 26.01.2021)
ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა.

თბილისი, 26 იანვარი – Sputnik. ყველამ ერთად, თანმიმდევრულად ყველაფერი უნდა გავაკეთოთ იმისთვის, რომ ზაფხულის ტურისტული სეზონი დავიცვათ და ავამუშაოთ, განაცხადა საქართველოს პრემიერ-მინისტრმა გიორგი გახარიამ უწყებათშორისი საკოორდინაციო საბჭოს დღევანდელ სხდომაზე.

22 იანვარს უწყებათშორისმა საკოორდინაციო საბჭომ 1 თებერვლიდან ქვეყანაში მოქმედი შეზღუდვების ეტაპობრივი მოხსნის გადაწყვეტილება მიიღო. თუმცა ამ ეტაპზე ტურიზმის, მათ შორის, სამთო-სათხილამურო კურორტების გახსნა არ იგეგმება და არსებული შეზღუდვები კვლავ ძალაში რჩება.

გახარიას განცხადებით, რაც სამთო კურორტებზე ხდება, უკიდურესად სამწუხაროა, რადგან შექმნილი ვითარება საკმაოდ მძიმეა ტურისტული სექტორისთვის და იმ ადამიანებისთვის, რომლებსაც ბიზნესი აქვთ გუდაურში, ბაკურიანში, მესტიაში თუ გოდერძის კურორტზე.

„ეს ყველაფერი კეთდება იმისთვის, რომ ქვეყანას, საბოლოო ჯამში, მდგრადი, თანმიმდევრული ეკონომიკური აღდგენის რესურსი დავუტოვოთ, შევუნარჩუნოთ და ასეთი მოკლევადიანი, სწრაფი, იმპულსური გადაწყვეტილებებით რისკის ქვეშ არ დავაყენოთ ის ეკონომიკური შესაძლებლობები, რომლებიც გაგვეხსნება სწრაფი აღდგენის პირობებში ზაფხულისთვის“, – აღნიშნა მთავრობის მეთაურმა.

გიორგი გახარიას განცხადებით, დღეს ვიცე-პრემიერი მაია ცქიტიშვილი ეკონომიკის სამინისტროსთან ერთად მიიღებს დავალებას, რომ უახლოეს მომავალში სასიცოცხლოდ მნიშვნელოვანი დარგების, მათ შორის ტურიზმის წარმომადგენლებთან გამართოს შეხვედრები და ამ ეტაპზე არსებული გეგმა შეათანხმოს.

მთავრობის გეგმის მიხედვით, ზამთრის კურორტები მუშაობას 1 მარტიდან განაახლებენ. საქართველოში ზამთრის კურორტებზე ტურისტული სეზონი, ჩვეულებრივ, დეკემბრის დასაწყისში იხსნება და მარტის ბოლომდე გრძელდება. შესაბამისად, წლევანდელი სეზონი ოთხჯერ უფრო ხანმოკლე იქნება და მხოლოდ ერთი თვით შემოიფარგლება.

აღნიშნულმა გადაწყვეტილებამ ტურიზმის სფეროს წარმომადგენელთა უკმაყოფილება გამოიწვია. ისინი არ ეთანხმებიან 22 იანვრის გადაწყვეტილებას წერტილოვანი შეზღუდვების შესახებ და მათ მთავრობას 2021 წლის ტურიზმის სწრაფი და უსაფრთხო გზებით აღდგენის საკუთარი ხედვა შესთავაზეს.

993
თემები:
კორონავირუსი საქართველოში: ბოლო ცნობები
თბილისი

როგორ უნდა გაიხსნას ტურიზმი სწრაფად და უსაფრთხოდ - სექტორის ხუთპუნქტიანი გეგმა

128
(განახლებულია 11:51 26.01.2021)
ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა

თბილისი, 25 იანვარი - Sputnik. ტურიზმის სექტორის წარმომადგენლებმა მთავრობას ღია წერილით მიმართეს და ტურიზმის აღდგენის საკუთარი ხედვა შესთავზეს.

