დამსვენებელი ციხისძირში

ციხისძირი, ერთ-ერთი ზრაპრული ადგილი საქართველოში: რჩევები მოგზაურობის მსურველებს

1787
(განახლებულია 10:51 23.06.2020)
ვისაც მოგზაურობით მღებული სიამოვნება განუცდია, იცის, რომ ეს ის გრძნობაა, რომელიც იშვიათად შეიძლება რამემ ჩაანაცვლოს. მითუმეტეს, თუ შენს ქვეყანაში მოგზაურობ, ამ ყველაფერს სიამაყის გრძნობაც ახლავს თან, საქართველო ხომ განსაკუთრებული მრავალფეროვანი სილამაზით გამოირჩევა.

ამიტომ დაიწყე მოგზაურობა შენი ქვეყნის შეცნობით.

აჭარაში, ქობულეთის მუნიციპალიტეტში, ზღვის სანაპიროზე ულამაზესი კურორტი, ციხისძირია გაშენებული. სწორედ ამ საოცარ ადგილს ვესტუმრებით დღეს.

დამსვენებლები ციხისძირში
photo: courtesy of Elene Kapanadze
დამსვენებლები ციხისძირში

თუ ქალაქის ხმაურს, ხალხმრავლებას გინდა გაექცე, დატკბე ზღვის ტალღების სასიამოვნო ხმით, ულამაზესი ხედებით, მაშინ ამ საოცარ ადგილს უნდა ესტუმროთ. ციხისძირი უნიკალური ხედებით და სუბტროპიკული ზონით გამოირჩევა. აქ ზღვისა და მთის ჰავა ერწყმის ერთმანეთს და ზაფხულობით უფრო გრილა, ვიდრე ბათუმსა და ქობულეთში, ზამთარი კი შედარებით თბილია.

ციხისძირი გამწვანებული სანაპიროებითა და  ზღვის საოცარი ხედებით გამოირჩევა. გამწვანელული ბუნების და თვალწარმტაცი სანაპიროების  გარდა, სოფელი კულტურულ-ისტორიული თვალსაზრისითაც გამორჩეული და მნიშვნლოვანი ადგილია. ეს ტერიტორია უძველესი დროიდან ყოფილა დასახლებული და აქ ეგრისის სამეფოს ისტორიული ციხე-ქალაქი პეტრა იყო გაშენებული. ციხისძირის მთავარი სანახაობა სწორედ პეტრას ციხეა, რომლის ნანგრევები დღემდეა შემორჩენილი.

აქ, ჯერ კიდევ მეექვსე საუკუნეში, ბიზანტიის იმპერატორმა იუსტინიანემ ქალაქი გააშენა, რომელსაც პეტრა ეწოდებოდა. მისივე ბრძანებით პეტრას ციზე  იოანე სტრატეგოსმა ააშენა 535 წელს. „პეტრა“  ციხე-ქალაქის ბიზანტიური სახელწოდებაა, ქართული სახელწოდება კი „ქაჯეთის ციხეა“. ვარაუდობენ, რომ ვეფხისტყაოსანში სწორედ ეს ციხეა მოხსენიებული.

ქალაქის ტერიტორიაზე გადიოდა ვიწრო ზღვისპირა გზა, რომელიც დასავლეთ საქართველოს ბიზანტიასთან, ირანთან და სომხეთთან აკავშირებდა, რაც დიდ სტრატეგიულ მნიშვნელობას სძენდა ქალაქს.

პეტრას ციხე დღემდე იპყრობს მნახველთა ყურადღებას და დიდ აღფრთოვანებას იწვევს მათში. ციხეს წლის განმავლობაში უამრავ ტურისტი სტუმრობს.

ციხისძირის მწვანით შემოსილ ფერდობებზე საფეხმავლო ბილიკებით შეძლებთ გასეირნებას და ულამაზესი ხედებით ტკბობას.  გზად არაერთი საუცხოო ადგილი შეგხვდებათ, სადაც საოცარი ფოტოების გადაღებას შეძლებთ.

დამსვენებელი ციხისძირში
photo: courtesy of Elene Kapanadze
დამსვენებელი ციხისძირში

ციხისძირის ულამაზეს ბაღებსა და პარკებში, განლაგებულია დასასვენებელი სახლები, რესტორნები და კაფე-ბარები. პლიაჟები კეთილმოწყობილია, ხოლო ზღვაზე ფუნქციონირებს სასეირნო სატრანსპორტო საშუალებებიც.

სოფელში მხოლოდ ორი სასტუმროა „მეგობრობა“ და „კასტელო მარე“.  ორივე სასტუმროდან ულამაზესი ზღვის და ბუნების ხედები იშლება. სასტუმრო მეგობრობის ფასები მაქსიმუმ  70-80 ლარამდე ადის. ხოლო კასტელო მარეში ფასები 140 ლარიდან 360 ლარამდე მერყეობს.

