სასტუმრო Calypso kvariati

Calypso kvariati: წარმატებული საოჯახო ბიზნესის ამბავი

240
(განახლებულია 20:31 10.09.2020)
ილია მემიშიში ძირძველი ლაზია, რომელმაც კვარიათში, მამა-პაპისეულ კარ-მიდამოში საოცარი სასტუმრო, Calypso kvariati ააშენა. სახლის და ეზოს ყველა კუთხეში კი ულამაზეს ყვავილებს შეხვდებით, რომელთა რიცხვი ყოველდღიურად იზრდება.

ილიას ბაღში ნახავთ ბანანის ხეებს, თითქმის ყველანაირ ხეხილს, ციტრუსს. ბაღს ალამაზებს უამრავი გვიმრა, ხოლო შუაზე ყოფს კიბე, რომელიც 386 საფეხურისგან შედგება და სასტუმროს ზღვის ულამაზეს სანაპიროსთან აკავშირებს. რა გავლენა იქონია პანდემიამ ტურიზმზე, რა სირთულეებს წააწყდნენ ამ პერიოდის განმავლობაში სასტუმროს მეპატრონეები და როგორ აფასებენ გასულ ზაფხულს, ამის შესახებ ილია გვესაუბრა.

ილია მემიშიში შვილებთან ერთად
photo: courtesy of Ilia Memeshishi
ილია მემიშიში შვილებთან ერთად

- როდის გადაწყვიტეთ მამა-პაპისეული სახლ-კარი ტურისტულ ობიექტად და შემოსავლის წყაროდ გექციათ?

- გადაწყვეტილება მე არ მიმიღია. პატარა ვიყავი, როდესაც კვარიათის სანაპიროთი დამსვენებლები დაინტერესდნენ და მოდიოდნენ ჩვენთან სახლში. ეზოში შემოდიოდნენ და გვეკითხებოდნენ, საწოლებს ხომ არ აქირავებთო. მერე ოთახებს კითხულობდნენ და ასე ნელ-ნელა მუდმივი დამსვენებლები შემოგვეჩვივნენ, რომლებთანაც დღემდე ძალიან ახლოს ვმეგობრობთ.

შემდეგ ძალიან აქტუალური გახდა ბუქინგი. ბუქინგზე აუცილებლად როგორც სასტუმრო ისე უნდა დავრეგისტრირებულიყავით. იყო გარკვეული კრიტერიუმები, რასაც უნდა მოვრგებოდით და ამით დაიწყო ყველაფერი.

სახლის ორი სართული ოჯახს გვიკავია. მეუღლესთან, ორ შვილთან და დედასთან ერთად ვცხოვრობ. მესამე სართულს  დამსვენებლებს ვუთმობთ ხოლმე. ჩვენი სახლის გვერდზე კი 2017 წელს ავაშენეთ სამსართულიანი სასტუმრო, რომლის აშენება არც ისე მარტივი გამოდგა, როგორც გვეგონა. ფაქტობრივად მოვანგრიეთ კლდე და იმ კლდეზე ავაშენეთ სასტუმრო, საიდანაც საოცარი ხედი იშლება.

სასტუმრო Calypso kvariati
© Sputnik / STRINGER
სასტუმრო Calypso kvariati

- ალბათ საკმაოდ დიდი შრომა გასწიეთ. რა გზა გაიარეთ, სანამ აქამდე მოხვიდოდით, რა სირთულეებს აწყდებოდით?

- ნამდვილად ძალიან რთული და სიძნელეებით სავსე გზა გამოვიარეთ. ნელ-ნელა ვსწავლობთ, უმეტესად საკუთარ შეცდომებზე, დროის უქონლობის გამო ხანგძლივ ტრენინგებს ვერ ვესწრებით. ვცდილობთ ხანმოკლე ტრეინინგები მაინც გავიაროთ. ვეცნობით მასალებს, ვიზიარებთ სხვების გამოცდილებას. დამოკიდებულები ვართ პოლიტიკურ ვითარებაზე, ამინდზე, ახლა კიდევ კოვიდის სიტუაციაზე.