სპეციალისტები: შეზღუდვების ერთდროულად მოხსნა ინფიცირების ზრდას გამოიწვევს>>

22 იანვარს უწყებათშორისმა საკოორდინაციო საბჭომ 1 თებერვლიდან ქვეყანაში მოქმედი შეზღუდვების ეტაპობრივი მოხსნის გადაწყვეტილება მიიღო. თუმცა ამ ეტაპზე ტურიზმის, მათ შორის, სამთო-სათხილამურო კურორტების გახსნა არ იგეგმება და არსებული შეზღუდვები კვლავ ძალაში რჩება. მთავრობის გეგმის მიხედვით, ზამთრის კურორტები მუშაობას 1 მარტიდან განაახლებენ. საქართველოში ზამთრის კურორტებზე ტურისტული სეზონი, ჩვეულებრივ, დეკემბრის დასაწყისში იხსნება და მარტის ბოლომდე გრძელდება. შესაბამისად, წლევანდელი სეზონი ოთხჯერ უფრო ხანმოკლე იქნება და მხოლოდ ერთი თვით შემოიფარგლება.

აღნიშნულმა გადაწყვეტილებამ ტურიზმის სფეროს წარმომადგენელთა უკმაყოფილება გამოიწვია. ისინი არ ეთანხმებიან 22 იანვრის გადაწყვეტილებას წერტილოვანი შეზღუდვების შესახებ და მთავრობას სთავაზობენ 2021 წლის ტურიზმის სწრაფი და უსაფრთხო გზებით აღდგენის საკუთარ ხედვას.

ტურიზმის სექტორის რეკომენდაციები შემდეგი სახისაა:

1. ზამთრის კურორტების გახსნა 1 თებერვლიდან (მობილობა მაღალი უკვე ვეღარ იქნება, ეკიპირებული ადამიანი არ არის ვირუსის გადატანის საფრთხე, სამთო კურორტების სასტუმროებსაც ისევე შეუძლია კოვიდ–უსაფრთხოების რეგულაციების დაცვა, როგორც კახეთის ან სხვა რეგიონის სასტუმროებს, სადაც საკმაოდ მაღალი მობილობა შეიმჩნეოდა, მაგრამ ამით ეპიდ-მდგომარეობა არ გაუარესებულა);

2. საზღვრების გახსნა – როგორც სახმელეთო, ასევე საჰაერო – შემდეგი რეგულაციებით:

ა) ქვეყანაში მივიღოთ ის უცხოელი ვიზიტორები, ვინც საზღვარზე წარმოადგენს: ვაქცინის ჩატარების დამადასტურებელ საბუთს, PCR ტესტს (გამოფრენამდე არა უგვიანეს 72 საათისა), საბუთს, რომ აქვს ანტისხეულები, ანუ არის უკვე კოვიდ–გადატანილი (უახლოესი 6 თვის პერიოდი);

ინფექციონისტი: შეუძლებლად მიმაჩნია ერთიანად ყველა შეზღუდვის მოხსნა, თუმცა...>>

ბ) ყველა უცხოელ ვიზიტორს, რომელსაც არ აქვს ზემოთ აღნიშნული დოკუმენტაცია, საზღვარზე გაუკეთდეს სწრაფი ტესტი (ინდივიდუალური მოგზაურები თავად გადაიხდიან ტესტის თანხას, ტურისტული კომპანიით მოწვეული ტურისტებს კომპანია დაუფარავს ტესტის თანხას, რომელიც არ უნდა აღემატებოდეს თვითღირებულებას);

გ) საზღვრების გახსნა უახლოეს პერიოდში ზუსტი თარიღების მითითებით (რაც სასიცოცხლოდ მნიშვნელოვანია ტურიზმისთვის), შესაბამისად ვაქცინის დამადასტურებელი საბუთით, ან PCR ტესტის დამადასტურებელი საბუთით, ანტისხეულის დამადასტურებელი საბუთით, ან ჩაუტარდეს ადგილზე სწრაფი ტესტი.

იმავე პრინციპით მოხდეს საქართველოს მოქალაქეების სამშობლოში დაბრუნება, რაც ხელს შეუწყობს გამყვანი ტურიზმის აღდგენას (ამ დრომდე საქართველოში დაბრუნებული მოქალაქეები ექვემდებარებიან თვითიზოლაციას).

დ) აღდგეს სახმელეთო მიმოსვლა მეზობელ ქვეყნებთან იგივე რეგულაციებით საზღვარზე.