თუ უფრო ბიუჯეტურად გსურთ დასვენება, ადგილობრივები ოთახს 10-20 ლარად აქირავებენ.

დამსვენებელი ციხისძირში
photo: courtesy of Elene Kapanadze
დამსვენებელი ციხისძირში

სოფელში ორი სუპერმარკეტი ფუნქციონირებს, სადაც პროდუქტის, ბოსტნეულის და სხვა საყოფაცხოვრებო ნივთების შეძენას შეძლებთ. თუმცა, თუ ამ ყველაფრის შესაძენად ბათუმში, ან ქობულეთში  გამგზავრებას გადაწყვეტთ არც ეს არის პრობლემა. ციხისძირი ბათუმისკენ მიმავალ ცენტრალურ გზასთან მდებარეობს, ამიტომ მარტივად შეძლებთ აქ მოხვედრას, ქალაქებისკენ მიმავალი ნებისმიერი სამარშუტო ტაქსით. ბათუმიდან უკან დაბრუნებისას აუცილებლად გააფრთხილეთ მძღოლი, რომ ციხისძირში მიემგზავრებით, რაგან სამარშუტო ტაქსები ძირითადად მაგისტრალით გადაადგილდებიან.

ციხისძირი
photo: courtesy of Elene Kapanadze
ციხისძირი

ბედნიერ და ნაყოფიერ დასვენებას გისურვებთ!

1787
ბათუმის საბაგირო

ტურისტების მოლოდინში: აჭარაში 180-მდე სასტუმრო შეამოწმეს

74
ბათუმში ამუშავდა საბაგირო და დელფინარიუმი, სტუმრებისთვის უკვე გახსნილია რეგიონში არსებული ეროვნული პარკები

თბილისი, 14 ივლისი – Sputnik. აჭარაში სამუშაო პროცესის აღსადგენად აუცილებელი შემოწმება 180 სასტუმროში ჩატარდა, განუცხადეს Sputnik-საქართველოს აჭარის კურორტებისა და ტურიზმის დეპარტამენტში.

მათ შორის არის როგორც მაღალი კლასის ბრენდული სასტუმროები, ისე დაბალბიუჯეტიანი და ოჯახური ტიპის მცირე სასტუმროები.

იმ სასტუმროების სია, რომლებმაც შემოწმება გაიარეს, აჭარის კურორტებისა და ტურიზმის დეპარტამენტის ტურისტულ ვებგვერდზეა ხელმისაწვდომი. სია ყოველდღე ახლდება და მას ახალი შემოწმებული სასტუმროები ემატება.

სამთვიანი პაუზის შემდეგ ამუშავდა ბათუმის საბაგირო, რომელიც ტურისტებს სპეციალური აქციის ფარგლებში ფასდაკლებას სთავაზობს.

მუშაობას აგრძელებს ასევე ბათუმის დელფინარიუმი, სადაც დელფინების შოუს ნახვა შესაძლებელია სამშაბათობით, შაბათობით და კვირაობით 16:00 საათზე.

რეგიონის სტუმრებს შეუძლიათ დაათვალიერონ აჭარის ეროვნული პარკები, ბოტანიკური ბაღი და სხვა ტურისტული ადგილები. ზღვაზე დასვენების მოყვარულთათვის ნებადართულია აქტივობები წყალზე, აღნიშნავენ დეპარტამენტში.

კორონავირუსი და ფასები: ყველაფერი გაძვირდა, ეს – გაიაფდა >>

საქართველოს ტურისტული ინდუსტრიისთვის კორონავირუსის გავრცელების აღსაკვეთად აუცილებელი გახდა სავალდებულო ნორმატივების დაწესება. ეს ნორმები მოიცავს სოციალური დისტანციის დაცვას, დეზინფექციას, სივრცეების დალაგების ახალ წესებს და სხვა მოთხოვნებს.

ყველა სასტუმრომ, რომელსაც მუშაობის გაგრძელება სურს, უნდა დაიცვას დამტკიცებული რეკომენდაციები და ჯანდაცვის სამინისტროს ოფიციალურ ვებგვერდზე სპეციალურად შექმნილ ელექტრონულ სისტემაში დარეგისტრირდეს, შემდეგ კი შრომის ინსპექციის შემოწმება გაიაროს.