სასტუმრო Calypso kvariati
© Sputnik / STRINGER
სასტუმრო Calypso kvariati

- რამდენი ნომერი გაქვთ სასტუმროში და რით არის თქვენი სასტუმრო გამორჩეული?

- ამჟამად გვაქვს 29 ნომერი. სასტუმრო ძალიან ბევრი ფაქტორითაა გამორჩეული სხვა სასტუმროებისგან: აშენებულია მთაზე, აქვს ზღვის ულამაზესი ხედი, არც ისე ძალიან მაღლა ვართ, რომ დამსვენებელს გაუჭირდეს ზღვაზე ჩასვლა, გვაქვს 5000 კვ.მ ციტრუსის ბაღი, სადაც საკუთარი კიბე ჩადის სანაპირომდე, რაც ზღვამდე მანძილს ძალიან ამოკლებს. ფაქტიურად ოთხ წუთში ზღვაზე ხართ.

სასტუმროს ტერიტორიაზე გვაქვს კაფე, სადაც გვყავს მზარეული, ქალბატონი ლიანა. უკვე ექვსი წელია უგემრიელეს კერძებს ამზადებს. სასტუმროს კაფე ძალიან გემრიელი სამზარეულოთი ნამდვილად იშვიათობაა. სანამ კაფეს გავხსნიდით, მანამდე ოჯახის დიასახლისი საუზმეს უმზადებდა დამსვენებლებს, მისი ხაჭაპურები ძალიან პოპულარულია, ახლაც ძველი დამსვენებლები სთხოვენ გაკეთებას. დღემდე არ ავიწყდებათ ამ ხაჭაპურის გემო. და ყველაზე მნიშვნელოვანი – გვაქვს ღია დარბაზი სავარჯიშოდ, რომელიც ძალიან უყვართ იოგას, პილატესის, ფიტნესის მიმდევრებს.

სასტუმრო Calypso kvariati
© Sputnik / STRINGER
სასტუმრო Calypso kvariati

- ულამაზესი ეზო გაქვთ – ყვავილებით, მცენარეებით და ხეხილით მდიდარი. ვინ უვლის ამ ყველაფერს?

- ეზოს ყველანი ერთად ვუვლით. ოჯახში ყველას ძალიან გვიყვარს მცენარეები. ბაღის შესაკრეჭად და შესაწამლად ვქირაობთ დამხმარეს. ყვავილებს ჩვენით ვუვლით. სხვადახვა ჯიშის ძალიან ბევრი მცენარე გვაქვს, იმდენად კარგი, რომ ბევრ ბოტანიკურ ბაღს შეშურდებოდა. კვირა არ გავა, რაიმე ახალი არ შევიძინოთ. შემდეგ კი ხან ფისო ჭამს და ხან ძაღლი ჩვენს ნალოლიალებ მცენარეებს, ხან კიდევ მეზობლის ძროხები.

სასტუმრო Calypso kvariati
© Sputnik / STRINGER
სასტუმრო Calypso kvariati

- პანდემიამ რა გავლენა იქონია თქვენს ბიზნესზე, როგორ შეაფასებდით წლევანდელ წელს?

- ძალიან ცუდი გავლენა იქონია პანდემიამ. წელს დაგეგმილი გვქონდა ორი ულამაზესი აუზის მშენებლობა, ერთი დიდებისთვის და ერთიც პატარებისთვის თავისი სასრიალოებით. ძალიან ლამაზი პროექტი გავაკეთეთ. როცა უნდა დაგვეწყო მშენებლობა, წინა დღეს გავიგეთ, რომ ქვეყანა იკეტებოდა და კარანტინი ცხადდებოდა. სასტუმრო სრულად დაჯავშნილი იყო აპრილიდან ოქტომბრამდე, ყველა ჯავშანი გაუქმდა, რა თქმა უნდა. უმეტესად უცხოელებს ჰქონდათ ჯავშნები გაკეთებული. მოგვიწია ფასების დაკლება და ჯავშნების თავიდან მიღება. როგორც ვიყავთ 100%-იან ჯავშნებს მიჩვეული, ასე აღარ იყო, მაგრამ მაინც კარგად ვიმუშავეთ, ძალიან ბევრი ახალი ადამიანი გავიცანით და დავიმეგობრეთ.

