ჩანჩქერი ლეღვთახევში

მოგზაურობა საქართველოში: აღმოაჩინე შენი ქვეყანა

137
(განახლებულია 21:11 16.07.2020)
ტურიზმი წლების განმავლობაში ქართული ეკონომიკის ერთ-ერთი პრიორიტეტული დარგი იყო და მთავრობის თუ არასამთავრობო სექტორის მხრიდან მისი მასტიმულირებელი არაერთი ღონისძიება გატარებულა.

შეზღუდვების მოხსნის მიუხედავად ტურისტული ბიზნესის წარმომადგენლები შიდა ტურიზმზე მნიშვნელოვან გათვლებს ვერ აკეთებენ და არც იმის მოლოდინი აქვთ, რომ საერთაშორისო ტურისტებისთვის ქვეყნის გახსნის შემდეგ მათი აქტივობა იმდენად დიდი იქნება, რომ პანდემიის პირობებში არსებული ზარალი დააკომპენსიროს.

რა შეიძლება მოვიფიქროთ იმისთვის, რომ არც ეპიდემიოლოგიური სიტუაცია დაიძაბოს, არც ეკონომიკა ჩავკლათ საბოლოოდ და არც ზაფხულის ცხელი დღეები გავატაროთ ოთხ კედელში? ვიფიქრეთ, და... 2020 წლის უცნაურ ზაფხულში ჩვენს მთებში, დაცულ ტერიტორიებზე თუ ზღვაზე ერთ-ორ-დღიან ტურებში მაინც უნდა გავილაშქროთ.

Вид на горы в регионе Мцхета Тианети со смотровой площадки у монастыря Джвари
© Sputnik / Alexander Imedashvili
მცხეთა-მთიანეთის რეგიონი

წელსაც, ტრადიციულად, პოპულარულია მთის ტურები

ტურისტული კომპანიები, რომლებიც შიდა ტურიზმე მუშაობდნენ, დღეს უფრო მეტად გააქტიურდნენ სალაშქრო, სათავგადასავლო, საექსკურსიო, კულტურული ტურების მიმართულებით თუშეთში, სვანეთში, მაღალმთიან აჭარაში, რაჭაში, სტეფანწმინდასა და კახეთში.

თამამად შეიძლება ითქვას, საქართველოში გერგეტის სამებიდან ხედი ერთ-ერთი ყველაზე პოპულარულია. გასაკვირი არცაა, ყაზბეგი და გერგეტის სამება დღესაც ერთ-ერთი ის ტურისტული ადგილია, სადაც ყველაზე ხშირად ჩადიან. ტაძართან მოსახვედრად რამდენიმე კილომეტრის ფეხით გავლა ან ჯიპ-ტურით გასეირნება მოგიწევთ. სანამ სამებამდე ახვალთ, შეგიძლიათ მოინახულოთ ანანურის სამონასტრო კომპლექსი, გუდაურის გადასახედი, ვეძა - მჟავე წყლები, დარიალის ხეობა, დარიალის სამონასტრო კომპლექსი, გველეთის ჩანჩქერი და კიდევ ბევრი სხვა. ამ ყველაფრის ნახვა ერთ დღეში თავისუფლად შესაძლებელია, ამიტომ ერთდღიანი ტურის ღირებულებაც შესაბამისად ადეკვატურია და 25 ლარიდან იწყება. 

ეკატერინე მამამთავრიშვილი და დავით ხელაშვილი: გომის მთა პროექტში „სეზონები - ფოტოდღიური“
ეკატერინე მამამთავრიშვილი და დავით ხელაშვილი: გომის მთა პროექტში „სეზონები - ფოტოდღიური“

სათავგადასავლო ორდღიანი ჯიპ-ტური გომის მთაზე წლიდან წლამდე თანდათან უფრო პოპულარული ხდება. გომის მთა ზღვის დონიდან 2100-2700 მეტრზე მდებარეობს, გარშემორტყუმულია წიწვოვანი ტყითა და წყაროებით. სუფთა ჰაერი, ნაძვისა და სოჭის ტყეები, მთები ალპური მინდვრებით, უეცრად ჩამოწოლილი ნისლი, მთის ფერდობებიდან ამოსული მზე დაუვიწყარ შთაბეჭდილებას ახდენს მნახველზე. თუ ერთხელ მაინც იმოგზაურებთ გომის მთაზე,  დამერწმუნეთ, ამას ვერასოდეს დაივიწყებთ. თუ კარავში ღამის გათევის იდეა არ გხიბლავთ, ახლომდებარე სოფელში ხის სახლებში შეგიძლიათ დაბინავდეთ, თუმცა მათი უმეტესობა მიტოვებულია და პირობებიც შესაბამისი დაგხვდებათ. ლაშქრობის ღირებულება 50 ლარიდან იწყება.

