სვანეთი

საქართველო ტურიზმის აღდგენას 2021 წლიდან დაიწყებს

94
(განახლებულია 20:04 18.11.2020)
National Geographic-მა საქართველოს ერთ-ერთი რეგიონი – მთაგორიანი სვანეთი მსოფლიოში საუკეთესო ტურისტულ მიმართულებად დაასახელა.

თბილისი, 18 ნოემბერი – Sputnik. საქართველოს მთავრობა ყველაფერს აკეთებს, რათა ტურიზმის სფეროში კრიზისი მინიმალური დანაკარგებით გადაიტანოს, განაცხადა საქართველოს ეკონომიკისა და მდგრადი განვითარების მინისტრის მოადგილემ ირაკლი ნადარეიშვილმა გავლენიანი გამოცემის კონკურსის შედეგების შეფასებისას. 

ტურისტული სექტორი, რომელშიც დაახლოებით 150 ათასი ადამიანია დასაქმებული, კორონავირუსის პანდემიის გამო ყველაზე მეტად დაზარალდა, ამიტომაც ტურიზმთან დაკავშირებული დარგების დახმარება საქართველოს მთავრობისთვის პრიორიტეტულია.

„პოსტპანდემიურ პერიოდში ბევრი და ხარისხიანი ახალი გამოწვევები იქნება, თუმცა სახელმწიფო და ბიზნესი მაქსიმალურად მობილიზებულია ამ კრიზისული პერიოდის მინიმალური დანაკარგებით დაძლევისთვის. და ეკონომიკური სტიმულირებისთვის მიღებული ზომები, რასაც საქართველოს მთავრობა პანდემიის პირველივე ეტაპიდან თანმიმდევრულად ახორციელებს, აქ მნიშვნელოვან როლს თამაშობენ“, – განაცხადა ნადარეიშვილმა.

მსოფლიოში ერთ-ერთმა ყველაზე გავლენიანმა ჟურნალმა National Geographic-მა სვანეთის რეგიონი 2021 წელს მსოფლიოს 25 საუკეთესო მიმართულებას შორის დაასახელა, რომელსაც ტურისტები პოსტპანდემიურ პერიოდში უნდა ეწვიონ.

„ის, რომ National Geographic-მა საქართველო და, კერძოდ, სვანეთი მსოფლიოში საუკეთესო ტურისტულ მიმართულებად დაასახელა, კიდევ ერთი სტიმულია ჩვენთვის, რათა 2021 წელს ტურისტული ინდუსტრიის აღდგენა დავიწყოთ“, – განაცხადა ნადარეიშვილმა. 

რთულ მდგომარეობაში მყოფი ტურისტული სექტორის დახმარება საქართველოს ხელისუფლებამ პანდემიის პირველივე დღეებში დაიწყო. ტურიზმთან დაკავშირებული 6 118 კომპანიისთვის 1 ნოემბრამდე ქონებისა და საშემოსავლო გადასახადები გაუქმდა.

გარდა ამისა, 2,2 ათასმა სასტუმრომ ექვსი თვის განმავლობაში საბანკო სესხების 80%-ის სუბსიდირება მიიღო. ამასთან კომპანიებს საკუთარი სესხების რესტრუქტურიზაციის შესაძლებლობა მიეცათ.

სახელმწიფო სააგენტომ „აწარმოე საქართველოში“ მცირე და საოჯახო სასტუმროების თანადაფინანსების მექანიზმის ფარგლებში განცხადებების მეოთხე ნაკადის მიღება დაიწყო. სააგენტო დაფარავს მეწარმეების სესხის პროცენტებს წლის განმავლობაში.

პროგრამის მიზანია დაეხმაროს საოჯახო, მცირე და საშუალო ტიპის სასტუმროებს კომერციული ბანკების წინაშე ფინანსური ტვირთის შემსუბუქებასა და ბაზარზე ოპერირების გაგრძელებაში.

94
თემები:
ტურიზმი საქართველოში (292)
გუდაური

საქართველოს ზამთრის კურორტები შესაძლოა თებერვლიდან გაიხსნას

39
28 ნოემბრიდან საქართველოს ზამთრის კურორტებმა მუშაობა შეწყვიტეს, ხოლო საბაგიროები და სათხილამურო ტრასები, დაიკეტა.

