მაჭახელას ეროვნული პარკი

მაჭახელას ხეობაში ეთნოსოფელი შენდება

75
(განახლებულია 19:31 29.10.2020)
ეთნოსოფელი მდინარე მაჭახელას ულამაზეს ხეობაში შენდება და ის ტურისტებისთვის კიდევ ერთი მიმზიდველი ადგილი გახდება.

თბილისი, 29 ოქტომბერი – Sputnik. აჭარაში, მაჭახელას ხეობაში ეთნოსოფლის მშენებლობა დაიწყო, იუწყება „პირველი არხი“.

პროექტი მიმართულია ხეობის უნიკალური კულტურულ–ეთნოგრაფიული ფასეულობების, ისტორიისა და ტრადიციების მაქსიმალური დაცვისა და არსებული ლანდშაფტის შენარჩუნებისკენ.

ეთნოსოფელი შენდება ტურიზმის განვითარების, ეკონომიკური აქტივობის ზრდის, გარემოს დაცვისა და ასევე ადგილობრივი მოსახლეობის დასაქმების მიზნით.

პროექტი თანამედროვე სტანდარტების საინფორმაციო ცენტრის მშენებლობით დაიწყო. ის სრულად 2021 წლის სექტემბერში დასრულდება.

მაჭახელას საინფორმაციო ცენტრში მოეწყობა სამუშაო და საგამოფენო სივრცეები, ასევე საკონფერენციო დარბაზი.

მაჭახელას ეროვნული პარკი ფინანსურ დახმარებას მიიღებს>>

აღსანიშნავია, რომ გაეროს განვითარების პროგრამა მაჭახელას ხეობისთვის დაცული ლანდშაფტის სტატუსის მინიჭებაზე მუშაობს.

მაჭახელას ხეობა ბათუმიდან 20 კილომეტრში, ზღვის დონიდან 300–800 მეტრ სიმაღლეზეა და უნიკალური ბუნებით გამოირჩევა.

75
თემები:
ტურიზმი საქართველოში (329)
ტურისტული სეზონი აჭარაში

შეზღუდვების მოხსნის შემდეგ საქართველოში მეტ ტურისტს ელოდებიან

51
ტურისტული სეზონის პიკზე ხელისუფლება ელოდება ტურისტების რაოდენობის დაახლოებით 70 პროცენტით აღდგენას იმ მაჩვენებელთან შედარებით, რაც 2019 წლის ანალოგიურ პერიოდში იყო.

თბილისი, 22 ივნისი — Sputnik. გადაადგილებაზე შეზღუდვის მოხსნა და რესტორნების სამუშაო დროის გახანგრძლივება საქართველოში ტურისტების რაოდენობაზე დადებითად აისახება, განაცხადა ეკონომიკისა და მდგრადი განვითარების მინისტრმა ნათია თურნავამ.

1 ივლისიდან საქართველოში ღამის საათებში გადაადგილებაზე შეზღუდვა იხსნება. გარდა ამისა, იმ დროიდან ყველა რესტორანი და ბარი 00:00 საათამდე იმუშავებს.

„საკოორდინაციო საბჭოს გადაწყვეტილება მნიშვნელოვანია პირველ რიგში იმის გამო, რომ დადებითი მოლოდინი გვაქვს ტურისტული სეზონის კარგად ჩატარების თვალსაზრისით. პოზიტიური დინამიკა გვაქვს ტურიზმში – იცით, რომ სახმელეთო საზღვრებიდანაც შემოდიან ტურისტები, ასევე აჭარაში იმატა ტურისტებმა“, - განაცხადა თურნავამ.

ამასთან ეკონომიკის მინისტრმა აღნიშნა, რომ საქართველოს სამ საერთაშორისო აეროპორტში ყოველდღიურად 300-350 რეისი სრულდება.

„თუ ამას შევადარებთ 2019 წლის ანალოგიურ პერიოდს, მაშინ კვირაში სრულდებოდა დაახლოებით, 600 ფრენა ანუ ნახევარზე მეტად მივუახლოვდით იმ ნიშნულს, რაც გვქონდა 2019 წელს“, - განაცხადა თურნავამ.

ამასთან მან აღნიშნა, რომ ტურისტული სეზონის პიკზე ხელისუფლება ელოდება დაახლოებით 70 პროცენტით დაახლოებას თუნდაც საჰაერო გზით შემოსული ტურისტების იმ რაოდენობას, რაც 2019 წლის ანალოგიურ პერიოდში იყო.