სასტუმრო Calypso kvariati
© Sputnik / STRINGER
სასტუმრო Calypso kvariati

- ზოგადად ტურიზმის სფეროში რა პრობლემებს აწყდებით ხოლმე უმეტესად?

- სამწუხაროდ, ძალიან ბევრი პრობლემაა. პირველ რიგში – უხარისხო სერვისი და „გრანდიოზული“ ფასები, ფალსიფიცირებული პროდუქცია (პრინციპში, მთელ მსოფლიოში ასე ხდება). მოტყუებული ტურისტი, რა თქმა უნდა, უკმაყოფილო რჩება, ეს აუცილებლად აისახება ჩვენზეც.

თავიდან ტრანსფერით ვერ ვემსახურებოდით დამსვენებლებს და იყო შემთხვევები, ტაქსის მძღოლები ჩვენს დამსვენებლებს სხვაგან ეპატიჟებოდნენ, იმათ კიდევ გადახდილი არ ჰქონდათ თანხა და სიამოვნებით მიჰყვებოდნენ. შევიძინეთ მანქანები და ჩვენს დამსვენებლებს ჩვენ თვითონ ვემსახურებთ. ამ დისკომფორტმა, პირიქით, განგვავითარა, ზოგადად, კონკურენცია ხელს გვიწყობს განვითარებაში.

სასტუმრო Calypso kvariati
© Sputnik / STRINGER
სასტუმრო Calypso kvariati

- უამრავ ტურისტთან, უცხოელთან გქონიათ ურთიერთობა. ყველაზე მეტად რა მოსწონთ კვარიათში და ზოგადად აჭარაში?

- ყველაფერი მოსწონთ ჩვენთან – ბუნება, ზღვა, ადამიანური ურთიერთობები, ჩვენი მასპინძლობა, კულტურა, ისტორია, სანახაობები, სამზარეულო, ფასები და ა.შ.

სასტუმრო Calypso kvariati
© Sputnik / STRINGER
სასტუმრო Calypso kvariati

- გაქვთ საკუთარი წარმოების ღვინო. ცოტა უჩვეულოა ლაზი კაცი და მეღვინე. როდის და რატომ დაიწყეთ ღვინის წარმოება?

- ყოველთვის მაინტერესებდა და მომწონდა ღვინის კულტურა. უცხოელი დამსვენებლები ხშირად ადგილობრივ, სახლში გაკეთებულ ღვინოს გვთხოვდნენ. თავიდან სხვა მომწოდებლებისგან ვიღებდით, შემდეგ თავად ვცადეთ. თავიდან ცოტა რაოდენობით გავაკეთეთ, მოწონება დაიმსახურა და მას მერე ყოველ წელს დავდივართ კახეთში რთველზე, მოგვაქვს ყურძენი და საკუთარ ნაწარმს ვთავაზობთ ჩვენს დამსვენებელს. ისინიც კმაყოფილები არიან და ჩვენც დარწმუნებული, რომ ნამდვილი გაუზავებელი ღვინით გავუმასპინძლდით ჩვენს სტუმრებს. თაფლიც კი გვაქვს საკუთარი. ოჯახის წევრი ამზადებს, საკუთარი სკები აქვს, სეზონზე ჩვენთანაც მოჰყავს ფუტკრები.

სასტუმრო Calypso kvariati
© Sputnik / STRINGER
სასტუმრო Calypso kvariati

- ყურძენს სად ყიდულობთ?

- კახეთში ვყიდულობთ, კაჭრეთში. მეგობართან ერთად ვარჩევთ კარგ ყურძენს.

- სამომავლოდ რა გეგმები გაქვთ?