თბილისი, 28 ნოემბერი – Sputnik საქართველოს ზამთრის კურორტები დამსვენებლების მიღებას 1 თებერვლიდან შეძლებენ, თუ ქვეყანაში კეთილსაიმედო ეპიდვითარება იქნება, განაცხადა ტურიზმის ადმინისტრაციის ყოფილმა ხელმძღვანელმა მაია ქვრივიშვილმა.

28 ნოემბრიდან საქართველოს ზამთრის კურორტებმა მუშაობა შეწყვიტეს, სასტუმროებს კლიენტების მიღება აეკრძალათ, ხოლო საბაგიროები, სათხილამურო ტრასები, რესტორნები და კაფეები დაიკეტა.

„გადაწყვეტილება იქნა მიღებული, რომ ორი თვის განმავლობაში საბაგიროებისა და უშუალოდ კურორტების ოპერირება არ მოხდეს, რაც ბუნებრივია. ძალიან რთულია. კარგად გვესმის, რომ ძალიან რთულია ამ კურორტებზე არსებული სასტუმროებისთვის, განთავსების ობიექტებისა, თუ სარესტორნო ბიზნესებისთვის. თუმცა ჩვენ გვაქვს პოზიტიური მოლოდინები, რადგან იანვრის ბოლომდე გრძელდება ეს შეზღუდვები და იმედი გვაქვს, რომ წლის დასაწყისიდან, ფაქტობრივად თებერვლიდან ჩვენი კურორტები კვლავ მზად იქნება. იმედი გვაქვს,  ეპიდემიოლოგიური მდგომარეობა და ყველაფერი ის, რასაც ჩვენს საზოგადოებასთან ერთად გავაკეთებთ, იმის საშუალებას მოგვცემს“, – განაცხადა ქვრივიშვილმა.

საქართველოში ზამთრის კურორტები ოთხ რეგიონში მდებარეობს: გუდაურში (მცხეთა-მთიანეთი), თეთნულდი და ჰაწვალი (სვანეთი), ბაკურიანი და კოხტა მიტარბი (სამცხე-ჯავახეთი), გოდერძი (აჭარა). ამ კურორტებზე ტურისტული სეზონი დეკემბრის დასაწყისში იხსნება და მარტის ბოლომდე გრძელდება.

39
თემები:
ტურიზმი საქართველოში (292)
უშგული

National Geographic: სვანეთი მოგზაურობისთვის საუკეთესო მიმართულება

88
(განახლებულია 21:08 17.11.2020)
ტურიზმის ეროვნული ადმინისტრაციის ცნობით, პანდემიის გამო წლევანდელი კონკურსის სლოგანია „იოცნებე ახლა, წადი მოგვიანებით“.

თბილისი, 17 ნოემბერი – Sputnik. მსოფლიოში ერთ-ერთმა ყველაზე გავლენიანმა სამოგზაურო გამოცემა National Geographic-მა სვანეთის რეგიონი 2021 წელს მსოფლიოს 25 საუკეთესო მიმართულებას შორის დაასახელა, რომელსაც ტურისტი პოსტპანდემიურ პერიოდში უნდა ეწვიოს. ინფორმაციას ტურიზმის ეროვნული ადმინისტრაცია ავრცელებს.

CNN-მა საქართველოში 10 საოცნებო ადგილი დაასახელა>>

გამოცემა საუკეთესო ტურისტულ მიმართულებებს ყოველი წლის ნოემბერში ასახელებს.

ტურიზმის ეროვნული ადმინისტრაცია აღნიშნავს, რომ კორონავირუსის პანდემიის გამო წლევანდელი კონკურსის სლოგანია „იოცნებე ახლა, წადი მოგვიანებით“.

25 საუკეთესო ტურისტული მიმართულების შერჩევაში გამოცემის გლობალური რედაქტორები იღებდნენ მონაწილეობას. მიმართულებები ხუთ კატეგორიად არის დაყოფილი: ბუნება, თავგადასავალი, კულტურა, სტაბილურობა და ოჯახი.

National Geographic-ის პორტალზე წარმოდგენილია სვანეთის ფოტოები და დეტალურად მოთხრობილია რეგიონის შესახებ.

„საქართველოს ჩრდილო-დასავლეთში მდებარე რეგიონი შუასაუკუნოვანი ქვის კოშკებით გამოირჩევა, რომელიც ერთდროულად საცხოვრებელ, ასევე თავდაცვით ზღუდეს წარმოადგენდა. ეს ციხე-სიმაგრეები იმ ეპოქის დასტურია, როდესაც სვანური ოჯახები პატარა სოფლებში საკუთარი მიწის შესანარჩუნებლად მამაცურად იბრძოდნენ. ერთ-ერთი მათგანია უშგული, რომელიც ევროპის ერთ-ერთი უმაღლესი დასახლებაა“, – წერს გამოცემა.