საპროტესტო აქცია თბილისში: მოქალაქეები კოვიდ-შეზღუდვების მოხსნას ითხოვენ>>

3. სასწრაფოდ შემუშავდეს კოვიდ–დაზღვევის პროგრამა უცხოელი ვიზიტორებისთვის. ეს დამატებით შემოსავალს გაუჩენს სადაზღვევო კომპანიებს, ასევე დამატებითი შემოსავალი გაჩნდება ქვეყნისთვისაც, მოაგვარებს პრობლემას ვინ და რა სახსრებით მკურნალობს ვიზიტორს, თუ საქართველოში ყოფნის დროს დაუდგინდა კოვიდ ვირუსი. დაზღვევის პაკეტები შესაძლებელია იყოს განსხვავებული ფასის შესაბამისად განსხვავებული დაფინანსებით.

4. რეგულარული რეისების აღდგენისთანავე გაიხსნას რესტორნები, მუზეუმები, სხვა ღირსშესანიშნაობები რეგულაციების მკაცრი დაცვით და კონტროლით.

5. უახლოეს მომავალში  შედგეს სამუშაო ჯგუფი კერძო სექტორის ჩართულობით, რომ სწრაფად, სწორად, უსაფრთხოდ და ბიზნეს ინტერესების გათვალისწინებით მოხდეს 2021 წლის ტურიზმის სტრატეგიის შემუშავება.

წერილს, რომელიც  სექტორმა მთავრობას დღეს გაუგზავნა, ხელს აწერენ სასტუმროებისა და რესტორნების ფედერაცია, საქართველოს ტუროპერატორთა ასოციაცია, საქართველოს გამყვანი ტურიზმის ასოციაცია, სატრანსპორტო კომპანიები, ტუროპერატორები: „კავკაზუს თრეველი; „ლივინგ რუთს თრეველი; „გეორგიკა თრაველი; „ინსაით ჯორჯია; „კონკორდ თრეველი; „ეგზო ტური", „ომნეს ტური", „ექსპლორ ჯორჯია", „იბერია ტურს პლიუსი", „ჯორჯიან ჰოლიდეისი", „ნოვა ტურსი", „კლარკ ენდ რობინსონი".

გასულ სეზონზე, კორონავირუსის გავრცელების საფრთხის არიდების მიზნით, საქართველოს მთავრობამ მარტში ზამთრის სათხილამურო კურორტებზე სეზონის ვადაზე ადრე დახურვის გადაწყვეტილება მიიღო.

საელჩო: ისრაელიდან ტურისტების უსწრაფეს მიღებაზე ინტენსიური მოლაპარაკებები მიმდინარეობს>>

საკოორდინაციო საბჭოს გადაწყვეტილებით, 28 ნოემბრიდან ბაკურიანის, გუდაურის, გოდერძისა და მესტიის სათხილამურო კურორტებზე სპეციალური შეზღუდვები დაწესდა. კერძოდ, სასტუმროების გამოყენება დასაშვებია მხოლოდ საკარანტინო სივრცეების მოსაწყობად. გაჩერებულია სათხილამურო ტრასებისა და სათხილამურო საბაგიროების ფუნქციონირება.

128
თემები:
კორონავირუსი საქართველოში: ბოლო ცნობები

თუ გინდა თავი 007-ად იგრძნო, ანუ სადამდე მივიდა ტექნიკა?!

0
ძალიან მალე ნებისმიერ ჩვენგანს შეუძლია თავი ჯეიმს ბონდად წარმოიდგინოს და ტელეფონის ნაცვლად… თითით ილაპარაკოს!

დიახ, სამხრეთკორეულმა სტარტაპმა Innomdle Lab. ჭკვიანი სამაჯური შექმნა, რომელიც ისე მუშაობს, როგორც ბლუთუზ-გარნიტურა და ის ბგერას ხელის თითში ატარებს.

როცა ვინმე დაგირეკავთ, სამაჯური ვიბრაციას დაიწყებს, თქვენ კი თითი ჯერ ღილაკს უნდა დააჭიროთ, შემდეგ კი ყურზე მიიდოთ და ვუალა! ილაპარაკეთ, რამდენიც გნებავთ.

სხვათა შორის, ეს სიახლე სულაც არ ღირს ძვირი. გავრცელებული ინფორმაციით, Sgnl სულ რაღაც 139 აშშ დოლარი ღირს.

 

0