როგორც პანდემიის გამო დაკეტილი სხვა ობიექტებისთვის, სასტუმრო სექტორისთვისაც მუშაობის ახალი წესები შემუშავდა. კერძოდ, ტურისტებს სასტუმროში გადაადგილება პირბადეებით მოუწევთ, ასევე სოციალური დისტანციის დაცვით. რესტორნებში, მათ შორის, სასტუმროების რესტორნებში მაგიდებს შორის ორმეტრიანი დისტანცია უნდა იყოს, ხოლო ერთ მაგიდასთან ექვს ადამიანზე მეტი არ უნდა იჯდეს.

განსაკუთრებული ყურადღება გამახვილდება კვების ობიექტების მდგომარეობაზე, ასევე ნომრების დალაგების, აუზების გაწმენდისა და სხვა სპეციფიკაზე.

სიხარულით, მაგრამ პირბადეებით – რა წესების დაცვა მოუწევთ სასტუმროებსა და მათ სტუმრებს >>

ტურიზმის ეროვნულმა ადმინისტრაციამ შეიმუშავა ტრენინგ-პროექტი, რომელიც ივნისში დაიწყო. ტურისტული ინდუსტრიის წარმომადგენელ ნებისმიერ მსურველს შეუძლია ტრენინგებში მონაწილეობა და ახალ პირობებში მუშაობის შესახებ აუცილებელი ინფორმაციის უფასოდ მიღება.

74
თემები:
ტურიზმი საქართველოში
მაია ცქიტიშვილი

ქვეყანა მხოლოდ უცხოელ ტურისტებზე ვერ იქნება დამოკიდებული ცქიტიშვილი

69
(განახლებულია 09:59 15.07.2020)
კორონავირუსმა აჩვენა, როგორ სჭირდება ქვეყანას მაგისტრალები და გამართული სატრანსპორტო ინფრასტრუქტურა, განაცხადა მინისტრმა.

თბილისი, 14 ივლისი – Sputnik. კორონავირუსმა აჩვენა, რომ შიდა ტურიზმი აუცილებელია და ქვეყანა მხოლოდ უცხოელ ტურისტებზე ვერ იქნება დამოკიდებული, განაცხადა ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა.

გახარია: ჩვენ ვიწყებთ შიდა ტურიზმის მხარდაჭერას, ხელახლა უნდა აღმოვაჩინოთ ჩვენი სამშობლო>>

ცქიტიშვილმა შიდა სახელმწიფო გზების მნიშვნელობაზე ისაუბრა და მაგალითად აღნიშნა თბილისისა და რაჭის დამაკავშირებელი გზა, რომელიც ამ კუთხეში ჩასვლის დროს საათ-ნახევრით ამცირებს.

„როდესაც ვსაუბრობთ „კოვიდზე“, ალბათ „კოვიდმა“ ძალიან კარგად გამოაჩინა, რა შეიძლება იყოს პრიორიტეტები. ჩვენ ყველამ დავინახეთ, რომ, თურმე, შიდა ტურიზმი აუცილებელი ყოფილა. აუცილებელია, რა თქმა უნდა, უცხოელი ტურისტების რაოდენობის ზრდა, მაგრამ არ შეიძლება ქვეყანა იყოს დამოკიდებული მხოლოდ უცხოელ ტურისტებზე“, – განაცხადა ცქიტიშვილმა „პირველი არხის“ ეთერში.

მისი თქმით, სამინისტროს გრძელვადიანი გეგმები აქვს, მაგალითად, ახალი საერთაშორისო მაგისტრალის მშენებლობა რიკოთის უღელტეხილზე, აღმოსავლეთი–დასავლეთის საავტომობილო გზის მშენებლობა. კორონავირუსმა აჩვენა, თუ როგორ სჭირდება ქვეყანას ამ ტიპის მაგისტრალი, გამართული სატრანსპორტო ინფრასტრუქტურა და ლოგისტიკური ჯაჭვის დალაგებული მუშაობა, განსაკუთრებით, საგანგებო მდგომარეობის დროს, აღნიშნა მინისტრმა.

მაია ცქიტიშვილი: პროექტის ერთ-ერთი ამოცანა იყო, ხელი შეგვეწყო ქართული კომპანიებისთვის>>

საქართველოში შიდა ტურიზმი ოფიციალურად 15 ივნისს გაიხსნა. ქვეყნის ხელისუფლება მოქალაქეებს მოუწოდებს, დაისვენონ სამშობლოში და ქვეყანას ამ სფეროში დაეხმარონ.

ტურიზმის ეროვნულმა ადმინისტრაციამ ივნისის ბოლოს პოსტპანდემიურ პერიოდში შიდა ტურიზმის მხარდასაჭერად დაიწყო ახალი კამპანია „აღმოაჩინე ის, რაც შენია და იმოგზაურე საქართველოში".