- როგორც კი სიტუაცია გამოსწორდება და დასტაბილურდება, პირველ რიგში დაპროექტებულ აუზებს ავაშენებთ, შემდეგ იოგას დახურულ ეკო-დარბაზს. შემდეგ გაფართოებასაც ვგეგმავთ. სასტუმროს პროექტი ისეა გაკეთებული, რომ კიდევ არის შესაძლებელი ორი სართული დავაშენოთ. უცილებლად იქნება ბოლო სართულზე ღია პანორამული ხედით რესტორანი. შემდეგ არ ვიცით, ბევრი გეგმები გვაქვს, მაგრამ ყველაფერს დრო გვიჩვენებს.

240
მსოფლიო ტურიზმის ორგანიზაციის ლოგოტიპი

UNWTO-ს გენერალური მდივანი: ტურიზმის აღდგენა იწყება

69
(განახლებულია 16:24 17.09.2020)
მსოფლიო ტურიზმის აღმასრულებელმა საბჭომ თბილისის დეკლარაცია მიიღო, რომელიც მხარს უჭერს ტურიზმის განახლების თვალსაზრისით საქართველოს მთავრობის ძალისხმევას.

თბილისი, 17 სექტემბერი — Sputnik. გაეროს მსოფლიო ტურიზმის ორგანიზაციის (UNWTO) აღმასრულებელი საბჭო მიესალმება და მხარს უჭერს ქვეყანაში ტურისტული სექტორის ამოქმედების კუთხით საქართველოს მთავრობის ძალისხმევასა და ეფექტურ ზომებს. შესაბამისი დეკლარაცია ორგანიზაციის აღმასრულებელმა საბჭომ თბილისში მიიღო, იუწყება საქართველოს მთავრობის პრეს-სამსახური. 

აღმასრულებელი საბჭოს თბილისის დეკლარაცია UNWTO-ს გენერალურმა მდივანმა ზურაბ პოლოლიკაშვილმა საქართველოს პრემიერ-მინისტრ გიორგი გახარიას პირადად გადასცა.

დეკლარაციაში ნათქვამია, რომ საბჭო მხარს უჭერს საქართველოს მთავრობის ძალისხმევას ტურიზმის სფეროს გახსნის მიმართულებით.

„ეს ტურიზმის გლობალურ რუკაზე ქვეყანას გამძლე, სტაბილურ და ძალიან ფასეულ დანიშნულების ცენტრად წარმოაჩენს", – ნათქვამია დეკლარაციაში, რომელიც აღმასრულებელი საბჭოს 112-ე სხდომის ფარგლებში იქნა მიღებული.

დეკლარაციის მთავარი მიზანია მსოფლიოში ტურიზმის სტაბილური განვითარების ხელშეწყობა, მასში განსაზღვრულია ტურისტული ინდუსტრიის პოლიტიკის ძირითადი ვექტორი, არსებული გამოწვევების დაძლევის სამომავლო გეგმები.

„დიდად ვაფასებთ და გულწრფელად ვუხდით მადლობას საქართველოს მთავრობას გაერთიანებული ერების მსოფლიო ტურიზმის ორგანიზაციის აღმასრულებელ დირექტორთა საბჭოს საზეიმო სხდომის მოწვევისა და გულთბილი მასპინძლობისთვის, რომელიც პანდემიის შემდეგ იმართება და საქართველოს მდიდარი კულტურული მემკვიდრეობისა და უნიკალური სტუმარმასპინძლობის ტრადიციის შეგრძნების შესაძლებლობას გვაძლევს“, – აღნიშნულია დეკლარაციაში.

16-17 სექტემბერს თბილისში გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომა ტარდება. ეს COVID-19-ის პანდემიის პერიოდში მსოფლიოში უპრეცედენტოდ მაღალი რანგის წარმომადგენლობითი ღონისძიებაა. 

სხდომა გახსნეს საქართველოს პრემიერ-მინისტრმა გიორგი გახარიამ და UNWTO-ს გენმდივანმა ზურაბ პოლოლიკაშვილმა. დელეგატებს შორის არიან მაღალი რანგის სტუმრები ესპანეთიდან, საბერძნეთან, პორტუგალიიდან, რუმინეთიდან, მაროკოდან, საუდის არაბეთიდან.