ტურისტულ კომპანიებს დღეს საქართველოს მასშტაბით უამრავი მოკლე ტური (1-2-დღიანი) აქვთ, თქვენც ასარჩევად გაქვთ საქმე. თუ რაჭაში სათავგადასავლო-შემეცნებით ტურს აირჩევთ, ტურისტული სააგენტოების უმეტესობა გთავაზობთ მოინახულოთ ნაქერალას უღელტეხილი, ცხრაჯვარის ქედი, შაორის ხეობა და ტბა, კურორტი უწერა, ღები, სოფელი გონა, შოვი, ნიკორწმინდა, ჭელიშის უდაბნოს მონასტერი, ხოტევი, ბარაკონი, ცხრაჯვარის ქედი. აქ სტუმრების აღტაცებას იწვევს მხარის მთიანეთი, კავკასიონის ჭაღარა მწვერვალები და მთაგრეხილები, მდინარეები და ჩანჩქერები, მრავალრიცხოვანი ტყის მასივები და გავრცელებული ცხოველ–ფრინველები, ბუნებრივი გამოქვაბულები და მღვიმეები, უღელტეხილები, ალპური სათიბ–საძოვრები, ულამაზესი გზა – ბილიკები, წყალსაცავები... ყველაფერს თავისი ფასი აქვს და მსგავსი ტურის ღირებულებაც 75 ლარიდან იწყება.

Бурные воды горной реки
© Sputnik / Alexander Imedashvili
მთის მდინარე

თუ დასვენებისა და სპორტული აქტივობის მომხრე ხართ, წელს უამრავმა ტურისტულმა სააგენტომ ჯომარდობის ტურებიც დაამატა. ლამაზი ბუნების თანხლებით მდინარეზე ჯომარდობა 60-70 ლარი დაგიჯდებათ. ღირებულებაში შედის საჯომარდო აღჭურვილობა - ჩაფხუტი და სამაშველო ჟილეტი, სერტიფიცირებული ინსტრუქტორის მომსახურება, მგზავრობა მიკროავტობუსით და ჯომარდობაში მონაწილეობის საფასური.

„Sputnik–საქართველომ“ და ტურისტულმა პორტალმა Turebi.ge შეადგინა სტატისტიკა, სადაც ბოლო ერთი თვის განმავლობაში ყველაზე პოპულარული ტურების ტოპ-სამეულია. ესენია: 1. ლავანდების პლანტაცია, ბოდბე, ყვარელი - ილიას ტბა; 2. კაპროვანი და მარტვილის და ოკაცეს კანიონების ერთდღიანი ტური.

ლავანდის ველი
© photo: Sputnik / Taras Latvinenko
ლავანდის ველი

მას შემდეგ, რაც 15 ივნისს შიდა ტურიზმი გაიხსნა, შიდა ტურებში მოგზაურობის მსურველთა რაოდენობაზე მიკროავტობუსებში შეზღუდვები დაწესდა. თუმცა ტურისტული კომპანიების დიდი უკმაყოფილების შემდეგ მოგზაურობის დაწყებამდე მხოლოდ თერმოსკრინინგის გავლა მოგიწევთ, და არ დაგავიწყდეთ თან იქონიოთ პირბადე.

ტურისტულმა სააგენტოებმა შიდა ტურები დაამატეს, მსურველები კი ბევრნი არიან...