როდის შეძლებენ უცხოელი ტურისტები საქართველოში თავისუფლად სტუმრობას, ეპიდემიოლოგიური სიტუაციის გამო ამ დროისთვის უცნობია. ევროკავშირის საბჭომ განმარტა, რომ მოგზაურობაზე შეზღუდვების მოხსნის კრიტერიუმები გაერთიანების არაწევრი ქვეყნების მიმართ მოიცავს ეპიდემიური სიტუაციის შეფასებას, კორონავირუსის გავრცელებასთან ბრძოლის ეროვნულ ღონისძიებებს, ასევე ეკონომიკურ და სოციალურ ასპექტებს.

Vogue, Forbes და National Geographic მკითხველს საქართველოს აცნობენ>>

ამასთან ერთად, ევროკავშირის საბჭოს გადაწყვეტილებით, საქართველო ე.წ. უსაფრთხო ქვეყნების სიიდან ამოიღეს.

ქვეყანაში ბოლო პერიოდში კორონავირუსი მეტად გაძლიერდა. დაავადებულთა რაოდენობა ბოლო დღე-ღამეში 3.117-ით გაიზარდა და ინფიცირებულთა საერთო რიცხვმა 85.952-ს მიაღწია. ამ დროისათვის სულ გამოჯანმრთელდა 68.929 ადამიანი, გარდაიცვალა 778 პაციენტი.

88
თემები:
ტურიზმი საქართველოში (292)
შემოდგომა

კვირის ასტროპროგნოზი: სიყვარული, ფინანსები, სამუშაო 30 ნოემბერი 6 დეკემბერი

0
(განახლებულია 12:47 29.11.2020)
ამ კვირაში ერთი ყველასთვის საშიში დღეა – 30 ნოემბერი – სავსემთვარეობისა და მთვარის ნაწილობრივი დაბნებელის დღე. დანარჩენი დღეები ზოდიაქოს ნიშნების წარმომადგენლებისთვის საკმაოდ ხელსაყრელი იქნება

როგორი იქნება ეს კვირა ზოდიაქოს ნიშნების წარმომადგენლებისთვის – ამის შესახებ ასტროლოგები გვიამბობენ.

ვერძი

კვირის პირველი დღე დაუთმეთ დასვენებას, რელაქსაციას, სულიერ მხარეს. ეს კვირის დანარჩენ დღეებში პოზიტიური განწყობის შენარჩუნებაში დაგეხმარებათ. დარჩით სახლში, მოერიდეთ თავყრილობებს, უსიამოვნო ადამიანებთან კონტაქტებს.

სამშაბათიდან მრავალი ახალი შესაძლებლობა გაგიჩნდებათ. ძალზე იღბლიანი იქნება შოპინგი, საახალწლო მორთულობებისა და საჩუქრების ყიდვა. უქმეებზე დაალაგეთ და მოაწესრიგეთ სახლი.

კურო

კუროებისთვის ძალზე ხელსაყრელი დრო დგება მუშაობისთვის. შესაძლებელია შემოსავლების გაზრდა, პრობლემების მოგვარება. გასათვალისწინებელია მხოლოდ ერთი დღე – ორშაბათი – ამ დღეს, სჯობს, დაისვენოთ, დანარჩენ დღეებში კი ნებისმიერი საქმის კეთება შეგიძლიათ, მათ შორის – სახლის მოწესრიგება–დასუფთავება.

კარგი კვირაა ახალი ნაცნობობისთვის, განსაკუთრებით უქმე დღეები. ასევე შეგიძლიათ რომანტიკული კუთხით გააქტიურდეთ, მაგრამ უნდა გაითვალისწინოთ ერთი რამ: გამიჯნეთ სამუშაო და სიყვარული – სამსახურებრივი რომანი ნამდვილად არ წაგადგებათ.

ტყუპი

ტყუპებისთვის ამ კვირაში ყველაზე მნიშვნელოვანი სასიყვარულო სფერო გახდება, ასევე ურთიერთობები ოჯახის წევრებთან, ნათესავებთან, ახლობლებთან.