„ეს იყო პანდემიის შემდეგ გაეროს ორგანიზაციის პირველი შეხვედრა და ის, რომ საქართველოს 20 სხვადასხვა ქვეყნის დელეგაცია და მაღლი რანგის სტუმრები ეწვივნენ, უფლებას გვაძლევს ვთქვათ, რომ ტურიზმი აღდგენას იწყებს. თუმცა, ამას გარკვეული დრო დასჭირდება“, – განაცხადა პოლოლიკაშვილმა.

მისი თქმით, ეს იყო ტურიზმისთვის ისტორიული დღე და ყოველივე ეს საქართველოში მთავრობის მხარდაჭერით განხორციელდა. როგორც პოლოლიკაშვილმა აღნიშნა, ღონისძიებაზე საქართველოს პრემიერ-მინისტრ გიორგი გახარიას დასწრება კიდევ ერთხელ ადასტურებს იმ ფაქტს, რომ საქართველო ტურიზმს, როგორც ეკონომიკის ძირითად ლოკომოტივს, დიდ მნიშვნელობას ანიჭებს.

„სწორედ ეს დეკლარაცია წარმოადგენს მსოფლიო მასშტაბით აღიარებას, რომ საქართველო დაცული და „მწვანე ზონაა“, როგორც მასზე დღეს ევროპის ყველა ქვეყანაში საუბრობენ. ეს კიდევ ერთი მესიჯია იმისა, რომ საქართველოში ჩამოსვლა შეიძლება. ღონისძიებაზე 30-ზე მეტი ქვეყნის დაახლოებით 150 სტუმარი შეიკრიბა. აქედან გამომდინარე, ჩვენ გვსურს, რომ ქვეყნებს შორის ეს ურთიერთობები გაგრძელდეს და უფრო გაღრმავდეს“, – აღნიშნა პოლოლიკაშვილმა. 

პოლოლიკაშვილის განცხადებით, აღმასრულებელი საბჭოს წევრებმა თბილისის დეკლარაცია მიიღეს და ყველა დათანხმდა, რომ შეიძლება საზღვრების გახსნა და ქვეყნებს შორის ურთიერთობების დალაგება. დეკლარაცია ეძღვნება სხვადასხვა ინოვაციური პროდუქტების დახმარებითა და სანიტარული ნორმების დაცვით საზღვრების გახსნის შესაძლებლობებს, რათა ადამიანებმა მოგზაურობა დაიწყონ, აღნიშნა მან.

გაეროს მსოფლიო ტურიზმის ორგანიზაციის აღმასრულებელი საბჭო 35 წევრი სახელმწიფოსგან შედგება და ორგანიზაციის მმართველ ორგანოს წარმოადგენს. ის უზრუნველყოფს UNWTO-ს ეფექტიან მუშაობას და გლობალური დღის წესრიგით გათვალისწინებული მოგზაურობისა და ტურიზმის ინდუსტრიის პოლიტიკის ძირითად საკითხებს განიხილავს. მსოფლიო ტურიზმის ორგანიზაციის გენერალური მდივნის პოსტი საქართველოს ეკონომიკის ყოფილ მინისტრს ზურაბ პოლოლიკაშვილს 2017 წლიდან უკავია. მისი უფლებამოსულების ვადა 2018–2021 წლებს მოიცავს.

69
თემები:
ტურიზმი საქართველოში
გიორგი გახარია

გახარია: საქართველო საერთაშორისო არენაზე ერთ-ერთი ყველაზე უსაფრთხო ტურისტული ქვეყანაა

84
(განახლებულია 19:35 16.09.2020)
საქართველო COVID-19-ის პანდემიის პერიოდში მსოფლიოში უპრეცედენტოდ მაღალი რანგის წარმომადგენლობით ღონისძიებას მასპინძლობს.

თბილისი, 16 სექტემბერი — Sputnik. საქართველომ შეძლო მწვანე ქვეყნის სტატუსის მოპოვება და საერთაშორისო არენაზე დღეს ერთ-ერთი ყველაზე უსაფრთხო ტურისტული ქვეყანაა, რაც გვაძლევს შესაძლებლობას, პოსტკრიზისულ პერიოდში დავიწყოთ ეკონომიკური განვითარების ახალი ეტაპი, განაცხადა საქართველოს პრემიერ-მინისტრმა გიორგი გახარიამ სასტუმრო „ბილტმორში“ გამართულ ღონისძიებაზე სიტყვით გამოსვლისას.