შიდა ტურებს სიახლეებთან ერთად ბევრი სხვა დადებითი თვისებაც აქვს. სხვა ადამიანებთან შეხვედრა ბევრად მარტივია, მით უმეტეს, თუ გახსნილი ხართ ურთიერთობებისთვის და მარტივად შედიხართ კონტაქტში უცხო ადამიანებთან, სწავლობთ იყოთ სრულიად დამოუკიდებელი, იძულებული ხართ დაძლიოთ თქვენი სიმორცხვე და ერთი უარყოფითი მხარე – თქვენ სხვა ადამიანებზე ხართ დამოკიდებული, რომ ფოტოები გადაგიღონ.

 

137
თბილისის აეროპორტი

რუსეთის, სომხეთისა და აზერბაიჯანის მოქალაქეებისთვის საქართველოში შემოსვლა გამარტივდა

145
(განახლებულია 13:55 01.03.2021)
ქვეყანაში შემოსვლა შემსუბუქდება მხოლოდ მათთვის, ვინც ავიარეისებით ჩამოვა. სახმელეთო და საზღვაო საზღვრები კვლავ დაკეტილია.

თბილისი, 1 მარტი – Sputnik. რუსეთის, სომხეთის, აზერბაიჯანის, ბელარუსის, უკრაინისა და ყაზახეთის მოქალაქეებს 1 მარტიდან საქართველოში ჩამოსვლა ვაქცინაციის გარეშე შეუძლიათ.

საქართველოს მთავრობის გადაწყვეტილებით, ამ ქვეყნების მოქალაქეებმა საქართველოში ჩამოფრენისას თან უნდა იქონიონ PCR-ტესტის უარყოფითი პასუხი.

საქართველოს ხელისუფლებამ საჰაერო საზღვრები უცხოელებისთვის 1 თებერვლიდან გახსნა. სახმელეთო და საზღვაო საზღვრები კვლავ დაკეტილია.

აქამდე კორონავირუსზე უარყოფითი შედეგის ამსახველი ცნობით საქართველოში შემოსვლა შეეძლოთ ევროკავშირის ქვეყნების მოქალაქეებსა და რეზიდენტებს, ისრაელის, შვეიცარიის, ნორვეგიის, აშშ-ის, დიდი ბრიტანეთის, კატარის, არაბთა გაერთიანებული საამიროების, ბაჰრეინისა და თურქეთის მოქალაქეებს.

საქართველოს საგარეო საქმეთა სამინისტროში აღნიშნავენ, რომ მოგზაურებმა უნდა გაითვალისწინონ შემდეგი:

  • საქართველოში ამ ქვეყნებიდან უნდა ჩამოვიდნენ საჰაერო გზით, დასაშვებია ტრანზიტი მესამე ქვეყნების გავლით
  • საზღვარზე უნდა წარმოადგინონ ბოლო 72 საათში ჩატარებული PCR-ტესტის უარყოფითი პასუხი
  • საქართველოში ჩამოსვლიდან მესამე დღეს უცხოეთის მოქალაქეებმა საკუთარი ხარჯით უნდა ჩაიტარონ გამეორებითი PCR–ტესტი
  • სახელმწიფო საზღვრის გადაკვეთის წინ საჭიროა სპეციალური ფორმის შევსება, სადაც მითითებული უნდა იყოს ბოლო 14 დღის მოგზაურობის ისტორია და საკუთარი საკონტაქტო მონაცემები (მისამართი, ტელეფონის ნომერი, ელექტრონული ფოსტა და ა.შ.)

იმ პირებმა, რომლებიც ბოლო 14 დღის განმავლობაში იმყოფებოდნენ დიდ ბრიტანეთში, აუცილებლად უნდა გაიარონ 12-დღიანი კარანტინი. ამ შემთხვევაში აღარ არის აუცილებელი PCR–ტესტის უარყოფითი პასუხის წარდგენა საზღვარზე, ასევე ტესტის განმეორებით ჩატარება მესამე დღეს.

145
თემები:
ავიამიმოსვლა საქართველოში
აბანოთუბანი

როგორ აპირებს ტურიზმის აღდგენას საქართველოს ხელისუფლება

90
საქართველოში 2020 წელს ტურიზმით მიღებულმა შემოსავალმა წარმოუდგენლად დაბალ დონეს მიაღწია - 427,7 ათასი დოლარი

თბილისი, 20 თებერვალი – Sputnik. საქართველოს ხელისუფლება აპირებს რაც შეიძლება სწრაფად აღადგინოს ტურიზმი, მათ შორის ტურისტებისთვის უსაფრთხო გარემოს შექმნის გზით, განაცხადა პარლამენტში ეკონომიკის მინისტრობის კანდიდატმა ნათია თურნავამ.