კორონავირუსის პანდემიის შედეგად ყველაზე მეტად ტურიზმის სფერო დაზარალდა. 2019 წელს საქართველოს რეკორდულმა წარმატებამ ტურიზმის სფეროში, როდესაც საერთაშორისო მოგზაურთა რიცხვმა 9,3 მილიონს გადააჭარბა, ხოლო მიღებულმა შემოსავლებმა 3,3 მილიარდი დოლარი შეადგინა, აიძულა ამ დარგში დასაქმებული ადამიანები უფრო საფუძვლიანად მომზადებულიყვნენ 2020 წლისთვის. მაგრამ პანდემიამ ტურიზმის ინდუსტრიის ყველა გეგმა და იმედი ჩაშალა.

ტურიზმისგან მიღებული შემოსავლები 2020 წელს 427,7 ათას დოლარამდე შემცირდა, ხოლო საერთაშორისო მოგზაურთა რაოდენობა - 1,7 მილიონამდე.

51
ბათუმის ბულვარი

დაიცავით წესები, თორემ დაჯარიმდებით: ბათუმის ბულვარის ადმინისტრაცია ტურისტებს აფრთხილებს

34
(განახლებულია 23:08 22.06.2021)
ადმინისტრაცია მოქალაქეებს მაღალი სამოქალაქო პასუხისმგებლობის გამოჩენისა და წესების დამორჩილებისკენ მოუწოდებს.

თბილისი, 22 ივნისი – Sputnik. ბათუმის ბულვარის ადმინისტრაცია დამსვენებლებს მოუწოდებს, დაიცვან დადგენილი წესები, რომელთა დარღვევაც საჯარიმო სანქციებს ექვემდებარება. 

აჭარაში ტურისტული სეზონი ოფიციალურად 15 ივნისს გაიხსნა. ამასთან დაკავშირებით ბათუმის ბულვარის ადმინისტრაციამ როგორც ადგილობრივი, ისე უცხოელი ტურისტებისთვის მის ტერიტორიაზე მოქმედი წესებისა და ჯარიმების სია გამოაქვეყნა.

ბათუმის ბულვარის მთელ ტერიტორიაზე იკრძალება:

- დანაგვიანება. 2 კგ-მდე მუნიციპალური ნარჩენით ბულვარის ტერიტორიის დანაგვიანებისთვის პირი 80 ლარით დაჯარიმდება;

- მოტოციკლით, კვადროციკლით, ველოსიპედით ან სხვა მსგავსი მოძრავი საშუალებებით გადაადგილება ველობილიკის მიღმა. წესის დარღვევა ითვალისწინებს პირის 20 ლარით, განმეორების შემთხვევაში კი 50 ლარით დაჯარიმებას;

- ველობილიკზე ქვეითთა მოძრაობა;

- ელექტრომობილით, მოტოციკლითა და კვადროციკლით (ელექტროტრანსპორტით) გადაადგილება (დასაშვებია დელფინარიუმის მიმდებარე ტერიტორიიდან ახალი ბულვარის მიმართულებით);

- ძაღლის ალიკაპის გარეშე გასეირნება. ძაღლის პატრონს გააფრთხილებენ ან 20 ლარით დააჯარიმებენ.

ბათუმის ბულვარი ერთ-ერთი ყველაზე გრძელი ზღვისპირა პარკია მსოფლიოში. იგი ქალაქის მთავარ ღირსშესანიშნაობას წარმოადგენს. დღეს ბულვარის სიგრძე რვა კილომეტრია, იგი პირობითად იყოფა „ახალ" და „ძველ" ბულვარად.

ბულვარის ტერიტორიაზე მრავალი გასართობი ობიექტია – ბუნგალოები, კაფე-ბარები, რესტორნები, საბავშვო ატრაქციონები, მოცეკვავე შადრევნები.

34
თემები:
ტურიზმი საქართველოში (329)
პოლიციის ლენტი

გარდაბანში არსებულ წყალსაცავში ორი მოზარდის ცხედარი იპოვეს

0
ხელოვნური წყალსაცავი გარდაბანში არსებულ „თბილსრესთან“ მდებარეობს. მაშველები მოზარდებს ორი საათის განმავლობაში ეძებდნენ.

თბილისი, 24 ივნისი − Sputnik. გარდაბანში, წყალსაცავში მაშველებმა ორი მოზარდის ცხედარი იპოვეს, იუწყება „პირველი არხი“.

ტელეკომპანიის ინფორმაციით, გარდაბნის რაიონის სოფელ ნაზარლოს მკვიდრი  მოზარდები წყალსაცავში საბანაოდ ჩავიდნენ. 15 წლის მოზარდი წყლიდან ამოსვლას ვეღარ ახერხებდა და მის დახმარებას 17 წლის მოზარდი შეეცადა, მაგრამ, სამწუხაროდ, ორივე დაიხრჩო.

სამძებრო სამუშაოებში ჩართული იყვნენ საგანგებო სიტუაციების მართვის სამსახურის თანამშრომლები და მყვინთავები. ამასთან, ადგილზე მობილიზებული იყო სასწრაფო სამედიცინო დახმარების ბრიგადებიც.

0