რა ელის მსოფლიო ტურიზმს კორონავირუსის პირობებში>>

15-17 სექტემბერს საქართველო გაეროს მსოფლიო ტურიზმის ორგანიზაციის (UNWTO) აღმასრულებელი საბჭოს 112-ე სხდომას მასპინძლობს. ეს COVID-19-ის პანდემიის პერიოდში მსოფლიოში უპრეცედენტოდ მაღალი რანგის წარმომადგენლობითი ღონისძიებაა.

„პოსტკრიზისულ პერიოდში ერთ-ერთი ყველაზე მნიშვნელოვანი მოვლენა მსოფლიოსთვის სწორედ ტურიზმის აღდგენის ტენდენცია იქნება და ჩვენი სურვილია, ამ პროცესში ვიყოთ პიონერები, რის საფუძველსაც გვაძლევს ტურისტულ სექტორში უსაფრთხოების კუთხით დაგროვილი გამოცდილება. ჩვენ ვფიქრობთ, ტურიზმის სექტორში საქართველოსთვის პოსტკრიზისული ეპოქა უნდა იყოს შესაძლებლობა და გვინდა, რომ ეკონომიკური კრიზისი, პანდემია ქვეყნის ტურიზმის განვითარებისთვის ვაქციოთ შესაძლებლობად“, – განაცხადა გიორგი გახარიამ.

საქართველოს პრემიერ-მინისტრის თქმით, დღეს ტურიზმი წარმოადგენს ერთ-ერთ იმ სექტორს, რომელსაც პანდემიის გავრცელების გამო მსოფლიო მასშტაბით უდიდესი ზიანი მიადგა. 

„მინდა ხაზი გავუსვა იმ ფაქტს, რომ კრიზისულმა პერიოდმა საქართველოში ტურიზმის სექტორი ასევე დააზიანა, თუმცა წინა წლების მაჩვენებლებით საქართველო, ტურიზმის განვითარების თვალსაზრისით, ერთ-ერთი ლიდერი იყო მსოფლიოში და, რაც მთავარია, ტურიზმის სექტორი ქვეყნის ეკონომიკის 8.1% გახდა“, – აღნიშნა გახარიამ.

დღეს ღონისძიების მონაწილეებს სიტყვით მიმართა გაეროს მსოფლიო ტურიზმის ორგანიზაციის გენერალურმა მდივანმა ზურაბ პოლოლიკაშვილმაც.

„მსოფლიო პანდემიის გამო ტურიზმის მიმართულებები რისკის ქვეშ არის, მაგრამ დღეს ნამდვილად ისტორიული ღონისძიებაა, რადგან პანდემიის შემდეგ პირველად იმართება მსოფლიო ტურიზმის ორგანიზაციის საბჭოს სხდომა. ჩვენ ერთად ვართ ძლიერები, რაც გვაძლევს ტურიზმის აღდგენისა და ამ პროცესის მართვის უნიკალურ პოტენციალს“, – განაცხადა ზურაბ პოლოლიკაშვილმა.

მისი თქმით, მსოფლიო ტურიზმის ორგანიზაცია ყველაფერს გააკეთებს იმისთვის, რათა შეარბილოს პანდემიით გამოწვეული ნეგატიური შედეგები.

საქართველოს ეკონომიკისა და მდგრადი განვითარების მინისტრმა ნათია თურნავამ მსოფლიო ტურიზმის ორგანიზაციის ღონისძიების თბილისში გამართვას „მთავრობის ქმედებების ეფექტურობის ძალიან მაღალი შეფასება“ უწოდა.

„ჩვენ ამაყები ვართ, რომ სწორედ თბილისია დღეს ქალაქი, სადაც მსოფლიო ტურიზმის ლიდერები მსჯელობენ, ამ რთული გამოწვევის პირობებში როგორი მომავალი ექნება ტურიზმს, როგორ დაეხმარონ გლობალურად მსოფლიოში ამ დარგს და საქართველო, რა თქმა უნდა, თავის ღირსეულ სიტყვას იტყვის ამ მიმართულებით“, – განუცხადა ჟურნალისტებს ნათია თურნავამ.