პარასკევიდან შეგიძლიათ ახალი საქმეების წამოწყება, გამგზავრება სადმე. მერკური მშვილდოსნის ნიშანში იქნება და ეს სწავლაში დაგეხმარებათ. წაგადგებათ ფიზიკური აქტიურობა. მოერიდეთ სიცრუესა და სიყალბეს, წინააღმდეგ შემთხვევაში რეპუტაციის შებღალვა გელოდებათ.

კირჩხიბი

კირჩხიბებმა უნდა გაითვალისწინოთ, რომ ამ კვირაში თქვენი მთავარი საზრუნავია არა სახლი და სამუშაო, ფული ან სასიყვარულო დრამა, არამედ შინაგანი პიროვნული გამთლიანება. იდეალური დროა ახალი ცოდნის, მისაღებად, საქმიანი მგზავრობისა და სულიერი საზრდოს მიღებისთვის.

საქმეებში რაციონალური მიდგომა გჭირდებათ. არ შეიძლება, რომ მთელი დრო მუშაობას დაუთმოთ, დასვენება და ძალების აღდგენაც აუცილებელია. თუ მოულოდნელი პრობლემები გამოჩნდა, ყველაფერს ცივი გონებით შეხედეთ და გადაწყვეტილება ცხელ გულზე არ მიიღოთ.

ლომი

ლომებს კვირის დასაწყისი და ბოლო დღე საკმაოდ რთული გელოდებათ. ეს იქნება საშიში დღეები, როდესაც თქვენი მტრები და არაკეთილმოსურნეები გააქტიურდებიან. ეცადეთ, მოერიდოთ არასასიამოვნო ადამიანებს, რათა თავიდან აირიდოთ გაუგებრობები.

რისკის ფაქტორი ორშაბათს ნერვები, აჩქარება, აპათია და ნეგატივი გახდება. დაბნელების გამო მნიშვნელოვანი საქმეების ჩავარდნაა მოსალოდნელი. ასტროლოგები გირჩევენ, გარშემომყოფებს ფუჭი დაპირება არ მისცეთ. ახლობლებს დახმარებაზე უარი არ უთხრათ.

ქალწული

ქალწულებმა ორშაბათს უარი უნდა თქვათ იმ საქმეებზე, რომლებიც ძალიან არ მოგწონთ და გადახედოთ პრიორიტეტებს. ებრძოლეთ ნეგატიურ დებულებებს. 1 დეკებრიდან ვარსკვლავებისა და პლანეტების ენერგეტიკა გაუმჯობესდება და ეს თქვენზეც აისახება – გახდებით უფრო იღბლიანი და ოპტიმისტური. კვირა მიუძღვენით უთანხმოებების მოგვარებას, ურთიერთობებში პრობლემების გადაწყვეტას.

ასტროლოგები ასევე გირჩევენ, რომ საქმეები ლოგიკურ დასასრულამდე მიიყვანოთ. არასასურველია დღის სტანდარტული განრიგიდან გადახვევა – ამას, შესაძლოა, დიდი პრობლემები მოჰყვეს. თუ არჩევნის წინაშე დადგებით – გასწიოთ დროისა თუ ფულის ეკონომია, სჯობს, არჩევანი დროზე შეაჩეროთ. მაგალითად, ნუ დაკარგავთ დროს რამის ყიდვაზე და ის ინტერნეტით შეუკვეთეთ.

სასწორი

ამ კვირაში საუკეთესო დროა იმისთვის, რომ ე.წ. სიღარიბის ჩვევების ტყვეობისგან გათავისუფლდეთ, ან პირველი ნაბიჯი მაინც გადადგათ ამ მიმართულებით. შუა კვირაში შეიძლება ახალი სამუშაოს მოძებნა, სხვა ქალაქის სტუმრობა – ეს თქვენს ენერგეტიკაზე, იღბალსა და განწყობაზე დადებითად აისახება.

თუ სასიყვარულო სფეროში ურთიერთობები ახალი დაწყებული გაქვთ, იფრთხილეთ – შესაძლოა მესამე ადამიანის ჩარევა. ასეთ პერიოდებში ხშირად ჩნდება „სასიყვარულო სამკუთხედები“. უფროსი თაობის ადამიანებთან იყავით ტაქტიანი და თავშეკავებული, მაგრამ მუდმივად დათმობაზეც ნუ წახვალთ. ამ კვირაში ძალიან კარგი იქნება, თუ რომელიმე უკიდურესობაში არ „გადავარდებით“.