ტრადიციულ ტურისტულ მიმართულებებთან ერთად ტურიზმის ადმინისტრაცია პოპულარიზაციას გაუწევს ახალ საინტერესო ტურისტულ პროდუქტებსა და აქტივობებს რეგიონებში. უწყების ხელმძღვანელის მარიამ ქვრივიშვილის აზრით, ეს ხელს შეუწყობს სასტუმროების, კვების ობიექტების, სატრანსპორტო კომპანიების, გიდების ინსტიტუტის განვითარებას. 

ტურისტული სფერო კორნავირუსის პანდემიის გამო ყველაზე მეტად დაზარალდა, რადგან საქართველოს მთავრობამ მოსახლეობის ჯანმრთელობის დასაცავად მარტში ყველა საზღვარი დაკეტა.

თენგიზ ცერცვაძე: საქართველო საზღვრების გახსნას თუ გაუძლებს, ეს იქნება...>>

ქვეყანაში მოგზაურობისას ვიზიტორებმა უსაფრთხოების წესები და ზოგიერთი შეზღუდვა უნდა დაიცვან, მათ შორის, დახურულ სივრცეებში, სერვის-ცენტრებსა და მღვიმეებში პირბადის ტარება. სავიზიტო ცენტრებში ერთდროულად მაქსიმუმ ხუთი ადამიანის ყოფნაა დაშვებული. აუცილებელია ორმეტრიანი დისტანციის დაცვა და პირადი ჰიგიენის ნორმების დაცვა.

69
თემები:
ტურიზმი საქართველოში
Бера Иванишвили

ბერა 6 ენაზე საუბრობს - მუსიკოსი ვიდეოს აქვეყნებს, რომელმაც საზოგადოება შოკში ჩააგდო

0
(განახლებულია 13:53 15.07.2020)
ალბათ ძალიან ბევრისთვის მოულოდნელი იყო ის ფაქტი, რომ მუსიკოსი ბერა ივანიშვილი პოლიგლოტია და თავისუფლად საუბრობს 6 სხვადასხვა ენაზე

მუსიკოსი ბერა ივანიშვილის ოჯახი სოციალურ ქსელში ძალიან პოპულარულია. ბერა თაყვანისცმემლების გაოცებას არ წყვეტს. ამჯერად ბიზნესმენ ბიძინა ივანიშვილის ვაჟმა საზოგადოება ენების ცოდნით გააოცა. TikTok-ზე გამოქვეყნებულ ვიდეოში ბერა 6 სხვადასხვა ენაზე თავისუფლად საუბრობს - ინგლისურად, ქართულად, რუსულად, ფრანგულად, პორტუგალიურად და კრეოლურად.

 

ბერაზე არანაკლებ პოპულარული მისი მცირეწლოვანი შვილი - ბერუკაა. პარტია „ქართული ოცნების“ თავმჯდომარისა და საქართველოს ყოფილი პრემიერის ბიძინა ივანიშვილის ოჯახში პატარა ბერუკა 2019 წლის 29 ნოემბერს გაჩნდა. როგორც ცნობილია, ბერამ და ნანუკამ შვილს სახელი მათი სახელების შერწყმის შედეგად დაარქვეს. ბერ (ბერ-ა) + უკა (ნან-უკა). ცოტა ხნის წინ ბერამ და ნანუკამ Instagram-ზე ახალშობილის უსაყვარლესი ფოტოები გამოაქვეყნეს. გავრცელებული ინფორმაციით, ნანუკა გუდავაძემ სახლში იმშობიარა და მშობიარობას ნდო­ბით აღ­ჭურ­ვი­ლი მე­ა­ნი ესწრებოდა სა­ჩხე­რის სა­მე­დი­ცი­ნო ცენ­ტრი­დან.

View this post on Instagram

Hi Instagram we missed you ❤️

A post shared by BERA (@beraofficial) on

კომპოზიტორი და შემსრულებელი ბერა ივანიშვილი ცნობილი ოჯახის შვილია. მიუხედავად იმისა, რომ პოლიტიკისგან შორს არის, კარიერის დასაწყისში მამის პარტიას სიმღერებს უძღვნიდა, ახლა კი მისი კომპოზიციები ნანუკა გუდავაძეს ეძღვნება. საზოგადოებისთვის უცნობია, თუ სად გაიცნეს ერთმანეთი ბერამ და ნანუკამ. სოციალურ ქსელში ცოლ-ქმარი დიდი აქტიურობითა და პოპულარობით გამოირჩევა.

 

„ფორბსის“ მიერ გამოქვეყნებულ მილიარდერთა სიაში საქართველოდან მხოლოდ ბიძინა ივანიშვილი ირიცხება. „ქართული ოცნების“ ლიდერს ოთხი შვილი ჰყავს. მათ შორის საზოგადოებისთვის უფრო მეტად ცნობილი ბერა ივანიშვილია.

0
თემები:
სელებრითების ცხოვრება