გაეროს მსოფლიო ტურიზმის ორგანიზაციის აღმასრულებელი საბჭო 35 წევრი სახელმწიფოსგან შედგება და ორგანიზაციის მმართველ ორგანოს წარმოადგენს. ის უზრუნველყოფს UNWTO-ს ეფექტიან მუშაობას და გლობალური დღის წესრიგით გათვალისწინებული მოგზაურობისა და ტურიზმის ინდუსტრიის პოლიტიკის ძირითად საკითხებს განიხილავს.

თბილისში ორგანიზაციის სხდომა მსოფლიო ჯანდაცვის ორგანიზაციისა და საქართველოს დაავადებათა კონტროლისა და საზოგადოებრივი ჯანმრთელობის ეროვნული ცენტრის გაიდლაინებისა და უსაფრთხოების სრული დაცვით ტარდება.

84
თემები:
ტურიზმი საქართველოში
მოალერსე წყვილი

ზოდიაქოს სამი იღბლიანი ნიშანი ვის გაუმართლებს სასიყვარულო ასპარეზზე ოქტომბერში

0
(განახლებულია 11:53 24.09.2020)
ზოდიაქოს ზოგიერთი თანავარსკვლავედის წარმომადგენლებისთვის შემოდგომის შუა პერიოდი ძალზე ხელსაყრელი იქნება სიყვარულის თვალსაზრისით

ამ სამი ნიშნის წარმომადგენლებს ელოდება საბედისწერო შეხვედრა, რომელიც მათ დიდ სიყვარულსა და ბედნიერებას მოუტანს. ისინი სიყვარულის „მორევში“ ჩაიძირებიან.

როგორ ამჟღავნებენ სიყვარულს ზოდიაქოს ნიშნები>>

კურო

კუროები ოქტომბერში შეხვდებით ადამიანს, რომელიც თქვენს გულს დაიპყრობს. დიდი ხანია, ასეთ სიყვარულს ეძებთ და ამ თვეში მიაღწევთ საწადელს – თქვენს გულში რომანტიკული გრძნობებისა და ემოციების ქარცეცხლი დატრიალდება. კუროების ცხოვრებაში ასეთი შეხვედრები ხშირად არ ხდება – მეორე ნახევარს თვითონ სამყარო გამოგიგზავნით, თქვენ კი ეს შანსი ხელიდან არ უნდა გაუშვათ.

სასწორი

ოქტომბერში სასწორის ნიშნის წარმომადგენლებმა საკუთარ ინტუიციას გულდასმით უნდა მოუსმინოთ. სწორედ ის მიგანიშნებთ, როგორ უნდა იმოქმედოთ და რას უნდა მიაქციოთ ყურადღება. შემდეგ კი თქვენი გადასაწყვეტი იქნება – მოიპოვოთ ბედნიერება, თუ მარტო დარჩეთ. სასწორებისთვის ეს შეხვედრა საბედისწერო იქნება, ამიტომ დიდხანს ფიქრი არ ღირს.

როგორი სიყვარული იციან ზოდიაქოს ნიშნებმა>>

მერწყული

მერწყულები ხშირად იძირებით საკუთარ ფიქრებში. ამ დროს კი ნამდვილად ღირს, აქეთ–იქით გაიხედოთ. ამ შემთხვევაში დაინახავთ, რომ თქვენი მეორე ნახევარი სულაც არაა შორს, არამედ გვერდით დგას. ეს ადამიანი შეიძლება თქვენი ახლო გარემოცვიდან იყოს. შესაძლოა, ის არ გამოირჩევა სხვა ადამიანებისგან, მაგრამ სწორედ მას უწერია, თქვენი ბედი გახდეს. თუ ასტროლოგების რჩევებს გაითვალისწინებთ, ოქტომბერში საოცარი ბედნიერება გელოდებათ.

0