როგორ უნდა გაიხსნას ტურიზმი სწრაფად და უსაფრთხოდ - სექტორის ხუთპუნქტიანი გეგმა >>

საქართველოში კორონავირუსის პანდემიის შედეგად ყველაზე მეტად ტურიზმის ინდუსტრია დაზარალდა. ტურიზმის რეკორდულმა მიღწევებმა 2019 წელს, როდესაც საერთაშორისო მოგზაურთა რაოდენობამ 9.3 მილიონს გადააჭარბა, ხოლო ამ დარგის მიერ მიღებულმა შემოსავალმა - 3.3 მილიარდს, ამ დარგში დასაქმებულ ადამიანებს უბიძგა უკეთ მოემზადონ 2020 წლისთვის. მაგრამ პანდემიამ ტურიზმის ინდუსტრიის ყველა გეგმა და იმედი ჩაშალა. 2020 წელს ტურიზმის შემოსავლები წარმოუდგენლად დაბალ ნიშნულზე დაეცა - 427,7 ათასი დოლარი, ხოლო საერთაშორისო მოგზაურთა რაოდენობა 1,7 მილიონი იყო.

„მთავრობის ანტიკრიზისული გეგმის ფარგლებში, ტურიზმის სექტორი განსაკუთრებული ზრუნვის საგანი იყო. სამომავლოდ, ვიზიტორებისთვის უფრო მეტად დივერსიფიცირებული და ხარისხზე ორიენტირებული ტურისტული პროდუქტები იქნება შეთავაზებული. ჩვენ დღეს ვპოზიციონირებთ, როგორც უსაფრთხო ტურისტული ქვეყანა. ვფიქრობ, რომ ტურიზმის აღდგენა ამ მიმართულებით სწრაფად მოხდება,“ – განაცხადა პარლამენტში ნათია თურნავამ.

პანდემიის გამო საქართველომ 2020 წლის მარტიდან საზღვრები ჩაკეტა და, ზოგიერთი გამონაკლისის გარდა, რეგულარული ავიამიმოსვლა გააუქმა. კერძოდ, საზღვრის გადაკვეთა შეუძლიათ საქართველოს მოქალაქეებს, რომლებიც სამშობლოში ბრუნდებიან, და ასევე ტვირთების გადამზიდავებს.

გასული წლის ზაფხულიდან დაიწყო რეგულარული რეისების აღდგენა. პირველად განახლდა ფრენა მიუნხენის, რიგის და პარიზის მიმართულებით. ნოემბრიდან დაიწყო რეგულარული ავიამიმოსვლა ამსტერდამთან, ვენასთან, ბერლინსა და დოჰასთან (მანამდე სრულდებოდა ჩარტერული რეისები). თუმცა ეპიდვითარების გაუარესების გამო აკრძალვა 1 თებერვლამდე გაგრძელდა.

1 თებერვლიდან, რეგულარული რეისების განახლებასთან ერთად, საქართველოს ტერიტორიაზე შემოსვლა გამარტივდა როგორც უცხო ქვეყნების მოქალაქეებისთვის, ისე საქართველოს მოქალაქეებისთვის, მაგრამ, რა თქმა უნდა, გარკვეული პირობების დაცვით.

საქართველოში შეუფერხებლად შემოსვლა შეუძლია უცხო ქვეყნის მოქალაქეს, თუ მან COVID-19-ის საწინააღმდეგო ვაქცინაცია ჩაიტარა და ამის დამადასტურებელი დოკუმენტი გააჩნია.

გარდა ამისა, ევროკავშირის მოქალაქეებსა და რეზიდენტებს, ასევე ისრაელის, შვეიცარიის, აშშ-ის, საუდის არაბეთის, გაერთიანებული საამიროების და ბაჰრეინის მოქალაქეებს შეუძლიათ საქართველოს ტერიტორიაზე შემოსვლა (ტრანზიტის ჩათვლით), თუ მათ ბოლო 72 საათში ჩატარებული PCR-ტესტის უარყოფითი შედეგის დამადასტურებელი დოკუმენტი აქვთ. სამი დღის შემდეგ მათ განმეორებითი ტესტის ჩაბარება მოუწევთ.