მორიელი

მორიელებს 30 ნოემბერს ძალების გამოფიტვა გემუქრებათ, რომელთა აღდგენა არცთუ მარტივი იქნება. ამისთვის შეგიძლიათ გააკეთოთ იოგას სავარჯიშოები, შეიცვალოთ გარემო, წახვიდეთ საყიდლებზე. ოთხშაბათამდე კონფლიქტის ზონას არ გასცდეთ, არ გარისკოთ ტყუილუბრალოდ. დაისვენეთ და ძალები მოიკრიბეთ.

ოთხშაბათს ღამის მანათობლები ენერგეტიკას შეიცვლიან, ამიტომ ენერგიასა და იღბლის გვერდით დგომას იგრძნობთ. ცხოვრება უკეთესობისკენ შეცვლას დაიწყებს, კარგი განწყობა კი გამარჯვებებისკენ გზის გაკაფვაში დაგეხმარებათ. კვირის ბოლო იდეალურია გუნდური ან შემოქმედებითი მუშაობისთვის.

მშვილდოსანი

ამ კვირაში სათანადო განწყობა თვენი წარმატებების 90 პროცენტის გარანტია იქნება. რა თქმა უნდა, ღამის მანათობლები თქვენს წარმატებებში დიდ წვლილს შეიტანენ, მათი განწყობა ძალზე პოზიტიური იქნება. მთვარის დაბნელებაც კი ვერ შეძლებს თქვენთვის ზიანის მოტანას.

ზამთრის დასაწყისში თავი უნდა მიუძღვნათ საყვარელ საქმეებს და რომანტიკულ თავგადასავლებს. მთავარია, რომ ერთმა მეორეს არ შეუშალოს ხელი. ასტროლოგები გირჩევენ, რომ საკუთარი თავი არ აკრიტიკოთ.

თხის რქა

თხის რქებისთვის დგება პერიოდი, როდესაც მნიშვნელოვანია სულიერ განვითარებაზე კონცენტრირება, დასვენება, სასიამოვნო ურთიერთობები. ძალა უნდა მოიკრიბოთ დინამიკური კვირების წინ, რომელიც გელოდებათ. უამრავი საქმე გაქვთ, რაშიც უკვე უქმეებზე დარწმუნდებით.

ირგვლივ მყოფი ადამიანების მიმართ ილუზიებისგან გათავისუფლდით. მიიღეთ ისინი ისეთები, როგორიც არიან. ზოგიერთი ახლობელი ადამიანი, შესაძლოა, გამაღიზიანებელი გახდეს, მაგრამ ეს არაა მიზეზი იმისთვის, რომ მას ზურგი აქციოთ.

მერწყული

კვირის პირველი ნახევარი მთვარის დაბნელების გამო რთული იქნება. შესაძლებელია გეგმების გაუთვალისწინებელი ჩავარდნები, პრობლემები სამუშაოზე და სახლში. ყველაფრისთვის გვერდის აქცევას, დიდი ალბათობით, ვერ მოახერხებთ, უბრალოდ, განეწყვეთ იმისთვის, რომ ბევრი საქმე გექნებათ.

ახლა თქვენთვის საუკეთესო რჩევაა, გამოავლინოთ ცუდის დავიწყების უნარი და პოზიტივზე გადაერთოთ. დაგჭირდებათ მოქნილობა და არა უსიამოვნებებზე „ჩაციკვლა“, წყენის დამახსოვდება და მენტალური ნაგვის დაგროვება. ამის ნაცვლად ისწავლეთ ადამიანების პატიება და ხანდახან დათმობაზე წასვლა.

თევზები

ვარსკვლავები და პლანეტები ძალზე ხელსაყრელ განლაგებაში თქვენ მხარეს არიან, ამიტომ დაბნელებაც კი ვერ შეუშლის ხელს თქვენი გეგმების განხორციელებას. ციური სხეულები გაზრდიან თქვენს მომხიბვლელობას, რაც საწინააღმდეგო სქესის წარმომადგენლებზე საოცარი შთაბეჭდილების მოხდენაში დაგეხმარებათ.

კვირის ბოლო მიუძღვენით შოპინგსა და დასვენებას. ასტროლოგები ამბობენ, რომ საჩუქრების ყიდვისა და გარდერობის განახლებისთვის საუკეთესო დროს ამ წელიწადში ვერ ნახავთ.

0