90
ბერლინი

ქართველი არტისტები გერმანიაში ფესტივალის პრიზიორები გახდნენ

0
ვირტუალურ ღონისძიებაში მონაწილეობა მიიღეს 20 ქვეყნის წარმომადგენლებმა - როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

თბილისი, 7 მარტი – Sputnik. პროექტმა „ქართლის დედა“, რომელიც გერმანიაში ქართული კულტურის პოპულარიზაციას ეწევა, ასევე ბერლინურმა მუსიკალურმა სალონმა „ლიტერა-დო“ (Литера-ДО) ჩაატარეს პანდემიის პერიოდში მეორე საერთაშორისო ონლაინ არტ-ფესტივალი „ზამთრის ზღაპარი“.

ღონისძიებაში მონაწილეობა მიიღეს 20 ქვეყნის წარმომადგენელმა, როგორც უმცროსმა, ისე უფროსმა თაობამ, როგორც მოყვარულებმა, ისე პროფესიონალმა პოეტებმა, მწერლებმა, მთარგმნელებმა, მუსიკოსებმა, არტისტებმა, მხატვრებმა, მოქანდაკეებმა და ფოტოგრაფებმა.

„განსაკუთრებით სასიამოვნოა, რომ თითქმის ყველა ნომინაცია ქართველებმა მოიგეს, - საუბრობს პროექტის ხელმძღვანელი თამარა ინაშვილი. - მათ თავისი ნიჭით ფესტივალი გაალამაზეს და წარუშლელი შთაბეჭდილება დატოვეს“.

„ეს უკვე მეორე ფესტივალია ციკლიდან „წელიწადის ოთხი დრო“ ონლაინ-რეჟიმში. პირველი „შემოდგომის კალეიდოსკოპი“ გასულ წლის შემოდგომაზე გაიმართა და მსგავსი ღონისძიებების ჩატარების აუცილებლობა აჩვენა იმ დროს, როდესაც კულტურულ ცენტრებში, საგამოფენო და საკონცერტო დარბაზებში „დაკეტილი კარების“ პერიოდია“, - გააგრძელა საუბარი ფესტივალის გენერალურმა დირექტორმა სანდრა ვერელმა.

„დუხობორების მიწა“: ქართველმა ფოტოგრაფმა აშშ-ის ფესტივალის გრანტი მიიღო >>

ვერელის თქმით, ფესტივალში მონაწილეობა დაახლოებით 350-მა ადამიანმა მიიღო საქართველოდან, გერმანიიდან, რუსეთიდან, კანადიდან, აშშ-დან, შვეიცარიიდან, იტალიიდან, დიდი ბრიტანეთიდან, ნიდერლანდებიდან, საბერძნეთიდან, ისრაელიდან, თურქეთიდან, სინგაპურიდან, უკრაინიდან, ბელარუსიდან და სხვა ქვეყნებიდან.

„რა თქმა უნდა, ონლაინ-ფორმატმა მონაწილეთა რეკორდული რაოდენობის მიღების და მრავალფეროვანი საინტერესო პროგრამის შედგენის საშუალება მოგვცა. ფესტივალმა აჩვენა კულტურის სხვადასხვა მიმართულების კომბინაციის უპირატესობა, რაც „მეგობრობის ხიდების“ აგების გაგრძელების საშუალებას იძლევა“, - განაცხადა ვერელმა.

პრიზიორებს სხვადასხვა ნომინაციაში - ლიტერატურა, სახვითი ხელოვნება, მუსიკა, ცეკვა - დიპლომები გადაეცათ.

ფესტივალის გრან-პრი მოიპოვა ბაღდათის მუნიციპალიტეტის საბავშვო თეატრმა „ირიდა“, რომელმაც მუსიკალურ სკოლასთან და ნორჩ მევიოლინეთა ანსამბლთან „ბაღდათის ვარსკვლავები“ ერთად სპეციალურად ფესტივალისთვის ვაჟა აზარაშვილის მუსიკაზე პოეტურ-ქორეოგრაფიული ნომერი დადგა.

0